目前日期文章:200911 (29)

瀏覽方式: 標題列表 簡短摘要
台文教學心得
陳弘凱
我教e對象是zit位已經會曉講台語的人,照教授發e教材教大部分攏算簡單。mgorh對zit寡國語gah台語念法相反e或是zit一寡有鼻音e字,有時陣家己攏無確定zit款e拼音 是對 也是不對。 還有照台語變調e規則,有zit寡感覺以前聽別人念錯 閣是有zit寡無照規則, 音調聽起來 攏怪怪,感覺我教e人 學無物件,因為我家己攏無確定,希望di台文課以後可以學gah卡疊實,按呢才有辦法教人。

daiqi007 發表在 痞客邦 PIXNET 留言(0) 人氣()

台文教學心得 阮俊維
我教e對象是我e媽媽。基本上我e爸爸媽媽攏會曉講台語,所以我感覺我是教伊讀台文,教伊看著拼音dioh會曉念,了解字e意思。我感覺教這拼音足簡單,可能是因為咱有一寡英語e基礎,就是教一寡規制nia-nia。
我認為上好e部份是教聲調,只要記的最後一句,八個聲調—高平、中平、低降、高降、降升、高入、中入、低入dioh無問題啦。另外關於變調,三個歸納e原則ting好,但可惜我無每一個想著舉例,講變調有配舉例會較清楚。
其實我大概花一點鐘dioh教會曉我會媽媽,感覺媽媽學e上好,比我更好,所以我提台語諺語集ho媽媽參考看mai,對拼音ma有幫助。

周淑真
當俊維教我台語拼音雙拼法後,我感覺台語拼音變就簡單啦。首先是雙拼技巧,前音節+後音節=雙拼音節,這本來dioh會曉,重要e是隨dioh旋律唱,發現最後一句是上重要e,伊包涵台語e五個調,等著我提台灣諺語集來練習,我試dioh親像唱歌來念,往往會使cue著我愛e調,真方便,ma真好用,這方法真好。
的確,學了台語拼音法後,再來學念台語會較輕鬆。但是像我練習台灣諺語集e時陣,慢慢摸索,還是感覺無輕鬆,因為dioh算講摸索整句話按怎念,有一寡話m知影伊e意思,dioh無把握整句話是念dioh若是m對,所以老師若會使帶大家念並解釋意思ho大家聽(這真重要),那dioh事半功倍,咱會曉念,ma會使了解台灣諺語之美啦。

評語:
1.提醒我帶班上讀諺語
2.俊維你e功力部分來自父母e教養,你趁著a!

daiqi007 發表在 痞客邦 PIXNET 留言(0) 人氣()

為什麼veh讀經典? 高義程


1. 經典是經過時間gah空間e篩選機制所留落來e菁華,具有獨特性,值得咱一再重複讀
2. 經典e風格有根本e典型,具有某一種文學e氣度gah特質
3. 經典ho讀過伊並愛伊e人留下寶貴e經驗,而且m管di甚麼時陣來讀攏e-dong好好e回味
4. 經典是ho人一讀再讀e物件,以早e人一直讀,現在將伊改寫過了後,gorh ho人一直讀
5. 經典e-dong啟發想像力、創造力

daiqi007 發表在 痞客邦 PIXNET 留言(0) 人氣()

為什麼veh經典台譯? 蔡孟錡
經典台譯的目的在於為了使我們能更有效、更有趣的去學習我們的母語―台語。經典的台譯讓我們在閱讀經典之餘,學習了經典中的經典名句,了解字句所隱含的箇中深意,我們也可以利用在閱讀經典時,學習羅馬拼音,測試看看我們對羅馬拼音是否真的了解,也能在讀字句的時候大聲唸出來,這樣不僅能訂正我們的台語發音,也能使我們的台語說的更加流暢。

為什麼《聖誕鐘聲》一再盛行ve退?蔡孟錡


我想,《聖誕鐘聲》之所以一再盛行Ve退的原因就在於它所帶給我們的警世意義實在太大了。作者狄更斯將他所在的當下社會清楚的描繪在《聖誕鐘聲》這本書之中,將人性的邪惡面反映給讀者去體會,人性的貪心、自私、自大、凍霜都反應在主角的個性上,莫不讓讀者在閱讀之餘,也能回頭看看自己,反省自己,體悟到別和書中的主角一樣,最後落的如此不堪的下場。也因為如此,這本書最近又被改拍成電影,一再盛行的流傳下去。

daiqi007 發表在 痞客邦 PIXNET 留言(0) 人氣()

為什麼《聖誕鐘聲》一再盛行ve退?
高子倫

因為hit個時代是Victoria時代,基督文學盛行,zit本冊是代表之一。 Di hit個時代,聖誕節傳統gah風氣漸漸式微,但是因為zit本冊,使聖誕節再度成為hit個時代e人sim diong重要e節日。Thomas Hood識講過:「Na si聖誕節古老溫馨好客e傳統gah伊所建立社會慈善e風尚正面臨傾頹e危機,edang警世e dior是zit本冊。」

daiqi007 發表在 痞客邦 PIXNET 留言(0) 人氣()

為什麼文學作品藉以民間故事gah信仰節慶e角度寫就?
李其樺
民間故事ho人有親切感,di le讀e時陣,感覺家己dior是故事e主角;平民化e故事ka有法度ho人思考:「若今仔日qua du diorh zit款代誌,qua veh安怎?」「qua gam e變成zit款人?」信仰ho人有所依靠,ho人感覺安慰,補足咱e精神生活,不管是悲傷鬱卒,ia是心情vai,攏e sai得diorh平復。

daiqi007 發表在 痞客邦 PIXNET 留言(0) 人氣()


