daiqi007

Let it go Ho伊去

The snow glows white on the mountain tonight
Ing暗 霜雪抹白山頭

Not a footprint to be seen
無半個行腳到

A kingdom of isolation
一個無人到ｅ國度

and it looks like I'm the queen
看起來 我親像是zia-ｅ王后

The wind is howling like this swirling storm inside
內部 滾絞來到ｅ捲螺仔風 hiu-hiu吼

Couldn't keep it in
無法度 阻止yin

Heaven knows I've tried
上天 知影我有試過

＊＊＊

Don't let them in
mai ho yin 來

Don't let them see
mai ho yin 知

Be the good girl you always have to be
愛一直保持做一個好女孩

Conceal ， don't feel
掩kam起來， mai去感受

Don't let them know
mai ho yin知

Well, now they know
好啦， 現在yin攏知

＊＊＊

Let it go let it go
ho伊去 ho伊去

Can't hold it back anymore
vedang 閣求回 任何什麼

Let it go let it go
ho伊去 ho伊去

Turn away and slam the door
越頭走 摔門做伊關

I don't care what they're going to say
我m睬yin 會講啥

Let the storm rage on
Ho狂風 大起歹

The cold never bothered me anyway
任何凍寒ve閣亂我

＊＊＊

It's funny how some distance makes everything seem small
趣味ｅ是， 距離ho一切 變gah細微

And the fears that once controlled me can't get to me at all
vat控制著我ｅ驚惶， 已經離去

It's time to see what I can do
輪到看我 可做什麼

To test the limits and break through
試看家己ｅ限制gah突破

No right, no wrong, no rules for me
無 是非gah規矩 會限我

I'm free
我是自由ｅ

＊＊＊

Let it go let it go
ho伊去 ho伊去

I am one with the wind and sky
風gah天 ham我同在

Let it go let it go
ho伊去 ho伊去

You'll never see me cry
你ve閣看著 我流目屎

Here I stand and here I stay
我kia di zia， zia也是 我停腳ｅ所在

Let the storm rage on
Ho狂風 大起歹

My power flurries through the air into the ground
我ｅ超能力 飛過天 鑽入地

My soul is spiraling in frozen fractals all around
我一直滾絞上升ｅ靈力 ga四界 變冰成形

And one thought crystalizes like an icy blast
一念間 假如冰瀑按呢 結做水晶

I'm never going back
我ve閣翻頭

The past is in the past
過去 dor已經過去a

＊＊＊

Let it go let it go
ho伊去 ho伊去

And I'll rise like the break of dawn
我將會 親像日出 破暗再昇起

Let it go let it go
ho伊去 ho伊去

That perfect girl is gone
Hit個完美ｅ女孩 已無去

Here I stand in the light of day
Di zia， 我kia di日光中

Let the storm rage on
Ho狂風 大起歹

The cold never bothered me anyway
任何凍寒ve閣亂我

(201403)

少年人ｅ儉錢辦法 GNN生活台


現此時 薪水收入 下降， 有人建議 月給二萬五ｅ收入， veh按怎替家己儉著人生ｅ第一桶金。
有幾個方向 可參考：

1. 專注本領 有家己ｅ專業 去cue 一個固定ｅ頭路， 有一個固定ｅ頭路， 逐個月 攏有固定ｅ收入， 濟少有一個底 可以安搭 基本生活；

2. 固定 儉一筆錢 目標愛定ho好勢， 也diorh是 收入閣扣掉存款， cunｅ 卡是veh開ｅ金額 逐月 薪資進存帳戶， 先ga 存款或投資金額扣下， cunｅ ziah來支配開銷； 盡量mai用信用卡， 平常用現金消費， 按呢卡知影 手中有外濟錢， m是用信用卡先借用， 家己m知控制， 避免變做卡奴。 另外， 若頭路離厝近， 巧智ｅ少輕人 一定愛精算 住di厝內， 節省厝稅ｅ開銷， 食俺爹gah俺娘 睏ｅ所在閣是免費ｅ， 按呢水電、 網路等 攏可省一寡；
3. 進修充電
積極進修 自我加強家己ｅ能力， 若考diau廚師、 復健師、 母語教師、 醫師、 代書、 律師、 會計師、 藥劑師、 美容師、 新娘祕書、 普考、 高考、 或公務員， 或專業證照…， 對個人ｅ背景 加值 薪水ma可能因為按呢調guan， 或換頭路 可有機會選擇， m是ganna di hia 看人面色；
4. cue收入ｅ來源
兼差 做家教、 網拍、 寫稿、 程式設計、 歇睏ｅ時陣 可駛計程車、 去速食店pah工、 替人看qin-a、 ……等 擔任臨時kangkue 增加收入， 攏是真好ｅ開發錢源方法。
5.參加公益團體， 任何時陣 參加公益團體 攏是機會， zit款機會 是人脈gah機會ｅ資源， 仝款是善心人做伙， m是看重 好額或散赤， 是看重 熱心gah才能， 少年人 有ｅ是 體力gah腳力， 真濟老一輩ｅ人 已經積了ve少ｅ人生經驗， ma 真樂意傳授 如何經營人生， 這是非營利事業中 上富裕ｅ團體， 有形ｅ、 抽象ｅ財富 diorh di你ｅ身邊， zit部份人愛 用心gah誠意 去體會。
過去有一句話講： 一工無做kangkue， 一工diorh無食飯， 意思是勤勞守本分， 用按呢來鼓勵家己， 平穩ｅ人生 只要無貪心過頭， 一支草一點露， 只要肯做 應該會消除咱ｅ困境。

