目前日期文章:200905 (10)

瀏覽方式: 標題列表 簡短摘要
貓仔 食 niau鼠
蔡易宸(靜宜企業4)

有一隻貓仔 vat一隻niau ci, dor 膨風講 家己有 外甲意 niau 鼠, 甲意gah伊 交朋友,了後 niau 鼠 總算同意 gah 貓仔住, 作伙生活。
“咱 必要準備 過冬e物件a, 若無 咱到冬天 dor會 iau 腹肚,” 貓仔講,
“講著你嘛, 我e小niau 鼠, dor位 攏m通去, 我真驚你 會ho什麼niau 鼠夾仔夾著。” niau鼠接受 貓仔e 好建議, 逗陣 dor去買來 一罐豬油, mgorh 兩個人 suah m知 veh ga豬油 kngdi什麼所在。 Yin 日ma 想、 暝ma想, tong尾後 貓仔講:“我想講ga豬油 kng di 教堂裡 是 上穩當e, 因為 誰ma m敢偷 教堂內底e 物件。 咱來ga 豬油 藏di祭壇 下, 無到 萬不一e 時陣 決mai動伊。”
豬油罐 dor按呢 hong放去 安全e所在。 可是 過無外久, 貓仔 開始想veh食豬油了,dor對niau鼠講:“小niau鼠, 我想veh ga你講 一zan代誌。 我e表姐 du生 一個小寶貝, 閣請我 作小寶貝e 教母。 He小寶貝 全身雪白,帶著 一寡 褐色e斑點。 我veh抱伊 去接受 洗禮, 所以 今仔日 veh出去 一下, 你一個人 家己顧厝, 好無?”
“好! 好!”niau 鼠講, “做你去。 若是 有什麼 好食e物件, 千萬 愛會記我。我 足想veh嘗 一點仔 洗禮時 用e 紅葡萄酒。”
這一切 定著 攏m是 真e, 因為 貓仔 並無表姐, ma無hong請去 作教母。伊直接 去教堂, 偷偷仔 爬去 豬油罐仔 hia, 開始舔呀舔, ga頂面hit層 豬油 舔了了。
了後, 伊 di城裡e 厝頂 散步, 想veh 看會du著 什麼 好運氣 無; 了後dor 倒落來曝日頭。 逐gai想起 hit罐豬油, 伊 dor 擋vediau 舔舔家己e 嘴箍。 伊一直等到 天烏 ziah轉去 厝裡。
“啊, 你 總算轉來 了,” niau 鼠講, “zit一工 一定 過得足歡喜 吧?”
“一切順事。”貓仔回答。
“lin ga qin-a號什麼名 ?”
“無頂層!” 貓仔 冷淡deh講。
“無頂層!”niau鼠 叫出來, “zit個 古怪e名 真罕見。 Lin家常 取 按呢e名嗎?”
“he有什麼?” 貓仔講, “ve比 你hia-e 教子 叫什麼 ‘偷pang幼仔e’ 閣卡vai吧?”
  過無外久, 貓仔 又想veh食 豬油 了。
伊對niau鼠講:“你ai幫我一個忙, gorh一個人 顧厝。 閣有人 請我作教母 a,zit個qin-ae 頷頸 有 一條白箍, 我實在 無法度 推辭。”
好心e niau鼠同意。 貓仔ui 城牆後面 溜進教堂, 一口氣 食掉 半罐豬油。
“什麼物件 ma -ve比 食著 到家己e 嘴內 閣卡 一度贊,” 伊講, 心內 對 zit一工e收獲 感覺 足滿意。 等到厝, niau 鼠問講: “zit個紅嬰仔 號 什麼名字 呀?”
“食了一半 ” 貓仔回答。
“食了一半! 你 deh講什麼 呀? 我食ziah老 閣mvat有聽講按呢e號名。我敢打賭, dor是 歷史上 ma-ve按呢叫!”
  閣無外久, 貓仔e嘴箍 又開始 流嘴nua lo, 閣想veh去 貪豬油。
  “好事成三 嘛!”
伊講,“又閣 有人請我 去作教母 了。 Zit個qin-a 除了 爪仔是白色e, 歸身烏sorsor, 連 一支白毛 攏無。 這是 罕見e代誌, 你 當然會 同意 我去,對嗎?”
“無頂層! 食了一半!” niau 鼠回答, “zia-e名 真怪! 我實在 弄binnve明白。”
“你透早 a ve出門,”貓仔講, “歸工 穿深 灰色e皮裘(hiu5), 拖著 長長e尾溜, 坐di 厝裡 烏白想, 當然 頭殼ve明白 啦!”
趁著 貓仔 無di厝, niau鼠 ga厝內 拚掃清氣, ga 物件 款ho好勢。 可是he貓仔 ga剩e豬油 食gah 清氣清氣。
“人 只有 ga物件 食ho 清氣清氣 才會放心,” 伊 家己講 家己會。 伊食gah飽飽dudu, 一直到 天黑了 才撐著 圓圓會e 腹肚櫃仔 轉去。 niau 鼠看著伊轉來, 問伊 第三個qin-a 叫什麼名。
“你mave甲意 zit 款名 ,”貓仔說,“伊叫 ‘食gah光光光’。”
“食gah光光光!” niau 鼠 叫出來, “zit個名 hong 花gorgor! 我 從來mvat di冊裡見過。 食gah光光光! 這是 什麼意思 呢?” 伊 頭搖搖leh, 身軀縮起來, 倒落去 睏去了。
自 按呢 了後, 貓仔 dor 無人 閣請伊 去作教母。 可是 冬天 來到了,外面 找無 任何 食e物件。
niau 鼠 想著yin 準備e 過冬e物件, dor講: “行 吧, 貓仔! 咱teh 儲存e 豬油 吧。 咱 edang食 一頓腥臊。”
“是,” 貓仔回答, “若准會 ga你 suisui、 尖尖e 嘴舌 伸到窗外 去lim 西北風 仝款。”
Yin起身 去教堂, 等yin 去到hia, 看著 豬油罐仔 倒di-hia, 內面 suah是空e。 “an-niu-ue哪!” niau 鼠講, “我zitma 總算明白 是按怎樣 啦! 你有影真是 一個 好朋友! 你去作 什麼教母e 時陣, ga zia-e豬油 全食 了了了! 代先是食了上頂guan一層, 閣食了 一半, 上尾後……”
“你e狗嘴 ga我恬去!” 貓仔嚷叫, “你 若再羅嗦, 我連你ma食!”
“……食了了,” 可憐e niau鼠 續嘴講。
伊ga話 講suah, 貓仔dor pa去 伊e身上, 掠著伊, ga吞食落腹。 Zit個世界 dor是按呢!

