daiqi007

Domino[多明努]思考法
謝至威


Domino思維是leh講，若是有一連串ｅ反應，小小ｅ物件diorh edang造成足大ｅ影響。所以阮ma vedang ga微小ｅ物件當做無看著。

Domino是咱所知影ｅ骨牌，ga in 排ho好，若sak倒第一片骨牌，後壁ｅ骨牌diorh 會ho頭前ｅ骨牌sak倒去，一直到上尾後ｅ一塊骨牌。

但是，有一個英國科學家White[懷特]，用一組真特別ｅ骨牌來做實驗。總有十三塊骨牌，每一塊骨牌攏無仝，第一張骨牌親像指甲仝款大，後面 ｅ骨牌攏比頭前ｅ大50%。 若照按呢排，最後ｅ一張骨牌比第一張大veh二百倍，第一張骨牌倒落ｅ時陣，會繼續推倒後面ｅ骨牌。經過計算，推倒最後一張骨牌ｅ力量，是第一張ｅ二十億倍，Domino效應是真正足可觀。

Gah Domino效應仝名ｅ是蝴蝶效應，這是一個美國天氣學家Lorenz所提出ｅ觀念。Di一擺ｅ天氣模擬中，伊bun惰ui頭開始計算，diorh將卡早計算ｅ結果，拍入電腦內，伊diorh去樓腳lin咖啡。等伊轉來ｅ時陣，伊發現最後計算結果完全無仝。原來伊用.506 代替原本ｅ.506127，所算出來ｅ結果是天gah地ｅ差別。伊後來diorh提出一個講法，一隻di Brazil ｅ蝴蝶所造成ｅ氣流edang ho Texas做風颱，這diorh是足有名ｅ“蝴蝶效應”。

上微小ｅ物件ma edang造成足大ｅ變化，咱vedang輕視zit個效應。若是咱veh用Dominoｅ思維，diorh ai 重視小小物件。有一個故事：一個人ho人關di一個無出口ｅ高塔內，只有一個窗仔edang出去，但是siunn guan，跳lue會摔死去。In某想veh救伊，但是伊無法度ga繩仔、拋到hiah guanｅ所在。Zit個人diorh想著一個方法，伊叫in某找來一隻金龜仔，di 伊頭上抹蜜糖，這金龜仔diorh往上爬去。金龜仔縛著一條綿索仔，綿索仔後壁gorh綁一條ka粗ｅ索仔，一直到一條edang ho人爬ｅ索仔，最後伊diorh用hit條索仔爬落去。按呢zit個人diorh用一隻金龜仔救著家己，你gam有想過一隻小小ｅ蟲edang完成zit款ｅ代誌？

其實，足濟發生di咱生活當中ｅ代誌 攏是Domino效應edang解釋。Diorh 親像 大學生 每一工攏leh讀冊， 雖然in 每一工讀了無gai濟，但是四年了後，in讀ｅ物件gah學問ｅ深度攏差足濟ｅ。也有其他ｅ代誌edang用Domino效應來思考，你gam有想過？

夢境浸透思考法 蔡明志
夢境浸透思考法 對 大部分e人 來講， 並無 特別智慧， mgorh 對 一寡 科學家、發明家、 文學家、 藝術家 gah 從事 創造發明e 人 來講， 卻edang ho人啟發， 引cua出 智慧ｅ果實。
人 di睏e 時 edang進行 夢境思路， zit句話 聽起來 親像 違反常識， 其實無影， 睏眠狀態 m是 等於 思維活動e 絕對靜止， zit時， 潛意識 gorh仝款 leh活動。
人腦 是 由 顯意識 gah 潛意識 系統 構成， 顯意識系統 工作 時， 個體處di 精神狀態， edang自覺 deh支配 言語gah行為， 潛意識 suah hong壓抑diau leh；當 顯意識 hong壓抑 時， 潛意識 diorh 開始活動， 以 觀念形式ｅ方式 支配 行為gah語言。 若是 潛意識 gah 被壓抑e 顯意識 某部分 發生接合， zit時 diorh 會產生 夢境思維。
潛意識系統e 活動gah睏眠 狀態 有密切 相關。 美國Chicago[芝加哥]大學 生理學教授 Klausman[克勞曼] gah Dan May[丹梅] 認為， 正常人e 睏眠 m是 一個單一e 過程， 是 慢波睏眠 gah 快波睏眠 反覆交替e 過程。
慢波睡眠 edang分作 四個階段：慢波一期、 二期、 三期 gah 四期：
慢波一期：開始入眠， 顯意識 呈現 seh神狀態。
慢波二期：進入 淺眠狀態。
慢波三期：睏眠kah深。
慢波四期：睏眠深沈。
Di慢波階段， 潛意識系統 開始活動， mgorh 猶無gah 抑制狀態e 顯意識 發生接密。 快波睏眠 gorh稱 異相睏眠， zit時， 潛意識 處di 活跳狀態， gah部分 顯意識 發生聯繫， 所以 有 夢境思維現象 出現。
中國 宋朝 詩人 陸游 用 《記夢》、 《夢中作》 做題e 詩稿， 濟到 九十外首， 咱 edang ui 伊e題目 中 看出 伊 是 按怎 di夢中 創作。
國外 ma有真濟 ui夢中 得著靈感e 例， 親像 俄國e 化學家Менделе́ев[門捷列夫] 對 元素週期表 研究足久， 但是 攏得ve著 合理e排列， 當 伊 為這苦惱 時， 卻dui夢中 清楚看著 zit張 苦苦求得ｅ 週期表。 德國e 藥理學教授 Lloy[勞伊]， di 伊 看著小說 睏去了後， 半夜 伊ho夢中e情景 驚醒起來， mgorh 伊 只是 雄雄狂狂 記落一寡， 所以 di leh第二工， 伊無h法度 解釋 伊記下e 物件， 一點仔 攏回想 ve起來， diorh dam第二工暝時 gorh出現 仝款ｅ 夢境 ， 伊diorh趕緊 詳細 做了注釋， 接續來， 伊e實驗 證實了 伊e結果。 伊e靈感 是：如果 用 兩隻四腳魚 同齊 作實驗，diorh edang解決 神經傳導e 化學物質 問題。
眠夢浸透思考 對 足濟 從事 科學研究、 發明創造 gah 文藝創作e 人 來講 不止仔 重要， 如果無 夢境浸透思考方法e 幫助， 大作家 Stevenson[史蒂文生] e “Treasure Island”(金銀島)、義大利 出名ｅ 小提琴家Tartini[塔蒂尼] e “Devil's Trill”(魔鬼e顫音) 恐驚 diorh 無才調 完成。 德國 名作曲家Wagner[瓦格納]、 Haydn[海頓]， 俄國 作曲家Stravinsky[斯特文斯基] gah 奧地利 作曲家Mozart[莫札特] ma ve有 ziah偉大ｅ 名曲 gah世人 見面。 法國ｅ 哲學家 兼 理學家、 數學家Descrates[笛卡兒]， 其他 如 英國ｅ 國寶Newton[牛頓]、美國ｅEdison[愛迪生]等 若無 日有所思、 夜有所夢 浸透 di 專注當中，yin ma ve有 hia濟發明。
當 有人 問某一位 諾貝爾得主e 研究思想 主題 dui dor位來ｅ， 伊回答：“di我e眠床頂， di睏醒ｅ 時， 或是 di 睏落眠e時 。 Di 不知不覺 中， 人腦 進行著 大量e 無意識 kangkue， 咱有 真濟 重大問題 diorh是 按呢解決e”。 美國 心理學家Cannon[坎農] dui 少年時 diorh diann diann 藉夢中e靈感 來 解決問題， 伊講：“ 長期以來， 我靠 無意識e 作用過程 幫助我 已經 成做習慣， 參像 我deh 準備演講 時， 我會 先擬好 大綱， di 之後e 暗時， 趕入頭殼內e 就是 gah 大綱有關e 例 gah 妥當e詞句 gah 創新e想法。 我ga紙筆kng di 手邊， 方便 掠取 zia-e可能 足緊 diorh會消失e 思想。”
Kekulé[凱庫勒]有zit句名言：“學習作夢 吧， 眾先生 啊！”。 這ga咱講 有心veh 發明創造e 兄弟姊妺， 夢境思維 edang 開啟人e 靈感。
請問 你敢有 仝款ｅ經驗？

