目前日期文章:201106 (6)

瀏覽方式: 標題列表 簡短摘要
台語文 浮世繪
台文gah 科普想像
黃鴻偉

1. A. 生活中 為何需要思考方法?
b. 請舉 二個思考方法 並略述其精義。

生活中一定會du著 家己無法度解決e問題, 這時陣diroh愛思考解決e方法, 但是, 問題百百種, gan na靠一種思考方法 是無才調應付, 所以, 咱愛學卡濟e思考法, 用vor仝e角度 去面對問題, 最後一定會cue出 一個 完滿e解決方法。
Laconia[拉哥尼亞]思考法是leh講用簡單e字來表現, diorh e dang造成真大e回應, 親像選舉用e口號, 歐巴馬講〝yes ,we can.〞這句話ho美國人e精神團結起來。
Domino[多明諾]思考法是leh講, 若是有一連串e反應, 小小e物件diorh會造成真大e影響, 所以, 咱ve dang忽略微小e物件, 親像大學生leh讀冊, 雖然一工讀落來真少, 但是, 四年了後, 累積起來e知識 是真濟ham真深。

2. (a)為何需要 以 漢羅並用書寫方式 表達台文?

假使全部 用漢字 去表現台文, 會du著一gua問題, 親像台語ui e音是漢字無法度表達e, 閣有, 讀e人 讀起來會感覺ve順, 所以咱愛用漢羅並用來書寫, an ne問題diorh會解決, 而且, 讀起來ma會感覺親切。

(b)為何 台語 需要聽力測驗?
台語會hiau講, 但是聽ma gai重要, 你若ve hiau聽, 你diorh聽vor別人leh講啥, 你diorh無法度回答別人e問題, 無法度ham人 用台語開講, 而且, 咱阿公阿媽hit輩份e, 攏ma用台語leh講話, 所以,為著友孝阿公阿媽, ma是為著 保存台語文化, 咱愛也hiau聽 ma愛也hiau講,聽有m zia有法度教別人。 Sin suah講一leh, 台語聽力測驗e時陣 e dang聽看mai正確e音安怎唸, m tang家己唸m對閣繼續m對落去。

3. 為何需要 台譯 世界經典? 你對台譯心得如何?
讀中文冊是學中文siong好e方法; 讀英文冊是學英文siong好e方法。 工款e道理, 若是veh學台語, diorh愛讀台語冊。 世界e人siong愛讀e冊diorh是各國e經典, 所以 一本經典 可能包含 真濟翻譯本, 照安ne看起來, ve sai無台灣e母語:台語。 為著保存文化ham學台語, 咱需要台譯經典來幫助。
Qua leh翻譯經典e時陣, 是感覺真快樂e, 因為想著 這是為著veh保存台語文化, qua diorh想veh ga完成, 自小漢qua di厝diorh全部用台語ham厝內e人講話, qua感覺台語e dang ho厝內人e意識更加團結, 而且講起來真親切。 雖然翻譯e過程 ma是有du著問題, 親像這leh字ve hiau翻, m gorh qua盡量去翻出來, 最後ma是完成a, ho老師改出來了後 閣有發現家己m對e, 家己diorh會記起來, 提醒家己以後ve dang閣錯di仝款e字a!

4. Di《科學怪人》中 請以 下列四個問題論述:

(a)經典文學e觀點:
Di經典文學方面, zit本冊充滿著 恐怖, 血腥e畫面, 所以並vor贊成qin-a去讀。 M gorh, zit本小說寫了ve vai, 劇情e安排、 故事e發展、料想ve到e結局, 引領quan進入這本冊e情境, diorh親像 咱家己是主角, 一切攏發生di咱e面頭前, 隨著故事來冒險, ho咱讀起來真驚hiann,m gorh真趣味, 所以伊確定是一本ve vai e經典喔!