為什麼veh經典台譯?
張育豪

台語是台灣本土e母語,但是di zitma e社會上,台語愈來愈無受diorh重視。今仔日e人甚至有一寡veh響講台語,我感覺這實在是zit件zior可惜e代誌。其實台語是一個古老e語言,伊摻雜zior ze發音e技巧。用台語講出來e話時常攏有zior厚e感情,edang ho聽e人深刻e體會著講e人想veh表達e感覺。ga經典台譯edang ho愈ze人di咧讀經典之外,edang用台語e感受去想人性e黑暗面。

daiqi007 發表在 痞客邦 PIXNET 留言(0) 人氣()

a.a. 為什麼veh讀經典? 王莉婷

經典因為叫作經典,除了伊e獨特性ho人感覺驚豔、ho人印象深刻之外,另外有可能受到當時e社會環境、政治、文化…等等e因素影響,所以作品e內容中會反映gah呈現出當時e社會風氣,若是經過細膩閱讀品味,m-na edang看到表面e文字之美,iah edang 感覺到深層veh表達e意境,m管是當時e社會文化iah是作者e想法感受,攏表露無遺。

b.b. 為什麼veh經典台譯? 王莉婷
將經典台譯,不只是為了推廣zia e經典作品,ho經典edang有gorh多一種文學語言將伊流傳落去,對台文來講,台譯經典ma是一種推廣台語文學e好方法,經由台譯經典,累積越來越多e台語文學作品,edang將台語文學一步一步推廣,建立di文學上有一個重要e地位,而且,台語文化中,有真濟真生動e語詞,親像台語構詞diorh是其中一種,這是其他文學不一定edang生動貼近去表達出來e。


c.c. 《聖誕鐘聲》中,Marley e 鬼魂gah三個精靈分別扮演什麼角色?zit四個角色對Scrooge人格氣度影響如何? 王莉婷
Marley e鬼魂是一個提醒、警告e角色
三個精靈分別代表過去、現在、未來,yin帶Scrooge去回憶過去e家己,觀察現在e家己,斟酌未來e家己,其中ma包括Scrooge身邊e人對伊e看法gah感受,ho Scrooge用旁觀者e角度,加上主觀e感受(he是上直接e,因為伊觀察e人diorh是伊家己),了解並思考伊所看到e一切,透過Scrooge zit個角色,ma ho讀者進一步顛倒過來反思家己,是一部涵意深遠e作品,zit四個角色對Scrooge e人格氣度e影響,前前後後差異緊dua,經過斟酌了伊e一生之後,Scrooge e個性ui 一個凍霜、冷漠、自私、ganna想趁錢、縛褲腳做人e人,di一個聖誕暝,親像是做了一個真久e夢了後,搖身一變,變做一個親切、和善、愛gah人分享e紳士。

daiqi007 發表在 痞客邦 PIXNET 留言(0) 人氣()

為什麼聖誕鐘聲這部英國文學會被拿來一再改寫流傳? 許文蘭

zit部文學作品揭露著深刻e寓意,提醒讀者mai執著di財富e追求sua變gah自私自利,

助人所得e快樂ziah是上重要e。而且zit部作品展現了原作當時e時空文化背景,有真大e

文學價值,因此一再ho人提來改寫流傳。






daiqi007 發表在 痞客邦 PIXNET 留言(0) 人氣()

台語期中考 精彩片段 李軝
4.
a.為什麼veh讀經典?
經典作品是,咱讀了後,會使吸收以前人e智慧,閣會使開拓家己e人生視野。而且每一gai重溫,攏會di咱心內底e田ia落知識e種籽,等時間到啊,diorh會長成一大片長滿果實e樹林,咱會使用ziae果實去面對人生e難題。
b. 為什麼veh經典台譯?
台語是阮e母語,假若阮di讀經典e時陣,是以台語文學e技巧gah方式去讀,會感覺真親切,而且真有趣味。閣會使看著台語e文學修辭,每讀一擺,攏會使使咱e台語進步。
c. 為什麼《聖誕鐘聲》一再盛行ve退?
Zit本冊使人了解聖誕節真正e精神,diorh是祝福所有e人攏會使幸福快樂。而且ho看過e人攏感覺真感動,比較今仔日e社會,深深了解啥物是人生真正e價值。

5.為什麼文學作品藉以民間故事gah信仰節慶e角度寫就?
假若文學作品以民間故事作為伊e故事情景,na讀e人diorh會感覺真親切,卡緊行入故事e情景。閣來為啥愛用信仰節慶e角度去寫就,可能是真濟人無真正了解信仰節慶e意義,作家以真簡單、真趣味e方式用文學作品去表達,卡會使使人真正了解。

6. 《聖誕鐘聲》中,Marley e鬼魂gah三個精靈分別扮演什麼角色?
Zit四個角色對Scrooge人格氣度影響如何?
Marley:Scrooge以前e好朋友,來幫助伊去改變伊e未來。
第一個精靈:Scrooge e過去
第二個精靈:Scrooge e現在
第三個精靈:Scrooge e未來(死神)
故事一開始Scrooge真愛錢,ma無愛gah人交流,使得伊lu來lu孤僻。Mgor伊e朋友死人Marley來cue伊,對伊講:「你ga有機會去改變你e未來。」Marley cue來三個精靈去幫助Scrooge。第一e精靈cua Scrooge去看伊e過去,ho伊了解以前真濟人對伊足好,而且當時感覺足感心e,相較伊zitmae情形,使伊e心境開始改變。第二e精靈cua Scrooge去看今日聖誕節伊e外甥過節e情形,看著別人ga伊當做笑話,使伊心內底足痛苦e。了後伊gorh看著Bob in細漢qin-a Tim是一個殘廢,而且無錢去醫好,ho伊e心中起了悲憫。第三e精靈cua Scrooge去看伊e未來,看著伊死e時陣,無人替伊難過,mgor真濟人笑伊以前e作為,使伊真懊悔。到最後,伊決定veh改變家己,做一個熱愛幫助別人e好人。

daiqi007 發表在 痞客邦 PIXNET 留言(0) 人氣()

