義賊廖添丁
盧玟玲編譯
廖添丁是台中縣秀水庄（zit maiｅ清水鎮）ｅ人，民國前二九年（西元一八八二年）出世，伊ｅ老爸叫廖江水，老母叫王足。Di廖添丁九歲ｅ時，yin老父破病過身去，cun伊gah yin老母過日，因為厝lin散赤，生活真艱苦，廖添丁自細漢就去gang放牛，卡大漢ｅ時就四界去做工。
甲午戰爭了後，清朝戰敗，台灣gah澎湖ho滿清政府割ho日本。日本人di台灣四界欺負百姓，引起足濟台灣人ｅ不滿，m管是讀冊人iah是做工仔人，大家相招做伙去參加抗日運動，ham和尚gah廟公ma參加在內，zia-e人攏有高強ｅ武功gah愛國ｅ精神。秀水庄關帝廟ｅ廟公阿永伯仔ma是其中ｅ一個。
阿永伯仔武功高強，身懷絕技，mdiann教廖添丁擲石頭、摔面巾，gor ga ui曾切仔遐學來，飛天鑽地ｅ功夫gah易容術傳ho廖添丁。經過幾若年ｅ苦練，廖添丁ma gah阿永伯仔仝款攏是武林中ｅ奇人。
Di廖添丁ｅ一生中，伊除了gah阿永伯仔學武功以外，iah gor有二個仝國ｅ人。
一個是伊ｅ活貼ｅ吳土确，Di日本人來進前吳家ｅ環境gorh算ve vai，日本人來了後，吳土确ｅ兄哥吳土堡參加抗日活動，去ho日本人掠去，吳土堡hong斬頭，伊兜ｅ人ma受著牽連，吳土确hong逼gah走去台北流浪，伊用伊ui阿永伯仔hia學來ｅ十二飛標，di黑社會走跳。後來， 伊gah廖添丁合手劫富濟貧、聯合創治日本警察，gah日本警察創gah long long seh。當dang伊di鹿港le等廖添丁
veh 做伙去cue古仔顯榮（日本人ｅ走狗，陷害真濟台灣人）算賬ｅ時，險險仔去ho日本警察掠去槍殺。
另外一個是廖添丁ｅ囡仔伴，ma是伊ｅ女朋友—周秀桃，秀桃仔ge廖添丁二歲，平常時仔對廖添丁真好，ma真照顧廖添丁。雖然是一個庄腳姑娘，但是氣質ve vai、生dorh美麗gor大方，是秀水庄ｅ第一美人。Yin 兜ma受著吳土堡抗日事件ｅ影響，父母ho阿本仔掠去關，厝ho阿本仔放火燒，ham伊ma ho阿本仔逼去做藝妲。後來，去ho日本浪人高山伊三郎看甲意，硬veh ga cua轉去日本。秀桃m願屈服，di船頂跳海自殺。
相連續ｅ代誌發生，廖添丁對日本警察更加怨ceh，伊定定gah日本警察做對，ma引起日本警方ｅ不滿。日本警察無伊ｅ法度，只好cue伊ｅ老母ｅ麻煩。伊ｅ老母ve堪ｅ日本警察ｅ威脅、恐嚇，無luah久就過身去啊，廖添丁受著真大ｅ打擊。日本警察想veh利用伊ｅ老母出山hit工來掠伊，靈精ｅ廖添丁裝作老阿婆仔，涼勢仔涼勢來離開墓仔埔。
後來伊vih di伊ｅ兄哥廖添義遐，用伊兄哥ｅ名過日，猶原繼續伊劫富濟貧ｅ代誌。因為伊ｅ改容術真高明，大家攏知影有廖添丁zit個人，但是攏m知影伊生作啥款。日本警察ma ho伊vu gah霧煞煞。下令，無論如何一定愛掠著伊。
廖添丁當然無hia-nia簡單dor ho日本警察掠著。有一工，伊di新莊街仔ｅ麵店仔，得到一個情報。消息是按呢：「zit幾工，粟仔起大價，新莊街仔ｅ李保正，賣出一大批伊囤積ｅ粟仔，趁五、六百ko，加上伊gorh賣十外隻豬仔，ma趁二百ko。」
