目前日期文章:200906 (7)

瀏覽方式: 標題列表 簡短摘要
狼性思考法 翁宸羚

危險e所在 往往 是 生機e所在, zit種思考法, 表現出 一種 極端化e 哲理。 有按呢e 思考方式e 人, 同時 愛有 超人e 勇氣。

希臘寓言 有 一則故事 按呢 講:
鹿母失去 一蕊目睭, 食草e時陣, 將 看有e目睭 對陸地, 預防 拍獵人 猛獸, 青盲e目睭 對海面, 因為 伊知影 海面 無敵人。 那知影 經過e海盜, 看著鹿母, 對伊射箭; veh死e鹿母 哀歎講:“我對陸地 注視, 掠準危險 來自陸地, 那知 海面 暗藏危機!”

為什麼 veh叫作 狼性思考法 leh? 因為 zit個 思考方式 是 ui 狼e行為 來e。 故事 是 按呢 講: 有一隻狼 m對無人 看守e所在 逃走, 因為 伊知影 無人e所在, 可能 更加危險。 雖然 最後 伊不幸 死di槍口 (因為 伊向 上危險e 方向 走去)。 Mgorh 若是 對zit個角度 來想: zit隻狼 若是 安全避開 獵人e槍籽, 伊可能 diorh 會使繼續 活落去。 而且 看起來 親像是 安全e所在, 定定會有 更加危險e 存在, 一旦 大意跋落, 才是 死路一條。
上危險e 所在 上安全, 咱 定定 聽人 按呢講。 其實有伊e 道理存在,有 一寡成功e 人 diorh是 因為 zit款思維 ziah達到 伊e目標。 閣有 另zit個故事:有 zit個小丑 di 危急e時陣 對 上危險e所在 去, ziah保全 伊e性命。 舞台下e 觀眾驚叫, 這隻獅 殺性大發, 對 園區e大門 奔走, di人群中 追逐, 連續傷了 真濟人, 一直到 園區員警 走來, 舉槍pah死 zit隻獅, 才ho zit場可怕e 意外事件 平靜落來。 小丑仔 原本是 上有可能 ho走出來e 大獅 吞落去 腹肚內, mgorh 伊vih leh大獅e籠仔 內底 , 逃過 zit個災難。
Di現實中 親像 一寡 因為 sng股票 來好額e人 yin diorh是 di 別人認為會了錢e時陣 diorh進場, 因為 yin知影 zit個時陣 可能diorh是 股票價錢e 底限;所以yin ziah跳落去 買股票, 運氣若好 diorh趁大錢。
Mgorh, 狼性思考法 定定只有 二條路, m是 大好 diorh是 大歹。 親像頭前e例 diorh是 大歹, 因為 hit隻狼 最後死 a。 Teh股票 來講, 若是失敗diorh會 死gah 真歹看; 仝款e道理, 若是 大獅走轉去 籠仔附近, 小丑仔可能 diorh會死翹翹, 一蕊目睭 失明e鹿母, 卻 身亡di 安全e 安穩思維 中。
勇氣, ma是 狼性思考法 重要e因素。 因為 做重大決定e 時, 咱攏需要 大大e勇氣。 更何況 是 di危急e時陣 le? 頭前e 所有狀況 若是 無充足e勇氣, 可能攏會 變作 別個故事 吧。
有一遍, 學校e運動會 辦 障礙競賽。 伊分作 真濟路線, 愈好行e路 愈長、 愈歹行e路 愈緊到 終點。 Zit個時陣, 狼性思考法 diorh 發揮作用: 我大膽選擇 上歹行e路, 因為 我想veh贏。 Hit 條路 實在是 真歹行, 我跋倒 真濟遍。 最後 雖然 無得著 第一名,mgorh 我是 第三名。 對我來講, 狼性思考法 di zit寡時陣 會幫助我 做決定, 而且 會增加 我e鬥志、 ho我m驚困難、 繼續前進, 因為 我知影 若是行過, diorh會成功。

daiqi007 發表在 痞客邦 PIXNET 留言(0) 人氣()

