daiqi007

一世人 愛讀寫 外濟物件 張春凰


一世人 愛讀寫 外濟物件， ziah叫做 一個人？
How many things must a man read and write before you call him a man？

閱讀gah 書寫 di本冊 自頭到尾， 攏 難分難解， 如 二條 索仔股[麻花] 加 麥牙糖 guainn-diau-diau， 讀寫理念 交互進行， 書寫 因 閱讀需求 來存在， 閱讀 因 書寫 來展現。
閱讀 是 一種能力、 書寫ma 是 一種才能； 閱讀 是 一款品味、 書寫ma是 一款藝品。
閱讀 是 技巧、 書寫ma是 技巧； 閱讀 是 生產力、 書寫 定著是 生產力。
一世人 愛讀 外濟冊， ziah叫做 一個人？ (how many books must a man read before you call him a man？) 愈濟愈好， 咱vat愈濟 愈有 智識庫存 通應付 日常需要， 學愈濟、 知愈濟， 可支持做 愈濟代誌， 或 一出手 diorh是 成功gah 牽成 zit個社會。 閱讀 可成就 一個人 到無限， 書寫 可造就一個人 到無限。
一世人 愛讀 什麼款ｅ冊， ziah叫做 高尚？ 每項類型ｅ冊 攏esai， 科普、 小說、 食譜、 時裝、 文化理論、 vang-gah[漫畫]、 繪本、 傳奇文學、 經濟學、 社會學、 哲學 等 攏是 閱讀ｅ對象， 讀者 是 品賞 好料理ｅ 好命人， 書寫正是 辦桌 傳好料理ｅ 能者qau人。
一世人 愛會曉 外濟 閱讀技巧， ziah叫做 高手? 有心、 用心、 zah好奇心 gah 強動機， 先入門， 先掠重點ga記diaudiau， 將 重點相關 想一gai， 練習 組織能力， 想一gai 無夠， 想了閣再想， 變做氣質， ga摘要 講一gai， 這是 上高明ｅ 讀者。 研讀 各種 pah橋牌、 保養汽車指南、 電腦程式語言、 爬山須知、 品酒手冊、 植物栽培， di閱讀zia-e 文料 過程中， 同時 提供咱 特有技巧， 書寫zia-ｅ 特殊類型ｅ行家， 是了不起ｅ 實行者， ga 書寫技巧 發揮到 盡bong。
閱讀ｅ 生產力 愛外濟 ziha完滿？ 愈濟愈好， 學校教育 已經ga 閱讀 設計做 近似 蠶仔 deh食桑仔葉ｅ 進食， 每一關考試、 每一階段ｅ 文憑取得 diorh是 閱讀ｅ 生產力， 其中 閣有書寫ｅ 層層關卡 deh生產 來配合 閱讀生產力ｅ 輸入gah 輸出。
一世人 書寫ｅ 生產力 愛外濟， ziah滿足？ 愈濟愈好， 書寫 ho咱展現 擁有 文憑ｅ資格， ho咱ｅ專長 親像財富 愈積愈厚。 一般人 所斟酌ｅ 休閒生活 閱讀對象-- 書寫生產力ｅ 對象 -- 冊 ， 對 女性來講 是 一種 體外ｅ 生育力， 書寫ho女性 生育力 延長， 每產出 一本冊， 參像 生育 一個骨肉； 出冊 對 男性 來講， 可講是 另類ｅ 生育力， zit個 若 袋鼠體外ｅ 延伸溫室， ho 查甫人 有一款 孕育ｅ滋味。
時常 聽著： 我會曉讀， 我寫了慢， 我 放棄寫作。 其實 免掛意， 寫作 是 一種樂趣， 傳統ｅ寫作 gah 現代ｅ寫作 已經 大大變異， 無外久以前 中英打字 是 專業技能， zitma 電腦使用ｅ 普及， 小學生開始 攏真qau操作， 打字 已經m是 什麼 siasia叫ｅ代誌， 親像 戇呆hip相機 ho hip相館殘存， e-book 將會沖著 印刷廠。 寫作 已經m是 限di 傳統紙本ｅ 類型， ma無一定是 文藝ｅ創作， 簡訊 變作 一款流行， 群體 做伙討論 一個議題， 可 集思廣義， 不管 衛道主義者 如何批判 現代人ｅ 淺顯， 這是ve擋ｅ 時行， 不管 咱有甲意無， zia-ｅ現象 攏發生a。 Iau有， 只要 咱有物件， 出冊 攏m是hiah-nih-a 遙遠 親像di天邊 ho咱sa無， 咱 若是一個 品酒人士、 或 種甘蔗ｅ 做穡人， 只要 講述重點， iau有 編輯高手 替咱 記錄潤筆 成書； iau有 咱可翻譯； iau有 咱可 集體創作， 一冊 可有 二人以上ｅ 作者 做伙創作， 有ｅ人 畫圖、 有ｅ人 寫故事， 這di 繪本 上常見， 大人ｅ 出版品如“合掌”更加是 二個才女ｅ 詩圖美學， 學術論文 科技研究ｅ 共同作者， 已經是常例， 一本論文集 編者往往 ga參與 研討會ｅ 發表者 仝列， 表示 團體ｅ貢獻。
書寫 有長 有短， ga 寫落去 diorh是！
閱讀 不止是 停 di作品本身ｅ 修辭學， 傳統ｅ閱讀 針對 作品ｅ結構 做 邏輯gah分析， 這是 卡典型ｅ 結構主義 閱讀法， 相對ｅ 後結構主義， 對 結構 做了 延伸gah解構， 現代ｅ 閱讀法， 親像 女學者Gayatri Spivakｅ 文化論述 所講ｅ， “解構 是 一種生產性 m是 保護性ｅ 閱讀”， 閱讀具有 生產力， 這是 對 讀者本身 延伸出來ｅ 理解詮釋， 書寫 由一個 固定ｅ結構 跳出來 開放ｅ解構， 按呢ｅ 讀寫活動 增延著 作者gah讀者ｅ 互動力， 尚且 可增加 讀冊會ｅ 豐富多樣。
一本冊 愛讀 外濟遍？ 在咱甲意。
寫什麼？ 在咱甲意。
什麼時陣 閱讀？ 時時刻刻。
什麼時陣 書寫？ 時時刻刻。
閱讀gah書寫 交互進行 幾千冬、 幾萬冬， 當 學校 閣deh擔心 大學生 是m是 有 閱讀gah寫作 障礙ｅ 時， 咱應該 關心 yin到底是 趣味什麼， 什麼是 yinｅ 性向專長 潛力， zit本冊 提供 一寡基本 閱讀gah寫作ｅ 原則 ho學生 做參照， 少年人 一定有 真濟齣頭， 教師 只是提供 一寡 基本盤， yin會應用、 有另外ｅ 創意。
有狀元學生 無狀元老師， 學生 畢竟 愛家己 行走人生， 實踐 閱讀gah書寫ｅ 榮光， zit zua路 一定ve 白了。