廖添丁聽到zit個消息，想起幾若年前去ho李保正陷害ｅ代誌，愈想愈氣，決心veh來報zit個冤仇。伊去cue吳土确，di吳土确ｅ耳孔邊講幾句細聲話：「…..按呢，…..按呢。」
「好！就照你ｅ意思。」吳土确嘴笑目笑講。
隔工透早，新莊街仔李保正ｅ大瓦厝門口，徛二ｅ生份人，zit個耳大面四方，身材中範中範，掛一付烏目鏡，穿一su警察部長ｅ衫，腰hia揹一支刀，嘴角留二撇嘴鬚；另外一個瘦瘦lor lor 仔，穿一su日本巡查ｅ衫，仝款di腰hia ma揹一支軍刀。
二個人dui李保正ｅ厝門口行去，hit個lor 腳仔denn著拳頭姆撞門。無luah久，就聽著內底有人le應：「是啥人le撞門，有啥麼代誌？」
「開門！開門！李保正有di le無？」lor 腳仔若撞若喝。
「lin到底是啥人？」一個四十外歲ｅ查甫人rue著sau-vi sau-viｅ目睭，出來開門。雄雄看著是巡查大人，趕緊會失禮：「m知影大人veh來，真該死，大人啊！請內底坐啦。」
「阮是台北府警衛課派來ｅ，想veh請教李保正一件代誌。」lor腳仔警察用伊ｅ日本腔講著無sann輪轉ｅ台灣話。
「zit位是警部課長瀨川松田。你敢是李紅？」lor腳仔警察講。
「Hai！是！是！小ｅ就是李紅。大人！請坐！請坐！」李保正笑hai hai gor若dim頭。
「課長！zit個就是李紅啦！」lor腳仔調guan聲用日本話向卡矮hit個報告。
「ba-gai-ia-lo（日本話是罵人ｅ粗話）gah伊押起來！」hit個警察部長目頭zit 舉怪聲怪調gorh歹cng cng。
Lor腳仔巡查，趕緊teh手銬gah李保正扣起來。
「大人啊！小ｅㄧ向攏真守法，是按怎veh掠我？」李保正跪le土腳哀求。
「李紅你聽ho好，前幾日仔，台北城內發現有做假錢ｅ集團，經過調查，嫌疑犯講有一部份假錢寄di lin兜，你a gorh m緊招認！」lor腳仔巡查真慎重ga李保正講。
「大人啊！小ｅ是冤枉ｅ，小ｅ厝內若敢kng假錢啦！」
「好啊！你講你是冤枉ｅ，a那ho我查出來，我就veh ga你掠去槍殺O！」lor腳仔警察恐嚇李保正。
「小ｅgan-na藏七、八百箍ｅ現金nia-nia。」李保正兩支手hong扣ga an-an，嘴內是一直喝：「hia錢是前幾日仔賣豬仔gah賣粟仔來ｅ。」
「m管hia是啥麼錢，攏總ga我teh來！」
zit個時陣李紅yin某，聽dorh外面吵吵鬧鬧，zong仔按內底走出來。李紅看dorh yin某，趕緊叫yin某去ga錢teh出來ho大人。警察部長按lor腳仔巡查hia ，teh過來一疊gorh一疊ｅ日票，反過來gorh反過去，逐張逐張詳細檢查，然後提zit條包袱巾仔ga hia錢包ho好，交ho巡查，而且gorh叫巡查ga李保正cua走。
「大人啊！」李保正驚gah cua 尿，跪le土腳哀求。
「zia ｅ錢是小ｅ辛辛苦苦趁來ｅ，nai會使講是假ｅ？iah gorh veh ga我掠去！」