和田思考法 廖彥凱

和田法 是 中國創造學 研究者 許立言、張福奎gah上海市 gah田路小學e教師, di 檢核表法 等 技法 基礎 下, 結合 實際情況, 總結出來e 方法。和田法 是 di 創造力潛能 開發過程 中 上常見 ma 簡單操作e 基本方法。
「和田法」e 內容 簡單講, 如下:
加看mai
Edang di zit項物件 頂面 再加上什麼 嗎? edang ho伊 加大、 加長、 或是 加厚 嗎? 若是 ho zit項物件 加上 其他物件, 會變gah 安怎?如 電腦洗衣機, 這diorh是 洗衣機 加上 電腦 所產生出e 新產品。
減看mai
Edang di zit項物件 頂面 再減去什麼 嗎? Edang ho伊 減小、 降低、 變薄 嗎? Edang省掉 什麼 或是 取消掉 什麼 嗎? 親像 隱形目鏡, he 是 由 目鏡 去掉鏡架 再縮減 鏡片 所形成e。
充一寡
Ho zit項物件 放大、 擴展 會安怎? 功能 edang擴大 嗎? 多用途刀仔 —瑞士刀 ,diorh是一個ve vai e例, 功能 變得 更加多面、 更大a。
減一寡
Ho zit項物件 壓縮 會安怎? Gam edang折疊? 像 zitma 一寡 小巧e產品 di市面上 真受喜愛, 親像 迷你型e 電視, 可以 隨身zah leh, 足方便。
變看mai
改變 形狀、 色水、 聲音、 氣味 會怎樣? 改變順序 會怎樣? 像 zitma e瓜子, 無像 以前 只有一種味, zitma 閣有 奶油味、 五香味 、蒜頭味 等。
改看mai
zit種物件 閣有 什麼不足 嗎? zit項物件 閣有什麼 無方便 嗎? 有辦法 改善 zia-e狀況 嗎? Zitma真濟產品 向多樣化、 微型化、 簡單化、 省力化、 實用化 方向發展。
聯看mai
每項代誌e 結果 gah 伊e起因 有 什麼聯繫 嗎? edang ui因果 找出解決問題e 方法 或是 幫助咱 達成什麼 嗎?
學看mai
有 什麼事物 可以 ho自己 模仿、 學習 嗎? 模仿、 或 學習 伊又會有 什麼結果 或能有 什麼創新? Ford認為 一台車 di 生產線上 裝配 需要 十二個點鐘 實在 是 過頭慢a, 伊學著 屠宰廠、 罐頭廠e 生產過程, 然後 ga學來, 應用 di 汽車生產 , 了後 效率 diorh 提高足濟。
替看mai
Di zit項物件 有什麼 物件 edang替代? 若是 用別e材料、 零件、 方法等, 是什麼 leh? 親像 用 紙替代布 創造出e 紙尿布、 紙內衣 等 拋棄式產品, 價格俗 gorh方便。
搬看mai
Ga zit項物件 搬去 別個所在, 有路用 嗎? ho zit個想法、 道理 等 搬去別個所在, 有路用 嗎? 最近幾冬, 透過 對 超音波技術e 進一步 開發, ho一寡 傳統產品 產生 革命性e 變化。
倒反做
若是 ho一件 物件、 代誌e 正反、 上下、 左右、 前後、 內外 顛倒反 會有按怎樣e 結果? 像 zitma 市面上 四界攏是 現代化e食品, 一寡店 反過來 做 一寡 古早味e 食品, 而且 銷路 特別好, di服裝 時尚頂面, 一再di 流行e款式 復古, diorh是 按呢。
定看mai
Veh解決 一個問題 或是 改進 某物件, 為著 提高效率, 為著 防止事故,需要 定 什麼標準、 規格、 規定? 像 一件工作 若無 分工 ham 制定目標diorh會變gah 無效率, 所以 若是有 明確e 分工gah目標, 效率diorh會 kah高。
運用zia-e 和田法思維 diorh是 講, 咱e大腦 經常 需要 變換一下, pah亂 原本 死硬 e法, 重新組合, 才會產生 新意。
對 大部分e人 來講, zitma e生活 看起來 一切 攏是 應該有e, 一項物品e 用處ham用法 diorh像 是 只有唯一e 一種選擇, 不過 若 pah破 zit種 一絲仔無變e 想法, 一時間 世界diorh會變gah 更加多彩, 各種 可能性 diorh會出現, 好好運用 zit寡 可能性, diorh edang ho 阮e生活 更加趣味。

daiqi007 發表在 痞客邦 PIXNET 留言(0) 人氣()