Napoleon[拿破崙]思考法

吳牧寰 (gho bhok huan)

Napoleon[拿破崙]是一個 di戰爭上 真有 軍事才華ｅ 人， 伊一生 pah過 無通計算ｅ 勝戰， 伊 是 為什麼edang hiah-nih-a厲害， 別人sua做 ve到 leh？ 這是 因為 伊真有家己 e主張， 無論 是 di什麼款ｅ 狀況之下， 伊想veh 做啥， 伊diorh敢去做、 敢去試， 而且 去 面對問題 解決問題， 這 diorh是 伊成功ｅ緣因。
Hit當陣， 有zi一個 漢草 gai粗勇ｅ 法國將軍， 伊真討厭 Napoleon[拿破崙]， 所以 伊刁工 di zit個 社交活動ｅ 所在 ga生做 矮dng ｅNapoleon提來 比較著 是 啥人kah guan， 想veh ho伊 歹看。 但是Napoleon sua送伊 一句世界有名ｅ 話語， 伊 是 按呢講ｅ： 若是我願意做， 我edang 馬上diorh teh我ｅ劍 來消去 你我中間ｅ 差別。 Hiah-nih-q簡單ｅ一句話 diorh表現出 這是 真有氣勢ｅ Napoleon精神， 若換做 是 別ｅ普通人， 可能 早diorh氣gah 無法度講話a， ma gorh 卡無可能 講出 zit種 氣派十足ｅ 英雄話， ga hit個鴨霸ｅ 法國將軍 ho 倒轉去。
Di咧歷史上 ma有 一個事件， ma表現出了hit個鴨霸ｅ Napoleon zit種 冷靜敢拚ｅ 精神。
Di 一九八七年ｅ 十月中ｅ 一工， 有一台架蘇聯ｅSU-27戰鬥機， 對 挪威ｅ P38偵查機 做了 一擺成功ｅ 空中手術， ho 西方ｅ 幾個國家 大受驚惶， 代誌 是 按呢 發生ｅ： P38 di 國境線ho SU-27 擋落來 二擺(nng bai)以後， gorh 偷偷仔 駛轉去， 因為 伊想講 SU-27 ma已經轉去a， 想veh 繼續探查 軍情， 但是 ho伊 想ve到ｅ 是 SU-27 竟然gorh 一擺出現， mgor P38 ｅ 駕駛員 認為 按照 hit 當時ｅ 國際情勢 看起來， 對方 是 無可能 會對家己 開火ｅ。 伊 是 真正 無想m對， SU-27並無 用鎗子(cing zi ) 來pah伊， 但是 ma m是 hiah-nih-a 簡單 diorh 放伊sua ｅ。 SU-27 diorh 飛到P38ｅ 後壁， 連後 用伊 利劍劍ｅ 飛能機尾溜， 高速切開 P38ｅ外殼(qua kak)， P38只好 駛著 殘破ｅ 飛能機， 趕緊來 逃命。
SU-27ｅ 駕駛員 按呢nia 什麼攏m驚， 完全按照 家己ｅ 想法gah勇氣 來行動ｅ 精神， diorh 是 咱所講ｅ Napoleon zit個 gai好ｅ範例 a !
假使hit當陣 di咧 P38 hit台 飛能機上ｅ 是你， 你敢有勇氣 來相信 你家己ｅ 駕駛技術， 來完成 這有史 以來 上艱難ｅ 空中手術， 來保衛 國家ｅ機密 leh？

貓仔 食 niau鼠
蔡易宸(靜宜企業4)

