思考方法 為何是 一門學科?
張春凰老師 出題, 洪偲僥同學 彙整 , 摘自 2009年清華大學 春季班 “台文gah 科普想像”期末考 全體同學 精要節錄。

工工06 施威麟
新e思考 帶來 新e思維, 新e思維 才edang ho 咱e 研究gah生活, ma深深影響著 咱 zitma gah 未來e 生活, 所以 思考e方式 m-na 是 一種想法, 更加是 一款 科學進步e 動力, edang 講是 科學之母。

物理系11 尤維琦
Di 生活中 運用著 你e 頭腦gah邏輯推演, diorh親像 智財產權。

工工系11 林柏樺
思考方法 是 人類 di面對問題 時 所出現e 一種想法。 因為無仝e思維, diorh有無仝 解決問題e 理路產生, zit種 變化萬千e 思路 m 是 足ho人入迷?diorh像是 一個科學家 期待著 hia-e 變化莫測e 新實驗 仝款。

化學系11何宇翔
René Descartes 講:「Cogito, ergo sum(英譯: I think, therefore I am.)(中譯:我思 我存在。)」 因為 學了無想 diorh心思ve清, 所以 如何思考 ma是一門學問, 其中 包含真濟 邏輯gah道理。

電機系11吳牧寰
人e思考 diorh是有 一個想法, 經過 有系統e 整理、 歸納 所產生 出來e一個 理想行為, m是 雜亂 無頭尾e 烏白來。

工科系 10鄒超任
科學 是 一門研究 自 創新、 改造 人類生活e 學問。 藉著思考, ui 無仝角度 切入問題, diorh是 咱 從事科學e 核心手段。

工科系11傅省翰
思考能力 並m是 天生diorh有e能力, 除了 愛有一寡 基礎常識, gah愛有 正確清楚e 邏輯。 思考 edang ui 無仝e角度 切入開始, 有時 到最後 會 靈光一閃。

工工系 11郭廷揚
用 科學e 方法思考 edang卡緊 解決問題。

工工系11古佩盈
每一個人 做仝一件事e 思考方法 攏無仝, 所以 愛將 思考方法 設為ㄧ門科學 來分析。

物理系 11楊千瑩
所謂科學 diorh是 探索事物e 過程。 Di zit個過程中 咱需要思考。 Ga各種思考 統整起來, ho 思考 成做 ㄧ門科學。

化工系 09謝至威
使用 經過人類 整理了後e 思考方法 edang ho 咱 用上有效率e 方法 來解決問題。

工科系 11張 傑
仝款事物 經過 無仝思維方法 edang產生 無限多種 無仝e 結果。 真濟看起來 差異真大e 代誌 往往攏是 ui 仝一個 源頭來e。

化工系 10 祝安睿 (宏都拉斯)
思考方法 是 哲理學e 一部分。 Di Greece〔希臘〕時代, 思考方法 卡理論性gah抽象; 現代思考方式 是 實存主義、 唯物主義。 Yin攏是 人類 表示真實e 方法。

物理系 12 鄧逵中
思考方法 是 一種邏輯e 表現, edang藉由 有系統e訓練 來變成 足強e能力。

化工系 11劉芊良
思維 包含 真濟物件, 邏輯、 理性、 感性、 學術……等。 Di 思考e過程中, 咱循序漸進, 先找出問題, 接著討論 想出上好e 方法, 然後 嚐試 去解決。 最後 咱愛想, 是m是 閣有卡好e 解決方法, 所以講, 思考 ma是 一種 訓練e過程。

資工系12曾弘宇
因為 科學e重點 是 kng di 針對 一件事物e 剖析, 有好e 思考方法, diorh edang 用 卡好e方式 做研究, 進一步 來促成 整體科學 向上提升, 一兼二顧, 摸蛤仔 兼洗褲。

醫環系 10 林孟潔
思考方法 了解以後, 將得著e 知識內化, 運用 di 日常生活 當中, ho咱e生活 閣卡進步、 便利, diorh算是 一門學科。

醫環系 10賴宜君
每一款 思考方法 攏可是 經過 足濟e因素 來影響, 包括:社會文化、 家庭背景、 個性……等。 Zia- e 物件 dau起來, 經過整理、 推理。 才edang知影 一種 思維方法e 來由, 所以 思考方法 是 一門科學。