先機妙算:Rockefeller思考方式
洪偲僥
「時時求主動,處處占先機,以 上小e代價, 求得 上大e利益。」
美國史上 頭一位 億萬富豪, ma是 上gai好額e 企業家---- John Davison Rockefeller。 伊cut世 di 一個足散赤e 家庭, 是什麼 創造 伊e財富? 答案是 伊di 1870年創立e Standard Oil zit間 家家戶戶 攏vat伊e 石油公司。 Mai小看 zit間公司, di 全盛期 伊切斷 全美國 90%以上e 所有石油 相關行業。
Rockefeller 到底是 用 什麼 成功e方式 經營呢? 伊 無所不至 用盡手段, 跨游 di 法律邊緣、 甚至是 各種 違法e方式, 比如:o-se[賄賂]、 威脅政界、 銀行、 鐵路業者, 削價競爭… 等等。 伊e手段 有效 deh拍倒 當時 大多數 競爭對手; 除了 高效率e 競爭手法 以外, 另一個 ho 伊 成功e要素 是 伊拉近 敵人e方式, di 伊 將對手 拍倒 了後, 伊定定 會向 對方提出和解, 並開出 比市價 高出 真濟e價帳 收購 對方e資本。
Diam zia, 值得講e是, 因為 Rockefeller 出身貧寒, 伊並無 can像 一般商人夢想e hit款, 藉著成功 獨占市場 來任意 叫huah價數, 趁夭壽錢。 顛倒面, d i伊統治 石油工業e 數十年間, 伊 將日常用 油帳 大幅壓低 約80%。 伊定定勉勵 員工 講:「咱愛永遠記著 咱是為 散赤人 提供用油, 而且yin愛e 是 俗gorh好e石油。」 伊gorh講:「競爭 是 一種罪惡。」 顛倒來講, 這 ma是 為何美國消費者 會ho Standard Oil 用zit款 ho 人想無e 程度gah速度 控制市場e 原因之一。
逐家mai未記, Rockefeller ma是 一位 超級慈善家。 伊將 伊e鉅富 大都用di 慈善事業, 因此 ho別人 稱做「天使gah魔鬼e 結合體」。 伊是 一位虔誠e 清教徒, 伊抱著 上帝使者e 使命感, 從事 慈善事業。
為著做好 慈善事業, mtang ho受益者e 依賴性 加深, 伊提倡 「相對基金」理念, 實施 「普及性」社會福利。 伊di 醫療gah教育 兩類 慈善事業上 上gai有成就, 所創設e 醫學研究所, 研發出 真濟項 治癒嚴重 傳染病e藥方 並 普及全球; di 教育方面, 尤其是 di當時 非常弱勢e 女性ham非裔美國人e 普及教育上, 更值得 咱推崇。 因為 Rockefeller充分利用伊e財富, 發揮 民間e力量 來發展 政府 無法做著e 社會公益,成為 後世e楷模。
世人攏講 Rockefeller 有「冷靜e腦、 溫暖e心」。 不論是 商業 或是 慈善事業e經營, 攏需要 冷靜e拍算,思索出 上好e方式。 M驚困難, 一關過一關, 抱著 船到橋頭 定著直e 正向態度 接受挑戰。 Suah落來, 咱來看 一個發生 di 伊身上e 小故事, 藉此看出 一位 聰明商人 口袋a裡e 計算機, 是外ni-a頂真。
1876年冬天,di美國賓州e 一間銀行 一如 平常時e 營業。 下晡時, 一位穿gah 足時行體面e 紳士 行入銀行, di 貴賓室 選一個位,大cih cih 坐落來。