「痟話m免加講，是m是假錢，到警務處去鑑定就知，行！」lor腳仔催李保正緊行。
「巡查大人請你ga警部大人求情，ga伊講：錢teh轉去鑑定就好仔，mai ga阮翁掠去。」李紅yin某一直哀求。
Lor腳仔巡查dim頭，倚過警部長ｅ耳孔邊cih cih cut cut，然後拍開李紅ｅ手銬，真慎重ga講：「阮真同情你ｅ遭遇，暫時放你自由，但是zit疊錢是m是假ｅ，警部長愛攏總teh轉去鑑定ziah知，若m是假ｅ，你mi-a-zai-a去台北警務課揣瀨川松田就e-dang還你啊！」
「啊！多謝多謝！」李保正翁仔某若感謝若送巡查ga警部長。
第二工ｅ早九點，李保正照吩咐，渡過淡水河來到台北府警務課。
Zit ｅ時陣，台北府ｅ警務課du-a-hor le 為北門巡查宿舍pan去zit-su警部長ｅ衫ga zit-su巡查ｅ制服de傷腦筋。聽李保正講了，yin知影這件代誌可能是廖添丁ga吳土确所做ｅ。
Zit件代誌發生了後，第二工ｅ報紙，隨就報頭條，廖添丁ｅ大名又gor按台灣頭通到台灣尾。日本警察ho伊氣ga veh死，但是台灣ｅ百姓大家私底下攏拍pok仔叫好。
廖添丁ga吳土确兩ｅ人ciang-ciang用計智來創治無良心ｅ好額人ga日本警查，m定得著台灣人ｅ呵咾，ma替台灣人出一口氣。
廖添丁ga吳土确二ｅ人做案了後，引起台北警察所ｅ注意，yin 判斷廖、吳二人應該gor di三重hit-qiah。為著veh掠yin 二個，日本警察派人di所有三重通台北ｅ路口嚴格檢查，廖添丁ga吳土确兩ｅ人裝做一對老阿公婆a，排隊等待檢查。Yin ｅ頭前徛一個賣鴨卵e，肩胛頭攤一攤鴨卵，日本警察巡到hit le賣鴨卵ｅ時，刁工ga一籠鴨卵踢ho倒，看著hit le賣鴨卵ｅm敢講話 ma m敢受氣，廖添丁心內真憤慨，gorh看著另外一le日本警察對一le阿婆a起腳動手，廖添丁擋veh diau，zong-a ham日本警察拍起來。Zitｅ時陣日本警察全面動員搜查，hit暝廖添丁請一隻船veh渡過淡水河逃走，續ho裝做e船ｅ日本警察發覺，zit le時陣廖添丁知影一gai真正是插翅ma難飛a，m過廖添丁m甘願按呢dorh ho掠去，隨時dorh施展著伊ｅ輕功跳落去淡水河。日本警察看著有烏影跳落淡水河，馬上對河中開槍，「bong- bong-bong……」di le相連續ｅ槍聲中，廖添丁哀一聲，伊ｅ腳去ho槍彈著。為著無愛做日本人ｅ犯人，伊咬diorh嘴齒根拚命游過淡水河，爬上岸來到一間草厝前，伊驚hong發覺，趕緊撞門：
「啥麼人？」一le穿紅衫ｅ查某囡na來開門。
「我是過路人，想veh ga你討一碗水來lim，歹勢ziah uann gorh ga你撞門！」廖添丁講。
「阿姊！是啥麼人三更半me來撞門？」一le少年家de喝。
「睏你ｅ啦！過路ｅ，veh lim水啦！」查某囡na講。
查某囡na想想le，捧一碗水出來ho廖添丁lim。
「多謝！多謝！」廖添丁一kun dorh lim了a。zit le時陣查某囡na看著伊ｅ腳著傷，感覺真懷疑，廖添丁坦白ga伊講是去ho日本警察拍著ｅ。查某囡na m定無拒絕，gorh ga伊扶入去厝內糊藥仔。廖添丁真感激，順續問伊ｅ名。
