目前日期文章:200805 (6)

瀏覽方式: 標題列表 簡短摘要
媽媽,多謝你 宋彥傑
人講,媽媽e手是搖籃e手,自紅嬰仔生落來了後,dior ga 伊lak 屎lak尿,從來m vat哀苦。看著紅嬰仔笑dior歡喜,看著紅嬰仔哮dior煩惱,煩惱伊是m是iau 著,也是寒著,也是無爽快,按呢無暝無日e照顧。所以講,媽媽是真偉大e。
卡早細漢e時陣,卡m識代誌,me su家己外ghau外利害,定定gah你起衝突,la你inn嘴inn舌,惹你受氣,實在是足白目。細漢gau guai無dann緊,gorh qau diunn qau cuah,為著小可代誌dior 無愛gah你講話,zit ma想起來實在是足m對,足無乖。
di我高中e時陣,認為學校功課e壓力足大,無愛讀冊,歸工gan na想veh cit tor nia。我gorh會記e你ga我叫去房間內講ehi句話:「少年ve曉想,食老m成樣。」dior是講,趁zit ma 少年e時陣,認真讀冊ziah有前途,以後diorh m免驚找無頭路。也擱有教我做人e道理,驚我學歹,去交diorh歹朋友,所以時常注意我平常時can啥款人來往。mgorh你有時ma親像我e朋友仝款,dah項代誌攏edang gah你參詳,du著困難e時陣,不管是功課e問題,也是其他e問題,你攏恬恬耐心聽我講,講suah了後,認真ho我意見,ga我講按na做ziah是正確e選擇。
zit ma我已經大學a,無住di厝裡,學校e功課ma是真無閒,vedang時常gah你開講,mgorh我e三不五時ka電話ho你,講我學校e代誌ho你聽,ho你免煩惱,我會曉家己照顧家己,所以講,di zit日特殊e日子,我veh向你講一句話:「媽媽,多謝你。」

daiqi007 發表在 痞客邦 PIXNET 留言(0) 人氣()

生前一粒豆,kah贏死後拜豬頭
黃亭瑜

一年攏有十二月,母親逐月攏陪咱過。
一月吃圓仔燒燙燙,親像阿母ga阮添衫驚阮天冷會寒(guann)著無夠穿。
二月拿紅包笑hai-hai,親像阿母家己食歹穿歹ma愛ho阮有錢開。
三月e花蕊開水水,親像阿母看阮e成功會比阮家己gorh kah歡喜。
四月e小雨落綿綿,親像阿母m管阮是m是會成事攏會ga阮支持。
五月e清風微微吹,親像阿母溫柔e雙手ga阮照顧gah無所不至。
六月e茉莉香貢貢,親像阿母e目睭內伊e囝兒絕對ve比別人憨。
七月e日頭赤炎炎,親像阿母對阮e教訓希望阮mtang行事不正。
八月過中秋月圓圓,親像阿母m管幾歲攏ga阮當作愛照顧e細漢囝。
九月e風颱直直來,親像阿母無管有償無償攏會一直對阮付出e愛。
十月e國旗處處是,親像阿母辛苦ciann養阮大漢ui zit塊土地也未富裕e時。
十一月天氣漸漸寒(han),m-gor阿母無管天氣外冷攏m驚艱苦為阮款三餐(can)。
十二月年尾人人歇,m-gor阿母一年到尾逐工為阮無閒誰人ho伊薪水ho伊歇。

一年過了擱一年,阿母e恩情是kah大天。Mgor咱卻定定會以為阿母對阮e用心照顧無算啥mih。朋友啊!勸lin一句話,mtang ga阿母eciann養恩情當作是小可代誌,趁著咱e父母攏也gorh di,緊ga你對阿母e感激對伊表示、伊會非常歡喜。會記li俗語有de講:『生前一粒豆,kah贏死後拜豬頭』。


daiqi007 發表在 痞客邦 PIXNET 留言(0) 人氣()

