目前日期文章:201107 (2)

瀏覽方式: 標題列表 簡短摘要
一本理論kah實務結合的好冊
方耀乾
春凰姊koh拍破一項記錄!春凰姊是台文界的破紀錄者,是先鋒。伊是第一個女性出版台語散文集的作家,伊是第一個出版台語文學概論的作家,伊是第一個用台語出版電影評論集的作家,tsit-ma伊是第一个出版有關台語閱讀kah書寫的作家。伊的台語書寫速度kah接觸的闊度值得咱呵咾、敬佩。
伊欲出tsit本冊名稱號做《閱讀gah書寫》,是用台語書寫的,是一本理論kah實務結合的好冊。過去,台語受著壓制,久長以來台語無hong容允ti正式的教育體制傳授,致使正式的教育體制無培養出任何台語的人才,咱無台語文本thang閱讀,咱也毋知欲去佗位學習書寫。佳哉,百幾冬來真濟有志ti民間、ti邊緣用土法煉鋼的方式出版一寡台語冊,包含字典、散文、詩、小說kah評論,咱今仔日才有一寡台語文本予咱閱讀,嘛才有法度提供「借鏡」予咱學習按怎書寫。春凰姊tsit本冊ui閱讀gah書寫的歷史發展、為何閱讀、為何書寫、到書寫kah閱讀的方法論long有真簡明、實用的論述,koh將伊ti大學開設通識課「閱讀gah書寫」的實踐方法、步數、順序、實例,一項一項拆明講透機。所以我講這是一本理論kah實務結合的好冊,真正值得咱提來好好看、好好讀。
當然tsit本冊毋是kan-ta欲用來閱讀「台語」的文本,咱會當透過tsit本冊來學習著閱讀「任何語言」的文本。千萬毋通因為伊是用台語寫的,所以就誤會伊的「實用性」較無,伊的「闊度」較欠。按呢,你就去想重耽去,大錯特錯囉。伊是一本用台語來介紹如何閱讀kah書寫的冊,當然春凰姊上向望你會當閱讀台語冊、書寫台語文。
Tsit本冊雖然有一寡理論,毋過逐個無免驚,冊裡並無焦燥、高深的理論,long是一般常民會當理解的理念。咱一面「閱讀」作者提供予咱的理論,一面按照實踐方法、步數、順序、實例來「書寫」,相信你真緊會成做「閱讀kah書寫」的高手。這是一本有意義的冊,我真願意為伊寫序。
(作者是 台中教育大學 台灣語文學系 副教授)
(2010.8.23台南永康永二街)

daiqi007 發表在 痞客邦 PIXNET 留言(0) 人氣()

科技台文…利用砷 取代磷 來組成 生物分子e細菌 曾文宣
科學家di加州eMono Lake 發現一款細菌, 竟然ga DNA、 蛋白質 ham脂肪中e磷 用原本對生物有毒e砷 來取代。 這改變人類 對生物化學e了解,將會改寫 所有 生物學冊本, 是一款 mvat發見未知e 生命形態。 Zit個代誌表示講 這可能閣有 咱m知e生命型態 存在di地球, 甚至 外星當中。
科學家 原本掠準 所有生物體 攏需要 磷zit個元素, 加上 氫、 氧、 碳、氣ham硫, 攏是 生命siong基本e元素。 雖然 有科幻作家 認為di週期表上仝族e元素 可能di生命體中 互相取代, 比如 用矽來取代碳 等等, 但科學家 幾百冬來 攏無發現 用其他元素取代he六個元素e 生命體存在。
磷酸根PO43- di生物細胞中 有足重要e角色 :yin維持DNA以及RNAe結構、 組成 磷脂 來成為 細胞膜, 而且 dui ATP形式 傳送能量。 砷di週期表中di磷e下腳, 所以 兩款元素 edang進行相像e 化學反應。 例如 砷酸根AsO43- ham磷酸根 有相像e結構。 Ma因為 砷gah磷 相像e化學性質, 造成砷edang di細胞 來取代磷內 有足guan e毒性。
M gorh美國航太總署(NASA)天體生物學研究所 ham 美國地質調查所e Felisa Wolfe-Simon zit群人, 發現一款 鹽單胞菌科(Halomonadaceae)細菌,suah edang用砷來取代磷。 美國加州大學聖塔巴巴拉分校e 地質化學家David Valentine講,zit個發現表示diorh磷zit個元素將ui生命必要元素中 刪除。
Wolfe-Simon認為就算 砷有足guan e毒性, 伊ma是edang執行磷di細胞中e工作。 所以 伊gau加州東部eMono湖 去尋找 是m是ganna 可耐受砷,而且閣使用砷e生物。 Wolfe-Simon ui湖中 收集泥土, 閣ga樣本 放入缺磷suah有大量砷e培養基 中。 然後yin進行系列稀釋 來洗去 殘留e磷, 結果yin發現有一款微生物 di含砷e環境中 生長速度 閣卡緊。 Yin ga hit個細菌 分離出來了後, 發現 伊di砷溶液中e生長速率 是 di磷溶液中e六成。 當缺磷ham砷時, zit個細菌diorh vedang生存。
Wolfe-Simon表示, yine證據 在在顯示 砷di鹽單胞菌中 取代了磷, ma表示, 若是講 普通e鹽單胞菌 攏edang用砷來取代磷, 按呢其他細菌ma edang。 He將是 一個攏無看過e世界。
NASA天體生物學計畫e主持人 Mary Voytek表示, zit個發現 非常有說服力。 伊認為zia e證據加起來, 就painn有其他e解釋。 M gorh美國佛羅里達國際大學e生化學家Barry Rosen講, 若是 真實愛有說服力, yin閣必須愛證實DNA e骨架 ka su是砷建構e。 閣有, 砷取代磷對細胞e意義 猶m知。 咱閣需要知影細胞中 dor幾個分子有砷, dor幾個分子 真正有zit個功能。 比如, 當砷取代liau ATP中e磷, 能量傳遞e效率 gam有仝款? 蛋白質ho磷酸化e改變功能, 按呢ho砷酸化neh? 美國佛羅里達應用分子演化基金會e Steven Benner表示, 砷酸di水中形成e鍵結 比 磷酸 kah弱, 會di幾分鐘diorh分離, 所以講 有可能 存在 其他分子 穩定yin e鍵結。 Yin閣解釋zia e問題。 若是進一步化學分析 發現砷 真正取代了磷, 按呢 咱對生物系統e分子e了解diorh愛改寫lo !

daiqi007 發表在 痞客邦 PIXNET 留言(0) 人氣()