一世人 愛讀寫 外濟物件， ziah叫做 一個人？
How many things must a man read and write before you call him a man？
愈濟愈好。
The more， the better。


延伸閱讀

廖炳惠 編著。 關鍵詞200。台北： 麥田，2003。
楊大春。 後結構主義。 台北： 揚智，1996。
各學術領域的學術出版－－論研究成果的評估 見http://mepopedia.com/forum/read.php?155,3925
Christopher Davis著； 宋偉航 譯。 我在DK的出版歲月。 台北： 遠流，2010。
Janice May Udry文； Maurice Sendak 圖； 林真美 譯。 我最討厭你了。 台北： 遠流，1996。
翁倩玉 (版畫)、 江文瑜 (詩)。 合掌。 台北：天下， 2010。

行向世界ｅ台語金頭腦～～ Preface for Daiqi Golden Brain
Michael Liu (劉興祥)

It has been several decades to know my good friends IngZin (永進) and ChunHong (春凰) since we were college students. Both IngZin and ChunHong have been working together from the bottom of their hearts to promote Taiwanese for many years far before Ministry of Education announced the first recommendation set of MinNan dialect in 2007. To overcome lack of standards, they further developed many pronouncing and writing methods. They also gave speech, taught in universities, and published to spread their beliefs. Due to short history of documentation, very few publications discuss advanced skills in Taiwanese. To my surprise, this book (“台語世界級金頭腦”) studies thinking and conceiving systematically. Such a contribution could favor people who use Taiwanese as mother tongue and form their ideas naturally and powerfully.