工科系11吳婕伃
思考方法 edang講是 逐家人e邏輯思考 模式, 雖然講 文學思考 ma是 需要思考 才edang寫出 生動唯美e作品, mgorh科學中 需要 更加濟種 思考方法,才edang有所突破 研究出 ham前輩 無仝e物件。

物理系 11 藍孔廷
思考方法 必須以 邏輯ham符合科學e 方法研究。

電機系10 洪偲僥
想veh有 靈活e思維, 必須建立 在傳統科學e 知識上。 Di 咱 擁有前輩e知識後, 咱 閣卡 esai看著 事情e本質。 運用 無仝e思維、 創新 達到目的e 方式 來解決 問題。 伊ma edang 講是 條條大路 通羅馬, 差別di 看咱 是用 什麼方式 來解決。

電機系10蔡明志
思考 edang ho 人 用 一寡方法、 條理 來做研究, 而且 伊有脈絡 ho人due。 科學diorh 愛 ho 人信服, di 仝款e條件 下, 每一個人 做出來e結果 攏是 差不多。思考e方法 千百種, 雖然 咱無一定 會認同, mgorh 這卻是 一個好e 研究方向。

經濟系 11 黃以萱
思考方法 有千萬種, 每一種思維 di 日常生活 中 攏演著 無仝e角色, 解決 各式各樣e 問題, 所以 思考需愛 成做 ㄧ門學科, 經過 不斷累積、 運用, 最後整理出 一套 有系統e 書籍或文字 來傳達 先人e智慧 ho後世。

經濟系 12 翁宸羚
思考 是 一門科學, 伊是輔助 其他 科學發展e 要角, ma需要擁有 相關知識e 專家 di zit個領域e 發揮, 建立愈濟e 新思維, 造福 人類社會。

化學系 09 王莉婷
將 思考發揮 di 任何所在, 攏edang發現 四界攏有 yin e成果, he是奇妙e、 是 激發創意e、是ho人驚嘆e。

生科系 11毛普威
思考方法 di 某方面 ham數學、 邏輯仝款, 是 一種透過 分析gah推理 來達成目的e 學問。

化學系12謝映竹
透過 研究思考方法 zit門科學, ho咱 有效利用 各種 思考方法 解決生活上 面臨e各種問題。 尚且ui 無仝e角度 思考問題 會得著 無仝e答案, 甚至會發現 ho人料想ve到 閣足簡單e 解決途徑。

化學系12江曲涵
無仝e 思考方式 攏是 源di大腦裡 神經放電, 閣來影響 家己e心智, 接續來 表現 di外面。 因此 思考方式 edang算是 一門科學。

動機系09陳德育
因為 思考方式 ma是一種 利用邏輯 去想代誌e 一種方法。 利用 理性e思維 去做代誌e zit種態度 diorh是 科學e態度。

動機系09楊朝舜
思考方法 m-na是 理論, 閣 edang 透過 真濟實例 去驗證, 這gah科學e特性 不謀而合。

工科系 11李依叡
每一種 思考方式 攏會引導出 無仝e 做事方法, 所以有 這呢濟 變數e 一門學問,按怎vedang 稱做 一門科學?

資工系 12 廖彥凱
凡是edang推論出 規則 或是有 正確邏輯 攏edang稱做科學, 因此 思考 當然 edang稱作 科學。

數學系 09 許富琛
咱e思考 大部分ui一件觀察 或是 遭遇著e代誌 所觸發, 然後 依據 進前e經驗 去整理、 推論; 科學e精神diorh di 觀察、 假想gah驗證, 人類e思考 其實diorh是 依照 按呢e原則 運做。

動機系 10游博進
思考方法 是 一門 解決問題e學問, 一門 有 多元思維e 科學。

數學系 11余南宏
無仝e 思考方法 會有 無仝e結果, 用 對e思考方法 edang將 真濟 困難e任務 簡單解決, 所以 zitma真濟人 leh 研究 zit門科學。

電機系 12賴韋廷
思考方法 是 一種 真複雜e研究, 而且 伊e 研究結果 edang應用 di生活裡。

工科系 11陳伯辰
思考方法 千變萬化, 用「 藝術」 來形容伊 上妥當。

物理系 11楊東庭
思考e根本 di邏輯, ui 有限e線索 推論出 正確e結果。

arrow
arrow
    全站熱搜

    daiqi007 發表在 痞客邦 留言(0) 人氣()