Zit工, du好du著 銀行經理 親自接待, 伊對 zit位紳士 講:「請問 zit位先生, 有 什麼代誌 需要我 ga 你效勞?」 伊一頭 熱情 拍招呼, 一頭 上下看 zit位紳士。
「我想veh 向 貴公司 貸款。」 人客講。
「當然ma e-sai! 請問您 veh借 外濟金額 呢?」 經理 想著 一筆 生意入門, 笑微微講。
「一ko diorh好。」hit位紳士 老神在在 deh講。
「一ko?」經理 驚惶e ti 開嘴。
「我zitma急需一ko nia, gam e-sai?」 hit老神在e gorh 講一gai。
經理e頭殼 馬上 高速運轉: zit個人 穿gah ziah講究, 為什麼 ganna借 一美金? 伊是m是 di試探阮e 工作品質 gah 服務效率? suah來, 經理假做 足歡喜e模樣 講:「當然, 只要 有擔保, 無論借 外濟, 阮攏edang照辦。」
「按呢真好。」 hit位先生 ui豪華e皮包裡 teh出 一大堆股票、 債券 kng di經理e 辦公桌上, 交ho經理。
經理用 伊e專業 清點 估計hia e 擔保品, 對zit位人客 講:「先生, 您e擔保品 總價值 大約是 五十萬美金, 作為擔保 是 超過頭濟lo, mgor先生, 您真呢 ganna借一美金?」
「是a, 我ganna需要 一美金。」 hit個人 面無表情 deh講。
「好, 請來hit邊 e 櫃台 排隊 辦手續,年息是六%, 一年後 歸還, 我diorh ga zia 做擔e 股票ham證券 還ho你……」經理 真客氣deh講。
「多謝!」hit位紳士 辦完手續, 準備veh離開 銀行。
經理實在是 忍不著心中e 困惑lo, 伊追去li, 問zit位 行為怪異e 紳士講:「歹勢, 請問我edang問您 一個問題 嗎? 我實在是 想無, 你有 五十萬美金e 財產, 為什麼ganna借 一ko美金?」 經理 滿面困惑。
「好啦, 既然你 ziah好奇, 我diorh實情 ga你講。我來zia,是想veh 辦一件代誌, mgorh你ma知影, 隨身帶zia e 票券真煩, 我問過 幾間銀行, veh租yin e 保險櫃, 租金攏足貴, 我知影貴行e 保全系統 足好, 因此 diorh將zia e票券 用 擔保e形式 寄存di 貴行, 由你 來替我 保管, 我有什麼 ve放心e! 而且 保管費gorh真俗, 寄kng一冬 才不過六美分,這實在 是 足e會hor……」
經理 一時知理, 而且ma足欽佩 zit 位紳e 做法。 Zit位紳士, diorh是 咱之前 講著e, 頂港有名聲, 下港上出名e 美國大企業家 Rockefeller。
講完 Rockefeller e故事, 咱會 嘴角微笑 gorh佩服 伊e做法。 伊e思路 實在 是 足冷靜gorh靈活。
Di 咱接受e 教育 中, 老師總是 ga咱講, du著問題e 時陣, 應該 愛如何照步數 dau-dau- a解決。 但是 若是 咱zitma e問題 是無正統e 解決途徑, 咱veh安怎 呢? 有一寡人 iah是會 照步來、 一層一層 解決, 但是 一寡人 會跳出 已有e框架, 另外找 別人從來m-vat想過e 解決問題 方式。 兩者 攏真好, 但是後者,最後 定定成做 各領域e 勝利者。
「跳出 家己設e圓ko-a 想代誌(Think outside of the box.)。」 這是 咱zitma 真正 應該愛學e!