親愛e媽媽:
我細漢e時陣你dor gah 爸爸離婚,mvat代誌e我,聽厝內e人講著你,攏是批評。我第一gai 寫e作文,「我e媽媽」,寫e ma攏是歹聽話。我e國小老師ga我教示,按呢講自己e母親是m對e,我真委屈,m知影為什麼老師ziah-nih嚴肅。
足久足久以後,gorh看到你,已經無任何對你e印象a,你講你足思念阮三姊妹,足對不起阮,但是你m是m愛阮,只是你gah爸爸無適合。你哭le講阮iau 真細漢,vedang了解‧‧‧
我hit當時確實無法了解,mgorh我ma ve恨你,只是慣習無老母e生活,m知影你e出現有什麼意義。
就按呢,斷斷續續e接觸gui擺,每一擺攏是幾a冬後。逐擺你攏真艱苦,一直哭,一直重講hia e話。
其實,我真早就dau-dau-a了解你e心情a。因為你gah爸爸是父母作主結婚e,爸爸zit爿e人gorh真傳統,恁是想法差siunn濟,所以你veh來離開。你當時e作法是傷害了爸爸,mgorh你已經因此痛苦ziah久a,頂一代e恩怨,阮早就m在意a。
雖然阮攏gah你講,mai gorh來找阮。咱已經田無溝、水無流,也mgorh這m是恨你,只是爸爸無願意gah你有交cap,阮必須尊重伊。Dor 按呢,你哭gah真傷心,掛掉電話。
後來聽講你結婚a,阮實在為你真歡喜。為著mai ho你有遺憾,阮又gorh打電話找你lo。你真歡喜,也mgorh仝款對阮ve放心,最後仍是會爆發一寡崩潰e情緒。按呢suah ho我真驚,m知影找你gam是對e?
親愛e媽媽,你ho家己e折磨有夠啊!你ziah-nih-a幸運,gorh edang找著愛你e人。Zitma gorh生一個查某囝,你著ga你對阮所有e虧欠gah愛,攏報答ho你現在e翁婿,好好疼惜恁e查某囝。阮,ma會過gah真好,咱互相來祝福‧‧‧

最後ma是愛gah你講一句,

我愛你,媽媽!

你著愛過好日子!

Iau iu 筆

daiqi007 發表在 痞客邦 PIXNET 留言(0) 人氣()

天下間有阿母e人真幸福

親愛e阿母:
你gam閣會記e頂年e十月份,我di 新竹zia出了車禍,是ham一台轎車相撞e,閣有hong送去病院,hit當時,我真正hong he著驚仔!結果,過工透早你diorh馬上ui高雄坐高鐵e車來看我gorh陪我di zia睏一瞑,ho我感覺dior我m是孤單一人ma m是一個di外地e浪子,hite時陣因為有你e陪伴ho我安心真濟!天下間有阿母e人真正上幸福!
這幾年來我知影我愈來愈無閒,愈來愈少時間ham你做伴,因為我已經漸漸大漢,我有我家己e理想,有我想veh追求e天下。逐gai,我ga你講我veh轉去厝e時,我知影你攏足期待e,也m閣,逐遍我ma攏足緊dor又gorh愛離開厝a!我ma感覺足m甘e!
Ia閣有,逐遍我na離開厝內一暫仔了後,攏會開始思念你煮e菜,雖然我mvat gah你講過但是你ma知影,所以,每一擺,我na是轉去,你攏會準備真cenn-caue暗頓ho我ziah,ho我逐遍轉去攏食gah真粗飽、腰ma ka粗!也m閣我心內suah真歡喜!zit世人我感覺我真幸運edang做你ezo-giann,希望後世人ma edang有zit le機會,zit ma我di zia veh祝你母親節快樂!身體健康zia百二!希望你會凍mai gorh為我操煩啊!