台語教學報告心得
胡凱維
有一工我di 肯德基 gah 朋友 deh 食中晝頓,di zit 個時陣,我聽diorh有兩個人,一個女士 gah 伊 e qin-a,伊du deh ga 伊e 查某囝讀冊,mgorh 我看伊講e話怪怪,m像是英文也m像是日文,a我diorh過去聽了一下,我發現伊在念台語拼音,聽到台語拼音,我足歡喜,我就ga yin 我上課e台語拼音雙拼法333,yin親像mvat聽過zit種方法,我ga yin唱雙拼旋律,yin感覺足趣味,就想veh 請我gor ga yin其他e方法。因為我家己有學過日文,我感覺zit個拼音法親像日文拼音法,所以我diorh ga hit位小姐講,台語頭前e音節gah日文有淡薄仔類似,mgorh台語有kah多語調變化,所以聲音會比較美一點。我 gorh ga yin鼻話音節,我用老師e例子ghau早, 逐家ghau早。台語拼音 真簡單, 真趣味。若是 到恆春, 愛ging 落雨e時陣。我念完yin一直笑,mgorh yin一次diorh記住。我ga yin講,ganna會曉台語雙拼法,diorh m免驚唸ve出來。而zit gai e經驗,也是我第一次大膽e gah生份人ziah-nih歡喜e談話。藉由台語e共鳴,擦出彼此共同e火花,zit是除了di推廣台語雙拼法e同時,所得到e另外一種新e收穫。

daiqi007 發表在 痞客邦 PIXNET 留言(0) 人氣()

台灣諺語
吳長能寫
20090301

1.「一支草一點露」
zįt gī càu, zįt diam lō.

內容註解:
每一支草,天公伯仔每工透早攏會互伊一滴露水,有這滴露水,這支草就會凍活落來。這句話的意思是講,天公伯對每一個人攏真公平,伊乎咱大家希望,乎咱機會,咱愛珍惜天地的賞賜,m通凊采放棄機會。咱每一個人攏有路用,對社會儕少攏有貢獻,「濫濫馬嘛有一步蹋」,m通隨便就看輕家己,看輕別人。

2.「做人就併,做雞就慶。」
zòr lăng dor bìng, zòr ge dor cìng.

內容註解:
這首諺語是勸人立志向上。歸句意思是做人愛振動,愛nng鑽,總講一句就是人愛拍拼才有出脫。就親像雞仔愛拽翅撥土,cue物件食仝款,為雞母家己嘛為了雞仔囝。雖然zitma雞仔食飼料,免cue物件食。看雞仔慶土腳cue物件食的動作,對咱做人的啟示就是做代誌,做事業愛知影變竅,愛nng鑽啦。

3.「少年未曉想,食老毋成樣。」
siàu lĕn bhę hiau siūⁿ, zią lāu m̱ ziāⁿ iūⁿ.
內容註解:
少年未曉想,就是少年的時陣,放盪無zamzat,結果錢開了了,食老的時,無人cap你,老歹命。這句話是ga咱講趁咱閣少年愛認真讀冊,學習做人的道理,學習做代誌的本領,出社會了後,會趁錢袂亂開錢,知影按怎過日子,好好仔做人,對社會有交代,按呢咱食老的時陣就有好的結果,袂老歹命。

4.「倚山山崩,倚壁壁倒,倚豬椆死豬母,靠家己上蓋好。」
ua suaⁿ suaⁿ bang, ua biāh biāh dòr,
ua dī diău si dī bhòr, kòr ga gi siong gài hòr.

內容註解:
倚山山崩,想講山袂倒,會凍倚靠,結果山嘛是會崩,921大地動南投的山毋是天災地變嗎?倚壁壁倒,想講壁真結實,會凍倚靠,結果地動嘛是照常倒,世界上無啥麼會凍乎咱靠一世人,干那家己的意志才會凍倚靠,有困難的代誌發生,總是愛靠家己去面對,去處理,這是靠家己上蓋好的道理。

5.「這溪無魚,別溪釣。」
zit ke bhōr hĭ, bat ke dior.

內容註解:
這溪釣無魚,袂死心,一定veh ga 釣gah有為止。其實去別條溪釣照常釣有魚,兒女事情嘛是按呢,世間查甫人ziorkueh,查某囝仔tat倒街,毋通執迷。所以m通閣tong時間dihia憨憨仔等,憨憨仔釣。走cue終身伴侶、或者是cue頭路,做事業攏仝款,這種辦法行袂通,換一個角度想,想別種辦法,犯勢就成功啊,就會凍解決。做人就愛會曉變kiau,無會害死家己。

6.「加減趁,卡袂散;加減kiorh,卡省甲人借。」
gē giam tąn ka bhē sąn gē giam kiōrh ka sing gą lāng ziōrh

內容註解:
這首諺語是勸人開源節流。歸句意思是只要有做kangkue,有收入濟少無要緊,雖然袂好額,但是嘛卡袂散赤。真濟家庭主婦di-厝內做加工的kangkue就是加減趁。除非經濟真量尚,物件iau閣會凍使用,亦是m通擲掉換新,若是暫時用袂著,嘛m通擲掉,需要的時就用會著,免去甲人借。真濟做老母的攏會甲大漢囡仔穿的衫褲留乎細漢的弟弟妹妹穿,這就是加減kiorh的精神。

7.「好天就存雨來糧。」
hor tiⁿ dior zūn hō lāi niŭ.