詐騙電話 GNN編寫
Liang～liang～liang

騙子： 喂！ 某某人 有di 無？
查某人：我是。

騙子： 我zia是 中華郵局 台北總局 ， 二十分鐘前 你ｅ郵局帳號 ho人di台中偷用， 傳報來zia，為著 你ｅ權益， 我bheh 進一步 保護你。
查某人： a hit個人 按怎偷用？

騙子： 值班主任 先ga 擋ｅ， hit騙子 驚人 看破 伊ｅ腳手 已經 走a。
查某人： gam有影？ 你小等leh， 我來去ciau我ｅ 資料來看mai leh， 小等leh， mai 掛電話。

騙子： 好， 我等你。
查某人： 失禮ho你等， 我ｅ寄金簿仔， a 無 無去a。

騙子： 是 你ｅ資料 hong 盜用， 你講你ｅ密碼， 我來ga你 確定一下。
查某人： 我bhe記得去a， 你小等5分鐘 卡閣ka電話來。

騙子： 好啊。

＊＊＊

查某人： 我ｅ郵局資料 ho人盜用， 台北郵局 ka電話 來ga我 通知， 顯示電話 是 台北總局ｅ， 網路ma有 zit個電話、 有名有姓。
查甫人： 今仔日 是 拜六 kai有人deh 上班？ 有問題。
查某人： 伊講gah 一支柄， 等ｅ 伊會閣ka過來， 你去聽。

Liang～～liang

查甫人： 喂～喂～ (一陣無聲)， 掛斷a。

查某人： 原來是 詐騙電話！ 講gah 一套。
查甫人： 你ga 想ma知， 今仔日 無上班， 公家啥人 會ka電話ho你 啊？

查某人： 伊講 是 緊急ｅ代誌， yin 加班！
查甫人： 對方 準備好a， 利用你 著驚ｅ心態， 刁工 ga你騙gah 憨憨seh， yin 去 改裝電話、 yin 隨機 去卡電話， 一百遍 若有一個人 hong引入局， 按呢yin dor 有夠diorh a。

查某人： (氣gah 講bhe 出話 ga 手中ｅ資料 擲去土腳)
查甫人： mai閣 第二次 受傷害， ho騙去dor tai4-gor3了a， 情緒mai 受hiah 大ｅ影響。
查某人： 我di厝裡好好 dor閣 愛受無端ｅ氣。Wu～wu～(氣gah哮出來。)
查甫人： 有人利用 貪心， 用 中獎ｅ引誘、 錢財了失 來釣人， 有人上勾， 雖然攏是 無緣故ｅ苦主， 咱也是 愛小心。

＊＊＊ 隔工＊＊＊

查某人： 喂， 我du-ziah 接著一通 詐騙電話， 騙子用 郵局ｅ名義， 講一堆。
反欺詐機關： 太太， 多謝 你來通報， 阮兜ｅ人 ma有接著 zit款電話， zit時陣 你愛冷靜。
查某人： 編劇 真厲害。
反欺詐機關： ma是愛冷靜， 隨時攏歡迎 lin 來通知， 阮會盡力 來幫助lin。

網路 gah 我 劉得懿
網路 已經成為 咱現代人生活ｅ一部份， 對我來講， 平時無論是作報告a是寫作業， 網路攏是真有路用ｅ利器， 需要什麼資料， 找一下diorh有。 Veh聯絡朋友 ma是di網路內call一下diorh有。 愛知影今仔發生什麼新聞 但是m愛出門， 上網diorh會使看。 M知影dor位veh按怎去， 網路內有各樣地圖edang ho人參考。 網路ｅ發明真正是改變咱ｅ生活真濟。
我想，網路上重要ｅ影響 之一 是ho大家ｅ生活圈變大， 像ziah濟年來真濟社群網站出現， facebook、 撲浪、 推特、......攏是真受著歡迎ｅ網站，真濟人di頂guan聯絡代誌、 交朋友、 關心別人ｅ近況、 看趣味ｅ文章、......。
古早人講ｅ「秀才免出門， diorh知天下代誌。」 莫怪有人認為現代人是生活在「資訊爆炸ｅ時代」中。
我阿母ma是網路ｅ愛用者， 伊定定di網路上買物件， 因為真正方便好用，m免出門diorhｅsai買著 家己愛ｅ商品， 而且伊猶有送貨到厝ｅ服務， di厝等diorh好， 服務周全， 真會hiang做生理。 莫怪網路商店ham社群網站仝款受著歡迎。
網路真緊會ho咱ｅ生活變做非常方便快速。 尤其現在ｅ手機仔 非常進步，使大家時時刻刻攏di上網。 我看過一篇科技文章講， 未來手機仔會變成咱身軀ｅ一部份， 雖然hit個手套看起來真pann， 但是想著大家愈來愈離ve開對網路ｅ依賴， 內心猶原m知影這是好事a是歹代誌。 Mgorh， 我猶原認為完全網路化ｅ時代 是 vedang避免ｅ來到。

