daiqi007

全球暖化ｅ影響gah改善 (台文gah科普想像)
材料系 孫彰佑
最近看著一篇報導，伊講著根據美國地質所ｅ報告指出，因為全球暖化造成北極ｅ冰層一直溶去，使得北極熊ｅ數量lu減lu少，大約gorh三四十年後，北極熊會cun無到四成。美國政府已經提議ga北極熊列入面臨絕種ｅ動物，上緊di明年dor edang定案。我感覺咱人zitma科技有影足進步，咱ｅ生活ma真正過了ve-vai，iah mgorh對環境ｅ破壞ma是足濟ｅ，造成zitma開始出現無平衡ｅ現象，地球氣象lu來lu奇怪。
Dor親像最近得著諾貝爾獎ｅ美國ｅGore所講ｅ，咱di現代zit幾年地球ｅ變化一年比一年gorh kah嚴重，已經漸漸veh無適合人住a。有ｅ冰山變土壤，有ｅ沙漠lorh大雨，gui-ｅ天氣現象攏亂去，明顯ｅ地球已經le對人類ｅ破壞進行反彈。Zitma各國攏le研究veh安怎來解決zit個嚴重威脅著咱生活ｅ問題，雖然有一寡改善，mgorh iah是無法度大幅度來解決gui-ｅ問題。近年有人已經研究出用煮食後ｅ回收油做成汽車ｅ燃料油，回收再利用，m免gorh浪費另外ｅ油，上重要ｅ是，按呢gorh edang減少二氧化碳ｅ排量。無久前英國ｅMcDonalds已經開始le實行a。Zit個方法若是普遍了後，edang省非常濟能源，iah edang大大緩和全球ｅ溫室效應。
全球暖化ｅ議題足重要，而且m是ganna科學家ｅ責任，這是咱大家人ｅ代誌，大家攏應該愛兼起保護環境ｅ責任。雖然咱ｅ力量並無大，iah mgorh相信只要集結大家ｅ力量，親像減吹冷氣、ge坐大眾運輸工具等等，一定edang改善zit個困境。希望大家攏愛愛護咱ｅ地球，因為咱ganna有一個地球！


參考資料：http://sci.nctu.edu.tw/


介紹家己：
我是材料系11級ｅ孫彰佑，今年du升大學。我是高雄人，高中是讀高雄中學。我平常時愛用電腦ga朋友開講iah gor有用bbs看一寡討論ｅ代誌，若有閒ma會看一寡冊（mgor定定攏無啥時間，可能是我veh-gai會曉規劃）。我上愛ma kah會曉ｅ運動著是”Badminton(羽毛球)” ，若有閒攏會定去打。我di厝lin大部份攏講台語，iah mgor並無算足標準，三不五時會用一寡國語，所以我選一門課著是想ve加強台語程度。