有一隻貓仔 vat一隻niau ci， dor 膨風講 家己有 外甲意 niau 鼠， 甲意gah伊 交朋友，了後 niau 鼠 總算同意 gah 貓仔住， 作伙生活。
“咱 必要準備 過冬ｅ物件a， 若無 咱到冬天 dor會 iau 腹肚，” 貓仔講，
“講著你嘛， 我ｅ小niau 鼠， dor位 攏m通去， 我真驚你 會ho什麼niau 鼠夾仔夾著。” niau鼠接受 貓仔ｅ 好建議， 逗陣 dor去買來 一罐豬油， mgorh 兩個人 suah m知 veh ga豬油 kngdi什麼所在。 Yin 日ma 想、 暝ma想， tong尾後 貓仔講：“我想講ga豬油 kng di 教堂裡 是 上穩當ｅ， 因為 誰ma m敢偷 教堂內底ｅ 物件。 咱來ga 豬油 藏di祭壇 下， 無到 萬不一ｅ 時陣 決mai動伊。”
豬油罐 dor按呢 hong放去 安全ｅ所在。 可是 過無外久， 貓仔 開始想veh食豬油了，dor對niau鼠講：“小niau鼠， 我想veh ga你講 一zan代誌。 我ｅ表姐 du生 一個小寶貝， 閣請我 作小寶貝ｅ 教母。 He小寶貝 全身雪白，帶著 一寡 褐色ｅ斑點。 我veh抱伊 去接受 洗禮， 所以 今仔日 veh出去 一下， 你一個人 家己顧厝， 好無？”
“好！ 好！”niau 鼠講， “做你去。 若是 有什麼 好食ｅ物件， 千萬 愛會記我。我 足想veh嘗 一點仔 洗禮時 用ｅ 紅葡萄酒。”
這一切 定著 攏m是 真ｅ， 因為 貓仔 並無表姐， ma無hong請去 作教母。伊直接 去教堂， 偷偷仔 爬去 豬油罐仔 hia， 開始舔呀舔， ga頂面hit層 豬油 舔了了。
了後， 伊 di城裡ｅ 厝頂 散步， 想veh 看會du著 什麼 好運氣 無； 了後dor 倒落來曝日頭。 逐gai想起 hit罐豬油， 伊 dor 擋vediau 舔舔家己ｅ 嘴箍。 伊一直等到 天烏 ziah轉去 厝裡。
“啊， 你 總算轉來 了，” niau 鼠講， “zit一工 一定 過得足歡喜 吧？”
“一切順事。”貓仔回答。
“lin ga qin-a號什麼名 ？”
“無頂層！” 貓仔 冷淡deh講。
“無頂層！”niau鼠 叫出來， “zit個 古怪ｅ名 真罕見。 Lin家常 取 按呢ｅ名嗎？”
“he有什麼？” 貓仔講， “ve比 你hia-e 教子 叫什麼 ‘偷pang幼仔ｅ’ 閣卡vai吧？”
　　過無外久， 貓仔 又想veh食 豬油 了。
伊對niau鼠講：“你ai幫我一個忙， gorh一個人 顧厝。 閣有人 請我作教母 a，zit個qin-aｅ 頷頸 有 一條白箍， 我實在 無法度 推辭。”
好心ｅ niau鼠同意。 貓仔ui 城牆後面 溜進教堂， 一口氣 食掉 半罐豬油。
“什麼物件 ma -ve比 食著 到家己ｅ 嘴內 閣卡 一度贊，” 伊講， 心內 對 zit一工ｅ收獲 感覺 足滿意。 等到厝， niau 鼠問講： “zit個紅嬰仔 號 什麼名字 呀？”
“食了一半 ” 貓仔回答。
“食了一半！ 你 deh講什麼 呀？ 我食ziah老 閣mvat有聽講按呢ｅ號名。我敢打賭， dor是 歷史上 ma-ve按呢叫！”
　　閣無外久， 貓仔ｅ嘴箍 又開始 流嘴nua lo， 閣想veh去 貪豬油。
　　“好事成三 嘛！”
伊講，“又閣 有人請我 去作教母 了。 Zit個qin-a 除了 爪仔是白色ｅ， 歸身烏sorsor， 連 一支白毛 攏無。 這是 罕見ｅ代誌， 你 當然會 同意 我去，對嗎？”
“無頂層！ 食了一半！” niau 鼠回答， “zia-ｅ名 真怪！ 我實在 弄binnve明白。”
“你透早 a ve出門，”貓仔講， “歸工 穿深 灰色ｅ皮裘(hiu5)， 拖著 長長ｅ尾溜， 坐di 厝裡 烏白想， 當然 頭殼ve明白 啦！”
趁著 貓仔 無di厝， niau鼠 ga厝內 拚掃清氣， ga 物件 款ho好勢。 可是he貓仔 ga剩ｅ豬油 食gah 清氣清氣。
“人 只有 ga物件 食ho 清氣清氣 才會放心，” 伊 家己講 家己會。 伊食gah飽飽dudu， 一直到 天黑了 才撐著 圓圓會ｅ 腹肚櫃仔 轉去。 niau 鼠看著伊轉來， 問伊 第三個qin-a 叫什麼名。
“你mave甲意 zit 款名 ，”貓仔說，“伊叫 ‘食gah光光光’。”
“食gah光光光！” niau 鼠 叫出來， “zit個名 hong 花gorgor！ 我 從來mvat di冊裡見過。 食gah光光光！ 這是 什麼意思 呢？” 伊 頭搖搖leh， 身軀縮起來， 倒落去 睏去了。
自 按呢 了後， 貓仔 dor 無人 閣請伊 去作教母。 可是 冬天 來到了，外面 找無 任何 食ｅ物件。
niau 鼠 想著yin 準備ｅ 過冬ｅ物件， dor講： “行 吧， 貓仔！ 咱teh 儲存ｅ 豬油 吧。 咱 edang食 一頓腥臊。”
“是，” 貓仔回答， “若准會 ga你 suisui、 尖尖ｅ 嘴舌 伸到窗外 去lim 西北風 仝款。”
Yin起身 去教堂， 等yin 去到hia， 看著 豬油罐仔 倒di-hia， 內面 suah是空ｅ。 “an-niu-ue哪！” niau 鼠講， “我zitma 總算明白 是按怎樣 啦！ 你有影真是 一個 好朋友！ 你去作 什麼教母ｅ 時陣， ga zia-e豬油 全食 了了了！ 代先是食了上頂guan一層， 閣食了 一半， 上尾後……”
“你ｅ狗嘴 ga我恬去！” 貓仔嚷叫， “你 若再羅嗦， 我連你ma食！”
“……食了了，” 可憐ｅ niau鼠 續嘴講。
伊ga話 講suah， 貓仔dor pa去 伊ｅ身上， 掠著伊， ga吞食落腹。 Zit個世界 dor是按呢！

小 紅 帽 劇本
靜宜學生
故事：小紅帽
編劇：黃淑娟
監製：許雅婷、黃淑娟
演員：旁白—鄭暐諺 拍獵師—許雅婷
小紅帽—方國軒 阿嬤—謝智劦
大野狼—張旂逢 阿母—黃淑娟

旁白：「古早 閣古早 有一個 足古錐ｅ 小姑娘， 真得人緣， ma富有 正義感， 逐個人 攏足疼伊， mgor， 上疼伊ｅ人 dor是 伊ｅ老阿媽， 老阿媽 ga伊 惜命命， 又家己 親手編織 一頂 紅色布料 所作ｅ紅帽 送ho伊， zit個小姑娘 ma真甲意 zit頂帽仔， 日暗 ga戴di 頭殼頂， 所以 逐家攏叫伊 『小紅帽』。」