daiqi007 發表在 痞客邦 PIXNET 留言(0) 人氣()

小 紅 帽 劇本
靜宜學生
故事:小紅帽
編劇:黃淑娟
監製:許雅婷、黃淑娟
演員:旁白—鄭暐諺 拍獵師—許雅婷
小紅帽—方國軒 阿嬤—謝智劦
大野狼—張旂逢 阿母—黃淑娟

旁白:「古早 閣古早 有一個 足古錐e 小姑娘, 真得人緣, ma富有 正義感, 逐個人 攏足疼伊, mgor, 上疼伊e人 dor是 伊e老阿媽, 老阿媽 ga伊 惜命命, 又家己 親手編織 一頂 紅色布料 所作e紅帽 送ho伊, zit個小姑娘 ma真甲意 zit頂帽仔, 日暗 ga戴di 頭殼頂, 所以 逐家攏叫伊 『小紅帽』。」

旁白:「有一工, 阿母知影 老阿媽e厝 定定 著賊偷, dor叫 小紅帽 去找 拍獵師, 請伊 想辦法。」

阿母:「小紅帽阿, 來! 緊去向 村莊裡e 拍獵師 求助, 阿媽e厝 經常 ho人 偷teh物件, 趕緊 講ho伊知。」

小紅帽:「阿母, 我會 做到好, mai操煩!」

旁白:「dor按呢! 小紅帽 去向 拍獵師 講 zit款代誌。」

拍獵師:「小紅帽, 我zitma無閒, 等我 攏做好 我e代誌 dor sui 過去看mai。」

旁白:「因為 拍獵師 無法度 馬上過去, 但是 小紅帽 真煩惱 阿媽 會受著 傷害, dor 家己一個人 去看阿媽。 路途中, 小紅帽 ma買 阿媽 上愛食e 臭豆腐 veh去看伊, 想著 veh見著 阿媽 阿dor 足歡喜, 一路上 攏leh 唱歌, 三腳走二腳跳。」