網路gah我 葉名瑋
我感覺網路對我來講， 是真矛盾ｅ工具， 因為網路對我真重要， mgorh無伊 ma 無要緊。 網路對我重要ｅ所在有四點：
第一是：網路ho我cue資料真方便， 比如講，當我上課 聽無老師講ｅ內容、原理時， 我攏會用電腦， di網路上， 查我m知ｅ原理、公式gah內容， ho我讀冊更加有效率。
第二是：網路ho我聽英語更加方便， 親像我ｅdang di網路 看英語影片， 練習聽英語。 我ma 可去網路開放課程hia， 看英語國家ｅ大學， 伊上課ｅ內容，所以網路ho我學英語ｅ方法更加濟。
第三是：網路ho我知影 久無見面ｅ朋友， 伊新近ｅ狀況。 我ｅdang用FB、Yahoo即時ham我ｅ朋 友講話， 真緊diorh會知影伊 最近過了如何， 無免閣愛ka手機仔 ia是親自去找伊， 所以網路減少我ham朋友ｅ距離。
第四是：網路ho我對著時代ｅ腳步。 我之前， 攏真少用網路， 我攏m知影世界是發生什麼a， 是一個庄腳qin-a。
我之所以會講 我無伊 ma無要緊ｅ原因是， 因為我感覺使用網路 愛有正確ｅ態度， 卡ve逐工用真濟時間 di網路、 電腦 上， 浪費時間。 網路是veh幫助咱ｅ生活更加方便， m是ho網路控制diau leh， 所以我攏是真正有需要用網路、學習英文等ｅ時陣， 卡會開電腦、 用網路， 無我攏ve將時間kai di這，所以我卡講， 網路對我來講， 有也好、無也好。

網路gah 我 李冠藝
網路zit ma是上gai方便ma是上gai有效率ｅ工具， 每一人攏開真做時間di leh頂guan， m管是上班 也是pah電動， 親像我每一工diorh開了差不多六點鐘 deh使用網路。
網路ｅ功能是愈來愈zue啊， 會記細漢時， 第一擺提著電腦，diorh先去申請hit當時上流行ｅ e-mail，再來diorh是去download hit時陣上好 sngｅ線上遊戲， 接近到初中ｅ時， ziah會曉用電腦來找資料寫功課，到zit ma， 網路也edang買物件， 直接用滑鼠點一下 veh買ｅ物件， m免親像以前愛去店內ziah esai買， 而且選擇比以前是加真濟，閣有，zitma m管是 facebook 、 twitter也是plurk，攏ho現代人ｅ開講時間變濟， ｅsai一頭寫作業 一頭開講， maｅsai 用facebook 開一個社團 ho大家做伙討論， 以上 是 我感覺網路ho我ｅ好處。
Mgorh網路ma有真濟歹處， 過頭方便ｅ網路 ho人變gah足貧惰，比如講查資料ｅ時， 定定攏直接全部copy and paste， 變gah足貧惰思考， 閣有， 定定用打字gah人開講， ho一寡人顛倒m知如何gah人面對面相處， 變成大家所講ｅ”宅男(女)”。
總歸一句， 網路ho咱真濟好處 也伴著真濟歹處， 希望大家ｅdang善用伊ho咱ｅ好處， 而且避開伊有可能造成ｅ破害。

網路gah我 鄭羽庭
網路對我來講， 有足濟路用。edang寄批、收批、 找資料、 sng facebook、看電視節目gah電影、 買物件……等等， 生活當中 有足濟代誌 攏esai使透過網路完成。
以寄批gah收批來講， 有網路， 咱diorh esai利用 咱隨寫email 別人隨收著email ｅ效率 來完 成任何需要gah別人溝通ｅ事務， m免閣透過重重ｅ郵局gah郵差 替咱送批， 白白浪費兩個人 足濟時間。
以找資料來講， 有網路， 咱diorh esai利用 google找著咱veh找ｅ任何資料。 m管是台灣網站， 也是外國網站， 只要有網路， 全世界ｅ網站 親像全世界ｅ圖書館 攏di咱兜， veh知影全世界ｅ資料 攏m是問題。
以sng facebook來講， 有網路， 咱diorh esai利用facebook gah咱ｅ朋友開講。 m管朋友 現今是di台灣也是外國， 只要有網路， 咱隨時攏找會著伊。Bhe像講電話需要開錢，也是飛去伊住e所在才找e著伊，網路ho 咱跨過時間ga地區聯絡咱ga朋友e感情。
以看電視節目gah電影來講， 有網路， 咱diorh esai開電腦 看咱想veh看ｅ影片。 無限節目播出ｅ時間 也免開電影票錢， 只要點二下 咱有興趣ｅ影片名稱， 影片diorh會走出來ho咱看， 無甲意也會使隨時刪掉， 完全配合咱e興趣gah心情。
以買物件來講， 有網路， 咱diorh esai坐di厝內 慢慢仔選甲意ｅ物件。大日頭m 免出門、 半暝也m 免出門， 物件隔幾工diorh會送來咱厝， 看了無甲意也esai di七工內退貨， 替咱省去足濟seh街ｅ氣力。
網路提供ho我算ve清ｅ方便， 頂面講ｅ 攏已經變做我ｅ生活。 若是無網路， 生活足濟代誌 會變gah足無方便， 我已經無法度生活di 無網路ｅ世界，可見網路ｅ重要性 對現代人hiah-nih大。

網路gah我 歐峻育
咱活di 網路盛行世代， 伊已經成做咱身邊ｅ 好助手， 咱 edang用伊 搜尋資訊、 查詢新ｅ 、 cue有趣味ｅ 消息， ma edang 開拓眼界， 現在ｅ少年人ma 足愛用電腦gah網路 來溝通聊天， 像MSN gah Facebook 攏是現在ziah 流行ｅ 工具。
「網路」是zit個世界ve dang欠缺ｅ 工具， 真正是「秀才免出門， 可知天下代誌」， 家己di 厝內， diorh edang 知影世界 現在 發生什麼？ 我輸入網址diorh edang連結到真濟資訊， 比如講 台灣八八水災、 真濟比賽ｅ消息 gah 各種民生、 小人物ｅ故事， 網路zit個通訊工具ho咱ｅ 生活更加快速、 更加普及、 閣方便。
Mgorh， 現在有真濟人攏「宅」di厝內， 每一工 沉迷di網路裡面， 閣 卡嚴重ｅ是 攏已經二、三十歲a， 閣 di靠老爸老母食穿、 m出去找工作， 按呢會 ho老爸老母真操煩。
「網路」edang是真便利， 幫助咱解決 一寡想veh知ｅ代誌， m gorh ma可能會造成負面ｅ影響， 所以每一個人需要適當ｅ使用網路， 伊e dang帶ho咱上大ｅ方便。