內容註解:
好天的時,愛加儉寡糧食,以免落雨天無物件通好食。落雨天意思是有困難的時陣。這句話ga咱講,好天愛認真拍拼,就參像少年勇健的人愛認真拍拼,積寡錢,m通盡趁盡開,儉寡錢,veh用的時才有法度,因為多數人的一生m是攏會凍過了真好康。古早農業社會的生活卡艱難,所以叫人就卡儉,zitma時代雖然有卡進步,m閣景氣嘛是有大歹的時陣,所以這句話猶原真合用。

8.「感情留一線日後好相看。」
gam zĭng lāu zit sųaⁿ, rit āu hor siōr kųaⁿ.

內容註解:
人gah人做伙,愛珍惜,愛感恩,有緣才會鬥陣做伙,m通一時匆碰,煞來歹面相相。感情的代誌ve使化切就切,按呢不但無法度解決代誌,而且會造成心理傷害。千萬愛留一寡抽退,以後若是有機會閣和好的時,才會凍彌補轉來。無論是朋友亦是男女的交往,一但發生感情重大的摩擦,愛會記得,留一點仔線索,日後卡好處理。其實感情留一線日後好相看這句話是一種成熟的表現。

9. 田螺含水過冬
cān lĕ gām zùi guè dang.

內容註解:
田螺di熱天ziah出來lua-lua-sor,寒天的時,伊就藏di lok-go-a-muai內底,等待來年春天落雨的時陣,才閣出來活動。寒天伊就靠體內所gam有限的水份過日子。人就ga田螺gam水過冬的情形,提來做例,比喻散赤人忍耐過日子,等待好時機。這句話乎咱的啟示是人面對困難的環境,無凊采消mo元氣,顛倒骨力保持實力,一但環境改變,就有機會再出發。

11.「南蜂炮,北天燈」
lām hōng pąu, bak tēn ding..

內容註解:
元宵節台灣上出名的民俗活動,一個是南部台南鹽水放蜂炮,一個是北部台北平溪放天燈。放蜂炮的活動是感念祖先的情懷,以及對關帝君神明的敬拜,伊的意義有驅邪制煞,保平安的宗教內涵。這個風俗已經有百八冬的歷史,聽講veh參加這個盛會,愛di安全帽,歸身軀包an-an,才袂去乎蜂炮彈著。放天燈,di古早資訊交通無發達的時,是用來ga厝內的人報平安。今仔日放天燈的活動已經延伸到祈福,求平安,運途,國泰民安等活動,真濟人新正過年就來到平溪放天燈,一得到元宵節。
12.「草山風,竹仔湖雨,金包里大路」
cau suāⁿ hong dik a hō gīm bāu lì duą lō.

內容註解:

草山zitma叫做陽明山,草山有溫泉,出產硫磺,硫磺會凍做火藥。草山頂面有一個所在叫做竹仔湖。竹仔湖本來是湖,後來地形變動,湖水dui南爿出口流出,形成小盆地,zia定定落雨,雨水厚,伊的雨水是台北市的二倍濟。竹仔湖種海芋仔花出名。盤過山嶺,就會到金包里大路,這條路是台北通往金山的山路,有二百年以上的歷史,以前凱達格蘭人就定定行這條路打獵、嫁娶。這條路閣叫做魚路,討海掠魚的人,利用這條路運送魚貨,暗時九點dui金山出發,四點進前愛趕到台北大稻埕的魚行。

13.「袂食五月粽,破裘m甘放。」
bhųe zią gho ghuųe ząng, pùa hiŭ m gām bąng.

內容註解:

這首諺語的意思是講猶未食五月節粽,寒天的衫m通收起來,隨時閣穿會著;因為di五月節進前,天氣袂穩定,就親像俗語塊講的「春天後母面」,天氣有時熱有時寒,穿衫愛注意,若無細膩就會去寒著,寒著對現代人來講是一種買命的症頭,千萬就愛注意。所以這句諺語提醒咱五月節進前,寒天的衫閣用會著。
14「九月九,風吹滿天哮」
gau ghųe gàu, hōng cue mua tīⁿ hàu.

內容註解:

舊曆九月初九,九月重陽是老人節,古早人對老輩攏真尊重,每年九月初九攏特別來慶祝,尤其是秋天豐收,歸家大小團圓,囡仔sng風吹,風吹滿天攏是,這款秋天的情景是一種幸福的寫照,九月九重陽節,提醒現代社會愛尊重老人,痛惜老人,按呢不但會凍傳揚孝道,而且會凍傳承序大人的智慧。

15「台灣諺語:唐山過台灣,心肝結歸丸。」
dn̄g suaⁿ guè dāi uăn, sīm guaⁿ get gūi uăn.

內容註解:

這首諺語描述早期唐山來的祖先,冒著生命的危險,兌中國福建、廣東經過黑水溝,移民來台灣,這個過程非常艱難,所以心肝頭結歸丸。唐山來的祖先,因為中國政治腐敗,經濟困苦,聽講台灣錢淹腳目,所以冒著生命的危險,渡過烏水溝(台灣海峽)欲來台灣拍拼,追求幸福美好的日子。誰知影欲離開故鄉,未來生死不知,黑水溝會捲螺仔陣,真濟人就來失去生命。

16「十去,六死,三留,一返頭」
zāp ki, lāk sì, sāⁿ lău, zit huān tău.

