生態議題 生科 陳鐸文
di Miss Potter中,Miss Potter di 趁diorh錢了後,用這錢去買足濟土地保持伊e自然環境,ho足濟所在攏無ho人去破壞,ho動物有好e環境edang生活,vue ho人ga伊e厝破壞了了,無所在tang活,實在是為英國e生態做了非常好e代誌,zit種為大自然做一寡代誌e精神ga想法,是咱愛去學e。
咱生活e所在-臺灣是zit個足水e寶島,也mgorh di過去三四十年e時間內底,咱生活di這土地e人做了真濟足過分e代誌,zit ma咱應該好好ga看一下。Di科技ah未足進步e時陣,生活di一塊土地e人用非常自然e方法過生活,人gah大自然是和平作伙e,人vue對大自然做一寡有傷害e代誌,所以di科技ah未發展e時陣,雖然有人dizia,但是咱一塊土地上e生態無受著足濟e破壞,全部e動物攏是一代傳一代。為啥麼按呢講le?因為di咱e原住民身上diorh會使看著足濟人gah大自然和平相處e證據,親像足濟m通做e代誌、足濟對神明e尊敬、足濟謝天e活動,上重要e是,原住民有一個非常好e做法,diorh是di固定e時陣m去扑獵、種物件,ho大自然e生物有重新繁衍e機會,diorh按呢,zit塊土地e生命是vue因為人死了了。這是di卡早以前人gah自然做伙e方式。Di zia阮會使看出來人ma是自然生態內底e一部分,所以vue傷害對方,di zit時人無法度去控制天,人只是依賴經驗來生活。
Mgorh,人總是會進步,一切會改變diorh是ui人e科學有大e進步開始。Di zit時陣開始,阮了解足濟卡早以前m知e代誌、看天食飯e代誌,攏總有解釋a,所以人認為所有e一切攏di阮e手中,無啥物是科學無法度解決e,可能diorh是按呢,人開始將家己當作萬物之首,地球上所有e一切,人攏會使凊采teh、凊采用,m知所有e一切攏m是永遠有e,總有用了ezit工,gor加上人開始變成足難滿足,對咱e自然不斷eteh物件,di Miss Porter中咱ma有看著足濟生意人愛將土地開發作snge所在、住e所在,diorh是為了tan錢,伊e目中所看diorhe是zit塊土地會使為伊tan 外濟錢,根本無想diorh hit塊土地上e生命,diorh按呢足濟動物失去ine厝、失去in生活e所在,漸漸行上滅亡,這是第一gai大自然e危機,已經ho真濟物種di咱e地球看無啊。M過這ia只是開始niania,續lor來人因為動物本身攏是足有價值e,開始去掠hit款會使賣好價e動物,因此ho咱e自然進入恐怖e災難中。親像有足水e皮e動物,diorh ho真濟歹人掠gah變成保育類,din veh絕種a,現在e囝仔只會使di冊中看著。除了為著水e皮,人gorh有顧食,所有好食e物件人攏teh來食,傷害上深e是咱周圍e海洋,因為咱台灣人對海e無知ga m對e觀念,認為海中e動物是teh vue了e,漁民為著趁錢,拼命掠魚,加上咱無知e政府大力鼓勵gah幫助,人掠魚是愈掠愈濟啊,m過問題出現啊,di討海人掠愈濟魚e時陣,魚e價值ma直直落,無法度e討海人只有掠gorh卡濟e魚,因此本來真豐富e海產,有zit寡魚像烏魚e量ga以前比起來,是減足濟lo。最後,造成咱自然上大e傷害e,是人e活動污染了環境,改變真濟生物e生活環境,使原本適合生存e所在,一暫仔diorh完全變了模樣,結果有真濟原來生活di臺灣zit塊土地e生物diorh按呢消失去啊。
M過,雖然咱到現在已經造成真濟大自然e破壞,無法度像Miss Potter 仝款用保持原樣e方法來保護咱e大自然,需要用卡濟氣力來使大自然變倒轉來,這需要每一個人攏出力zia會使,m按呢作,咱e自然將無法度受著保護,有無去r復原e機會啊。Ve按怎作le?第一步,大家愛開始去學gah自然中e生物有關e知識,ui了解咱e大自然作起,只有有了解啊,咱zia知影ve按怎起保護,按怎作ziah ve傷害diorh自然中e生命,上愛注意e是di咱保護某一個物種e時陣,倒轉來傷害diorh其他e物種,這是m對e,會發生zit款代誌dior是因為咱也未對生活di一塊土地e生命完全了解diorh開始保護,zia會造成zit款結果,愛會記e,作一半比無做gorh卡vai,所以愛保護自然前,一定愛先了解zia會ing zih。續落來,咱愛開始改變咱過去ezit款行為,尤其是dor位水diorh往dor位行,一堆人去原本無啥麼人e所在,是會對當地e生物造成足大e攪擾,影響diorh伊e生活,親像足濟山確實是因為siunn濟人去,所以受著傷害,咱e九份dior是一個因為按呢受著傷害e所在,di「悲情城市」zit部電影紅了後,九份diorh變成觀光勝地,足濟觀光客來到九份,造成九份e環境有真大e傷害。愛知影,diorh是因為觀光客濟,生意人ziah會去開發hia,dior為著ve趁卡濟e錢,所以咱mai為著好sng,diorh去找hit 個所在,zit款作法只有造成gor卡大e傷害nia nia。第三,咱e政府di自然e保護上是一個真重要e角色,當咱開始保護自然e同時,卡輸講有政府e支持,dior會事半功倍,政府e宣導、政府e法令、政府e公權力,攏是保護自然上重要e代誌,一般人無法度ho生意人、山老鼠ve去破壞山林,m過政府會使,只靠社會e團體真難影響dior所有e人,m過政府會使,目前足可惜e是咱e政府dior di hia罵來罵去,攏無deh注意咱自然e問題,這是上需要改變e。最後,咱愛去尊重原住民e文化gah生活e方式,mai去改變伊,因為he是gah大自然和平相處e生活方式,無需要因為科技e進步dior改變。
我想,大自然是天公伯a予阮e一個足大、足神奇e寶藏,老實講真濟大自然e代誌到現在攏無法度用科學來解釋,按呢咱干esai凊采gah伊破壞了了嗎?當然是vue ine,身為清華大學e學生,加上是學生物e,保護自然是咱真重要e代誌,雖然無法度像Miss Potter仝款買土地保護自然,m過咱esai用行動來做,絕對m通ho這美麗e環境di咱e手中破壞了了。
創作者介紹

daiqi007

daiqi007 發表在 痞客邦 PIXNET 留言(0) 人氣()