Thinking is a skill by nature. Kids are guided to think and to learn by asking why with curiosity. From experience, education, and many various resources, we learn to think, to justify, and to make right decision. Thinking can be quite straightforward. In front of delicious desserts, we may enjoy more and gain weight, or may take only little and maintain good body shape. In a hot room of a summer afternoon, we may open windows for little wind without cost, turn on a fan for controllable wind with more cost, or turn on an air conditioner for most comfortable temperature with most expensive cost. On the other hand, we may also escape from the room and enjoy pleasant moods in department stores. We follow social regulations to make daily lives well-organized. In the midnight, facing a red traffic light and with very low traffic, some people run the red light to save several seconds with the risk of getting traffic tickets and possible accidents, and other people wait for the green light to avoid fine and stay safe.

In many situations, it is necessary to justify inputs carefully. At shopping malls, the first priority of salespeople is to sell goods and to drag cash out of shoppers' wallets. The information provided by the salespeople can be biased. When Nuskin advertised that her machine, Pharmanex Biophotonic scanner, has magic capability of measuring health in seconds by scanning a single finger, the claim might not be realistic and was for the purpose to support the sale of nutrition food. Recent big news on U.S. beef imports to Taiwan, both Taiwan and U.S. officials insisted that U.S. bone-in beef, ground beef and offal are all safe by quoting research reports. However, is it acceptable that we have to face any risk with the meat approved by the Department of Health? Does our government have our interest in health, living environment, and food supply chain? Lots of local residents understood the potential high risk and protested nationwidely.

Occasionally, existing backgrounds are not enough to justify the truth. Give two examples. Will using a cell phone near a gas pump cause an explosion? Can paper be folded in half more than seven times? Under well-controlled experiments, Mythbusters, a popular science television program, raised and provided answers to these two and many other interesting myths. From their experiments, we learn that truth can upset intuitive.

People with similar education backgrounds may perform very differently. Thinking, skill, and insistence are all critical. Even a five-star chef can cook nothing in a kitchen without kitchenware, cooking materials, and ingredients. After all necessary tools and materials are prepared, a housewife can start to cook with experiments. With recipes, the process of cooking skills can be greatly improved. Frequent practice is often still required to master and to cook consistent and tasty dishes. We need not only knowledge but also experiments to discover unknown facts. The ideas inspired from knowledge and thinking can be more effective and efficient if we can derive in methodical ways.

This book works like a rich set of kitchenware along with techniques to use. Accumulated knowledge is cooking materials. Many genuine recipes are also provided to explain the usability of these techniques. The most valuables are to create our own recipes from skills and knowledge. With imagination, thinking, experiments, and practice, knowledge along with various techniques can make thinking into precious recipes, excellent innovations, and wonderful ideas. Furthermore, with experiments and insistence, innovations and ideas can really make difference and may even change the world.

President, GNT Corp. (全球聯通科技股份有限公司)
Michael Liu (劉興祥)
2010.02.01

台語演戲心得 朱育萱
阮zit組是演第一ｅ精靈，基本上阮是照著冊頂面ｅ內容改一寡nia nia，無想到veh改變故事ｅ內容。阮gah第二章分作四幕，卡好se處理gah分角。阮排演差不多三遍，但是實際表演ｅ時陣感覺vor出來。演戲真無簡單，因為你愛背台詞、愛有表情ｅ變化、gorh愛有動作，我想我無天份la ! 因為上台我diorh會挫，一緊張dior什麼攏ve記a。iah 有一個問題是我ve曉做動作，m知veh按呢演。