旁白：「有一工， 阿母知影 老阿媽ｅ厝 定定 著賊偷， dor叫 小紅帽 去找 拍獵師， 請伊 想辦法。」

阿母：「小紅帽阿， 來！ 緊去向 村莊裡ｅ 拍獵師 求助， 阿媽ｅ厝 經常 ho人 偷teh物件， 趕緊 講ho伊知。」

小紅帽：「阿母， 我會 做到好， mai操煩！」

旁白：「dor按呢！ 小紅帽 去向 拍獵師 講 zit款代誌。」

拍獵師：「小紅帽， 我zitma無閒， 等我 攏做好 我ｅ代誌 dor sui 過去看mai。」

旁白：「因為 拍獵師 無法度 馬上過去， 但是 小紅帽 真煩惱 阿媽 會受著 傷害， dor 家己一個人 去看阿媽。 路途中， 小紅帽 ma買 阿媽 上愛食ｅ 臭豆腐 veh去看伊， 想著 veh見著 阿媽 阿dor 足歡喜， 一路上 攏leh 唱歌， 三腳走二腳跳。」

小紅帽：「到阿媽厝 了， 先kok個門 看阿媽 有di 無。」

旁白：「阿媽 聽著門 發出聲音， dor拖著 虛弱ｅ身軀 去應門， 無想著 竟然 是 小紅帽……」

阿媽： 「我ｅ乖孫仔 小紅帽， 阿媽 真歡喜 看著妳啦！ a mgor 我 今仔日 身體ve爽快， 無法度 好好招待 妳， 妳dor 卡委屈 一寡……」

小紅帽：「阿媽！ 我無要緊 啦！ 我會 好好照顧 妳。」

旁白：「阿媽 閣 倒di眠床 歇睏， 小紅帽 ma di眠床邊 照顧伊。」

小紅帽：「看著 阿媽 ziah艱苦， 厝內裡 又無藥草 好食， mgor 我 閣ve放心 阿媽一人 di厝內， zitma是 veh 按怎 呢？」

旁白：「du-a好， 門 又 發出聲音， 是 有人來 啊！ 小紅帽 dor去開門， he m是 人 是 大野狼。」

大野狼：「你好！ 小紅帽。」

小紅帽：「你好， 狼先生。 有什麼代誌 嗎？」

大野狼：「聽人講， 這間厝內 有一位 破病ｅ 老太太 是m是？」

小紅帽：「是啦！ 我du deh煩惱 藥草ｅ 問題…」

旁白：「這時， 大野狼 聽著 小紅帽 按呢講， dor歡喜 開始暗算。」

大野狼：「小紅帽， 阿無按呢， 我替妳 照顧 zit位 破病ｅ 老太太， 妳出去 cue藥草 好無？」
小紅帽：「好阿！多謝你，狼先生。」

旁白：「小紅帽 並無懷疑 dor 趕緊出去 找藥草， ho 大野狼 去 照顧阿媽。 等小紅帽 轉來， du好 看著 大野狼 抱著阿媽 出門。」

小紅帽：「狼先生， 你抱阿媽 是 veh去dor位？」

旁白：「大野狼 無cap伊， dit dit 走去 樹林ｅ內底， 小紅帽 看伊 無回答， dor偷偷a gorh due di 伊後壁行， zit時 拍獵師 ma du-a好到zia， 看著 小紅帽 躡腳行， 伊ma跟著， dor按呢！來到 大野狼ｅ厝。」

小紅帽：「是按怎 狼先生 伊veh cua阿媽 轉去lin厝？」

旁白：「當 小紅帽 感覺奇怪 時， 雄雄 感覺著 有人deh dah伊ｅ肩胛頭， uat頭 dor看著 是 拍獵師， 不過 拍獵師 驚大野狼 發現著伊， dor叫 小紅帽 mai出聲， 兩個人 做伙看 大野狼 到底 是 deh binn 什麼vang。」

大野狼：「今a mai偷物件， 直接 ga zit個veh死ｅ人 帶轉來，有幾仔餐免閣再 煩惱！
哈！哈！嘻！嘻！」

旁白：「當 大野狼 du準備 veh食 阿媽ｅ時， 小紅帽 gah 拍獵師 趕緊出來。」

小紅帽gah拍獵師： 「ga 我擋leh！ 」

小紅帽：「你敢 對我 阿媽 安怎， 你 若ga kap著 一支毛 我dor對 你ve客氣！」

大野狼：「伊 是 我ｅ暗頓 呢！ 誰cap你！」

拍獵師：「我聽ve 落去， ho伊死！」

旁白：「拍獵師 講完 zit句話 了後， dor ga 身上ｅ獵槍， 對 大野狼 開槍， bong！ 大野狼中槍 死qenqen。」

旁白：「了後， 小紅帽 ga阿媽 帶回 阿媽ｅ厝裡， 逐天 煮藥草 ho 阿媽 食， 阿媽ｅ身體 總算 恢復健康， 大家 暫時放落 心肝底ｅ 石頭。」

　Ve pah死結e橫向思考法
江曲涵

橫向思維應該是gah垂直思維相對來講e，意思是指盡量擺脫傳統觀念另外ui新e角度對某一事物重新思考e一種方法。垂直思維強調思維e單向性，橫向思維強調思維e多向性，dor是qau ui多方面、無仝e角度來考慮問題，閣ga可能相關或無相關e要素結合做伙，以期望得著對問題e新創見。橫向思維e提出，ho思維e途徑ui單向發展到多向，因此具有kah濟e創新可能性。

　　絕大多數人di思考一個問題時，慣用e是「垂直式思維」，ma是假定一個目標或角度，然後親像堆積木按呢，一個步驟接一個步驟，照對錯e邏輯推理法則架構起來，電腦e思考方式即為典型e「垂直思維」。「水平思維」則是di思考時有真濟無仝e起點、甚至互相矛盾e假設，像亂散e積木，然後找出zit寡積木之間是m是有「相接」e所在。

　　veh有創造性e思想，咱需要ui別e所在找著資訊來啟發家己，若咱edang廣泛涉獵多個領域，閣藉助zit寡無仝e領域e知識，再應用di咱所愛面對e問題，應用來完成咱e創造，dor edang解決咱e問題。zia-e無仝領域e事物，往往可能di表面上並無直接關係，mgorh咱edang透過橫向思維，就算是牽強ma無關係，將咱所面對e問題gah伊結合，dor機會得著一個有效用e、簡單gah理想e新概念。