網路gah我 吳翌宏

　　Di現代， 網路ｅ使用 已經足普及， 經過網路edang做足濟代誌， 身為一個大學生， 網路gah我 是閣卡密切分ve開。 Di學校， 定定有ve少ｅ報告gah作業veh查資料， 這時陣網路diorh esai 逗相工， 比起傳統ｅ翻閱冊本 卡迅速gah方便。 按呢以外， 上網用facebook gah MSN gah朋友開講也成了 我 每一工ｅ例行公事。 我想veh買衫仔褲ｅ時陣e sai 直接用網路ｅ方式 找著家己喜愛ｅ款式， 而且m免去現場買， 訂車票ma是按呢。 Di無聊ｅ時陣， 我閣 edang透過網路gah 同學sng遊戲。 網路同時也足容易ho人沉迷， 足難想像無網路ｅ世界會變作什麼款， mgorh我想 我ve sai過頭依賴它， 應該加出去行行leh， 才ve淪做網路ｅ 戰敗犯。

網路gah我 洪筱慈
上大學了後， 逐工 ｅ 生活 攏離ve開網路， 除了 讀冊、 做報告ｅ 時陣， 愛用網路 cue 資料， 朋友ma攏會 用 Facebook抑是MSN 來開講， 若是工無用網路， diorh 感覺 強大ｅ 脫節。
但是， 愈來愈發現， 網路e dang 幫助咱真濟 ， ma 有可能害咱tiam-tiam。有時陣 一直看Facebook， ga 時間白白浪費掉， 歸暝攏無作什麼 有意義ｅ代誌。 而且， 我ma發現自從用網路查資料、 gah朋友開講了後， 我diorh卡無法度專心 ga 一本冊看ho了， ma定定 因為網路ｅ方便， diorh 放棄用冊來找資料。 除了這以外， ma會因為用facebook， suah 失去ham朋友面對面 講話ｅ機會。
我感覺這真可惜， 因為讀冊是一件真趣味ｅ 代誌。 網路雖然真方便， 但是無應該ho 伊 霸佔siunn濟時間， 有真濟ｅ代誌 dui 讀冊來知影會比直接ui網路找著閣卡趣味。 而且， 人是一類群居ｅ動物， 應該愛多多互動， m是透過網路來講話。

網路gah我 胡祐瑄
　　若是問“對一個大學生來講， 有什麼 是 生活中真重要e物件?” 有人會講”是機車，有機車ziah edang四界去sng”； 有人會講“是錢， 有錢ziah ve什麼攏無”；有人會講“是冊， 有冊ziah edang ho家己了解e物件 比別人濟”， 若是teh zit個問題問我，我會講“是網路”。
　　網路是一個真重要e發明， 伊e出現改變了人類e生活。 伊將全世界攏連起來， 咱edang坐di家己e電腦前， gah住di台北e朋友講話， 看日本e親情hit張相片， 查美國籃球比賽e分數。 對足濟人來講， yin e生活是離ve開網路e， 對身為一個大學生e我來講， ma是仝款。 Di我想veh放鬆心情e時陣， 我會用網路找音樂、 小說； di我想veh認真讀冊e時陣， 我會用網路找資料、 gah別人討論問題； di我想veh 關心朋友最近e生活e時陣，我會用網路 找伊開講、 看伊e facebook。 網路ho我足濟e方便， 伊是我生活內底vedang欠缺e物件。
　　雖然， 網路zit個虛擬世界真便利， 但是， 咱ve dang因為有網路diorh ve記得現實世界內底e一切。 早起e第一件代誌 m是坐去電腦前，是gah為我準備早頓e阿母講qau早；天氣好e時陣，是gah朋友去拍球， m是坐di電腦前sng線上遊戲； 有無熟識e人veh找我出去， 愛有警覺e心， ve dang隨便答應。
　　對現代人來講， 網路e方便 ho咱真濟好處， 但是ma 因為按呢， 顛倒人gah人e關係疏遠a， 網路犯罪出現a， 這攏是咱無甲意愛看著e情形。 所以，咱真濟愛好好思考網路對生活e影響gah意義， 若是e dang di虛擬gah現實之間找著一個平衡， 網路diorh是ho咱e生活閣卡精彩 是現代人ｅ好物件。