內容註解:

這首諺語是描寫唐山來的祖先經過烏水溝來台灣開墾的歷史諺語。唐山來的祖先為了要追求較好的生活要到台灣來,但是要經過烏水溝,就是台灣海峽,這是要冒生命的危險,十個由唐山出來的祖先有六個會沈死海底,有四個到台灣,但是其中一個水土不合,要閣翻頭轉唐山,嘛可能會死。這句話講出咱的百越族祖先有冒險gah毋驚死的精神。

17「紅柿若上樹頭,羅漢腳仔目屎流。」
āng gī à ną ziųⁿ cių tău, lōr hàn kā à bhąk sài lău.

內容註解

什麼是羅漢腳仔?羅漢腳仔就是流浪漢。古早時代,者也(這些)流浪漢,因為無所在睏,攏歇置羅漢廟的神桌腳,所以叫因做羅漢腳仔。這首諺語描述咱的百越族祖先來到台灣,每年若到秋天,樹仔頂開始生紅柿的時陣,就知影年兜欲到啊,天氣就開始轉冷,羅漢腳仔是一個人孤孤單單,真可憐,就會特別懷念故鄉唐山的親人,想欲甲厝內的人歸家團圓,所以才會目屎流。


18.「陳林滿天下,存的乎狗咬。」
dān lĭm mua tēn hā cun e ho gàu gā.

內容註解:

這首諺語的意思是在台灣姓陳姓林滿四界,其他的姓就無hia普遍。並m是真正乎狗咬。姓陳姓林會hia濟,一般的講法有二種,第一種講法。早期唐山來台灣開墾的祖先,攏是仝庄頭的親成朋友做伙來,而且好康鬥相報,所以攏仝姓。第二種講法。早期台灣住平地的平埔族,因為漢化變做熟蕃,清朝皇帝賜姓,先封的姓陳姓林卡濟,後來生湠就卡濟,尾仔賜姓的像姓潘、姓巫就生湠卡少啊。今仔日的原住民姓漢姓嘛仝款情形。

19. 「社頭蕭一半,鹿港施了了。」
sią tău siau zit bųaⁿ, lok gàng si liau liàu.

內容註解:

這首諺語並m是di罵人的。其實伊的的意思是彰化社頭這個所在,四界攏是姓蕭的,鹿港這個所在有三分之一的人攏姓施。這有可能是當初漢人來台灣集體開墾或者gah皇帝賜姓有關係,歸庄頭攏是仝姓的親族。現代社會開放,南北二路大家拋拋走,真濟人離開親族仝姓的庄頭,到都市形成新的社區,各族群的姓攏有,就無這款的現象,m閣嘛是有真濟宗親會的組織。

20蕃薯毋驚落土爛,只求枝葉代代湠
hān zĭ m gīaⁿ lor tŏ nūa, zi giū gī hiorh dąi dāi tųaⁿ.

內容註解

蕃薯本來生di墨西哥、哥倫比亞附近的熱帶地區,隨著哥倫布去到hia,ga za轉歐洲、地球she一輾轉,di十七世紀初引進來到台灣。蕃薯雖然臭賤,生命力強,伊會定根旋藤,真qau生湠。二次戰後,台灣人無米通好食,攏嘛食蕃薯,蕃薯食gah會驚,m閣zitma蕃薯貴蔘蔘。台灣地圖的形狀親像蕃薯,有人提蕃薯來比喻台灣人毋驚艱苦,認真拍拼的精神。


21.「愛拼才會贏,無行袂出名。」(林貴龍)
ài biąⁿ ziah ę iăⁿ bhōr giăⁿ bhę cut miă.

內容註解:

天下間無白食的中晝頓,一定愛付出代價才有收成。所以做任何代誌攏愛腳踏實地,認真拍拼,才有成功的可能。真濟人干那出一支嘴,講gah嘴角全全波,根本無行動力。講道理,我想真濟人攏真ghau,見真叫伊做,無半撇,按呢太有可能行出家己的路來呢?無行袂出名啦,德國人、日本人攏是講會到,做會到袂膨風的民族,咱實在愛gah人加學習。

22「甘蔗無雙頭甜,月娘無逐日圓。」(林憲章)
gām zią bhōr siāng tāu diⁿ, ghuę niŭ bhōr dąk rit ĭⁿ.

內容註解:

這句諺語gah一般人deh講的俗語「花無百日紅,人無千日好。」仝款意思。甘蔗的甜分攏沉deh靠近根的所在。愈向頂面大的尾溜就卡無hiah甜,所以無雙頭甜。月娘嘛毋是逐工圓滾滾。俗語講「初三、四,月眉意;初七、八,月半圓;十五、六,月當圓;廿三、四,月暗暝。」這是大自然的現象,看你用啥物心情來看待。總是人的各種造化攏gah天理安排仝款,咱愛有覺悟才好。

23「穿大衣吹冷氣,游泳池飼金魚。」(林貴龍)
cing duą i cuē ling ki, iū ing dĭ ci gīm hĭ.