　　有人對zit種技巧做出延伸，其實只是提醒咱列出一系列具體閣gah問題無關e物體，並去分析zit寡物體e特性再加以研究，想veh ui分析之中尋求上有可能有效解決問題e方法，zit種聯想方法，edang訓練咱e創新gah啟發能力。

　　除了跨領域e結合，橫向思維也edang講是，ga兩種無並列e事物互相交叉，ga兩者e優點相結合，ho伊成做一個新e事物。比如講，咱可以翻閱商品目錄，將兩項以上目錄上e產品隨機交叉，並去發想一寡獨創性e想法，ga原本看起來並無關係e兩項產品連繫起來，可能咱dor edang開發出獨創e新產品。

　　比如，保溫杯dor是熱水瓶gah水杯強制聯做伙，又比如，ga機槍、播種機gah飛機合做伙，dor可克服地面人工播種慢，mgorh空中又無法度深入播種e問題。Zia-e例，攏是藉由人運用想像力將gah問題無仝e物品、知識領域，藉著不斷橫向e思路轉換，達到思維e快速推進，進一步找出適合e答案，都是橫向思維有代表性e例。

　　我e心得是橫向思維gah一般常用e垂直思維，簡單比較起來，比如講現在veh挖一個洞孔，垂直思維dor是一步一步e向下腳挖，a橫向思維則是di原本e洞附近挖kah濟e洞孔，Zit種發散式e思考，互相無特別相關，每一種答案也無所謂對錯，但往往獨有創意、巧思，ho人拍桌仔huah好，品味無限。

　Ve 單一死結e橫向思考法
江曲涵

橫向思維應該是gah垂直思維相對來講e，意思是指盡量擺脫傳統觀念另外ui新e角度對某一事物重新思考e一種方法。垂直思維強調思維e單向性，橫向思維強調思維e多向性，dor是qau ui多方面、無仝e角度來考慮問題，閣ga可能相關或無相關e要素結合做伙，以期望得著對問題e新創見。橫向思維e提出，ho思維e途徑ui單向發展到多向，因此具有kah濟e創新可能性。

　　絕大多數人di思考一個問題時，慣用e是「垂直式思維」，ma是假定一個目標或角度，然後親像堆積木按呢，一個步驟接一個步驟，照對錯e邏輯推理法則架構起來，電腦e思考方式即為典型e「垂直思維」。「水平思維」則是di思考時有真濟無仝e起點、甚至互相矛盾e假設，像亂散e積木，然後找出zit寡積木之間是m是有「相接」e所在。
　　
veh有創造性e思想，咱需要ui別e所在找著資訊來啟發家己，若咱edang廣泛涉獵多個領域，閣藉助zit寡無仝e領域e知識，再應用di咱所愛面對e問題，應用來完成咱e創造，dor edang解決咱e問題。zia-e無仝領域e事物，往往可能di表面上並無直接關係，mgorh咱edang透過橫向思維，就算是牽強ma無關係，將咱所面對e問題gah伊結合，dor機會得著一個有效用e、簡單gah理想e新概念。
　　
有人對zit種技巧做出延伸，其實只是提醒咱列出一系列具體閣gah問題無關e物體，並去分析zit寡物體e特性再加以研究，想veh ui分析之中尋求上有可能有效解決問題e方法，zit種聯想方法，edang訓練咱e創新gah啟發能力。
　　
除了跨領域e結合，橫向思維也edang講是，ga兩種無並列e事物互相交叉，ga兩者e優點相結合，ho伊成做一個新e事 物。比如講，咱可以翻閱商品目錄，將兩項以上目錄上e產品隨機交叉，並去發想一寡獨創性e想法，ga原本看起來並無關係e兩項產品連繫起來，可能咱dor edang開發出獨創e新產品。
　
　比如，保溫杯dor是熱水瓶gah水杯強制聯做伙，又比如，ga機槍、播種機gah飛機合做伙，dor可克服地面人工播種慢，mgorh空中又無法度深入播種e問題。Zia-e例，攏是藉由人運用想像力將gah問題無仝e物品、知識領域，藉著不斷橫向e思路轉換，達到思維e快速推進，進一步找出適合e答案，都是橫向思維有代表性e例。

　　我e心得是橫向思維gah一般常用e垂直思維，簡單比較起來，比如講現在veh挖一個洞孔，垂直思維dor是一步一步e向下腳挖，a橫向思維則是di原本e洞附近挖kah濟e洞孔，Zit種發散式e思考，互相無特別相關，每一種答案也無所謂對錯，但往往獨有創意、巧思，ho人kiau桌仔huah好，品味無限。

一時風 駛一時船：囚犯思考法
楊東庭

囚犯思考法 傳達出按呢e資訊：人愛知影 借勢借力， 家己 無能力 做好某一件 代誌， dor必要想辦法 請一個qau人 代勞； 若是 家己有 能力， 有時， 也愛考慮 是m是 應該ho能力 卡guan e人， ga 一件代誌 做卡 sui一寡寡。

進前， di法國 有一個農民， 因為 ho人陷害 去偷the 皇家e寶物， hong關入大牢。

麻煩大a， 因為 伊家中 有 一大片種 馬鈴薯e 土地， 體弱e某 根本無法度 單靠 伊一個人e 力量 去耕種。 若是 m鬆土犁田， 無法度 種物件。 播種e季節 漸漸臨近， zit個 不幸e囚犯， 心中 足焦慮。

Veh按怎呢？ 伊 苦思冥想 三工， 無望e時陣， 思路一轉， 悟出 一個奇招： 伊暗中 寫一封批信， 暗中 以 好言好語 向一個 古意e獄卒 求助，請獄卒 將zit封批 按照地址 寄ho伊e太太， 批中寫講： 「我 上親愛e 厝內人， 今仔日 我冒著 極大e風險 寫zit封批 ho你， 是為veh ga你講 一個祕密， ho你 從此以後， 過著 人世間 上幸福e日子……」， hit個囚犯 di批中 所指e秘密， 講e是 伊ga一寡「寶物」 埋di家中 hit片田地裡。

無出zit個囚犯所料，獄卒一轉身，dor ga zit封批 交ho典獄長。

看見zit封批， 典獄長 上歡喜， 隨dor派出 一班士兵 趕往 囚犯e田地，將 伊家中 hit一大片土地 翻鬆土肉， 結果 用腳頭u想 ma知－有功拍無勞！ hit一班 士兵， 白白 為hit個 真巧e囚犯 耕了一遍地， 做一擺 真正e 牛gah馬。