網路gah我 郭明薰


網路已經是 一項方便ｅ物件，以早veh找資料 需要走去讀冊館，zitma只要滑鼠點一下，diorh有 ziann濟資料走出來a；平時想veh聽歌ｅ時陣， di網路找一下diorh edang聽著ziann濟好聽ｅ歌a；想veh知影 今仔日有什麼新聞、 明a仔天氣按怎，只要連上網路diorh啥麼攏知影。 有代誌veh通知朋友、小組討論作業，只要上MSN找一下diorh會連線成功， 網路真正是ho阮ｅ生活帶來ziann濟方便。 身為資工系ｅ學生，網路gah阮黏gah分ve開， 阮有ziann濟作業攏是di網路完成， 若無網路， 生活m知影會變成啥款。
我每zit工攏會上FB gah Plurk，只要一工無去diorh會感覺gi guai gi guai， 足驚有什麼趣味ｅ代誌無看著。 每一擺轉來寢室 作ｅ第一項代誌diorh是pah開電腦， 連上網路， 看今a有什麼代誌發生，我zitma ｅ生活真正是離ve開網路。
雖然網路帶來ziann濟方便， mgorh ma帶來一寡歹ｅ影響， ziann濟人一工攏deh sng線上GAME， 每一工攏是 面對冰冷ｅ電腦，失去人gah人之間 真正ｅ互動， 歸工攏沈di線上電動。像我ｅ室友仝款，伊ｅ課業已經爛gah 足爛a，iIah是歸工deh pah線上電動，網路遊戲真正是害人傷重， 雖然網路有好ma有歹， diorh愛看你按怎使用伊， 希望大家攏edang正確使用。

網路gah我 蕭宇喬

Di zit個資訊發達又閣便利ｅ時代， 電腦已經是咱生活中一個重要ｅ角色， 尤其是ho電腦方便ｅ網路， 伊不只edang幫助咱 完成足濟工作， 閣 edang找資料、 sng GAME、聯絡別人……， ma因為按呢， 愈來愈濟人 依賴網路，ga伊當作生活e全部， zitma ziah有hiah nih濟ｅ「宅男」gah「宅女」。 這是一個無正常ｅ現象， 因為按呢 會ho人沉迷di網路ｅ世界、 減少出門活動ｅ機會、飲食走精gah歇睏ｅ時間 變短， 久了之後， yin diorh會忘記 愛安怎gah人講話、 逗陣， 慢慢a遠離社會， 若是siunn濟人按呢， 國家恐驚會去 了了 a。
當然， 這是上嚴重ｅ情形， mgorh大部分ｅ人iau閣會適當ｅ 使用電腦gah網路， 那我le? 我是一個大學生， 電腦gah網路免講是我 每一工 需要用到ｅ，我提電腦 來寫作業、 用facebook gah 看影片， 時間算是真長， 但是我ve pah GAME， 所以veh有siunn過沉迷ｅ情形。 我感覺 網路 確實是一個 真吸引人ｅ物件， 有時陣我ma會遊蕩di網路上 ve記時間， 回神來時 才感覺到已經浪費足濟時間a， 但是若是好好a使用網路來 找資料、 做報告、 看新聞， 真正是vedang欠e助理。 總歸一句， 人gah網路ｅ關係 足親密， 但是咱ia是愛小心使用， 若無 zitma利用網路犯罪、欺騙e代誌 愈來愈濟， 無斟酌diorh會人財兩失。 我是一個du-deh學習veh安怎適當 gah網路逗陣ｅ學生， mai ho伊侵占我ｅ時間，又閣伊hia 得著我愛ｅ。

網路gah我 張宗倫
我認為網路gah 21世紀人類 已經是愈來愈密切， 尤其是大學生， 阮每一工 攏會開一寡時間di deh用電腦。
確實， 網路提供阮非常濟ｅ資訊，m na食衣住行， ma提供了人gah人之間 另一種互動方式， 我可以靠MSN gah 住足遠ｅ朋友開講， e sai 講足久閣免錢， 真正是俗閣大碗! di溝通zit方面來講，網路提供相當ｅ便利性。 M gorh人gah人之間， hit 種上溫暖、 hit 種上單純、 上直接ｅ關心， diorh無法度傳達 ho另外一爿用冷冰冰電腦ｅ人
雖然網路可以隨時提供新聞， mgorh真濟無一定是真ｅ， 定定咱會受著攝影者ｅ個人立場 所影響， 以偏概全ｅ情形 一直發生，若無詳細求證， 足簡單diorh相信 別人ｅ話。 有一句話講gah真好，水會載船閣會倒船， 只要咱善用網路， 有家己ｅ 是非對錯、 價值判斷標準， 咱diorh ve迷失di網路ｅ虛幻世界裡。

網路gah我 黃建和
網路對我來講已經是vesai無ｅ 物件a， 我逐工差不多有2~3小時 攏leh用電腦， 我有當時會 用網路來查資料， 一寡上課報告 需要ｅ資料、 我家己想　veh　知影ｅ物件， 上主要ｅ ，我會透過網路 來看新聞， 因為宿舍內無電視，只有一樓ｅ交誼廳有， m gorh我攏感覺落去樓腳看 足麻煩ｅ ，所以我攏是看網路新聞 來加減知影一寡 最近發生ｅ代誌， 網路esai講 是我主要取得資訊ｅ管道。
我常用ｅ網路是“FACEBOOK”， 我diann diann 透過facebook 來 gah我ｅ 朋友 開講， 知影一寡 伊ｅ近況， edang順便ga 伊關心一下， 或者是 有du著什麼問題， 阮ma diann diann 互相ga家己ｅ想法 提供 ho對方， 看esai加減幫伊解決問題無， 網路ｅ “facebook”ma 是我gah朋友聯絡感情ｅ重要途徑。
另外 我用電腦ma diann diann 上“youtube”去看一寡笑詼影片， 一寡別人平常時 錄起來好看好笑ｅ影片， zitma阮du好leh準備帶營隊 veh表演ｅ舞蹈，所以阮ma diann diann 透過 "youtube"頂面ｅ影片 來學舞蹈。 有當時我ma e 放一寡阮表演ｅ影片去 youtube頂 ho 別人欣賞， 像頂擺阮系上e音樂表演ma有錄起來放di youtube頂ho人看， 算是gah別人一種交流。
網路對我來講 真正足重要ｅ， 我無法度想像 無網路ｅ世界， 無網路ｅ世界 親像家己ho人封閉起來， 無法度取著足濟資源， 只可知影家己四周圍 發生ｅ代誌， 想起來 實在真恐怖。

