daiqi007

甲意著你需要外大ｅ福氣 葉瓊雯

　　自熟識你了後，你對我來講一直是特別ｅ。di人群中ｅ你，有真強ｅ能力gah真好ｅ態度，gah別人作伙ma有真好ｅ人緣，總是吸引我ｅ注意，m知由什麼時陣開始，我竟然慢慢甲意著你。gah你作伙ｅ時間真歡喜，ma過gah真緊，每一gai攏感覺時間無夠用，希望edang gorh ho我淡薄仔時間gah你講話、di你ｅ身邊。
我是ㄧ個幸運ｅ查某qin-a，edang du著你、甲意著你需要外呢仔大ｅ福氣。
時間過了真緊，目睭ni一下dor經過半年a。zit段時間內面，我過gah真快樂，咱兩個ma作伙經歷過真濟真濟。雖然m知影為什麼天公伯仔 veh製造zit個意外，ho咱兩個ziah大ｅ考驗，體會痛苦ham辛苦ｅ滋味，gorh需要ziah長e 一段時間由傷痛中復原。mgor我ma真感謝zit個機會，看清楚我對你真正gorh深刻ｅ感情，ma ho我每一工攏edang看著你，ga你作伙食飯、讀冊，甚至是上課，這攏是以前無法度想像ｅ幸福。你陪伴我行過zit段艱苦ｅ日子，辛苦gorh細膩ｅ照顧我每一個腳步，看著你為我流汗，gah溫柔e笑容，我看在心內是歡喜gorh m甘，我漸漸發現，我對你ｅ感情已經深深生根di我ｅ心內面。
對我來講，你已經是我生命中ｅ一部分，dor親像魚仔無法度離開水生活仝款，我已經離ve開你。我想veh ga我ｅ手交ho你，gah你手牽手行真久真久攏無 veh放開。
我是ㄧ個外呢仔幸運e查某qin-a a！你gam知影 edang du著你、甲意著你需要外大ｅ福氣。

老師：　珍惜善緣！用心進步！用心書寫！