(b)兩性地位e觀點:
科學怪人內面 所使用e觀點 大部分是男性e觀點, 其實,ui古早到現代, 科學e領域差不多攏是查甫leh掌管e, 真少有查某, 所以講到科學領域自然diorh會想到查甫, 造成有關科幻e小說 差不多攏是 用男性e觀點來寫, 未來 是m是 會用查某e觀點來寫 值得期待。

(c)法律制度e觀點:
科學怪人是複製出來e生物, 所以di法律上 到底是m是 算一個獨立e個體, 這ho qua想著複製人e問題, 複製人hong製造出來 其中一個目的是veh用伊e器官, 但是, 用伊e器官 diorh表示 愛伊e生命, di法律上, 安ne gak有算犯殺人罪, 這e法律問題 值得思考。

(d)科學倫理e觀點:
仝款是複製人e問題, 今na日 若是有複製人, 伊e面貌ham hong複製e人一模一樣, 安ne yin厝內e人 是veh安怎稱呼 hit個複製人, 閣有,法律規定近親ve dang結婚, m過, 複製人ham yin a vor血緣關係a, 所以是e dang結婚? 但是 結婚了後e 種種倫理問題是 veh安怎面對, 這e倫理問題 值得思考。

5. (a)《科學怪人》gah《隱形人》有何異同?
仝:1.攏是科幻小說。
2.內面e主角 攏為著追求 科學e突破 所以 發明出 創新e物件。
3.故事e結局 攏是用悲劇結束e。
4.攏是 用男性觀點去寫。

Vor工:1.科學怪人有好e一面, 親像科學怪人想veh一個家庭e愛; 隱 形人gan na攏是壞e想法nai nia。
2.科學怪人e科學家 為著追科學怪人, 表現出 辛苦e一面; 隱形人e主角 為著做歹代誌 去cong di人,表現輕鬆e一面。
3.科學怪人e結局是兩敗俱傷; 隱形人e結局是主角ho村民pah死。
4.科學怪人e科學家 想veh ham上帝仝款造人; 隱形人e主角是想 veh報仇。

(b)對當前 塑化劑 DEHP等 毒化國民 遺害健康 你有什麼見解?
塑化劑di保鮮膜內底存在真厚, 咱用完保鮮膜diorh dan掉, 伊會hong送去燒掉, 燒e過程 若出差錯, 伊diorh會釋放 真毒e物件 入空氣中, hit leh物件叫做:戴奧辛。 人若接觸著, 會產生文明病, 親像心臟病、 糖尿病等等, iau閣有, 塑化劑 會造成 內分泌失調, 然後造成不孕、 流產、 精子不足等等, 所以 塑化劑 對人e身體 來講, 是 一種接觸濟了後 會傷害身體e物件。 最近, 聽新聞leh講, lu來lu濟e飲料hong發現有塑化劑, 所以為著咱家己e健康, 應該要減lim飲料ziah對, 其實, lim水本來diorh真健康a, 而且, 水閣比飲料e dang止嘴焦leh。

daiqi007 發表在 痞客邦 PIXNET 留言(0) 人氣()

台語文浮世繪
台文gah科普想像
洪英展

1. 生活中 為何需要思考方法?
請舉 二個思考方法 並略述其精意。

(a) 生活中diann diann會du著足濟e問題。 有時陣 因為想法e無仝 diorh edang 有 無仝e看法 gah 解決問題e方法, 所以有 愈濟無仝e思考法, diorh edang 提供咱 愈濟 看問題 gah 看代誌e 方法。

(b) 第一個 是 簡單思考法, diorh是想解決問e方法e時陣, mai想gah太複雜 太困難, 上好是 用腳頭u diorh edang 想出來, 因為 咱學e知識 愈來愈濟, 所以 咱diann diann會ga問題 想gah太複雜, ve記leh簡單思考法e重要。
第二個是Napoleon思考法, diorh是 面對 困難gah挑戰e時陣 ai勇敢去做、 勇敢去試, mai拖sua, ai有hit leh 魄力 去面對, kah有可能解決問題。

2. a. 為何需要 以 漢羅並用書寫方式 表達台文?
b. 為何 台語需要聽力測驗?

(a) 因為 漢字 是 zit ma大家ka熟e文字, 羅馬拼音 是 全世界通用e 拼音方式, 所以 用 漢羅並用書寫方式 來表達台文 edang ho大家 卡快了解gah使用, 處理 外來語、 新生詞、台語特別詞 ma特別好用。

(b) 聽gah講 是 gah別人溝通 上重要e 兩個工具, 所以zit兩個能力 攏真重要。 di台語當中, 有足濟e聲調 來表達感情, 所以聽e能力gorh卡重要。

3. 為何需要 台譯 世界經典? 你對台譯心得如何?