囚犯思考法 傳達出按呢e資訊： 人愛知影 借勢借力， 家己 無能力 做好某一件 代誌， dor必須想辦法 請 一個qau人 代勞； 若是 家己有能力， 有時， ma愛慮 是m是 應該ho 能力卡guan e人， ga一件代誌 做卡 sui一寡寡。

上精明e 頭家， ma有 困惑e時陣。

1952年，日本東芝．電器公司 庫存 大量電風， 頭家 無法度， 只好發動公司e 七萬外個員工， 做伙為 pah開 市場知名度 想辦法。

有一個 小職員 向 公司頭家 提出， 為什麼 阮e電風 m是 別款色水e？頭家 特別重視 zit位小職員e 建議， 為著 zit個建議， 召開 董事會， 尾後 董事會 決定採納 zit個建議。

第二冬e 熱天， 東芝公司 推出 一系列e 彩色電風， 這批電風 一上市，dor di市場上 引起一陣 搶買熱潮， 數月之內 dor賣出 幾十萬台。 自按呢了後， di世界e 任何所在， 電風 dor m ganna是 一副黑色e 面貌。

讀後心得：
故事上尾e 東芝公司 頭家 實在 真有風度， 竟然 願肯牽就 下腳手人 去求問 公司內 各職位e職員 edang幫助公司e 建議， 以此 來取得 公司e大成功， 所以 我認為 囚犯思考法 ga阮講e， m是 學會用奸巧 去欺騙別人 來替阮 做代誌， 相對地， 是ho咱 去重視 每一個人e 想法gah創意， 畢竟 每一個人e 學習經驗 無仝款， 各自 專長e領域 ma 無仝款， 別人 往往edang用 gah家己 無仝e角度 來看代誌， 當 大家做伙 集思廣益e 時陣， 往往 dor edang 激盪出 美好e火花， Albert Einstein[愛因斯坦] ma講過： 「個人e貢獻 無算啥，mgor 全體e結果 ho人讚嘆」， 我想 Einstein zit句話， dor是 囚犯思考法 上好e詮釋 吧！

台語教學日記
洪偲僥

相信 足濟人 ham我仝款， 聽有台語， 平常時 di厝 ma　ham 爸、媽用台語 交談。 但 一直有 一寡台語e音 發音ve正確， 變做會曉聽 卻念ve標準。台語是 台灣本土 e 語言， 伊ham 客家話、 福建話攏 si以早 中國南方 語言。Zia-e語言 聽起來相近， mgorh 詳細研究， ziah edang分辨 其中 明顯e區別。
台語是 台灣 大部分人e 共同語言， dor算 di現今 多元文化 多族群e 社會裡， ma占一席地位。 反觀 現代少年 一輩， 卻 愈來愈少 用 zit個 咱家己文化 e 語言溝通。 好佳在 di前幾冬， 社會 本土意識 逐漸抬頭， 政府 ma開始 積極推動 母語教學．政策， 愈來愈濟學者 開始研究 發表 各種母語e 羅馬拼音 gah文字， 將以往無 「書同文」e語言 用相當於 科學量化e 方式， 有系統e 歸類，創造出 咱zitma所學 e 拼音法。 但因為 zia-e拼音 除了 基本字母 外， 定定伴隨 著毛毛蟲(~) gah 無仝e 上標， ho無學過e人 往往 m知影 該ui何學起， ma ve-hiau 安怎發出 正確e音。 藉由 最近 剛學著e 台語羅馬拼音， 我 將上課時 所學e 拼音法 介紹ho同學， ho伊 更確實 e 認識 如何 念出正確e 台語發音。
Zit gai 我 教學e同學， 是一位 本來 就聽有台語， 但無gai會曉 講台語e陳同學。 伊向我 表示， 家己講台語 上大e障礙 是 發ve出 正確e音， ma dor是講，伊聽著e 台語， gah ui家己口中 講出來e， gah正確發音 有 淡薄仔差距。 我聽著 真歡喜， 因為我所學e 總算 veh派著 路用a。
我依循 老師 上課教阮 e方式， 先ui 前音節．基本架構 中 e六個母音 出發。 因為 母音e發音 正確建立 後， 配合 其他子音 會學習 得kah緊。 這套雙拼音 發音系統 其實 ham 條頓語系e 拼音系統 足接近。 攏是 由子音 搭配 母音相輔相成 e 建構出 一套完整 發音系統。 其中 差別 e所在 dor di 英文、日文 或是 其他 歐系語言 攏是五個母音。 台語拼音系統 則是 由六個母音組成（加上「or」）。 子音基本上 是由 ㄅ、ㄆ、ㄇ、ㄈ 一個音 一個音 去ham 母音組成， 形成字音。 但 gah華語無仝 e 是，台語加了「bh」、「gh」ham「re」三個子音 （舌根放軟e音）。 Zia-e音 對 陳同學來講 攏算是 十分明白 好接受。 伊ma足緊 就edang發出 正確 e聲音。
當基本e 無問題後， 我開始 教伊 前音節裡e 鼻化音。 鼻化音 顧名思義，就是gah鼻音有關e音節。Di華語拼音中，像是「ㄣ」 就是明顯e 鼻化音。 雖然 鼻化音 di華語中 好像m是 hia nia-e定見， 但是 di台語中， 卻有足濟鼻化音。 陳同學 感覺 鼻化音 比起 一般e 前音節非鼻化音 卡困難一寡。 上主要是 足濟音 聽起來 無像是 鼻化音， 但其實 yin卻有 淡薄仔 鼻化音e 成分。 就像 di英文中 veh區分 「ng」 gah 「n」e 發音　ma m是 hiah容易。 但 這 小可e差距 卻會造成 聽者 感官上 e差異。
閣來是 介紹後音節。 後音節 大部分 gah 前音節仝款， 但 卻加了 入聲音。 相信逐家 di高中時 上國文課 時， 老師 一定有 提過講 古中文 e 發音 可分為 平上去入， 古字 有足濟 入聲音， 但入聲字 di咱zitma 使用e華語 卻消失去了。 足濟 古早 留傳下來e 語言像 是台語、客家話…等， 攏 iah有 保留 入聲字。Di 台語拼音 裡， 有分 三種入聲音e 發音法。 Zia-e 音 di日常生活中 足定聽著， yin 通常短促 且gorh 音卡重。 念起來 有收斂 e 感覺。
教完 前後音節 後， 我的故事I ah未 講完， 台語羅馬拼音 iah有 複母音。陳同學 感覺 複母音 足像是 伊 di美國學著e 英文發音法。 英文e 母音念法 其實ma是 由 母音再 加上 上標母音 或 子音配合念。 舉例像是：decay，一般「KK音標」ganna會標示【e】， 但是zitma 美國人教e 發音法則 是將「ay」 看做【ey】。 台語拼音 e 複母音 ham 這個 國外教學e 例子雷同。 阮攏感覺 使用這種 發音方式 更貼近 咱聽著 e音。
教完 基本 台語羅馬拼音 後， dor是 主角等場囉－－ 雙拼旋律。 陳同學一聽著 雙拼旋律， 就好親像 回到 幼稚園．正音班 仝款， m-na趣味 gorh di 不知不覺 中 將 前音節語 後音節 做 完美結合。 當然其中 ma有 一寡 愛注意 e 所在：只有 一個母音時 愛重複 該母音， 兩個母音時 便各自 拆開。 學會曉這點， 按怎雙拼旋律就 edang順溜a。 雙拼旋律 除了 音符簡單、好學 外， 最後 更加上 台語 所特有e 三階五調發音， ho咱一gai 學會 所有 發音音調， 非常實用 而且 上重要e是容易上手。
教完 陳同學 後， 阮對 台語拼音 有更進一步e 認識。 阮兩人 攏足驚訝，原來 台語羅馬拼音 並無想像中 困難， 大約 只開四十分鐘 diorh完成lo。 陳同學gorh希望 影印 上課講義 轉去教 伊e厝人， 因為 真ｅ足簡單 gorh 趣味。 我ma足歡喜， 我想， 這就是 做人師表 上大e喜悅吧。

