龜伯仔e撇步 譯者 寥淑真
有一擺龜伯a gah兔仔兄gah較走e時,龜伯a贏兔仔兄,為啥麼會按呢?原因是兔仔兄真臭屁,攏感覺家己本事ghuan,一定會贏。走gah半路著dior te di土腳歇睏,無張持睏一下siunn久,煞誤了時間才輸去,心肝頭足礙ghiorh,非常em甘願。
伊閣再cue著龜伯a,dior講:「較早e較早,是我挑工讓你e,若無像你這款慢閣sor e腳siau,dior算閣再訓練一百年,也贏ve過我。」
伯a真好性地,輕聲細說對兔仔兄講:「這m是你想ve讓我e,是我靠家己e勇氣gah拚勢走,才得著e勝利。」兔仔兄目睭仁she一輪,紲落去講:「按怎?好膽mai走ho你zit擺機會,是m是敢gah我閣一擺來較走。」
龜伯仔抑是老神在在款款a講:「好a!真好a!m過這一擺咱ui山頂走起,一直到山腳停止,會ve盡一下,你講好m好。」
就按呢,in就ui山頂開始走起囉!一起bong,兔仔兄猶原是真風神,就三步做兩步,走若飛e仝款向山腳zong落去,心肝內又想講:這擺我絕對無ve歇睏,看你是有啥麼才調閣來贏我leh。
伊走到一半,雄雄看著一粒若像火球e lin車輪,為家己e身軀邊lin落去,一目nih仔,就將伊拋開足遠leh,兔仔兄e面色青sun-sun,伊也拚命走gah規身軀澹汗,iah是逐ve著hit個神祕e怪物囉。這個lin車輪,原來diorh是龜伯a,伊將家己e頭gah腳giu入去龜殼內底,才順著山崎輪落去,龜伯a又閣一擺得著贏面,這一擺伊靠e是「巧智。」
龜伯a e撇步,正港是「一度讚。」


arrow
arrow
    全站熱搜

    daiqi007 發表在 痞客邦 留言(0) 人氣()