(a) 台語zit ma 常用diorh e所在 攏是生活中e溝通, di文學、 科技e方面卡少, 所以 用台語來翻譯 世界經典文學 zit方面edang豐富台語e 使用範圍, ho台語e使用gah保留 有gorh卡大e空間, 另外ma edang ho gorh卡濟 使用台語e lang edang讀世界經典文學, 豐富心境gah視野。

(b) 翻譯真困難, ai對兩種語言 攏有一定e了解卡有法度 做ho好, 雖然足
困難, a m gorh edang學著真濟, 對台文ma u gorh 卡濟e了解。


4. Di 《科學怪人》中 請以 下列四個問題論述:
(a) 經典文學e觀點;
(b) 兩性地位e觀點;
(c) 法律制度e觀點;
(d) 科學倫理e觀點;

(a) 科學怪人 是 第一本科幻小說, 而且 伊對情節e描述 真詳細gah細膩, 恐怖 e所在 diann diann ho讀者 感覺 身歷其境, vok怪是世界e經典文學。

(b) 科學怪人中e怪物 真想veh gah lang逗陣, a m gorh伊diann diann ho lang 欺負gah拒絕, 所以想veh有 另外一個女怪物 edang gah伊共同組織 一個 家 庭, ho伊有依靠。

(c) 法律制度來講 diorh有真濟e問題, 到底zit個 怪物 是m是lang? 伊gann有 一般人 所有e權力? 伊e父母是誰? 伊所犯e罪 veh用什麼款e法律條例管理……等等, 有真濟e問題edang ho阮去思考。

(d) 科學倫理來講, 科學家 gam edang創造 ia是 毀掉一個生命? a gorh有創造一個生命 是m是會害著 zit個世界? 有真濟問題ai思考。

5. (a)《科學怪人》gah 《隱形人》有何異同?
(b) 對當前 塑化劑 DEHP等 毒化國民 遺害健康 你有什麼見解?

(a) 這兩本 攏是 科幻小說, 科學怪人 是講伊創造出來e 怪物ve受著伊e控制, 害著伊家己e親人, 隱形人是 講隱形 m好e所在, 親像講伊ve dang偷 拿錢, 因為 伊偷拿e時陣, 別人看著e狀況 是 錢di天頂飛, 自然diorh 會hong發現, 真趣味e 一本書。

(b) zit 個狀況diann diann發生, 可能是 因為 以前 大家e生活vor好, 所以ga趁錢 當zue是 第一要務, 但是suah ve記leh趁錢 愛有良心, 因此我gam覺zit ben e事件 是 真好e教訓, 希望咱以後e教育 愛教qin-a卡有倫理gah良心。

daiqi007 發表在 痞客邦 PIXNET 留言(0) 人氣()

台語文浮世繪

台文與科普想像 張書桓

1. 一、生活中 為何需要思考方法? (10%)
請舉 二個思考方法 並略述其精意。

(1) 咱每一工生活, 不管是大人、qin-a, 各行各業e人 攏要面對yin生活中e困難gah問題, 這時咱就需要動腦想方法來克服, 咱若知影閣edang用靈活e用各種思考法來思考, 解決問題就會ka輕鬆。

(2)
<1> 拿破崙思考法:拿破崙是一個英勇e法國將軍, 一生征戰無數。 伊上出名e就是伊不管何時攏真有信心, 相信家己e能力。 「di我e字典內底, 無"不可能"zit個字」 伊安呢講過。 拿破崙思考法 就是要咱 時時對家己有信心、mtang輕易放棄, 培養一個 親像 拿破崙zit款堅強e心。

<2> Rockfeller思維: Rockfeller是以前上出名 ma是上成功e大企業家。 di hit當時, 雖然伊用了 真濟不法e手段 來拓展伊e石油企業, 壟斷全國市場,mgorh伊做了 真濟企業家mvat做e代誌。 伊收買 伊已經打敗e對手, 擴大家己e事業, 伊ma出真濟錢 做慈善。 Rockfellere例ga咱講, 咱要試看mai「跳出家己e圓」 mtang ho已有e環境限制, 要用創新e想法 來勇敢冒險。