小紅帽:「到阿媽厝 了, 先kok個門 看阿媽 有di 無。」

旁白:「阿媽 聽著門 發出聲音, dor拖著 虛弱e身軀 去應門, 無想著 竟然 是 小紅帽……」

阿媽: 「我e乖孫仔 小紅帽, 阿媽 真歡喜 看著妳啦! a mgor 我 今仔日 身體ve爽快, 無法度 好好招待 妳, 妳dor 卡委屈 一寡……」

小紅帽:「阿媽! 我無要緊 啦! 我會 好好照顧 妳。」

旁白:「阿媽 閣 倒di眠床 歇睏, 小紅帽 ma di眠床邊 照顧伊。」

小紅帽:「看著 阿媽 ziah艱苦, 厝內裡 又無藥草 好食, mgor 我 閣ve放心 阿媽一人 di厝內, zitma是 veh 按怎 呢?」

旁白:「du-a好, 門 又 發出聲音, 是 有人來 啊! 小紅帽 dor去開門, he m是 人 是 大野狼。」

大野狼:「你好! 小紅帽。」

小紅帽:「你好, 狼先生。 有什麼代誌 嗎?」

大野狼:「聽人講, 這間厝內 有一位 破病e 老太太 是m是?」

小紅帽:「是啦! 我du deh煩惱 藥草e 問題…」

旁白:「這時, 大野狼 聽著 小紅帽 按呢講, dor歡喜 開始暗算。」

大野狼:「小紅帽, 阿無按呢, 我替妳 照顧 zit位 破病e 老太太, 妳出去 cue藥草 好無?」
小紅帽:「好阿!多謝你,狼先生。」

旁白:「小紅帽 並無懷疑 dor 趕緊出去 找藥草, ho 大野狼 去 照顧阿媽。 等小紅帽 轉來, du好 看著 大野狼 抱著阿媽 出門。」

小紅帽:「狼先生, 你抱阿媽 是 veh去dor位?」

旁白:「大野狼 無cap伊, dit dit 走去 樹林e內底, 小紅帽 看伊 無回答, dor偷偷a gorh due di 伊後壁行, zit時 拍獵師 ma du-a好到zia, 看著 小紅帽 躡腳行, 伊ma跟著, dor按呢!來到 大野狼e厝。」

小紅帽:「是按怎 狼先生 伊veh cua阿媽 轉去lin厝?」

旁白:「當 小紅帽 感覺奇怪 時, 雄雄 感覺著 有人deh dah伊e肩胛頭, uat頭 dor看著 是 拍獵師, 不過 拍獵師 驚大野狼 發現著伊, dor叫 小紅帽 mai出聲, 兩個人 做伙看 大野狼 到底 是 deh binn 什麼vang。」

大野狼:「今a mai偷物件, 直接 ga zit個veh死e人 帶轉來,有幾仔餐免閣再 煩惱!
哈!哈!嘻!嘻!」

旁白:「當 大野狼 du準備 veh食 阿媽e時, 小紅帽 gah 拍獵師 趕緊出來。」

小紅帽gah拍獵師: 「ga 我擋leh! 」

小紅帽:「你敢 對我 阿媽 安怎, 你 若ga kap著 一支毛 我dor對 你ve客氣!」

大野狼:「伊 是 我e暗頓 呢! 誰cap你!」

拍獵師:「我聽ve 落去, ho伊死!」

旁白:「拍獵師 講完 zit句話 了後, dor ga 身上e獵槍, 對 大野狼 開槍, bong! 大野狼中槍 死qenqen。」

旁白:「了後, 小紅帽 ga阿媽 帶回 阿媽e厝裡, 逐天 煮藥草 ho 阿媽 食, 阿媽e身體 總算 恢復健康, 大家 暫時放落 心肝底e 石頭。」



daiqi007 發表在 痞客邦 PIXNET 留言(0) 人氣()

 Ve pah死結e橫向思考法
江曲涵

橫向思維應該是gah垂直思維相對來講e,意思是指盡量擺脫傳統觀念另外ui新e角度對某一事物重新思考e一種方法。垂直思維強調思維e單向性,橫向思維強調思維e多向性,dor是qau ui多方面、無仝e角度來考慮問題,閣ga可能相關或無相關e要素結合做伙,以期望得著對問題e新創見。橫向思維e提出,ho思維e途徑ui單向發展到多向,因此具有kah濟e創新可能性。