網路gah我 楊庭嘉

di我國小五年級ｅ時陣， 阮兜頭一擺 買新電腦， 而且閣有裝網路， ui hit當時陣 開始， 我gah網路ｅ緣 diorh按呢結著diorh。 會記得hit當時， 逐工轉去厝內 了後， 頭一件 veh做ｅ代誌 diorh是拍開電腦， 上網cue一寡GAME來sng， ui簡單ｅ網路flash遊戲 到真濟人 edang作夥sng ｅ online GAME 攏di sng gah 無暝無日， m gorh diorh因為歸工攏沉迷di網路ｅ世界， 我ｅ成績一工一工ｅ變差。 一直到有一工， bun成績ｅ時陣， 我hiong-hiong發現我只考了六十幾分nia-nia， 這對我來講真正是一個天大ｅ霹靂a， 我到hit當陣 才發覺vedang閣繼續按呢落去。 所以我diorh開始規劃 逐天上網ｅ時間， 而且減少開di sng GAMEｅ時間， 開始利用網路 去cue資料、 充實家己ｅ知識。 Zit種關係ｅ改變 連我家己 攏感覺足神奇ｅ， 後來我ｅ課業方面 ma diorh愈來愈好a， ma ho我了解， 上網ia是適度diorh好。 網路zit種物件， 是一支兩面刀， 你若是edang好好使用伊， 伊diorh會ga你dau-sann-gang足濟ｅ， 若是迷失di其中 無法渡跳出來， 你diorh會ho伊 吞食失身

網路gah我 陳毓薇
我ｅ生活中， 網路一直是我上好ｅ助手，伊幫助我 解決了 真濟問題， 比如課業查詢、 吸取新知識 等， 閣開拓了 我新ｅ視野。
　會記得 我第一gai聽著「網際網路」這個名詞時， 我一直無了解「網路」是什麼？ 到小學 五、 六年級， 我 開始慢慢發現 網路ｅ趣味。 親像是deh使用Msn gah Skype gah同學溝通 或 傳輸資訊ｅ時陣， 真ｅ 比 厝裡ｅ電話卡緊且方便喔！ 操作上 我只要直接cih按鍵， diorh可gah對方 線上談話、互動， edang ui對方gah我ｅ交談中， 互相交換 新資訊。 Skype它di我ｅ生活上 是足重要ｅ， 因為 我ｅ阿兄 di日本讀冊， 思念伊ｅ時陣， 我edang gah伊 視訊， ma edang透過zit軟體 來傳送檔案 呢！
　　現今是網路ｅ世代， 每當我輸入網址 diorh會連結到 該網站 去取得資訊，真是「秀才ven出門， 知影天下事」呀！ diorh是因為有網路， 伊ho我ｅ生活gah外界結合卡緊密、 卡多采多姿。
另外， 頭前所提ｅhit兩套通訊軟體， 若是無網路， 按呢zit兩套通訊軟體diorh破功囉， 因為網路 除了 提供新聞 外， 伊閣ho網路通訊工具使用 更加快速、 更加普及。 網路雖然方便， 但是也正因為 伊過頭方便了， ho我愈來愈倚靠伊， 有時陣ma 會煩惱 家己會沉迷di網路ｅ世界， 歸工盯di螢幕 會傷害目睭， 去戶外行行leh， 看花草ｅ時間 ma變少a。
　　網路 雖罔 替人類帶來 ve少好處， 但ma有負面ｅ影響， 愛按怎取捨 gah分配使用ｅ 時間， 是大家 攏需要 思考學習ｅ 課題。

網路 gah 我 陳琬蓉

網路是我zit ma 逐工攏會使用e 物件， 伊ho我ｅ生活 閣卡方便， 我e sai使用網路 知影天下事， m管是新聞 抑是學術， 攏e dang ui網路得著， m gorh 愛注意e是， 網路上ｅ消息 gah 知識 有時陣 會有錯誤， ve用攏總相信。
　　另外， 網路ｅ發明 帶來 ve少商機， 阮di厝內用手指頭仔 點一下 diorh買會著 真濟物件， 因為網路ho商家ｅ產品 e dit上傳ho所有人看著， 其實m ganna 是商品， 真濟音樂、 藝術、 文化 甚至是搞怪e創作ma e sai 經過網路ho 大家知影， 像我有時陣diorh 會看網路拍賣， 裡底攏有ve少品質ve vai 又gorh 俗 e產品， 我ma 會瀏看一寡商家e社群網站， 知影 上新近e藝文活動， 網路上 多元ｅ事物 豐富了 我e生活。
　　上重要ｅ是， 有網路了後， 眾多社群網站 na 雨後春筍hit款 bu出來，lu來lu濟人 di使用facebook gah撲浪， 我身軀邊e 親人好朋友 攏有leh用。 有人講， 社群網站ho人表面上 有di關心對方， 其實真疏遠， 我認為 無常來往e朋友 確實是按呢， m gorh 阮e sai用zit款方式 去加一寡熟識yin，而且原來diorh 真好e朋友， ma e dang 真緊知影 yin最近發生e代誌。 像我diorh定定注意 我 veh關心ｅ人ｅ近況， 有時陣ma會di我麻吉朋友 e塗鴉牆上 抑是阮e社團裡底鬧， 雖然講是鬧， 但這ma是 阮分享生活e一部分，阮樂在其中。 另外， facebook閣有一個真趣味ｅ所在， diorh是看得著真濟人分享 各種無仝ｅ連結， 有e 真笑詼， 像最近流行e「淡定紅茶」， 有e 是針對新聞作e評論，有e是真有創意、 ho人思考e圖 抑是相片， ma有e是ho人驚艷e表演影片。 我今仔日diorh發現 我朋友貼e一首足好聽e清華情歌gah坐di清華看星星e電子琴版本， 竟然是 我系上e 一位同學表演e， 實在足du 好。
　　總講一句， 網路e使用 充滿著我e生活， 莫怪zit ma 買手機攏希望伊有網路e tang食gah飽， m gorh我希望大家 mai顛倒聚di作伙時， 閣不時di leh用facebook， he diorh 真害啊， 咱抑是愛di真實ｅ世界中gah人相處ziah好。