二、a. 為何需要 以 漢羅並用書寫方式 表達台文? (5%)
b. 為何 台語需要聽力測驗?(5%)

(a) di台灣, 台語e-sai講是華語以外 第二大e語言, 大部分e台灣人 就算mvat講, ma小可聽有台語, 但是 台語gorh deh成長當中, 若要保存落來就gan-na一部份愛用口述。 所以 咱若用 漢羅拼音 來寫, 同時e-sai借用音義相近e華語詞, gorh加上羅馬拼音輔助, 就e-sai完成 台語書寫e目標。

(b) 台語是咱e母語之一, di歷史gah文化上有真大e重要性。 日語、 英語等 語言 攏有專門e測驗 來確定 語言能力。 台語ma是仝款e, 而且台語人口 應該 比英語、 日語ka普及, 因此 台語聽力測驗 有伊e必要性, ho咱知影 咱 是m是 真正了解母語。


三、為何需要 台譯 世界經典? 你對台譯心得如何?

(1) 今a日講台語e口雖然ve少, 生活中台語咱ma常常使用台語, mgorh di文本創作方面猶原是華語佔大部分。 台語na要永久留傳落來, 文字gah冊是ve-sai少。 na翻譯有名e世界經典, 不但e-sai ga台語寫成冊, ziae世界經典真濟人攏知影, ma edang提升 " 讀台語e興趣 ", 對推廣台語 有足大e幫助。

(2) 我di翻譯e時 上大e收穫 就是di翻譯e過程中, e-sai不斷刺激台語e表達方式。 一般e敘述 可能ve-sai直接翻作台語, 要用另外e台語詞才e-sai完成ka自然e台語表達。 我想 這就是各語言 有yin 特別e 韻味gah感覺, 需要咱 來 慢慢體會。


四、Di 《科學怪人》中 請以 下列四個問題論述:
(a) 經典文學e觀點;
(b) 兩性地位e觀點;
(c) 法律制度e觀點;
(d) 科學倫理e觀點;

(a) 經典文學 攏有一個共通點, 就是咱讀了以後, 咱會有一寡想法、 心得,甚至ziae經典文學 會ho世人 真大e啟示。 科學怪人 zit個 充滿想像力e故事, di兩百冬前 就預估了 科學創造生命e可能 gah 社會衝突, di科技發達e今a日來看, 猶原ho人深省。

(b) di hit當時e時代背景來講, 差不多大部分e科學家 攏是查甫, 小說中創造出來e ma是 查甫e科學怪人。 我看冊中e查某人, 真濟 是 個性ka柔弱、受壓抑e, 並無gai大e 影響力。 我想Marry Shelly可能想veh透用寫一種 「男性科學」來表現 當時無平等e 男女地位。

(c) 法律 保障人類e 權益義務 gah 自由平等, 但是對人以外e生物呢? 科學怪人所創造cuai e怪人物 ma是 活著e一個生命, 卻ho人討厭、 排斥。這ho我想著 gam講 咱e法律 是 為了人類好 就好a? 誰來 替其他生物 發聲?

(d) 今a日 科學進步, 高科技 不斷發展, di幾年前 已經有科學家 創造出複製羊。 na是有一工 複製人誕生, 咱veh安怎 來面對 呢? 科學e-sai創造生命, 但是m知影後果。 科學怪人 zit本冊 其實已經預見了 今a日e複製人爭議。


五、(a)《科學怪人》gah 《隱形人》有何異同?
(b) 對當前 塑化劑 DEHP等 毒化國民 遺害健康 你有什麼見解?

