daiqi007

台語教學心得 葉瓊雯

知影有zit個作業了後，我轉去厝歡歡喜喜 gah我爸母分享，問yin是m是有意願成為我ｅ教學對象，vor想gau爸爸馬上diorh答應a！
爸爸原本diorh是一個真會講台語ｅ人，di厝內或是di外面也ma差不多攏是用台語gah人溝通，有zit個真紮實ｅ基礎，爸爸學台語雙拼法學了真緊。一開始，爸爸看著一堆英文字ｅ拼音gah符號ma是霧煞煞，mgor由念過基本e發音了後，真緊diorh進入狀況了，雙拼法gah聲調ｅ掌握ma真緊due著，現在ｅ伊，已經有能力閱讀台語拼音文章了。
原本以為veh教會爸爸用一個新ｅ方式 去認識台語gah講台語會真困難，原本diorh會講輪轉台語ｅ伊 可能已經對台語有僵化ｅ既定印象suah難以改變， vor想著爸爸勇敢來試gah學習ｅ精神 ho伊真緊適應 新ｅ台語學習方法，ma有了一定ｅ成效。
對身為教學者ｅ我，di學校教室聽老師上課ｅ內容 並加以吸收，搬轉去厝gorh教ho爸爸，非常有成就感gah充實感，真正覺得di zit堂課內面學著ve少物件。