內容註解:

這句諺語一看就知影是討債的行為。穿or-bha這種ziah厚的衫來吹冷氣,明明是蹧躂人。若是冷氣相冷,就開卡細港,若是感覺寒,就mai吹冷氣,吹冷氣愛浪費電,浪費資源,bhe凍滾sng笑。游泳池是提供運動的所在,提來飼金魚未免用m對所在,犯勢嘛飼袂活。序大人定定ga咱講相討債,會ho雷公ham死。

24「一拖過三冬,閣等一世人。」(陳當發)
zit tua guè sāⁿ dang, gorh dàn zit sì lăng.
內容註解:

這句諺語是講一個人做代誌,拖拖徙徙,答應人偌久會做好,結果一拖就是三年,若欲ga等待,可能一世人就無法度期待。咱做人上驚答應人,既然承諾欲替人做kangkue,就愛照呼照行,毋通乎人嫌,無會去乎人怨慼一世人。其實社會若欲進步,實在做,才會受肯定。

25「無冰箱三頓鮮,有冰箱食炮麵。」(林貴龍)
bhōr bīng siuⁿ sāⁿ dǹg ciⁿ, ų bīng siuⁿ zią pàu mī.

內容註解:

這句諺語是講人di福氣當中,閣毋知福氣,顛倒蹧躂福氣。Di阿公阿媽無冰箱的時代,家家戶戶款三頓攏是逐工去菜市仔買轉來煮,食鮮的物件,現代社會進步,有冰箱,照理會凍冰真濟物件,煮食加真方便,事實顛倒反,顛倒懶西無愛煮,食泡麵卡緊。這實在是枉費冰箱的發明。現代文明到底是帶來乎人類進步,iah是退步?

26.「毋驚大箍食pizza,毋驚胃痛淋cola」(曾江山)
m̢ giāⁿ duą ko zią pi zāh, mͅ giāⁿ ūi tiąⁿ līm kò lāh.

內容註解:

pizza、cola di西洋攏是流行的糞埽食物,咱台灣人竟然ga當做寶來看待。其實台灣好食物滿四界,碗粿、肉粽、蚵仔煎、臭豆腐等等,仙食嘛袂大箍嘛袂胃痛,咱實在無需要兌人deh流行。Pizza是高澱粉、高脂肪閣高卵白質的物件,食濟當然會快肥,cola有生理人提來洗雞腸內底的胃siunn,聽講洗了閣真清氣,咱人若定定淋這種cola,胃siunn甘袂拍歹了了?

27「學校教育十年功,卡輸媒體一陣風。」(林貴龍)
hąk hāu gàu iok ząp nī gong, ka sū mūi tè zit zųn hong.

內容註解:

現代科技發達,媒體不管是電視、lariorh、報紙、雜誌,對家庭、社會的影響攏真大,學校長久的教育,有時陣就袂堪媒體的煽動,價值觀煞來扭曲。定定聽序大人講媒體教歹囡仔大細。其實媒體傳播嘛是一種社會教育,所以大家愛斟酌媒體的厲害,愛看乎真,認乎明,ziah袂誤大事。

28「情義攏是上基層,背骨多數讀冊人」(林貴龍)
zīng ghī long si siong gī zăn, buę gūt dōr so tąk cè lăng.

內容註解:

這句諺語是提醒咱讀冊人毋通做出傷天害理的代誌。讀冊人照講是讀真濟冊,識真濟道理的人,是按怎會做出反背的代誌?因為識濟,本來是愛用來服務社會,siang知影受著利益的誘拐,知識煞變做犯罪的工具,士農工商的世俗人因為知識bhat無透,就卡袂做出大歹事,莫怪人講zia-e基層的人重情義,這是相對的看法。

29「翁若才情,某著清閒。翁若了然,某著可憐。」(杜惠美)
ang ną zāi zĭng, bhò dior cīng ĭng. ang ną liau rĕn, bhò dior kor lĕn.

內容註解:

翁仔某是共同體,做翁婿的認真拍拼,事業有成就,做某的管顧家庭事項,做一個英英美代子,涼勢仔涼勢,夫妻共同享受榮華富貴。做翁婿的若是貧惰懶西,歸日哮飽閒閒,欲食毋討趁,做某的人就卡歹命,愛出外奔波,為生活走蹤,閣愛顧內,擔頭雙頭擔,有夠可憐。

30「出門看天氣,入門看人意。講話好口氣,萬事攏如意。」(杜惠美)
cut mn̆g kùaⁿ tīiⁿ ki, rip mn̆g kùaⁿ lāng i. gong uē hor kau ki, bhąn sū long rū i.

內容註解:
現代人出門攏會先看天氣預測,看天色,知影通ta衫, za雨傘雨幔,轉來厝內,就愛看人的面色,並毋是siang卡佔懸,厝內的人互動非常重要,按呢ziah會完滿,人講家和萬事成。不管di厝內或者是di社會上gah人企起,講話的口氣愛注意,若是會曉看人面色,應對就袂dingdann,自然有貴人相助。按呢對咱的事業就加卡好勢。

31「歡喜亢心頭,煩惱放水流,永遠青春攏袂老。煩惱貯心頭,規工結目頭,目屎著會管管流。」(杜惠美)
hūaⁿ hì kǹg sīm tău, huān lòr bàng zùi lău, ing uàn cīng cun long bhę lāu. huān lòr dè sīm tău, gūi gang gat bhąk tău, bhąk sài dior ę gòng gòng lău.