Zo-giann 柔綾


daiqi007 發表在 痞客邦 PIXNET 留言(0) 人氣()

祝媽媽永遠健康、快樂
戴嘉偉
閣過無幾工就是一年一gaie母親節,雖然講母親節逐年攏le過,m閣sua m是每一gai我攏有特別寫卡片來送你。今年是我出生以來第二十gaie母親節,ma是一個特殊e日子,趁著一gaie機會,我想veh好好仔來感謝你這二十年來辛勞e照顧。
自從我有記憶以來,我會記zit每一工你總是咱厝內上早起床ehit個,負責叫逐個人起來上班上課,閣會替大家準備早頓。厝內e大小事,親像煮飯、拚掃、洗衫、洗碗,你ma攏棄嫌e往身上擔。無論透風落雨,你ma攏會陪我去坐車去學校讀冊,ui小學gau高中,無due一工無來。雖然你zit個人替逐個做ziah濟代誌,但是你從來mvat講過半句怨氣e話。你對阮每一個人e付出,絕對值得阮對你e感謝。
閣會記zit我細漢e時陣vat送過你我家已畫e卡片,雖然講我e美術天份無外好,畫e圖當然ma無講足好看,但是你ia是足歡喜ga伊收ho好勢好勢,到今仔日閣edang teh出來欣賞。猶閣有一gai我用考試考滿分e獎勵去換zit個edang放音樂e珠寶keh仔當做li物送你,看著你收diorh了後歡喜e心情,我ma感覺非常快樂。你就是ziah ni a ho人歡喜,ziah ni a 得人尊重。zimma我已經大漢,ma已經讀ga大學,vedang像以前按呢di厝ho你照顧為你分憂,但是di zit個特別e日子,我ia是袂祝福你母親節快樂,有你辛勞e照顧,ziah有阮今仔日e成就。感謝你對阮e養育之恩,雖然阮 zimma iau無能力趁錢來ga恁友孝,但是有一工我一定e好好仔來ga恁照顧,盡著身為子女應盡e責任,ma祝福你永遠健康、永遠快樂。

daiqi007 發表在 痞客邦 PIXNET 留言(0) 人氣()

母親節短文—ga阿母sai nai
動機系莊于瑩

Di我國中一年e時陣,阿母對我講e話,我總是感覺煩,定定m聽,惹伊生氣,有時候我並m是刁工e,阿母e話ma m是m對,m過心內就是有一種衝動想veh gha伊做對頭,定定ga qun母仔giann之間e氣氛vu gah真vai。

有zit擺,會記得過一工就veh期中考,我讀書讀到一半,就落去樓腳lim茶歇睏,阿母就坐di膨椅看電視,我坐去伊e邊仔ga伊做伙看,看到一半我雄雄想veh ga 阿母sai nai 一下,我ga伊抱著,zit時陣我發現伊e頭毛有真濟e白頭毛,我就想到我以前是按怎惹伊生氣、按怎e m聽話,阿母e白頭毛攏是操煩我、氣我才會生出來e,想到這我感覺家已真正足不孝,我是一個叛逆e囝仔,懺悔e目屎馬上流lo 來,阿母看到我雄雄哭出來伊ma cuah一diorh,聽我講原因了後伊ma ga我攬diau diau,我ga伊會失禮,阿母講每一個父母攏是為囝仔di操煩,m管家己e囝仔有qua歹,yin攏會原諒gah包容,對yine愛ma ve變少,聽完阿母e話了後,我真正感受著阿母對阮e愛,我ma下定決心,我veh做一個乖zo-giznn,ui hit 仝了後我做任何代誌攏會想到父母,yine話我ma 攏會聽,會關心yin為yin設想,現在我gah ba-ba ma-mae關係足hor e,我na 有任何代誌攏會ga yin講、ga yin好好參詳。現在我足愛足愛yine,ma感覺家己足幸福e!

daiqi007 發表在 痞客邦 PIXNET 留言(0) 人氣()