「我叫吳秋月，阮小弟叫吳秋壩。」查某囡na講。
吳秋月ga伊藏di牛椆仔內，著按呢經過幾仔工，兩人感情lu來lu倚。吳秋月ga伊講，當年yin 老父參加吳得福ｅ抗日經過，ga yin老父吳完記慘死di日本警察ｅ手頭 ，yin 老母用鋤頭ham日本警察拚命ｅ時，不幸去ho日本警察彈死。老父老母死了後，日本警察gor m放yin 續，di yin 二ｅ姐弟仔走入去荒山野地ｅ時，du著一個日本警察，zit個日本警察想veh ga強姦，好佳哉吳秋壩用石頭ken死hit le日本警察，ziah無受害。後來yin ga日本警察e血衫藏di牛椆仔內，續去ho五股ｅ蔡保正福地仔偷the去，蔡福地是一個放蕩ｅ羅漢腳仔，做日本人ｅ走狗，常常借著日本人ｅ勢力，欺壓善良ｅ百姓，伊掠著吳秋月ｅ尾溜，不時就來gah伊gor-gor-ding，一直想veh娶伊做細姨。
話gorh講轉來，廖添丁gah吳秋月二人同病相鄰，仝款受著日本人ｅ欺壓，di廖添丁療傷zit段時間，二人墜入愛河，真正過著一段甜蜜ｅ日子。可惜zit款日子過無外久，有一工蔡保正gorh來揣吳秋月，di hia纏veh續ｅ時，續去ho吳秋月修理，原來今na日ｅ吳秋月是廖添丁裝ｅ。臨走ｅ時，蔡保正叫吳秋月愛去yin 兜賠罪。Zitｅ時陣廖添丁ｅ正義感gah醋意ho伊決定veh好好教訓蔡保正。
隔工透早，廖添丁裝做吳秋月ｅ模樣，穿一領碎花仔裙，手guann一籃仔石角芋仔，伊爬過觀音山來到五股坑，吳秋月ma暗中due來。廖添丁來到蔡保正yin 兜門口ｅ大稻埕，一個獨眼個阿婆仔來開門講：蔡保正du a好ham四個日本警察le講代誌，叫廖添丁小等ｅ，廖添丁趁無人注意，走入去房間內揣出zit卡kng血衣ｅ皮箱。伊ga血衣kng di籃仔內，然後坐di客廳等。蔡保正看著「吳秋月」，一時豬哥nua攏流出來，a無詳細看，dorh ga「吳秋月」cua入去伊ｅ房間，dng-dang蔡保正veh對「吳秋月」腳來手來ｅ時，「吳秋月」qiu kui伊ｅ碎花仔裙。蔡保正zit看ziah知影是廖添丁，隨著舉出kng di門床邊ｅ槍，但是隨去ho廖添丁ｅ石角芋仔彈落來。伊隨gorh舉出扁鑽，二人ｅ相拍聲驚動蔡保正ｅ保標，大家合倚來拍，ue ｅ人去派出所叫警察，無外久di來四、五個警察，di ｅ廖添丁應付veh來ｅ時，vih di邊仔ｅ吳秋月已經le放火燒厝。
Zit ｅ時陣拍火ｅ拍火、灌水ｅ灌水，、hit四、五名警察驚廖添丁去ho走去，ma m管是m是會拍著別人，「bong-bong-bong」舉著槍著烏白彈，廖添丁雖然腳手me-liah，總是無槍籽ｅ緊。「噯」一聲，廖添丁ｅ胸坎中槍，伊忍痛逃入草埔，等待吳秋月來會合，二人做伙逃向觀音山。
因為廖添丁ｅ傷siong重，加上日本警察掠ga真an，雖然有得著觀音廟了悟禪師ｅ幫贊，m過猶原救無活，尾仔死di山洞lin。雖然廖添丁英年早逝，m過伊ｅ英勇事績永遠流傳di民眾ｅ心內。(盧玟玲編譯)