內容註解:

人生難免起起落落,若保持樂觀的態度來面對人生,ga歡喜的代誌亢diam心肝頭,ga煩惱放袂記,按呢就卡袂臭老,永遠嘛青春少年,這款的人生是彩色的。若是歸工ga煩惱的代誌亢diam心肝頭,閣無法度面對,無法度解決,歸工憂頭結面,干那啼哭,心肝袂清,這款的人生是烏白的。

daiqi007 發表在 痞客邦 PIXNET 留言(1) 人氣()


我所教e對象是我e妹妹
陳毅哲
我所教e對象是我e妹妹,伊目前是高三,平時家裡都是講台語,所以應該會比較好教。老師所教e台語五調是一個足贊e發音統整,我妹妹只要慢慢仔照著音唸一遍,就可以找到伊該寫下哪個語調,甚至反應攏比我緊真濟!上困難e部分,則是gh、 g還有 bh、 b e 差別,連我家己ma 無辦法足清楚分辨,因為平時講台語攏無用心注意zia,所以真正要分辨e時陣,根本聽ve出來,這部分我也無辦法教會曉阮小妹。
我教完伊大部分e要訣後,伊外歡喜leh,我ma是,老師所想e一系列教學方式幾乎攏足有路用,edang 真緊 進入狀況。

daiqi007 發表在 痞客邦 PIXNET 留言(0) 人氣()

台語文選 台文教學心得 李軝

自從江老師講述了台語333拼音法以後,我便回去教我e宿舍學友。因為我e室友是高雄人,對台語有一定e熟悉度,所以教起來無耗費真濟e時間。但我感覺比較其他e語言系統,台語e發音足濟e,比如講日語有五十音gorh加上拗音等等,差不多ve超過一百個,但是台語e雙拼音節、子音音節、鼻化技巧以及短束技巧,總講加起來應該超過三百個。因為數量足濟e,我e室友di記憶這個所在有點吃力,但是經過真濟e練習gorh加上台語輸入法打字練習e幫助,使得伊學gah lu來lu qau。
而且拼音法有另外一個比較重要e所在diorh是變調,因為台語無像國語變調e所在足少,差不多 每一個所在攏有變調,這ma是為啥麼台語聲調抑揚頓挫較好聽e緣故。Mgor因為常變調,常常講台語的人,如我e室友就感覺無啥物差,但是相較著我e台語無hiah niah a滑溜,常常需要羅馬拼音來幫助,這e時陣,變調diorh真重要了。而且我e室友講 江老師這套變調系統真好去理解,台語船、長尾C和h÷2適用於所有e所在,完全無死角,但是ma愛是需要反覆e練習,我ma有ga伊做接龍e練習,真緊diorh上手了。
我感覺老師們創造這e台語系統,不管是對台語初學gah是會曉台語e人,攏有真大e幫助。台語初學e人會使利用羅馬拼音來快速學習;會曉e人一方面會使閱讀台語e冊,一方面會使用台語寫出家己e文章。自從我教了我e室友了後,學習e效果顯著,假若大家繼續傳下去,台灣e母語將ve漸漸消失。

你gau教!有你zit款耐心、用心e學生,真有成就感!
江老師gau歸納!
你可否ga 你e 教學心得與化學系同學陳弘凱分享一下!

daiqi007 發表在 痞客邦 PIXNET 留言(0) 人氣()

台語現代文選-台語教學心得
王亮程
我有教我e同學加厝內e人講台語,我頭先跟他們分享e是台語發音雙拼的音節表,非常的簡單好學,m過我感覺大家對ㄘ行e發音接受度卡低,可能需要一段時間來ham習慣e kk發音做分區別吧。
我第二個教伊e是雙拼歌,這ma是我感覺雙拼法內面上好用e物件,m管是什麼奇怪e字,只要用雙拼歌將這字e音分開、重新組合,我攏會使足緊e知影伊e講法,di分享e時陣,我閣會利用電腦,使用台音輸入法,將分析出來e發音打出來,驗證發音e正確性,實在是非常e方便。

Qua u gah qua e dong orh ga cu lai e lang gong dai ghi,qua tau sen gah i hun hiong esi dai ghi huat im siang pin e im zet bior,hui siongegandan hororh,m gor qua gam gak da ge dui ㄘ行ehuat im ziap siu do ka ge,kor ling su iau zit duann si gan lai ga guan si e kk huat im zor hun bet。
Qua de qi e ga i e si siang pin gua,ze ma si qua gam gak siang pin huat lai bhin siong hor iong e mih-giann,m guan si siami gi guai e ri,ji iau iong siang pin gua ziong ze ri e im bun kui、diong sin zo hap ,qua long e sai zim kuinne zai iann iegong huat,di hun hiong e si zun ,qua gorh e li iong den-nau ,su iong dai im su rip huat,ziong hun sik cut laie huat im pah cut lai,qiam jing huat imezin kai sin,sit zai si hui siong ehong ben。



評語:
1. 聰明e人 ho家己e能力愈強,e-hiou想,gorh利用工具,這是有閣卡濟e馬太效應!
2. 加注全拼音,你e拼音應該可講真好a
3. 你台語本底dor真正常e能力,好!

daiqi007 發表在 痞客邦 PIXNET 留言(0) 人氣()

拼音教學心得
李其樺
Qua 教e人是qua e 同學,伊sior kua e 曉講台語,zit開始qua教伊「a、e、i、o、u」 e念法,伊gam ga真簡單,但是qua教到雙拼音節e時陣,伊dior dam bor a ve 曉lo,伊ga qua講「qua 習慣一般e華語拼音,這定定ho qua亂去」雙拼音節教半點鐘了後,伊ia 是定定ga華語拼音用作伙,看起來伊有影vue習慣
然後qua教伊鼻化ga短束技巧,ze伊卡沒問題,因為會曉台語,但是鼻化ga短束寫做羅馬拼音了後,伊gam ga金厲害,竟然有法度ga台語寫ga zia ni a貼切,完完全全ga發音攏表達出來。
最後是台語船ga長尾C e變調,qua ga教完了後伊非常驚訝,雖然定定le講台語,但是伊從來沒發現zit種規律。教完了後,伊試寫zit遍歌詞ho qua看,可能是因為會曉台語,伊寫了veh vai,但是伊ia是寫了真ze華語拼音,應該是伊受dior英文影響e關係。
台文接龍
1. 白鐵 tįh 鐵路tì
2. 土豆dāū 豆腐dąu
3. 爬山suann 山頭sūann
4. 點火hùe 火車hue
5. 火車cia 車頂cīa
6. 落雨hō 雨水ho3
7. 學校hāu 校長hąu
8. 空氣kį 氣味kį
9. 信心sim 心肝sīm
10. 米倉cng 倉庫cng2


daiqi007 發表在 痞客邦 PIXNET 留言(0) 人氣()

