拼音333教學法 教習心得

科管 吳依亭

我本身是台南人,di厝內大部分long是講台語,但是m知影為啥麼阮小弟e台語實在無足好,有時陣會講出一寡由國語直接翻譯e台語,聽起來怪怪,真有可能是因為伊愛看布袋戲,所以di無形中伊e台語ma受著影響,聽起來比較ka文言。因此di學了拼音333,我決定轉去厝內一zua教小弟這個方法學台語。

一開始我teh出玟伶老師e「動物報恩」講義,請伊唸看mai,雖然ve曉唸,可是ho伊知影全注音文生做啥款也是ve vai。

續落來我teh出台語拼音雙拼法e講義,開始教伊唱雙拼旋律,而且配合手e動作來加深印象。閣來是講解基礎音節,前音節內底有三個ka無仝e音[bh]、[gh]、[ng],我照老師教e,先gaㄅ gahㄍ搭配母音唸較出力,再放ka軟唸zia較無好發e音,我發現按呢e教法真好,弟弟唸gah真標準。而ㄘ配合母音雖然ve講真歹唸,但是以羅馬拼音e方式dior會出現hiong hiong讀ve出來e情形。後音節閣有子音音節e部分攏進行gah真順利。

三大技巧e部分,我cua弟弟閣再唱雙拼旋律,一次慢一次緊,續落來dior使用直接雙拼,弟弟真緊dior拼出來,伊giau我講雙拼旋律真讚,ho伊對音節e拼組edang真熟。鼻化技巧,我先請弟弟將鼻仔denn diau due我唸「快快樂樂去學校……」,然後請伊將手放開保持鼻音直接唸,ma唸ga相當ve vai。先ho耳仔聽鼻音續落來直接用鼻音唸,效果足好。入聲技巧用講義內底e表清楚緊唸,將音收起來。

變調e部分只有看講義內底e三個表有一寡無好vai,所以我搭配上課e投影片先做說明,ziah閣來加強練習,dior edang更加清楚體會變調e問題。學完ziah以後,我閣teh出「動物報恩」e講義,發現弟弟會使唸了ve vai,雖然速度無緊。

整體講起來,我感覺拼音333zit個教學法真好,伊將內容真濟e台語拼音分作三e大部分,ho教人e人閣有學習e人攏總可以無負擔,而且ma使主題明顯、強化學習者e印象。有歌(雙拼旋律)有圖,ho人感覺活潑、學習起來ve講真無聊,增加學習者e意願。
arrow
arrow
    全站熱搜

    daiqi007 發表在 痞客邦 留言(0) 人氣()