幸福e放送
橫光利一

He電車 空空lang-lang。 雖罔 看起來lang-lang, 我一個人kia leh, 無座位。 我qiu著吊環, 巡探車內, 看著一個 漢草粗大e 查甫人, 足驚異。 四肢特別發達e 大漢。 頭起 我掠準 he是病態。 詳細觀察, 無的確是病態, mgorh 仝款有 病態e疑慮, 連骨格 攏足大。 按呢講 無過份, 伊e骨架 足足有 咱三個人大, 連目睭ma是, 親像 馬眼hit款大。 大了出奇, 無像普通人。 若m是 di 東京市內, 換di濕lam地 或 無風e池中, 來浮出 he半個身軀, 會ho人掠準 身處在 童話世界。 我會感覺 veh笑出聲。 我 從來無想過 會有zit款e 大漢人。 伊邊仔e 普通男子, 坐lehe guan度 ganna到 伊e下頦。 面對 伊e大身格, 車箱內底e人 好參像m敢 正面看伊, 刁工ga目線徙開, he是 帶有幾分 禮貌gah敬畏, 為著避免 對伊hit個 巨大e身體 笑出聲, 惹著大漢人 起性地, 來假裝著 無看著e形。 Mgorh 我suah無法度控制 一直露出驚奇e微笑, 我忍vediau無笑, 隨越頭看向 窗仔外。 Diorh按呢, hit 個大漢人 直接掠我 金金相。 Hit個怪人 ganna看我, zit時 我ho hit個怪人e 頭殼 產生了 一寡變化。 按呢想, 我感覺著 一種ho獅盯著 ve自在e光榮。 伊e目箍 有寡bu烏, 有一種 無想veh表現 掩埋e 野蠻奔放、 恐佈e平靜。 額頭 歹惡窄小, ui後kok 到頭前e 線條平板 親像猴 按呢 凸出翹上, 雙面嘴pue 親像宰相 飽水飽水 ho著下頦尖斗。 神態孤特, 無帽仔 無大衣。 露出e胸葉 假若植草。 一下仔久, 伊大步搖leh 落車lo。 Diorh按呢, 車內e人zit時 ziah互相看一眼, 瀉漏出 相知e 笑容gah細聲話。 每一個人 各式各樣 到現在 親像 利己主義e 排列按呢, 橫直分明e 人人心胸, 奇怪e友情 若水hit款 流出來, gap-gap做伙。 車內 互相生份e人, ui zit個一致e驚奇e感受中 解放出來, 開始 柔和優雅e 對大漢人 春風吹過按呢 談論起來。 He是 愉快e 心聲交會, 美妙e幸福 di大都會e一角 開花。 He大漢人 di人間 無停deh散布 zit種 奇特e幸福。
創作者介紹

daiqi007

daiqi007 發表在 痞客邦 PIXNET 留言(0) 人氣()