  絕大多數人di思考一個問題時,慣用e是「垂直式思維」,ma是假定一個目標或角度,然後親像堆積木按呢,一個步驟接一個步驟,照對錯e邏輯推理法則架構起來,電腦e思考方式即為典型e「垂直思維」。「水平思維」則是di思考時有真濟無仝e起點、甚至互相矛盾e假設,像亂散e積木,然後找出zit寡積木之間是m是有「相接」e所在。

  veh有創造性e思想,咱需要ui別e所在找著資訊來啟發家己,若咱edang廣泛涉獵多個領域,閣藉助zit寡無仝e領域e知識,再應用di咱所愛面對e問題,應用來完成咱e創造,dor edang解決咱e問題。zia-e無仝領域e事物,往往可能di表面上並無直接關係,mgorh咱edang透過橫向思維,就算是牽強ma無關係,將咱所面對e問題gah伊結合,dor機會得著一個有效用e、簡單gah理想e新概念。

  有人對zit種技巧做出延伸,其實只是提醒咱列出一系列具體閣gah問題無關e物體,並去分析zit寡物體e特性再加以研究,想veh ui分析之中尋求上有可能有效解決問題e方法,zit種聯想方法,edang訓練咱e創新gah啟發能力。

  除了跨領域e結合,橫向思維也edang講是,ga兩種無並列e事物互相交叉,ga兩者e優點相結合,ho伊成做一個新e事物。比如講,咱可以翻閱商品目錄,將兩項以上目錄上e產品隨機交叉,並去發想一寡獨創性e想法,ga原本看起來並無關係e兩項產品連繫起來,可能咱dor edang開發出獨創e新產品。

  比如,保溫杯dor是熱水瓶gah水杯強制聯做伙,又比如,ga機槍、播種機gah飛機合做伙,dor可克服地面人工播種慢,mgorh空中又無法度深入播種e問題。Zia-e例,攏是藉由人運用想像力將gah問題無仝e物品、知識領域,藉著不斷橫向e思路轉換,達到思維e快速推進,進一步找出適合e答案,都是橫向思維有代表性e例。

  我e心得是橫向思維gah一般常用e垂直思維,簡單比較起來,比如講現在veh挖一個洞孔,垂直思維dor是一步一步e向下腳挖,a橫向思維則是di原本e洞附近挖kah濟e洞孔,Zit種發散式e思考,互相無特別相關,每一種答案也無所謂對錯,但往往獨有創意、巧思,ho人拍桌仔huah好,品味無限。

daiqi007 發表在 痞客邦 PIXNET 留言(0) 人氣()

 Ve 單一死結e橫向思考法
江曲涵

橫向思維應該是gah垂直思維相對來講e,意思是指盡量擺脫傳統觀念另外ui新e角度對某一事物重新思考e一種方法。垂直思維強調思維e單向性,橫向思維強調思維e多向性,dor是qau ui多方面、無仝e角度來考慮問題,閣ga可能相關或無相關e要素結合做伙,以期望得著對問題e新創見。橫向思維e提出,ho思維e途徑ui單向發展到多向,因此具有kah濟e創新可能性。

  絕大多數人di思考一個問題時,慣用e是「垂直式思維」,ma是假定一個目標或角度,然後親像堆積木按呢,一個步驟接一個步驟,照對錯e邏輯推理法則架構起來,電腦e思考方式即為典型e「垂直思維」。「水平思維」則是di思考時有真濟無仝e起點、甚至互相矛盾e假設,像亂散e積木,然後找出zit寡積木之間是m是有「相接」e所在。
  
veh有創造性e思想,咱需要ui別e所在找著資訊來啟發家己,若咱edang廣泛涉獵多個領域,閣藉助zit寡無仝e領域e知識,再應用di咱所愛面對e問題,應用來完成咱e創造,dor edang解決咱e問題。zia-e無仝領域e事物,往往可能di表面上並無直接關係,mgorh咱edang透過橫向思維,就算是牽強ma無關係,將咱所面對e問題gah伊結合,dor機會得著一個有效用e、簡單gah理想e新概念。
  
有人對zit種技巧做出延伸,其實只是提醒咱列出一系列具體閣gah問題無關e物體,並去分析zit寡物體e特性再加以研究,想veh ui分析之中尋求上有可能有效解決問題e方法,zit種聯想方法,edang訓練咱e創新gah啟發能力。
  
除了跨領域e結合,橫向思維也edang講是,ga兩種無並列e事物互相交叉,ga兩者e優點相結合,ho伊成做一個新e事 物。比如講,咱可以翻閱商品目錄,將兩項以上目錄上e產品隨機交叉,並去發想一寡獨創性e想法,ga原本看起來並無關係e兩項產品連繫起來,可能咱dor edang開發出獨創e新產品。
 