網路gha我 陳約任

網路， di現在ｅ大學生ｅ生活中 已經未可無呀， 每一工dng去宿舍， 大家ｅ第一個動作 就是打開電腦， 閣來diorh是上網。
對我來講， 每一工攏愛看ｅ 就是現在上流行ｅ Facebook gah NBA囉！
Facebook是一個網站， di-hia我可以gah 我ｅ好朋友開講、 聯絡情感 閣有分享情緒。 讀到大學lo， 足濟以前ｅ好朋友 攏di 無仝ｅ所在 讀冊， di距離ziah遠ｅ情形下 阮也足難互相見面連絡， 所以， Facebook已經變我gah好朋友聯絡ｅ管道lo！ Facebook ｅ 速度緊、 使用簡單， 用ｅ人 也足濟， 對阮來講， 是非常好用ｅ方法 來聯絡彼此。 而且， 伊是m免錢ｅ！ 閣有， Facebook傳送訊息ｅ速度足緊， 足濟ｅ資訊 可以透過伊來知影， 實在足方便！
NBA是美國職籃ｅ簡稱， 也是我上愛ｅ興趣-- 看球賽。 我自細漢甲意運動， 尤其是籃球， 除了家己打以外 也愛看別人打！ 美國職籃 是 大家公認上厲害ｅ籃球天堂， 所以 我開始看yinｅ比賽。 無看無關係， 一看不得了！ 歸個擋vediau， 每一工攏愛看， 無看無爽快！ 根本中毒！ 大學住學校， 無像di厝有電視， 所以 攏愛用網路 來看， 不管是新聞 抑是比賽video， 透過網路 攏找會著！
網路對我來講 實在太重要， 每一工攏需要用著， na無伊， 足濟代誌 我攏m知， 我也無法度看我上愛ｅ比賽， 生活會變gha無聊， 實在無法度想像 無網路ｅ一刻呀！

Holmes ho少年ｅ 開嘴講台語 陳瓏文

一 (a)、Holmes gah Watson 如何配對？ 請敘述yin二人ｅ風格。
答題
1. Holmesｅ個性kah隨興、 古怪， Watsonｅ個性kah沉穩、 冷靜。 di leh故事中， 攏是以Watsonｅ冷靜來平衡Holmesｅ隨興， 取得zit leh ziork好ｅ平衡。
辦案時， Holmes負責分析、統籌一切ｅ計畫， Watson di Holmesｅ身邊輔以zit位醫生 所具備ｅ醫學知識 gah zit位軍人ｅmeh liah身手來協助Holmes辦案， 使案件edang順利來偵破。
2. Holmesｅ個性kah隨興、 古怪， kah歹接近， ve啥會gah人交陪， 頭殼相當精明，且具有實驗ｅ精神，經常會di厝內實驗。
Watsonｅ個性kah沉穩、 冷靜， kah vat人情， 比較會gah人交際， 頭腦vor Holmes hiah-nih-a精明， 經常扮演Holmesｅ助手。

一 (b)、為什麼倫敦Baker街設有Holmes博物館？ 為何veh ho Holmes開嘴講台語？
答題：
1. Di 十九世紀時， London真正有”貝克街”， mgorh門牌號碼指已到八十多號，di Holmes系列小說出版後， Holmesｅ影響力愈來愈大， diorh di 西元一九三六年London城市擴建ｅ時陣 增設著書中ｅ ”貝克街221號B” zit leh 地址， 而且gorh保留落來 變成了 今仔日 咱所看著ｅLondon貝克街Holmes博物館。
2. Di推理小說內底， Holmes是zit leh不可欠ｅ角色， di張春凰老師ｅ丈夫──江永進教授ｅ提議之下， 選擇vor仝趣味ｅ文本 edang滿足部分讀者ｅ需求， 按呢 張春凰老師di清大ｅ 通識教育課程內底， gah四方ｅ學生辛苦ｅ共筆心血， 扮演Holmes台語系列小說ｅ 促成者， di現今世界上 約有57種以上 vor仝語言翻譯ｅHolmes系列小說， 台語版ｅHolmes系列小說ma為其再添佳話。