盧玟玲編譯
廖添丁是台中縣秀水庄（zit maiｅ清水鎮）ｅ人，民國前二九年（西元一八八二年）出世，伊ｅ老爸叫廖江水，老母叫王足。Di廖添丁九歲ｅ時，yin老父破病過身去，cun伊gah yin老母過日，因為厝lin散赤，生活真艱苦，廖添丁自細漢就去gang放牛，卡大漢ｅ時就四界去做工。
甲午戰爭了後，清朝戰敗，台灣gah澎湖ho滿清政府割ho日本。日本人di台灣四界欺負百姓，引起足濟台灣人ｅ不滿，m管是讀冊人iah是做工仔人，大家相招做伙去參加抗日運動，ham和尚gah廟公ma參加在內，zia-e人攏有高強ｅ武功gah愛國ｅ精神。秀水庄關帝廟ｅ廟公阿永伯仔ma是其中ｅ一個。
阿永伯仔武功高強，身懷絕技，mdiann教廖添丁擲石頭、摔面巾，gor ga ui曾切仔遐學來，飛天鑽地ｅ功夫gah易容術傳ho廖添丁。經過幾若年ｅ苦練，廖添丁ma gah阿永伯仔仝款攏是武林中ｅ奇人。
Di廖添丁ｅ一生中，伊除了gah阿永伯仔學武功以外，iah gor有二個仝國ｅ人。
一個是伊ｅ活貼ｅ吳土确，Di日本人來進前吳家ｅ環境gorh算ve vai，日本人來了後，吳土确ｅ兄哥吳土堡參加抗日活動，去ho日本人掠去，吳土堡hong斬頭，伊兜ｅ人ma受著牽連，吳土确hong逼gah走去台北流浪，伊用伊ui阿永伯仔hia學來ｅ十二飛標，di黑社會走跳。後來， 伊gah廖添丁合手劫富濟貧、聯合創治日本警察，gah日本警察創gah long long seh。當dang伊di鹿港le等廖添丁
veh 做伙去cue古仔顯榮（日本人ｅ走狗，陷害真濟台灣人）算賬ｅ時，險險仔去ho日本警察掠去槍殺。
另外一個是廖添丁ｅ囡仔伴，ma是伊ｅ女朋友—周秀桃，秀桃仔ge廖添丁二歲，平常時仔對廖添丁真好，ma真照顧廖添丁。雖然是一個庄腳姑娘，但是氣質ve vai、生dorh美麗gor大方，是秀水庄ｅ第一美人。Yin 兜ma受著吳土堡抗日事件ｅ影響，父母ho阿本仔掠去關，厝ho阿本仔放火燒，ham伊ma ho阿本仔逼去做藝妲。後來，去ho日本浪人高山伊三郎看甲意，硬veh ga cua轉去日本。秀桃m願屈服，di船頂跳海自殺。
相連續ｅ代誌發生，廖添丁對日本警察更加怨ceh，伊定定gah日本警察做對，ma引起日本警方ｅ不滿。日本警察無伊ｅ法度，只好cue伊ｅ老母ｅ麻煩。伊ｅ老母ve堪ｅ日本警察ｅ威脅、恐嚇，無luah久就過身去啊，廖添丁受著真大ｅ打擊。日本警察想veh利用伊ｅ老母出山hit工來掠伊，靈精ｅ廖添丁裝作老阿婆仔，涼勢仔涼勢來離開墓仔埔。
後來伊vih di伊ｅ兄哥廖添義遐，用伊兄哥ｅ名過日，猶原繼續伊劫富濟貧ｅ代誌。因為伊ｅ改容術真高明，大家攏知影有廖添丁zit個人，但是攏m知影伊生作啥款。日本警察ma ho伊vu gah霧煞煞。下令，無論如何一定愛掠著伊。
廖添丁當然無hia-nia簡單dor ho日本警察掠著。有一工，伊di新莊街仔ｅ麵店仔，得到一個情報。消息是按呢：「zit幾工，粟仔起大價，新莊街仔ｅ李保正，賣出一大批伊囤積ｅ粟仔，趁五、六百ko，加上伊gorh賣十外隻豬仔，ma趁二百ko。」