 比如,保溫杯dor是熱水瓶gah水杯強制聯做伙,又比如,ga機槍、播種機gah飛機合做伙,dor可克服地面人工播種慢,mgorh空中又無法度深入播種e問題。Zia-e例,攏是藉由人運用想像力將gah問題無仝e物品、知識領域,藉著不斷橫向e思路轉換,達到思維e快速推進,進一步找出適合e答案,都是橫向思維有代表性e例。

  我e心得是橫向思維gah一般常用e垂直思維,簡單比較起來,比如講現在veh挖一個洞孔,垂直思維dor是一步一步e向下腳挖,a橫向思維則是di原本e洞附近挖kah濟e洞孔,Zit種發散式e思考,互相無特別相關,每一種答案也無所謂對錯,但往往獨有創意、巧思,ho人kiau桌仔huah好,品味無限。

daiqi007 發表在 痞客邦 PIXNET 留言(0) 人氣()

一時風 駛一時船:囚犯思考法
楊東庭

囚犯思考法 傳達出按呢e資訊:人愛知影 借勢借力, 家己 無能力 做好某一件 代誌, dor必要想辦法 請一個qau人 代勞; 若是 家己有 能力, 有時, 也愛考慮 是m是 應該ho能力 卡guan e人, ga 一件代誌 做卡 sui一寡寡。

進前, di法國 有一個農民, 因為 ho人陷害 去偷the 皇家e寶物, hong關入大牢。

麻煩大a, 因為 伊家中 有 一大片種 馬鈴薯e 土地, 體弱e某 根本無法度 單靠 伊一個人e 力量 去耕種。 若是 m鬆土犁田, 無法度 種物件。 播種e季節 漸漸臨近, zit個 不幸e囚犯, 心中 足焦慮。

Veh按怎呢? 伊 苦思冥想 三工, 無望e時陣, 思路一轉, 悟出 一個奇招: 伊暗中 寫一封批信, 暗中 以 好言好語 向一個 古意e獄卒 求助,請獄卒 將zit封批 按照地址 寄ho伊e太太, 批中寫講: 「我 上親愛e 厝內人, 今仔日 我冒著 極大e風險 寫zit封批 ho你, 是為veh ga你講 一個祕密, ho你 從此以後, 過著 人世間 上幸福e日子……」, hit個囚犯 di批中 所指e秘密, 講e是 伊ga一寡「寶物」 埋di家中 hit片田地裡。

無出zit個囚犯所料,獄卒一轉身,dor ga zit封批 交ho典獄長。

看見zit封批, 典獄長 上歡喜, 隨dor派出 一班士兵 趕往 囚犯e田地,將 伊家中 hit一大片土地 翻鬆土肉, 結果 用腳頭u想 ma知-有功拍無勞! hit一班 士兵, 白白 為hit個 真巧e囚犯 耕了一遍地, 做一擺 真正e 牛gah馬。

囚犯思考法 傳達出按呢e資訊: 人愛知影 借勢借力, 家己 無能力 做好某一件 代誌, dor必須想辦法 請 一個qau人 代勞; 若是 家己有能力, 有時, ma愛慮 是m是 應該ho 能力卡guan e人, ga一件代誌 做卡 sui一寡寡。

上精明e 頭家, ma有 困惑e時陣。

1952年,日本東芝.電器公司 庫存 大量電風, 頭家 無法度, 只好發動公司e 七萬外個員工, 做伙為 pah開 市場知名度 想辦法。

有一個 小職員 向 公司頭家 提出, 為什麼 阮e電風 m是 別款色水e?頭家 特別重視 zit位小職員e 建議, 為著 zit個建議, 召開 董事會, 尾後 董事會 決定採納 zit個建議。

第二冬e 熱天, 東芝公司 推出 一系列e 彩色電風, 這批電風 一上市,dor di市場上 引起一陣 搶買熱潮, 數月之內 dor賣出 幾十萬台。 自按呢了後, di世界e 任何所在, 電風 dor m ganna是 一副黑色e 面貌。