daiqi007 發表在 痞客邦 PIXNET 留言(0) 人氣()

糊塗思考法
陳富信
表面上, 糊塗思考法 是一種 純化 內心敏感度e 方式。 實際上, zit種方式 是 ho人 抹上一層 百害ve侵e 防護膜, ho人 面對世界e 本質, 刁工裝作 vor看見 人生路上e 一切 分枝雜草。
中國 清朝文人 鄭板橋 講: 「聰明難, 糊塗更難。」 糊塗有什麼難? 伊難di 你雖然 ga代誌 看gah 真清楚, 你要假作 m知影, 你必須抑制 本來會 做出e反應, 這m是 一件簡單e 代誌。 你必須學 會曉忍耐、 寬容。 一旦 你有 zit款能力, 你就會變gah 非常了不起。 以下 有三條 相關e故事, 無定 你ma可體會 糊塗思考e 好處。
美國第九屆總統 William.Henry.Harrison 出世di 一個小鎮上, 厝ema m是真好額。 伊細漢 就真文靜, 鎮上e人 攏 甲意 創治伊, 定定 ga一ko gah 五ko 同齊dann ho伊, ho伊選一個。 William 總是 選擇 五角ehit個, 逐gai 伊攏 ho大家笑 是 大笨桶。 有一gai, 一個小姐問 伊:「敢講 你m知影 一角ham五分 dor一個 卡值錢?」 伊講:「我 定著知影,若是 我撿hit個一ko, yin就 ve 閣dann ho我 啊。」
第二次世界大戰 期間, 一位 調查深入e 記者得著 情資, 美國軍情部 已經破解 日軍進攻 中途島e密碼, 掌握著 日軍e動向, 準備veh ga伊pah敗。 Chicagoe一間報社 diroh 根據 zit個記者e情報,烏白報導, 這ho真濟美國人 煩惱 日軍會知影 相關情報, diorh會影響著 美軍 整體e佈局。面對 ziah重大e 洩密事件, 有人要求 Roosevelt總統 徹底調查, 掠出 幕後e藏鏡人, 但是Roosevelt 卻vor 任何e舉動, 假仙作什麼代誌ma vor發生e形, 軍事部屬 ma vor做任何e 改變。 結果 zit件事 小到 日本情報部 ma vor注意著, 一件 有可能 會毀掉 中途島 成功e事件, ho Roosevelt總統用 巧勢e手段 化解。
當年, Carter想veh選 國會議員 或 Georgia州州長, 伊用這 做目標進行競選, du著 真濟e困境。 伊當時 只是 一個 di伊e家鄉─Georgia州西南部Sumter縣gah伊附近 小有名聲e人 nia nia, di全Georgia洲還是一個 vor什麼人知影e 人物。 有一寡記者 講sng笑e ga伊e名Jimmy‧Carter改成「Jimmy是誰」。 Du開始, 伊對 這個稱號 感覺頭痛。 真緊, 伊調整心態, 想veh用 zit個外號 打知名度。 伊用了 自身有限e 私kia, 印真濟e 宣傳小冊, 家己開車 走遍了 全Georgia州, 直接ham選民 做 上親密e 接觸, 伊e宣傳口號 是:「我是Jimmy」。 伊ma動員了 全家人, di天iau ve光前 就起床 出發去 工廠, 了後 到 每一家公司、 商店、 kia家, m管 du著什麼人, yin 攏 主動去 宣傳, 並且 請求 yine支持。 yin甚至閣到體育場、 牲畜交易所 等 找人做 宣傳工作, 並且 kia di 每一個 賣場外口, 迎接 每一個出來e人, 一直到 大家手中 攏有 宣傳小冊……
第一次參選 雖然失敗了, 但是「Jimmy是誰」 zit個外號 卻ho伊大出名, ma幫助伊 打下了 第二次選舉e 基礎。
經過 短暫歇睏 了後, 伊開始準備 下一次選舉, 伊繼續做 有關土豆e生理, 累積 選舉用e資金。 同時 積極參與 國際獅子會俱樂部e 活動。 He是 一個edang ho伊e名聲 傳到 卡遠e所在。 另外, 伊ma參加 真濟e傳教活動, 這是 競選官職e人 必備e手段。 同時, 伊ma細膩擬定 競選策略。 Di 四年e 競選過程 中, 伊總共 發表了 一千八百篇e 演講, 直接ham六十萬Georgia州選民握手。 歸尾, 伊贏得 zit場選戰。