廖添丁聽到zit個消息，想起幾若年前去ho李保正陷害ｅ代誌，愈想愈氣，決心veh來報zit個冤仇。伊去cue吳土确，di吳土确ｅ耳孔邊講幾句細聲話：「…..按呢，…..按呢。」
「好！就照你ｅ意思。」吳土确嘴笑目笑講。
隔工透早，新莊街仔李保正ｅ大瓦厝門口，徛二ｅ生份人，zit個耳大面四方，身材中範中範，掛一付烏目鏡，穿一su警察部長ｅ衫，腰hia揹一支刀，嘴角留二撇嘴鬚；另外一個瘦瘦lor lor 仔，穿一su日本巡查ｅ衫，仝款di腰hia ma揹一支軍刀。
二個人dui李保正ｅ厝門口行去，hit個lor 腳仔denn著拳頭姆撞門。無luah久，就聽著內底有人le應：「是啥人le撞門，有啥麼代誌？」
「開門！開門！李保正有di le無？」lor 腳仔若撞若喝。
「lin到底是啥人？」一個四十外歲ｅ查甫人rue著sau-vi sau-viｅ目睭，出來開門。雄雄看著是巡查大人，趕緊會失禮：「m知影大人veh來，真該死，大人啊！請內底坐啦。」
「阮是台北府警衛課派來ｅ，想veh請教李保正一件代誌。」lor腳仔警察用伊ｅ日本腔講著無sann輪轉ｅ台灣話。
「zit位是警部課長瀨川松田。你敢是李紅？」lor腳仔警察講。
「Hai！是！是！小ｅ就是李紅。大人！請坐！請坐！」李保正笑hai hai gor若dim頭。
「課長！zit個就是李紅啦！」lor腳仔調guan聲用日本話向卡矮hit個報告。
「ba-gai-ia-lo（日本話是罵人ｅ粗話）gah伊押起來！」hit個警察部長目頭zit 舉怪聲怪調gorh歹cng cng。
Lor腳仔巡查，趕緊teh手銬gah李保正扣起來。
「大人啊！小ｅㄧ向攏真守法，是按怎veh掠我？」李保正跪le土腳哀求。
「李紅你聽ho好，前幾日仔，台北城內發現有做假錢ｅ集團，經過調查，嫌疑犯講有一部份假錢寄di lin兜，你a gorh m緊招認！」lor腳仔巡查真慎重ga李保正講。
「大人啊！小ｅ是冤枉ｅ，小ｅ厝內若敢kng假錢啦！」
「好啊！你講你是冤枉ｅ，a那ho我查出來，我就veh ga你掠去槍殺O！」lor腳仔警察恐嚇李保正。
「小ｅgan-na藏七、八百箍ｅ現金nia-nia。」李保正兩支手hong扣ga an-an，嘴內是一直喝：「hia錢是前幾日仔賣豬仔gah賣粟仔來ｅ。」
「m管hia是啥麼錢，攏總ga我teh來！」
zit個時陣李紅yin某，聽dorh外面吵吵鬧鬧，zong仔按內底走出來。李紅看dorh yin某，趕緊叫yin某去ga錢teh出來ho大人。警察部長按lor腳仔巡查hia ，teh過來一疊gorh一疊ｅ日票，反過來gorh反過去，逐張逐張詳細檢查，然後提zit條包袱巾仔ga hia錢包ho好，交ho巡查，而且gorh叫巡查ga李保正cua走。
「大人啊！」李保正驚gah cua 尿，跪le土腳哀求。
「zia ｅ錢是小ｅ辛辛苦苦趁來ｅ，nai會使講是假ｅ？iah gorh veh ga我掠去！」
「痟話m免加講，是m是假錢，到警務處去鑑定就知，行！」lor腳仔催李保正緊行。