讀後心得:
故事上尾e 東芝公司 頭家 實在 真有風度, 竟然 願肯牽就 下腳手人 去求問 公司內 各職位e職員 edang幫助公司e 建議, 以此 來取得 公司e大成功, 所以 我認為 囚犯思考法 ga阮講e, m是 學會用奸巧 去欺騙別人 來替阮 做代誌, 相對地, 是ho咱 去重視 每一個人e 想法gah創意, 畢竟 每一個人e 學習經驗 無仝款, 各自 專長e領域 ma 無仝款, 別人 往往edang用 gah家己 無仝e角度 來看代誌, 當 大家做伙 集思廣益e 時陣, 往往 dor edang 激盪出 美好e火花, Albert Einstein[愛因斯坦] ma講過: 「個人e貢獻 無算啥,mgor 全體e結果 ho人讚嘆」, 我想 Einstein zit句話, dor是 囚犯思考法 上好e詮釋 吧!

daiqi007 發表在 痞客邦 PIXNET 留言(0) 人氣()

台語教學日記
洪偲僥

相信 足濟人 ham我仝款, 聽有台語, 平常時 di厝 ma ham 爸、媽用台語 交談。 但 一直有 一寡台語e音 發音ve正確, 變做會曉聽 卻念ve標準。台語是 台灣本土 e 語言, 伊ham 客家話、 福建話攏 si以早 中國南方 語言。Zia-e語言 聽起來相近, mgorh 詳細研究, ziah edang分辨 其中 明顯e區別。
台語是 台灣 大部分人e 共同語言, dor算 di現今 多元文化 多族群e 社會裡, ma占一席地位。 反觀 現代少年 一輩, 卻 愈來愈少 用 zit個 咱家己文化 e 語言溝通。 好佳在 di前幾冬, 社會 本土意識 逐漸抬頭, 政府 ma開始 積極推動 母語教學.政策, 愈來愈濟學者 開始研究 發表 各種母語e 羅馬拼音 gah文字, 將以往無 「書同文」e語言 用相當於 科學量化e 方式, 有系統e 歸類,創造出 咱zitma所學 e 拼音法。 但因為 zia-e拼音 除了 基本字母 外, 定定伴隨 著毛毛蟲(~) gah 無仝e 上標, ho無學過e人 往往 m知影 該ui何學起, ma ve-hiau 安怎發出 正確e音。 藉由 最近 剛學著e 台語羅馬拼音, 我 將上課時 所學e 拼音法 介紹ho同學, ho伊 更確實 e 認識 如何 念出正確e 台語發音。
Zit gai 我 教學e同學, 是一位 本來 就聽有台語, 但無gai會曉 講台語e陳同學。 伊向我 表示, 家己講台語 上大e障礙 是 發ve出 正確e音, ma dor是講,伊聽著e 台語, gah ui家己口中 講出來e, gah正確發音 有 淡薄仔差距。 我聽著 真歡喜, 因為我所學e 總算 veh派著 路用a。
我依循 老師 上課教阮 e方式, 先ui 前音節.基本架構 中 e六個母音 出發。 因為 母音e發音 正確建立 後, 配合 其他子音 會學習 得kah緊。 這套雙拼音 發音系統 其實 ham 條頓語系e 拼音系統 足接近。 攏是 由子音 搭配 母音相輔相成 e 建構出 一套完整 發音系統。 其中 差別 e所在 dor di 英文、日文 或是 其他 歐系語言 攏是五個母音。 台語拼音系統 則是 由六個母音組成(加上「or」)。 子音基本上 是由 ㄅ、ㄆ、ㄇ、ㄈ 一個音 一個音 去ham 母音組成, 形成字音。 但 gah華語無仝 e 是,台語加了「bh」、「gh」ham「re」三個子音 (舌根放軟e音)。 Zia-e音 對 陳同學來講 攏算是 十分明白 好接受。 伊ma足緊 就edang發出 正確 e聲音。
當基本e 無問題後, 我開始 教伊 前音節裡e 鼻化音。 鼻化音 顧名思義,就是gah鼻音有關e音節。Di華語拼音中,像是「ㄣ」 就是明顯e 鼻化音。 雖然 鼻化音 di華語中 好像m是 hia nia-e定見, 但是 di台語中, 卻有足濟鼻化音。 陳同學 感覺 鼻化音 比起 一般e 前音節非鼻化音 卡困難一寡。 上主要是 足濟音 聽起來 無像是 鼻化音, 但其實 yin卻有 淡薄仔 鼻化音e 成分。 就像 di英文中 veh區分 「ng」 gah 「n」e 發音 ma m是 hiah容易。 但 這 小可e差距 卻會造成 聽者 感官上 e差異。
閣來是 介紹後音節。 後音節 大部分 gah 前音節仝款, 但 卻加了 入聲音。 相信逐家 di高中時 上國文課 時, 老師 一定有 提過講 古中文 e 發音 可分為 平上去入, 古字 有足濟 入聲音, 但入聲字 di咱zitma 使用e華語 卻消失去了。 足濟 古早 留傳下來e 語言像 是台語、客家話…等, 攏 iah有 保留 入聲字。Di 台語拼音 裡, 有分 三種入聲音e 發音法。 Zia-e 音 di日常生活中 足定聽著, yin 通常短促 且gorh 音卡重。 念起來 有收斂 e 感覺。
教完 前後音節 後, 我的故事I ah未 講完, 台語羅馬拼音 iah有 複母音。陳同學 感覺 複母音 足像是 伊 di美國學著e 英文發音法。 英文e 母音念法 其實ma是 由 母音再 加上 上標母音 或 子音配合念。 舉例像是:decay,一般「KK音標」ganna會標示【e】, 但是zitma 美國人教e 發音法則 是將「ay」 看做【ey】。 台語拼音 e 複母音 ham 這個 國外教學e 例子雷同。 阮攏感覺 使用這種 發音方式 更貼近 咱聽著 e音。
教完 基本 台語羅馬拼音 後, dor是 主角等場囉-- 雙拼旋律。 陳同學一聽著 雙拼旋律, 就好親像 回到 幼稚園.正音班 仝款, m-na趣味 gorh di 不知不覺 中 將 前音節語 後音節 做 完美結合。 當然其中 ma有 一寡 愛注意 e 所在:只有 一個母音時 愛重複 該母音, 兩個母音時 便各自 拆開。 學會曉這點, 按怎雙拼旋律就 edang順溜a。 雙拼旋律 除了 音符簡單、好學 外, 最後 更加上 台語 所特有e 三階五調發音, ho咱一gai 學會 所有 發音音調, 非常實用 而且 上重要e是容易上手。
教完 陳同學 後, 阮對 台語拼音 有更進一步e 認識。 阮兩人 攏足驚訝,原來 台語羅馬拼音 並無想像中 困難, 大約 只開四十分鐘 diorh完成lo。 陳同學gorh希望 影印 上課講義 轉去教 伊e厝人, 因為 真e足簡單 gorh 趣味。 我ma足歡喜, 我想, 這就是 做人師表 上大e喜悅吧。