心得:
世界上 有 濟濟e代誌, 有 一寡代誌 並m是 精明去看待diorh edang找著 上好e辦法, 有當時仔 ma愛糊塗 一下, 想看mai 卡笨 但是有效e方法, 無定diorh有 好e方法 可用。 這ma ga阮講, 什麼代誌 攏有各種e可能, 只要 加想一下, 一定找會著 卡好e 解決方法。

daiqi007 發表在 痞客邦 PIXNET 留言(0) 人氣()

Domino[多明努]思考法
謝至威


Domino思維是leh講,若是有一連串e反應,小小e物件diorh edang造成足大e影響。所以阮ma vedang ga微小e物件當做無看著。

Domino是咱所知影e骨牌,ga in 排ho好,若sak倒第一片骨牌,後壁e骨牌diorh 會ho頭前e骨牌sak倒去,一直到上尾後e一塊骨牌。

但是,有一個英國科學家White[懷特],用一組真特別e骨牌來做實驗。總有十三塊骨牌,每一塊骨牌攏無仝,第一張骨牌親像指甲仝款大,後面 e骨牌攏比頭前e大50%。 若照按呢排,最後e一張骨牌比第一張大veh二百倍,第一張骨牌倒落e時陣,會繼續推倒後面e骨牌。經過計算,推倒最後一張骨牌e力量,是第一張e二十億倍,Domino效應是真正足可觀。

Gah Domino效應仝名e是蝴蝶效應,這是一個美國天氣學家Lorenz所提出e觀念。Di一擺e天氣模擬中,伊bun惰ui頭開始計算,diorh將卡早計算e結果,拍入電腦內,伊diorh去樓腳lin咖啡。等伊轉來e時陣,伊發現最後計算結果完全無仝。原來伊用.506 代替原本e.506127,所算出來e結果是天gah地e差別。伊後來diorh提出一個講法,一隻di Brazil e蝴蝶所造成e氣流edang ho Texas做風颱,這diorh是足有名e“蝴蝶效應”。

上微小e物件ma edang造成足大e變化,咱vedang輕視zit個效應。若是咱veh用Dominoe思維,diorh ai 重視小小物件。有一個故事:一個人ho人關di一個無出口e高塔內,只有一個窗仔edang出去,但是siunn guan,跳lue會摔死去。In某想veh救伊,但是伊無法度ga繩仔、拋到hiah guane所在。Zit個人diorh想著一個方法,伊叫in某找來一隻金龜仔,di 伊頭上抹蜜糖,這金龜仔diorh往上爬去。金龜仔縛著一條綿索仔,綿索仔後壁gorh綁一條ka粗e索仔,一直到一條edang ho人爬e索仔,最後伊diorh用hit條索仔爬落去。按呢zit個人diorh用一隻金龜仔救著家己,你gam有想過一隻小小e蟲edang完成zit款e代誌?

其實,足濟發生di咱生活當中e代誌 攏是Domino效應edang解釋。Diorh 親像 大學生 每一工攏leh讀冊, 雖然in 每一工讀了無gai濟,但是四年了後,in讀e物件gah學問e深度攏差足濟e。也有其他e代誌edang用Domino效應來思考,你gam有想過?

daiqi007 發表在 痞客邦 PIXNET 留言(0) 人氣()