(a) zit兩本 攏是 hit當時開創性e 科幻小說, 寫出 科學發展 引起e社會影響。 雖然現在e科技 無一定會 變作hit款, 但是 由 科學怪人 gah 隱形人 兩位人物e一生, 仝款警示著 世世代代e人。

(b) 我想 這不但是 違法gorh傷害人e代誌, ma是 道德倫理e問題。 為著趁錢方便, ga ve-dang食e化學產品teh來做食物, 是非常嚴重e代誌, gam講ziae人攏 無想著 家己eqin-a有一工可能會食著? 我認為 人做什麼代誌 無一定 愛搶第一、 趁大錢, 但是 需要 將心比心, m通傷害別人 來ho家己成功。

daiqi007 發表在 痞客邦 PIXNET 留言(0) 人氣()

台語文 浮世繪

台文gah 科普想像

曾文宣

1. 生活中 為何需要思考方法?
請舉 兩個思考方法 並略述其精意。

A. di咱e生活中, 常常du著 難關gah問題, vor具備多元e思考方法話者,是vedang解決任何問題e。 若是死板板e 來看待 一件代誌, vor經過思考,按呢代誌絕對vor可能隨心解決, 幸運解決ma是ganna治標vor治本。 所以講 愛有多元e思考方法, 而且愛定定動腦筋, zit個方法vor適合diorh換另一款方法, 按呢du著問題diorh edang輕鬆解決lo。
B. 二個思考方法
a. Laconia思考法:”Laconia”e 意思是 簡潔ve模糊, zit個典故 是 發生di西元四世紀veh攻打 Laconia城邦”斯巴達”e 王腓力二世身上, 伊 收diorh回批, 頂guan只有一個字”If”, 結果腓力二世diorh放棄e攻打斯巴達e念頭。 簡單e物件edang有複雜e意義gah眾多e路用 正是Laconia思考法e精髓。 親像zit ma計算機電腦攏是用”1”gah”0”來演算出zia擠複雜e問題, ma親像數學中e公式, 化學中e元素結構, lu是簡單e物件diorh lu edang代表真濟e代誌,實在是真趣味~。
b. Domino思考法:domino是咱玩過e”骨牌”e意思。 若是後一塊骨牌大50%, ganna13塊, 愛ho第13塊倒下e力量 是 ho第一塊骨牌倒下e力e 20億倍左右。 所以講 咱vedang看微小e物件 diorh忽略它, 只要經過一連串e加成 ma是具有 很大e影響。 Domino思考法diorh是zit個意思, ma edang講是”蝴蝶效應”。

2. a.為何需要以漢羅並用書寫方式 表達台文?

漢羅文 是 真方便gah快速e 表達台文e方式, 大部分e人 攏了解羅馬拼音, 漢羅文針對zit點, ho ka vor好表達e字 用羅馬拼音 表示, 唸起來真通順, 寫起來ma是真方便。 上重要e是 zit款方式 ho真擠mvat台語e人ma edang唸, 所以講 正是一個 推廣咱台語上好e 方式。

b.為何 台語需要聽力測驗?

一個語言 是 溝通e媒介, 愛有人講ma一定愛有人le聽。 聽力測驗ho咱了解家己edang了解外深e台語意思, 藉著聽力測驗 ho大家加強家己e台語能力, 聽有才edang回應他人, 按呢咱e感情語言-台語diorh edang ho咱更親近、 更有人情味。

3. 為何需要 台譯 世界經典? 你對台譯心得如何?

a. 世界經典是ui細漢時陣gau zit ma人人攏知e故事, qin-a人 足甲意zit款e故事, yin伴隨咱長大。 若是lu濟經典 台譯出來, diorh有gorh lu濟e qin-a人 讀著冊, ho yin愛上台語, 進一步 發展台語 di年齡層有降低e情形, ho大家 攏用感情語言 來分享故事, 培養在地e鄉土民情。

b. 一開始看了文篇 感覺真濟, 而且gorh有足濟e意思 無gai了解 ma m知veh安怎台譯。 Mgorh 逐工看diorh kah有了解其中e意義, gorh找看mai網路上 老師提供e資訊, 運用軟體來對照。 漸漸台譯diorh lu來lu順, edang ga世界經典台譯 正是一件上光榮e代誌。 多謝老師ho咱機會 來疼惜咱e母語, ga伊”Invisible man”台語版 推陳出新。


