兒童生活台語 張春凰 編制
(五節 抽 一、二節 請老師 練習 全文注音)

1. 台語學校

奇奇: 我是 bhi-gi, 美琦, 人人叫我 Gi-gi。
怪怪: 我是 乖乖, 有人 刁工叫我 怪怪。

奇奇: 有一工, 我di 賣場 聽著 有人deh叫 guai-guai。
怪怪:hit一工, 我ma di賣場 聽著 有人deh 叫 gi-gi。

奇奇 乖乖 (同齊講): 雙方e 爸爸媽媽 攏 huah一聲“奇奇 怪怪”, 兩家人 停di 青菜區, 閣講 “凊凊采采”, 自 hit當陣, 阮兩家人 diorh 開始熟識a。


2. 坐校車
阿明: ghau早! 阿明。
阿華: ghau早! 阿華。

阿明: 咱兩個 今仔日 edang 坐做伙。
阿華: 輪到咱 坐頭前。

阿明:坐頭前 看前方e路況 看卡好勢。
阿華:我愛坐頭前 看司機 駛大台校車, 卡心適。

阿明:你 大漢 按算bheh做 職業運轉手?
阿華:我愛速度 轉sehe感覺。

阿明:按呢 目睭 愛顧ho好, 反應ma愛猛掠。
阿華:多謝 你ga我講。

阿明:免客氣。
阿華:等我大漢 我考著 駕照, 第一個 載你 去sen東風!


3. 阿公 阿媽 ui 台灣 來看我

阿美: 阮 阿公、 阿媽, ui台灣庄腳 來看阮。
阿珍: 足好e!( 拍pok-a), 阮 阿公 阿媽 舊年ma有來 美國leh。

阿美: 阮阿媽 有zah 曝乾e筍干 來 ho阮 媽媽kong豬腳箍。
阿珍: 阮阿媽 ga我zah旺萊酥, 閣有香菇 bheh dim雞湯。

阿美: 阮阿公 教我 做 拍干祿。
阿珍: 阮阿公 摻我 拍pin-pong。

阿美: 阮阿公 呵咾我 gah伊 講台語。
阿珍: 阮阿公 ma有講 我e台語 有進步。

阿美: 阮阿公講 一個qin-a 卡鬧熱 三個大人。
阿珍: 阮阿媽ga我講, yin 細漢e時, 攏ho大人講 qin-a人 有嘴無耳。

阿美:無開嘴 bheh按怎 練講台語啊!
阿珍: 用 魔音傳腦。

(二個人 做伙笑haihai!)


4. 圖冊館 門口

甜甜: 你借什麼冊?
酸酸: 我借 什麼水果 是 酸酸e冊。

甜甜: 什麼 是 酸酸e冊?
酸酸: 葡萄柚、 檸檬、 旺萊 la!

甜甜: 為什麼?
酸酸: 因為 我愛食 酸酸e物件, 別人 攏叫我酸酸。

甜甜: 我m愛食 甜物件, 阮兜e人, suah 叫我 甜甜。
酸酸: 為什麼?

甜甜: 因為 我愛講笑詼, 逐個歡喜。
酸酸: 若按呢, 我愛來 學講笑詼。

甜甜:葡萄柚 是 苦苦 澀澀 酸酸 甜甜!
酸酸:若按呢, 我ma講一個 緘酸甜e 冷笑話lo。




5. 早起 起床

姊姊: (kok~kok~kok~ 敲門) 鬧鐘仔 一直liang, 你閣睏gah 親像 一隻肥豬!
弟弟: 你家己 大箍呆 炒韭菜, 閣 烏白ga我笑!

姊姊: 我知影 diorh 按呢 ga 你吵, ziah 叫你會振動。
弟弟: (叫 媽媽)~~ 姊姊 害我中計!

姊姊:zit 招 真有效!
弟弟:你逐gai 攏按呢 欺負我。

姊姊: 誰 叫你 暗時 m睏 偷sng GAME!
弟弟: 你烏白講, 我昨暗 只是deh準備 一項比賽 查網路。

姊姊: o~oh! 烏矸仔de 豆油 , 看bhe 出來。
弟弟: 我愛 做一項 gah 人 無同款e代誌。

姊姊: 有夠好! 你大漢a!
弟弟: 到時 你diorh知, 請你 愛嘴 合diaudiau, 先保守 我e祕密。 (小弟用指指/zi-zainn 做緊合e動作 , 二人 再同齊 笑出來 )


arrow
arrow
    全站熱搜

    daiqi007 發表在 痞客邦 留言(0) 人氣()