【後記】
我頭前 牽真遠, 重點 在後面。 而且 事後 老師建議 講愛先教 雙拼旋律,ho人先慣習 台語特有e 發音gah聲調, 才來 教羅馬拼音 安怎卡好。 我想想leh 足有道理, 下gai gorh掠 一個同學 來試看mai, 加上 第一次 教學心得,相信 效果 一定更加好!

daiqi007 發表在 痞客邦 PIXNET 留言(0) 人氣()

本土語文學 場記
場號:0001
講座名稱:內惟埤、 美術館 與 詩的 對話
主講人:胡長松
時間:5/9(六) 19:00 ~ 21:00
地點:高雄市 美術南三路82號〔大芳.生鮮超市〕前 公共空間
主辦單位::台文戰線.雜誌社  協辦單位:大芳.生鮮超市
主持人:方耀乾教授

清爽e 五月初, 暗頭仔 du好是 咱人4月15e 月圓時, 厝邊隔壁 相招來聽 台語詩人 長松 談內惟 吐台語詩 唸童謠。
耀乾翁仔某、 永進公婆仔、 金順、 文平、 俊洲 、正雄、 柏榮、 德本、 秋白 ma ui台南、 大社、 仁武、 鳥松來lo, zia攏算是 文友e厝邊。
長松e 丈人丈姆、 爸母、 牽手、 一對 囝兒gah千金, 圍seh著, zit場 開路先鼓e 文化講座。
長松e聲 透lam di 藝術館 附近e 祖地基業.廣場。 有時圖文、 有時詩話、有時音樂、 有時唸謠、 有時歌唱, 坐e坐、 kia-e-kia、 出門慢跑e、 跨di鐵馬e ma釘腳, 來來去去, 上濟e時 有60個人。
早前時, 英國.愛爾蘭e 詩人、 劇作家、 小說家 - - Oscar Wilde e 爸母 di 家己e厝內, 時常邀請 當時e文友 來坐談, zia-e人 有 真出名e 當代文豪、 名流, 年幼e Wilde 兄弟仔 定定di邊仔 聽gah睏di客廳。
巴黎e 咖啡沙龍, 出過 真濟 驚天動地e 思想家、 哲學家、 作家、 畫家、 ……
咱m是無 , 是 咱 無去想著, 因為 台語文學e 美聲、 美學, 無去 創新放送。
千金買厝 萬金 買厝邊, 臨場感 真舒適, ui zit小步 起造, 總有一工 di遠遠e 所在, ma會有 同步e 臨場感。
母親節 前夕, 阿母講e話, ho 阮真春天e 心情。




daiqi007 發表在 痞客邦 PIXNET 留言(0) 人氣()