「巡查大人請你ga警部大人求情，ga伊講：錢teh轉去鑑定就好仔，mai ga阮翁掠去。」李紅yin某一直哀求。
Lor腳仔巡查dim頭，倚過警部長ｅ耳孔邊cih cih cut cut，然後拍開李紅ｅ手銬，真慎重ga講：「阮真同情你ｅ遭遇，暫時放你自由，但是zit疊錢是m是假ｅ，警部長愛攏總teh轉去鑑定ziah知，若m是假ｅ，你mi-a-zai-a去台北警務課揣瀨川松田就e-dang還你啊！」
「啊！多謝多謝！」李保正翁仔某若感謝若送巡查ga警部長。
第二工ｅ早九點，李保正照吩咐，渡過淡水河來到台北府警務課。
Zit ｅ時陣，台北府ｅ警務課du-a-hor le 為北門巡查宿舍pan去zit-su警部長ｅ衫ga zit-su巡查ｅ制服de傷腦筋。聽李保正講了，yin知影這件代誌可能是廖添丁ga吳土确所做ｅ。
Zit件代誌發生了後，第二工ｅ報紙，隨就報頭條，廖添丁ｅ大名又gor按台灣頭通到台灣尾。日本警察ho伊氣ga veh死，但是台灣ｅ百姓大家私底下攏拍pok仔叫好。
廖添丁ga吳土确兩ｅ人ciang-ciang用計智來創治無良心ｅ好額人ga日本警查，m定得著台灣人ｅ呵咾，ma替台灣人出一口氣。
廖添丁ga吳土确二ｅ人做案了後，引起台北警察所ｅ注意，yin 判斷廖、吳二人應該gor di三重hit-qiah。為著veh掠yin 二個，日本警察派人di所有三重通台北ｅ路口嚴格檢查，廖添丁ga吳土确兩ｅ人裝做一對老阿公婆a，排隊等待檢查。Yin ｅ頭前徛一個賣鴨卵e，肩胛頭攤一攤鴨卵，日本警察巡到hit le賣鴨卵ｅ時，刁工ga一籠鴨卵踢ho倒，看著hit le賣鴨卵ｅm敢講話 ma m敢受氣，廖添丁心內真憤慨，gorh看著另外一le日本警察對一le阿婆a起腳動手，廖添丁擋veh diau，zong-a ham日本警察拍起來。Zitｅ時陣日本警察全面動員搜查，hit暝廖添丁請一隻船veh渡過淡水河逃走，續ho裝做e船ｅ日本警察發覺，zit le時陣廖添丁知影一gai真正是插翅ma難飛a，m過廖添丁m甘願按呢dorh ho掠去，隨時dorh施展著伊ｅ輕功跳落去淡水河。日本警察看著有烏影跳落淡水河，馬上對河中開槍，「bong- bong-bong……」di le相連續ｅ槍聲中，廖添丁哀一聲，伊ｅ腳去ho槍彈著。為著無愛做日本人ｅ犯人，伊咬diorh嘴齒根拚命游過淡水河，爬上岸來到一間草厝前，伊驚hong發覺，趕緊撞門：
「啥麼人？」一le穿紅衫ｅ查某囡na來開門。
「我是過路人，想veh ga你討一碗水來lim，歹勢ziah uann gorh ga你撞門！」廖添丁講。
「阿姊！是啥麼人三更半me來撞門？」一le少年家de喝。
「睏你ｅ啦！過路ｅ，veh lim水啦！」查某囡na講。
查某囡na想想le，捧一碗水出來ho廖添丁lim。
「多謝！多謝！」廖添丁一kun dorh lim了a。zit le時陣查某囡na看著伊ｅ腳著傷，感覺真懷疑，廖添丁坦白ga伊講是去ho日本警察拍著ｅ。查某囡na m定無拒絕，gorh ga伊扶入去厝內糊藥仔。廖添丁真感激，順續問伊ｅ名。