夢境浸透思考法 蔡明志
夢境浸透思考法 對 大部分e人 來講, 並無 特別智慧, mgorh 對 一寡 科學家、發明家、 文學家、 藝術家 gah 從事 創造發明e 人 來講, 卻edang ho人啟發, 引cua出 智慧e果實。
人 di睏e 時 edang進行 夢境思路, zit句話 聽起來 親像 違反常識, 其實無影, 睏眠狀態 m是 等於 思維活動e 絕對靜止, zit時, 潛意識 gorh仝款 leh活動。
人腦 是 由 顯意識 gah 潛意識 系統 構成, 顯意識系統 工作 時, 個體處di 精神狀態, edang自覺 deh支配 言語gah行為, 潛意識 suah hong壓抑diau leh;當 顯意識 hong壓抑 時, 潛意識 diorh 開始活動, 以 觀念形式e方式 支配 行為gah語言。 若是 潛意識 gah 被壓抑e 顯意識 某部分 發生接合, zit時 diorh 會產生 夢境思維。
潛意識系統e 活動gah睏眠 狀態 有密切 相關。 美國Chicago[芝加哥]大學 生理學教授 Klausman[克勞曼] gah Dan May[丹梅] 認為, 正常人e 睏眠 m是 一個單一e 過程, 是 慢波睏眠 gah 快波睏眠 反覆交替e 過程。
慢波睡眠 edang分作 四個階段:慢波一期、 二期、 三期 gah 四期:
慢波一期:開始入眠, 顯意識 呈現 seh神狀態。
慢波二期:進入 淺眠狀態。
慢波三期:睏眠kah深。
慢波四期:睏眠深沈。
Di慢波階段, 潛意識系統 開始活動, mgorh 猶無gah 抑制狀態e 顯意識 發生接密。 快波睏眠 gorh稱 異相睏眠, zit時, 潛意識 處di 活跳狀態, gah部分 顯意識 發生聯繫, 所以 有 夢境思維現象 出現。
中國 宋朝 詩人 陸游 用 《記夢》、 《夢中作》 做題e 詩稿, 濟到 九十外首, 咱 edang ui 伊e題目 中 看出 伊 是 按怎 di夢中 創作。
國外 ma有真濟 ui夢中 得著靈感e 例, 親像 俄國e 化學家Менделе́ев[門捷列夫] 對 元素週期表 研究足久, 但是 攏得ve著 合理e排列, 當 伊 為這苦惱 時, 卻dui夢中 清楚看著 zit張 苦苦求得e 週期表。 德國e 藥理學教授 Lloy[勞伊], di 伊 看著小說 睏去了後, 半夜 伊ho夢中e情景 驚醒起來, mgorh 伊 只是 雄雄狂狂 記落一寡, 所以 di leh第二工, 伊無h法度 解釋 伊記下e 物件, 一點仔 攏回想 ve起來, diorh dam第二工暝時 gorh出現 仝款e 夢境 , 伊diorh趕緊 詳細 做了注釋, 接續來, 伊e實驗 證實了 伊e結果。 伊e靈感 是:如果 用 兩隻四腳魚 同齊 作實驗,diorh edang解決 神經傳導e 化學物質 問題。
眠夢浸透思考 對 足濟 從事 科學研究、 發明創造 gah 文藝創作e 人 來講 不止仔 重要, 如果無 夢境浸透思考方法e 幫助, 大作家 Stevenson[史蒂文生] e “Treasure Island”(金銀島)、義大利 出名e 小提琴家Tartini[塔蒂尼] e “Devil's Trill”(魔鬼e顫音) 恐驚 diorh 無才調 完成。 德國 名作曲家Wagner[瓦格納]、 Haydn[海頓], 俄國 作曲家Stravinsky[斯特文斯基] gah 奧地利 作曲家Mozart[莫札特] ma ve有 ziah偉大e 名曲 gah世人 見面。 法國e 哲學家 兼 理學家、 數學家Descrates[笛卡兒], 其他 如 英國e 國寶Newton[牛頓]、美國eEdison[愛迪生]等 若無 日有所思、 夜有所夢 浸透 di 專注當中,yin ma ve有 hia濟發明。
當 有人 問某一位 諾貝爾得主e 研究思想 主題 dui dor位來e, 伊回答:“di我e眠床頂, di睏醒e 時, 或是 di 睏落眠e時 。 Di 不知不覺 中, 人腦 進行著 大量e 無意識 kangkue, 咱有 真濟 重大問題 diorh是 按呢解決e”。 美國 心理學家Cannon[坎農] dui 少年時 diorh diann diann 藉夢中e靈感 來 解決問題, 伊講:“ 長期以來, 我靠 無意識e 作用過程 幫助我 已經 成做習慣, 參像 我deh 準備演講 時, 我會 先擬好 大綱, di 之後e 暗時, 趕入頭殼內e 就是 gah 大綱有關e 例 gah 妥當e詞句 gah 創新e想法。 我ga紙筆kng di 手邊, 方便 掠取 zia-e可能 足緊 diorh會消失e 思想。”
Kekulé[凱庫勒]有zit句名言:“學習作夢 吧, 眾先生 啊!”。 這ga咱講 有心veh 發明創造e 兄弟姊妺, 夢境思維 edang 開啟人e 靈感。
請問 你敢有 仝款e經驗?