美國總統 勝選e演講, 用台語 來發聲
王莉婷

Obama勝選e 演講, 經過 用台文 來發聲 是 更加ho人 有力 gorh真親切e 感覺, 這ma是 台文 比起 華語 卡有人情味 ham 影響力e 所在。 台文e用字 雖然簡單, 但是卻ve凊采, 顛倒是 一種 優美gorh生動e 表達, 是一種 會ga人 深深吸引e 聲音, 是一種 深入淺出、 意義非凡e 語言。 di Obama 勝選e 演講 中, 咱ma有讀著 zit句,”是啊,咱做會到,” 真簡單e 短短 一句話, 卻是 ho我 印象上深e 一句話, 伊利用 di最後 幾段話e 上尾仔 攏gorh再 提起 一遍e 方式, ”是啊,咱做會到,” ”是啊, 咱做會到,”……配合著 伊 生動e口氣 gah 講話技巧, ho人 有信心 ham 鼓勵e感覺, ma ho人 感受著 支持e力量。

daiqi007 發表在 痞客邦 PIXNET 留言(0) 人氣()

台音教學筆記 林孟潔

我教e對象是我e表姊,因為伊本身會曉講台語ma會曉英語,所以教伊拼音是一件真簡單e代誌,只要ho伊看zit個拼音e表,順續提醒伊c是讀ㄘe音,愛注意尾音結束若是鼻音diorh愛注意是ng 也是nn,只要家試幾gai diorh會曉a, 另外字尾結束若是入聲字,ma愛注意,看嘴有合起來,diorh愛用p,其他e家練習幾gai diorh應該會曉a。

daiqi007 發表在 痞客邦 PIXNET 留言(0) 人氣()

期待pixar e 超人特攻隊 edang再出續集
楊東庭

Pixar動畫 zit擺 所創造e 超人特攻隊 相當趣味, 我家己 ma vat看過zit部片。 以早, ganna掠準 這只是 一部 ho嬰仔看e 娛樂特效片, 想ve到di看過liau, suah深深ho sann著, 對伊 有真guan e評價。 我認為, 本片 成功e所在 m na是 di 娛樂效果 方面 下功夫, 對 足濟 超人英雄e 元素, Pixar攏有 足深入e 考究, 才能ga超人e 足濟面向 di短短e 電影長度中 表現出來, diorh利用 zit擺e作業 來看兩個 ka無仝款e 特色。

Dui驚險中 去解救火災中e 受困難民 到 掠搶劫e歹人, 超能先生 di本片 一開始 展現 伊強大e 超能力 ham 受人崇拜e 特色, mgorh 無奈di 短短時間 內底, 因為 超能力 無意 破壞了 足濟 公眾設施 所引起e 民怨, 逼gah 超能先生 一家伙a 需要退休 裝做 正常人e 生活, 這di過去e 超人故事裡 差不多是 無聽過e代誌; ma拜 退休所賜, 大家ziah edang看著強大e 超能力 di普通人e 生活中 ma只是 一個負擔, 超能先生 甚至di公司裡 受盡刁難, 我個人 感覺 上述劇情 gah超人e 超能力 是 ga雙面刀e特性 表現gah足好。

Di本片 後半段e 時陣, 超能先生e 牽手 - - 彈力女超人 獨挑大樑, 勇敢救出 先生, 一下仔 變成 降落傘 或是 一下仔 變成船 來保護 驚半死e 子女, 在在 展示母愛e 精神, 以 女性 母愛精神 作為特色, 這di過往e 超人 電影內底 是 差不多無e 特色, 這閣是 一項 值得鼓勵e 創新。

聽講 pixar e 超人特攻隊 足有可能 edang再出新e 續集, 我個人 也是 十分支持, 希望 下一集 edang再一次 看著 整個超能家庭e 合作演出 gah 上細漢e 超能成員 展現伊e 超能力!





daiqi007 發表在 痞客邦 PIXNET 留言(0) 人氣()