4. di《科學怪人》中 請以 下列四個問題論述:
a. 經典文學e觀點: 比照科學怪人gah真濟寓言故事, edang發現伊e題材真先進, 利用前端技術 復活死人, 無想diorh性地暴躁, gorh踢倒一鍋仔糜, 在在處處 警告咱 凡事mtang家己想家己對、 人會比過天, 人類mai siunn自傲了! 智慧下生身e咱 ma a因為 智慧死亡, 除非 咱尊重大自然, 利用咱e技術 保護唯一e地球, 和平共存 才是kah完善e方法。

b. 兩性地位e觀點:以前e社會 以男權為第一, di科學怪人中 ma時常發現相仝e問題。 因為 生理上e差異 diorh打倒任一性別 是 非常無客觀 ma無道理e。 兩性e地位 應該是 平等e, 生活中、 職場內, ziok濟e性別刻板印象 ma應該踢除。 傳統”查甫di外、 查某di內”e 想法 di zit ma社會 雖然kah無按呢認為, mgorh ui新聞當中 仝款edang發現 足濟需要來 改進e所在。 看了”科學怪人”查甫guan、 查某e e 狀況了後, 更應該反省 zit ma咱gam gorh有可能 達gau ”男女平權”e議題。


c. 法律制度e觀點:科學gah法律 是 雙面e代誌 應該愛嚴厲控管, 一旦 法律制度 無完善, 科學犯罪diorh 會發生 便無ziah簡單結束, 科學怪人diorh是一個例, gorh kah嚴重e是 會危害全人類e 核武戰爭、 生化武器、 高科技Laser射線…等 lu是需要有 完善考量、 限制嚴厲e法律 來避免。 Veh安怎維持 中間e平衡 便是 執政者 應該詳細考量e所在。

d. 科學倫理e觀點:人工培育出e科學怪人 無一個好e成長環境, 伊ganna是科學家手頂guan leh sng e物件, 完全無半點人權, 無人edang保護yin。 生命是足可貴e, 科學 一旦跨過liau底線, 複製人、 代理孕母, 科學怪人 等 攏會發生 嚴重e社會問題, 而且 yin e生命 是 交ho誰人來保障? 一個傑出e科學家 愛有良好e 科學倫理ziah edang真正利用智慧來造福人類。

5. a. 《科學怪人》gah《隱形人》有何異同?

異:科學怪人 是 科技誕生新生命;隱形人 是 ui科學家家己實驗家己

同: 兩者攏是 1.高科技產物 2.奇怪社會問題



b. 對當前 塑化劑 DEHP等 毒化國民 遺害健康 你有什麼見解?

科技自來ui人性產生, 禍害ma是劣品人性所造成e。 對hia不肖廠商應gorh好好ga教育,希望 國內教育 應該lu gorh加強zit部份, mai ganna是注重學理當中, 基本e做人處世e道理 ma應該好好灌輸。

daiqi007 發表在 痞客邦 PIXNET 留言(0) 人氣()


台語文浮世繪
許庭瑋



1. 生活中為何需要思考方法?
請舉兩個思考方法並略述其精意。

因為有時陣, 咱會無法度 用咱e方式解決問題。 Na是一直用家己e方法, 一定會有咱無法度想出 解決方法e代誌發生。 Zzit個時陣, 咱diorh edang參考別人 是按怎 思考gah解決問題。 知影別人是按怎思考, 若是du著仝款e問題, diorh知影如何思考。 用無仝款e方法思考, ui無仝款e角度 看問題。

囚犯思考法:
Na是家己無能力完成一e代誌, diorh veh借別人e能力 幫助咱完成zit個代誌。 有能力e時陣, ma edang交hong比咱卡qaue人作, 代誌diorh ho完成a閣卡水。

Alexander思考法:
舊e放ho去, mai ho 舊有e思考方法限制diau。 跳脫一般人 定定陷入e思考陷阱,用無仝閣無受限制e思考, cue 著解決方式。


2. a. 為何需要 以 漢羅並用書寫方式 表達台文?
b. 為何需要 台語聽力測驗?