daiqi007 發表在 痞客邦 PIXNET 留言(0) 人氣()

Napoleon[拿破崙]思考法

吳牧寰 (gho bhok huan)

Napoleon[拿破崙]是一個 di戰爭上 真有 軍事才華e 人, 伊一生 pah過 無通計算e 勝戰, 伊 是 為什麼edang hiah-nih-a厲害, 別人sua做 ve到 leh? 這是 因為 伊真有家己 e主張, 無論 是 di什麼款e 狀況之下, 伊想veh 做啥, 伊diorh敢去做、 敢去試, 而且 去 面對問題 解決問題, 這 diorh是 伊成功e緣因。
Hit當陣, 有zi一個 漢草 gai粗勇e 法國將軍, 伊真討厭 Napoleon[拿破崙], 所以 伊刁工 di zit個 社交活動e 所在 ga生做 矮dng eNapoleon提來 比較著 是 啥人kah guan, 想veh ho伊 歹看。 但是Napoleon sua送伊 一句世界有名e 話語, 伊 是 按呢講e: 若是我願意做, 我edang 馬上diorh teh我e劍 來消去 你我中間e 差別。 Hiah-nih-q簡單e一句話 diorh表現出 這是 真有氣勢e Napoleon精神, 若換做 是 別e普通人, 可能 早diorh氣gah 無法度講話a, ma gorh 卡無可能 講出 zit種 氣派十足e 英雄話, ga hit個鴨霸e 法國將軍 ho 倒轉去。
Di咧歷史上 ma有 一個事件, ma表現出了hit個鴨霸e Napoleon zit種 冷靜敢拚e 精神。
Di 一九八七年e 十月中e 一工, 有一台架蘇聯eSU-27戰鬥機, 對 挪威e P38偵查機 做了 一擺成功e 空中手術, ho 西方e 幾個國家 大受驚惶, 代誌 是 按呢 發生e: P38 di 國境線ho SU-27 擋落來 二擺(nng bai)以後, gorh 偷偷仔 駛轉去, 因為 伊想講 SU-27 ma已經轉去a, 想veh 繼續探查 軍情, 但是 ho伊 想ve到e 是 SU-27 竟然gorh 一擺出現, mgor P38 e 駕駛員 認為 按照 hit 當時e 國際情勢 看起來, 對方 是 無可能 會對家己 開火e。 伊 是 真正 無想m對, SU-27並無 用鎗子(cing zi ) 來pah伊, 但是 ma m是 hiah-nih-a 簡單 diorh 放伊sua e。 SU-27 diorh 飛到P38e 後壁, 連後 用伊 利劍劍e 飛能機尾溜, 高速切開 P38e外殼(qua kak), P38只好 駛著 殘破e 飛能機, 趕緊來 逃命。
SU-27e 駕駛員 按呢nia 什麼攏m驚, 完全按照 家己e 想法gah勇氣 來行動e 精神, diorh 是 咱所講e Napoleon zit個 gai好e範例 a !
假使hit當陣 di咧 P38 hit台 飛能機上e 是你, 你敢有勇氣 來相信 你家己e 駕駛技術, 來完成 這有史 以來 上艱難e 空中手術, 來保衛 國家e機密 leh?

daiqi007 發表在 痞客邦 PIXNET 留言(0) 人氣()