【後記】
我頭前 牽真遠， 重點 在後面。 而且 事後 老師建議 講愛先教 雙拼旋律，ho人先慣習 台語特有e 發音gah聲調， 才來 教羅馬拼音 安怎卡好。 我想想leh 足有道理， 下gai gorh掠 一個同學 來試看mai， 加上 第一次 教學心得，相信 效果 一定更加好！

本土語文學 場記
場號：0001
講座名稱：內惟埤、 美術館 與 詩的 對話
主講人：胡長松
時間：5/9(六)　19:00 ~ 21:00
地點：高雄市 美術南三路82號〔大芳．生鮮超市〕前 公共空間
主辦單位:：台文戰線．雜誌社　　協辦單位：大芳．生鮮超市
主持人：方耀乾教授

清爽ｅ 五月初， 暗頭仔 du好是 咱人4月15ｅ 月圓時， 厝邊隔壁 相招來聽 台語詩人 長松 談內惟 吐台語詩 唸童謠。
耀乾翁仔某、 永進公婆仔、 金順、 文平、 俊洲 、正雄、 柏榮、 德本、 秋白 ma ui台南、 大社、 仁武、 鳥松來lo， zia攏算是 文友ｅ厝邊。
長松ｅ 丈人丈姆、 爸母、 牽手、 一對 囝兒gah千金， 圍seh著， zit場 開路先鼓ｅ 文化講座。
長松ｅ聲 透lam di 藝術館 附近ｅ 祖地基業．廣場。 有時圖文、 有時詩話、有時音樂、 有時唸謠、 有時歌唱， 坐ｅ坐、 kia-ｅ-kia、 出門慢跑ｅ、 跨di鐵馬ｅ ma釘腳， 來來去去， 上濟ｅ時 有60個人。
早前時， 英國．愛爾蘭ｅ 詩人、 劇作家、 小說家 - - Oscar Wilde ｅ 爸母 di 家己ｅ厝內， 時常邀請 當時ｅ文友 來坐談， zia-ｅ人 有 真出名ｅ 當代文豪、 名流， 年幼ｅ Wilde 兄弟仔 定定di邊仔 聽gah睏di客廳。
巴黎ｅ 咖啡沙龍， 出過 真濟 驚天動地ｅ 思想家、 哲學家、 作家、 畫家、 ……
咱m是無 ， 是 咱 無去想著， 因為 台語文學ｅ 美聲、 美學， 無去 創新放送。
千金買厝 萬金 買厝邊， 臨場感 真舒適， ui zit小步 起造， 總有一工 di遠遠ｅ 所在， ma會有 同步ｅ 臨場感。
母親節 前夕， 阿母講ｅ話， ho 阮真春天ｅ 心情。

美國總統 勝選e演講， 用台語 來發聲
王莉婷

Obama勝選e 演講， 經過 用台文 來發聲 是 更加ho人 有力 gorh真親切e 感覺， 這ma是 台文 比起 華語 卡有人情味 ham 影響力e 所在。 台文e用字 雖然簡單， 但是卻ve凊采， 顛倒是 一種 優美gorh生動e 表達， 是一種 會ga人 深深吸引e 聲音， 是一種 深入淺出、 意義非凡e 語言。 di Obama 勝選e 演講 中， 咱ma有讀著 zit句，”是啊，咱做會到，” 真簡單e 短短 一句話， 卻是 ho我 印象上深e 一句話， 伊利用 di最後 幾段話e 上尾仔 攏gorh再 提起 一遍e 方式， ”是啊，咱做會到，” ”是啊， 咱做會到，”……配合著 伊 生動e口氣 gah 講話技巧， ho人 有信心 ham 鼓勵e感覺， ma ho人 感受著 支持e力量。

台音教學筆記 林孟潔

我教ｅ對象是我ｅ表姊，因為伊本身會曉講台語ma會曉英語，所以教伊拼音是一件真簡單ｅ代誌，只要ho伊看zit個拼音ｅ表，順續提醒伊c是讀ㄘｅ音，愛注意尾音結束若是鼻音diorh愛注意是ng 也是nn，只要家試幾gai diorh會曉a， 另外字尾結束若是入聲字，ma愛注意，看嘴有合起來，diorh愛用p，其他ｅ家練習幾gai diorh應該會曉a。

期待pixar e 超人特攻隊 edang再出續集
楊東庭

Pixar動畫 zit擺 所創造e 超人特攻隊 相當趣味， 我家己 ma vat看過zit部片。 以早， ganna掠準 這只是 一部 ho嬰仔看e 娛樂特效片， 想ve到di看過liau， suah深深ho sann著， 對伊 有真guan e評價。 我認為， 本片 成功ｅ所在 m na是 di 娛樂效果 方面 下功夫， 對 足濟 超人英雄e 元素， Pixar攏有 足深入e 考究， 才能ga超人e 足濟面向 di短短e 電影長度中 表現出來， diorh利用 zit擺e作業 來看兩個 ka無仝款e 特色。