a.
na是完全攏是拼音, 看起來會花花e,攏是外國字。 leh讀e時陣,diorh需要卡濟時間來了解意思。 iau m gorh, 完全攏是漢字e時陣, 有一寡台語e話 無法度正確e用漢字表示。 所以取二家好處, 漢羅並用。

b.
聽力測驗幫助 我知影我對別人講e話edang了解到siann mih程度。 知影有siann mih需要加強e, ziann ve聽無 別人講e台語。

3. 為何需要 台譯世界經典? 你對台譯心得如何?
台譯世界經典edang ho慣習用台語思考e人gah看無中文gah外文e人 讀經典文學e機會。 ho yin快速了解 冊e內容。 另外一方面, 對推廣台文書寫ma有功勞。 ho veh學習台文e人練習e機會。

我感覺台譯是一件真辛苦e代誌, gah寫冊仝款, veh一直修改到ho人看起來 真通順,文字ma vedang失去原味。 但是zit種代誌diorh ganna 翻譯家仝款, 想來ma真厲害。


4. Di 《科學怪人》中 請以 下列四個問題論述:
(a)經典文學e觀點
(b)兩性地位e觀點
(c)法律制度e觀點
(d)科學倫理e觀點

(a)
科學怪人di文學上, 作者對景色e描寫gah氣氛e營造攏真gau。 伊運用真濟文字去描寫週圍e風景。 Zit個小說 di科幻小說e領域 是先驅者, 作者e題材新en, 為後世建立典範。

(b)
Elizabeth gah Justine 攏ho Victor inn兜收養, Elizabethe角色親像童養媳。 代表zit時陣e女性地位vor男性高。J ustine更是去Victor yin兜 做女傭, ma是卡無地位。

(c)
雖然Justine有真大e嫌疑, 但是無伊行凶e證據。 最後Justine ia是ho判死刑, 這說明當時陣e法庭真主觀, 只要逐家攏認為有罪 diorh是有罪。 對細節vor深入調查, edang解決diorh卡緊解決。

(d)
Victor只是veh滿足伊創造e快感, 盡心盡力工作, 完成了後 卻無負淡薄a責任。 放怪人自生自滅 一點點仔e品德 攏無。 這就親像一寡科學家, 享受發明e快感, 卻vor想著後果仝款。




5. (a)《科學怪人》gah《隱形人》有何異同?
(b)對當前塑化劑DEHP等 毒化國民 遺害健康 你有什麼見解?

(a)
異:
科學怪人 m是 伊家己想veh生出來,伊只是無奈ehong創造出來, m是家己願意e。
隱形人 卻是 伊家己努力研究, cue著方法 ho別人vedang看著伊。 伊是家己甘願e。
同:
Yin攏是 世界上 獨一無二e生物。 過著gah正常人vor仝款e生活。 攏想cue著ho家己滿足e生活方式, 但是攏失敗a。

(b)
黑心e生理人 為著 veh 趁錢 veh ho口感更加好, 卻ga對人有害e成分加落去。 Zit款行為實在是令人生氣, 傷害消費者e健康 閣趁咱e錢, 這實在是無道德。 商人雖然veh趁錢, ma是要用 卡正當e方式 才對。

daiqi007 發表在 痞客邦 PIXNET 留言(0) 人氣()


我e 阿公
張乃懿


是第一gai抱你吧? de有記憶以來
逐暗 當拖著 sen-dau-dau-e身軀轉來到厝, 總想veh ga你看看leh 看你 消瘦落肉
你gam會記得 hit片海 嗎? 用了 一世人gah海洋 搏鬥
de 你破病e 上尾後一刻 閣是 gah海洋抗爭著
你閣會記得 hit台船e形貌 嗎?
請 講ho我聽, 因為 我已淡忘了
無法陪伴你, 深深抱憾
看著有人 按呢欺負你, 我卻無能力
ho我撐過zit禮拜
我會保護你
以早 是你 保護我, zitma換我 保護你
拜託, 求天公伯a 留一寡時間 ho你gah我
我想veh cua你去看 hit片海, 只是 足艱難
我想veh cua你 去看 hit台船, 只是 已無留
我想veh cua你 去找 hit台 慢sor e o-do-vai, 只是 已無留
拜託, 留寡時間 ho你gah我
m是報恩 m是同情
因為你 是我 永遠切ve斷e 愛gah血緣

daiqi007 發表在 痞客邦 PIXNET 留言(0) 人氣()