一 (c)、Holmes電影gah文本有什麼異同？
答題：
相同處：
1. 課程所欣賞ｅHolmes電影中， Holmes三分無法無天、 三分浪子個性、 三分慵懶胡混， gah小說內底Holmesｅ形象 入骨入肉 相比較。
2. 電影內底， Holmes di leh厝內實驗槍枝ｅ消音器， gah小說內容仝款。
3. 電影內底， Holmesｅ性情古怪、 難以接近（ui厝主對他ｅ反感 dor edang觀察出來）， gah小說內Holmesｅ個性仝款。
相異處：
1. 電影故事ｅ整個主軸， 並vor採用小說內底ｅ故事， suah是家己開創zit leh冒險故事。
2. 電影內ｅHolmes攏vor出現過”獵鹿帽”， gah小說內底Holmes熊招牌ｅ獵鹿帽無仝。
3. 電影內ｅWatson地位提升， gah Holmes kah像平起平坐ｅ拍檔， 小說內ｅWatson對Holmes kah聽話， 所以di電影內gah小說內Watsonｅ形象vor仝。

二 (a)、芥川龍之介為何講”人生不如Baudelaire(波特萊爾) ｅ一zua詩”？
答題：
　　Ui芥川龍之介ｅ作品edang觀察出 他ｅ性情kah黑暗、厭世， 作品內底充滿了陰森ｅ感覺， 對他來說， 「藝術至上」是肯定ｅ， ui他所說ｅ「人生不如Baudelaireｅ一zua詩」便edang了解， 人生內底 所有ｅ美麗 攏比ve過一zua詩ｅ藝術之美， 由此可見 他對藝術完美ｅ 想望熱情。

二 (b)、講述〈地獄變〉大要， 並闡述zit篇小說ｅ意旨。
答題：
大意：
　　良秀是zit位ziork有才華， mgorh生做歹看、 個性ang-do古怪ｅ畫家，他有zit leh美麗ｅ女兒 di堀川大公豪宅當侍女， 有zit gai堀川大公 交代良秀 創作zit幅描繪地獄內底慘況ｅ屏風， 良秀藉由弟子模擬ziork濟悽慘ｅ畫面來畫di zit幅屏風頂頭， mgorh良秀想veh畫 zit位美女坐di車內ho火燒ｅ情景，為此 他去拜託大公 來幫忙， 大公 露出 奸邪ｅ笑容 答應之後， 擇zit暗備好一切， 請良秀來 閣放火落去燒車， vor外久， 眾人便觀察出 di車內ｅ是 良秀ｅ查某giann， ho火活活來燒死。 之後良秀 藉由 zit leh畫面完成 「地獄變」zit幅屏風ｅ隔工 dor吊dau自盡， ho人漸漸來遺忘， 畫作卻留下了永恆。
意旨：
　　良秀為dor追求作品ｅ完美， suah來忽視家己查某giann， 最後不只失去了查某giann， ma間接害死家己， 賠上 二條性命、 家破人亡， 相形之下，堀川大公 suah來得著zit幅寶貝ｅ「地獄變」屏風 作為傳家之寶， 兩人ｅ命運比起來更加是諷刺ａ。

三、你對台語演戲有什麼心得？
答題：
　　阮zit組所演ｅ是《金銀島》內底ｅ「烏帖」， 雖然是 短短ｅ故事，di台上演起來 大約五分鐘nia-nia， mgorh老師問我： 「雖然只有五分鐘， lin ma si準備liau ziork久吧？」， 老師講ｅvor m diorh， 人講 「台上十分鐘， 台下十年功」， 金銀島故事 di冊內底 是用「敘寫」ｅ方式來表達， 阮要家己ga他編成「對話式ｅ劇本」， 其中veh加入去 台語ｅ語氣、 肢體語言…等等， 而且gorh需要zit gai 閣 zit gai ga劇本讀ho熟， ga台語唸ho標準， 以上ziaｅ工作kai了阮ziork濟ｅ時間才完成， m是一、兩工dor edang輕易達成， mgorh藉由zit gai 台語演戲ｅ經驗， ho阮真正是 學著ziork濟 gah以前vor仝ｅ寶貴經驗， 相當有價值。


四、你對使用台語翻譯文章 有什麼義趣？
答題：
　　Di翻譯文章ｅ作業內底，我發現了有兩ｅ難處：
1. 第一dor是「表達方式ｅvor仝」：台語gah華語有各自ｅ修辭、句型…等等，愛先分析華語ｅ意思、句型， 再來cue台語中所對應ｅ 語詞、 句型， zia有法度gah華語完整、 正確來翻譯成台文噢。
2. 第二dor是「羅馬拼音gah華語混用ｅ抉擇」： 有時陣di羅馬拼音gah華語之間是ziork vor 簡單來決定， 像「啤酒」， 其實vedang直接寫華語， 需要寫成「vi-luh」；像「事情」ve使 寫成「dai-zi」， 需要寫成「代誌」； 「gorh」需要寫成「閣」， mai直接寫羅馬拼音…等等。
　　以上兩點 攏是需要 時間gah經驗 來累積， 透過練習 gah 老師幫忙來批改zia edang進步， 並ui其中學習。(其中有真濟 幼味細節ｅ考慮 )

五、如何ho台語文現代化？
答題：
　　其實di現今ｅzit leh時代， 台語愈來愈受到重視， 台語劇、 台語歌、台語新聞…等等， 攏ho台語更加貼近阮ｅ生活，我認為， 台語若是veh現代化，dor要加入zit寡現代上新ｅ用詞， 或是創造出 zit寡經典ｅ語句， cin像進前台語鄉土劇中， 劉文聰ｅ台詞： 「你na si惹著我， 我diorh送你zit桶汽油gah zit枝番仔火」， zit句台詞 di當時 足紅 足時行， 吸引大家模仿zit句台語ｅ台詞， 成做 順口溜之外， maｅ有gorh ka 濟人 去觀看台語ｅ戲劇， 按呢台語dor edang更加普遍、 更加 生生不息， 永遠流傳 閣 發揚光大。