Dui驚險中 去解救火災中e 受困難民 到 掠搶劫e歹人， 超能先生 di本片 一開始 展現 伊強大e 超能力 ham 受人崇拜e 特色， mgorh 無奈di 短短時間 內底， 因為 超能力 無意 破壞了 足濟 公眾設施 所引起e 民怨， 逼gah 超能先生 一家伙a 需要退休 裝做 正常人ｅ 生活， 這di過去e 超人故事裡 差不多是 無聽過e代誌； ma拜 退休所賜， 大家ziah edang看著強大e 超能力 di普通人e 生活中 ma只是 一個負擔， 超能先生 甚至di公司裡 受盡刁難， 我個人 感覺 上述劇情 gah超人e 超能力 是 ga雙面刀e特性 表現gah足好。

Di本片 後半段e 時陣， 超能先生e 牽手 - - 彈力女超人 獨挑大樑， 勇敢救出 先生， 一下仔 變成 降落傘 或是 一下仔 變成船 來保護 驚半死e 子女， 在在 展示母愛e 精神， 以 女性 母愛精神 作為特色， 這di過往e 超人 電影內底 是 差不多無e 特色， 這閣是 一項 值得鼓勵e 創新。

聽講 pixar e 超人特攻隊 足有可能 edang再出新e 續集， 我個人 也是 十分支持， 希望 下一集 edang再一次 看著 整個超能家庭e 合作演出 gah 上細漢e 超能成員 展現伊e 超能力！

台文教學日記 賴宜君 醫環
對象: 朋友
內容 :台文發音、台文拼音、台文小說、台語歌
過程 ( 學過四點鐘台語拼音了後做老師)
我e朋友是ㄧ個平常時e hiau聽台語e人，a mghor ka ve hiau 講e人，所以我就dau dau a ui頭到尾教伊。
ㄧ開始ui拼音開始教，單音韻母、複音韻母、鼻音韻母、鼻尾韻母、入聲韻母按照順序來走，阮dau din用拼音練習程式一lei一lei練習，一lei一lei拍入電腦裡面，看誰人才對。Gau尾後就互相考試，來看誰ka厲害，學ka好。
利用程式練習了後，阮就ga老師上課用e“數學家e故事”這本書teh出來練習，各人選一則故事，隨後ㄧ個人唸ho另外一個人聽，聽e人就ai pah
入電腦裡面，long總打完了後，阮就dau din看dor位pah對、do位pah m對，dau din檢討。
接下來dor si放台qi歌來聽，聽了足濟好聽e台qi歌，譬如：江蕙e“家後”gah“博杯”gah“風中的蠟燭”、蔡幸娟e“牽阮e手”，台qi e歌long zin好聽、zin感動，以前mvat e 時long m知影，阮 dau din聽，聽到後來gorh dau din唱，阮 long 感覺學足濟，學gah足歡喜。

心得
我感覺上歹學e所在di du 開始e時，因為足濟long gah以前學e英qi發音無仝，所以gong ka食力。a mgor dan 知影撇步了後dor學ka gin，阮 gorh 發現足濟好聽e台qi歌，niciann 阮 感覺台qi歌足濟足趣味e意思，你dor ai dau dau a 去感受、dau dau a體會裡面e意義。
轉去cu了後，我dor gah 我e父母講台qi，yin long 感覺我進步足濟，ma足歡喜我di學台語，希望我以後一定ai好好a學，以後ma ai教我e子孫，mtang ho這個文化失傳了！
老師辛苦了！謝謝老師~=)

P.S:我gorh想veh ga老師ko江蕙gah多明哥u dau din唱過雨夜花，li edang去youtube看mai，外國人ma gong台qi喔！

媽媽咪呀觀後感
吳雨嫻
de一gai看到預告片就ho我足想進電影院看，電影內迷人e希臘風情ga蔚藍大海深深吸引我。裡面幾首曲子e旋律ho我感覺足熟悉，就算veh會唱ma si跟著哼。伊用歌舞劇轉拍成電影，歌曲內散發出青春洋溢gah天真開心e感覺，另外幾方面si成熟、感情豐富e情歌，歡樂e歌聲配合演技旋律搭配豐富e動作更加ho人感動。di裡面劇情內容表達出不論年紀有外大外小，ma si edang像嬰仔款作暝夢，用天真e角度看這世界，這世界上還si有著希望gah美好e zit面。

另外故事內eＳｏｐｈｉａ想veh找到伊e親生爸爸，想veh知影伊e爸爸si誰？「我覺得自己缺了一塊」，伊為了彌補這塊缺憾，查某嬰仔才發出了三張喜帖ho有可能si伊爸爸e人。

　　其實，生命中有缺憾有時陣si好e。有一本繪本故事si di e說：有zit個圓球伊少了一角，伊走遍世界各處e找尋伊缺e那zit角。這個角，太大；這個角，太小；那個角，太尖；m gor，那個又太鈍了。有zit工，伊du著了zit角，看起來契合，但那角ga伊講：「你ve 找e m si我。」所以伊只好繼續尋找。終歸尾，伊找到了伊失落e zit角，天衣無縫貼合伊e缺口，伊總算si zit個圓球了！但圓球si滾動e，直直滾直直滾，愈滾愈緊，mgor伊像以前按呢輕輕鬆鬆e觀賞路邊e野花，也vedang ga枝頭e鳥仔問好。

原來，圓滿無一定真正家di想ve e。留寡缺憾，也許視野會更寬廣。所以，伊決定ga那角放下，繼續過著伊缺了一角e日子。就親像Ｓｏｐｈｉａ di神父問「妳願意嗎？」e時陣，hit時陣伊才明白伊想veh e si什麼？她愛Ｓｋｙ，Ｓｋｙma足愛她a，但是誰規定相愛e兩個人一定要急著結婚？趁著年輕gorh無婚後家庭壓力，兩人手牽手做伙遊海角天涯那m si另外zit種甜蜜浪漫？

　　Ｓｏｐｈｉａ e媽媽曾錯過了三個查甫人，yin攏足好，緣投gorh浪漫，magor過了幾十年再相逢，he又安怎？張愛玲“半生緣”裡說e：「我們回不去了。」回憶終究只是凝結e冰雕，只有家己zit個人辛苦deh撐起己破舊e小旅館。不過伊有zit個足水e查某仔，還有兩個有青春活力熱情e好朋友，快樂時陣公仝像以前，悲傷時陣ma有安慰陪伴。di最後，還有zit個等了伊十餘年e查甫人，這樣經得起等待e愛m si一日nih e激情花火，那正是真正值得e愛。
　　di缺憾中找到家己所想veh a，珍惜家己所擁有a，ma veh枉費了咱以早為hia-e迷失e日子流目屎。