daiqi007

睏，有什麼作用？ 做夢，有什麼好處？
資工 陳孟鋒
人，是哺乳類，deh睏會做夢，貓仔ma是，ganna有哺乳動物睏e時陣會做夢；m是哺乳類，ma會做夢e，ganna有鳥仔。鳥仔囝bu出來了後一百工之內，di leh學唱歌e階段，ma會做夢。若是講細隻仔鳥仔di早起時仔orh唱歌，到暗時，用藥仔使伊腦中神經元無法度活化，ve做夢，連後鳥仔囝e學習嚴重受害。

咱細漢e時陣vat聽人講，睏是大腦le休息；現在咱知影，睏e時陣大腦不但無le休息，伊活動gah比平時gorh厲害。利用腦造影技術，咱edang看著睏e人，視覺皮質仝款活跳，顯示伊le做夢。dui腦造影技術知影，睏是身體le休息，大腦仝款le做工，而且分泌真濟激素，di 第四個階段腦e分泌生長激素、正腎上腺素等眾多重要e神經傳遞物。做夢e時陣，視覺皮質di腦造影下面光亮起來，顯示你 e夢是彩色e。

夢gah學習有足大e關係。咱做研究時，若是招募「個性溫和」e學生做測試者，di實驗室睏七工；di七工le睏e時陣，只要一做夢就hong叫醒，足少有人ve受氣e。人睏e時陣通常一暝會做四到五個夢，九十分鐘一個週期。睡眠會當分為四個階段，第一個階段，就是你讀冊讀到想veh睏一下e時陣，字攏浮起來e時陣；di你開始dom頭，dor是第二階段e睏；di你全身肌肉攏放輕鬆，便是第三階段，你可能已經趴下去a；若是講這時陣班長huah kia起來，你聽無，dor已經是第四階段，ia dor是睏gah沉熟a。

參考資料 科學人雜誌 http://sa.ylib.com