台文拼音教學心得 謝政良
上了接近兩個月e台文課,真正感覺老師真厲害。
du好zit這個禮拜dnt 去厝辦事情,就決定教我e父母按怎用羅馬拼音去念台語,講台語其實對阮兜e無難,阮平常di厝裡dor講台語,只是用拼音去念台語一開始真eho阮足ve慣習,總是感覺怪怪。所以我ga上課e講義提ho我父母親看,並且配合台音輸入法做伙教學,一開始總是非常e困難,veh要記得hia-e發音其實對yin也算是一種新e語言,開了一段時間終算卡熟悉後,開始用台音輸入法教學,有講義e基礎再配合台音輸入法,其實學習e速度足緊快,而且只要知影第一個音 就可以利用輸入法 快速pah字,m免再慢慢仔找注音,ho阮爸e打字速度緊真濟。
同時,我也教我e厝友按怎用拼音學台語。厝友yin雖然ma攏是南部人,但是其實發音gah我也差不多nia,有足濟e音 其實ve gai會曉念,所以我就用拼音去做教學,仝款配合台音輸入法去教,教了幾個小時後,發現大家e發音真的有比以往進步,而且學e速度真緊,只花了幾個小時而已,比起外國語言好學習多了。同時因為有台音輸入法,如果遇著無確定e字,就可以利用輸入法查詢,多查幾次後 真e真緊就會記起來,有時用台音輸入法打字閣比平常注音打字卡緊,可見台音輸入法真e做gah真vevai,而且閣可以自己新增字庫,真e足方便。在現代這個台語dit veh消失e社會中,有這套拼音系統gah zit個輸入法真正足重要,一定要繼續向大加推廣,m通ho咱eziah-nih親切e台語 dor按呢消失去,按呢真正足可惜。


評語:
1. 你真有心!真用心!
2. 你deh創造機會!
3. 到時候請你爸爸寫一篇短文講台音輸入法e使用心得,老師來ga kng di我e E學園,請轉達 TKS!

daiqi007 發表在 痞客邦 PIXNET 留言(0) 人氣()

台文雙拼法教學心得 工科11 王建權

Zit開始,我e台文攏聽是a爸a母講,我na聽na 學才會曉,根本m知有這款有系統e方法,du開始我ma感覺足特殊,我ga這討系統ga阮媽媽聽,雖然阮媽媽本來diorh會講台語,可是一開始聽了ma m是真了解,後來我講了幾個字,又教伊按怎看音節,伊也覺得足趣味,到後面,伊顛倒教阮足濟我未曉e字詞,台文本來dor是a母自細漢講到大漢e語言,自然講gah真輪轉,學起來也足快。

後來我教伊台語船,這擺伊無到10分鐘diorh了解台語船,閣講:”發明這個e人實在足巧,以早e人di le 教台文攏是na講na學,恁這個時代,講e攏是國語,如果zit開始ve曉講,無一套有系統e方式幫忙,實在歹學!” a母講了有理, 我下擺來試看mai教未曉講台文e朋友,應該未比a母學e緊,但是感覺ma會足趣味!教人會曉也會足有面子!

daiqi007 發表在 痞客邦 PIXNET 留言(0) 人氣()

台語教學e心得
電機12 王致捷


zitgai我選擇教台語拼音e人是我e室友,伊是一個本來就會台語e人,所以我想講教伊應該卡好雕。
我一開始先提出老師上課e投影片ho伊看,當然啦一定是霧煞煞,完全m知我deh講什麼,所以我就開始一個音一個音慢慢e念ho伊聽,並且請伊due著我念,後來伊ma也漸漸發現拼音e me角,反正加念加發音自然diorh會了,後來我閣ga老師上課e講義ham hit幾條歌提ho伊看,發現其實拼音就是按呢,無hiah難啦。
教完以後,我覺得我e室友真正足厲害,竟然這麼快就學會了台語拼音,ho我攏真自然愈來愈佩服伊。

教學法e系統化 應該是重點 吧。

daiqi007 發表在 痞客邦 PIXNET 留言(0) 人氣()

台語教授心得 高子倫
我教台語注音e對象是我e室友,因為伊本來就會曉講台語,加上u教授提供e雙拼法教學投影片,所以伊真緊就學會曉an nua注音a,伊講m是足困難,只是一寡專有名詞無聽過nia nia(親像台語五調有高平調、中平調、低降調、高降調、降升調),教完了後,伊講印象siong深e是台語船gah長尾C,這款用圖形幫助記憶e方法 使原本有一點仔困難emih giann變gah卡較簡單a,只是會du著一個問題,因為zu se han咱學台語攏bhor親像學國語仝款有注音e幫助,攏是聽大人de講才慢慢學起來e,所以聽錯就念錯a,雖然聽起來有一點仔bho仝,大家ma是聽u我deh講什麼,所以以前無感覺有什麼問題,但是使用台語輸入法e時陣,若是音念錯就注錯音a,zit點ai改過來,另外,ghun nng個 long gam gak台語輸入法zin ho sng!

daiqi007 發表在 痞客邦 PIXNET 留言(0) 人氣()

1 2