「我叫吳秋月，阮小弟叫吳秋壩。」查某囡na講。
吳秋月ga伊藏di牛椆仔內，著按呢經過幾仔工，兩人感情lu來lu倚。吳秋月ga伊講，當年yin 老父參加吳得福ｅ抗日經過，ga yin老父吳完記慘死di日本警察ｅ手頭 ，yin 老母用鋤頭ham日本警察拚命ｅ時，不幸去ho日本警察彈死。老父老母死了後，日本警察gor m放yin 續，di yin 二ｅ姐弟仔走入去荒山野地ｅ時，du著一個日本警察，zit個日本警察想veh ga強姦，好佳哉吳秋壩用石頭ken死hit le日本警察，ziah無受害。後來yin ga日本警察e血衫藏di牛椆仔內，續去ho五股ｅ蔡保正福地仔偷the去，蔡福地是一個放蕩ｅ羅漢腳仔，做日本人ｅ走狗，常常借著日本人ｅ勢力，欺壓善良ｅ百姓，伊掠著吳秋月ｅ尾溜，不時就來gah伊gor-gor-ding，一直想veh娶伊做細姨。
話gorh講轉來，廖添丁gah吳秋月二人同病相鄰，仝款受著日本人ｅ欺壓，di廖添丁療傷zit段時間，二人墜入愛河，真正過著一段甜蜜ｅ日子。可惜zit款日子過無外久，有一工蔡保正gorh來揣吳秋月，di hia纏veh續ｅ時，續去ho吳秋月修理，原來今na日ｅ吳秋月是廖添丁裝ｅ。臨走ｅ時，蔡保正叫吳秋月愛去yin 兜賠罪。Zitｅ時陣廖添丁ｅ正義感gah醋意ho伊決定veh好好教訓蔡保正。
隔工透早，廖添丁裝做吳秋月ｅ模樣，穿一領碎花仔裙，手guann一籃仔石角芋仔，伊爬過觀音山來到五股坑，吳秋月ma暗中due來。廖添丁來到蔡保正yin 兜門口ｅ大稻埕，一個獨眼個阿婆仔來開門講：蔡保正du a好ham四個日本警察le講代誌，叫廖添丁小等ｅ，廖添丁趁無人注意，走入去房間內揣出zit卡kng血衣ｅ皮箱。伊ga血衣kng di籃仔內，然後坐di客廳等。蔡保正看著「吳秋月」，一時豬哥nua攏流出來，a無詳細看，dorh ga「吳秋月」cua入去伊ｅ房間，dng-dang蔡保正veh對「吳秋月」腳來手來ｅ時，「吳秋月」qiu kui伊ｅ碎花仔裙。蔡保正zit看ziah知影是廖添丁，隨著舉出kng di門床邊ｅ槍，但是隨去ho廖添丁ｅ石角芋仔彈落來。伊隨gorh舉出扁鑽，二人ｅ相拍聲驚動蔡保正ｅ保標，大家合倚來拍，ue ｅ人去派出所叫警察，無外久di來四、五個警察，di ｅ廖添丁應付veh來ｅ時，vih di邊仔ｅ吳秋月已經le放火燒厝。
Zit ｅ時陣拍火ｅ拍火、灌水ｅ灌水，、hit四、五名警察驚廖添丁去ho走去，ma m管是m是會拍著別人，「bong-bong-bong」舉著槍著烏白彈，廖添丁雖然腳手me-liah，總是無槍籽ｅ緊。「噯」一聲，廖添丁ｅ胸坎中槍，伊忍痛逃入草埔，等待吳秋月來會合，二人做伙逃向觀音山。
因為廖添丁ｅ傷siong重，加上日本警察掠ga真an，雖然有得著觀音廟了悟禪師ｅ幫贊，m過猶原救無活，尾仔死di山洞lin。雖然廖添丁英年早逝，m過伊ｅ英勇事績永遠流傳di民眾ｅ心內。(盧玟玲編譯)
全站熱搜
留言列表