feedback：放輕鬆

台語演戲心得 蔡孟錡
一開始，因為阮這組攏無人要站出來開始zit e演戲，所以我gah我e同學兼室友承育diorh開始策劃zit次e演戲，阮e想法是阮兩e人把最困難e工作─編劇，把伊做好，在ga角色分派ho其他e成員，因為攏無人要開始做，只好阮兩人做先鋒。
阮e想法是講ga全部e劇情攏寫好，只寫其中e一部分無夠完整。因此阮為著veh有創意，結合了上課老師講e內容，比如講老師寫e冊─三姐妹看世界，老師ho阮看e影片─水色嘉南，八田與一e故事，gorh加上最近發生e大時事─Tiger Woods真濟e虎女郎，阮經過一暗的討論，總算ga zit e劇本寫好阿，然後再寄信分配角色，找一工出來排演，之後阮diorh上場演了。我感覺zit次e演戲真有趣味，ma感謝阮這組e配合演出，感謝我e同學駱承育gah我ㄧ起打拼寫zit e演出分數ve vai e劇本，ma感謝老師di阮考試壓力真大時出zit e作業ho阮調解壓力，看別組e演出ma感覺ve vai，有一些足好笑e。

台語情批 邵冠華
Du我頭一gai gah 你講話，我感覺得你是一個真趣味e人。Gah你講話，我感覺真輕鬆， ve ho 人有壓力， hit時陣我diorh知影你diorh是我veh找e hit個人。Dng我ga我e目睭瞌瞌e時陣，我第一個想e人diorh 是你。 我想，我應該是去愛著你a。
Hit時陣 我總是會找一寡藉口， 去你做工作e所在 gah你講話。 你下班e時陣，我假講順路順便載你轉去厝裡，其實我家gahlin兜是無仝爿。Dng你歡喜ｅ時陣，我ma gah你作伙歡喜，mgorh dng你心情無好ｅ時，我會想辦法ho你歡喜，只要你快樂，我diorh快樂。
雖然zit ma我gah你只是普通朋友，mgorh我真正想e是veh做你ｅ查甫朋友，想veh di你ｅ身軀邊照顧你、呵護你，ho你一工到暗攏歡歡喜喜。
我愛你

台語情批 洪偉智

這一世人有了你，diorh 算有再大ｅ風雨，再大ｅ失意，我攏veh gah你行過每一個春夏秋冬，我愛你。我自你出生以前就愛上你啊。愛你ｅ感覺，永遠攏是hia nia美；你溫柔ｅ笑面；是我致命ｅ弱點；愛你愛你…m管今生ia是來世，我攏永遠愛你。我有十萬個我愛你，每一工分一個給你，na按呢edang分273年又355工，但是咱攏活veh hia nia 久，所以我後世人、後後世人攏 閣veh繼續講：我愛你！讀你了後ziah讀會美;知你了後ziah知愛。我知美，所以為你沉醉；我知愛，所以千緣難再！你問我，我有外愛你。我無法度回答，因為你愛先ga我講，你ｅ一生有外長，自從你出現了後，我zia知原來有人愛是hia nia 也美好.以前迷惘ｅ心中,是你牽引我行出寂寞, 我愛你ｅ心是ㄧ直到世界末日也ve變. 對你,m管天青天暗月圓月ki,也ve變.知你ｅzit 幾工裡，是我zit世人上歡喜ｅ時光，你可能無辦法想像，ga你鬥陣ho我每一工攏唱歌，行路像di挑舞，心思攏想著你、念著你。

演戲心得 張育豪

Veh ga一齣戲排起來，主要edang分做二個部份。想劇本gah排戲。Di咧想劇本ｅ時陣，氣氛是輕鬆ｅ。逐個di一陣胡言亂語了後，總是會得著第一份ｅ劇本。續lorh來，逐個dor愛照這份劇本lorh去認真ｅ排戲。排戲ｅ時，態度愛認真，可輕鬆，但是m通凊采。通常排過第一遍了後，絕對ve親像zit開始想會著ｅ按呢 hiah順利。來dor愛檢討，閣修改一下仔劇本，再來演第二遍了後，就真順利ｅ完成啊！基本上，veh排zit個戲。所需要ｅ是「輕鬆」gah「認真」。輕鬆會激發創意；認真會增加效率。Zit兩項，dor是ga戲排起來ｅ要素。

台語情書 謝政良
du我頭一gai看著你，你可愛ｅ笑容ho我ｅ心融化，hit時陣我diorh知影我已經愛著你啊。dng你歡喜ｅ時陣，我ma感覺zio歡喜ｅ，mgorh dng你心情無好ｅ時，我比你閣卡艱苦。你ｅ每zit個動作、每zit個表情攏牽動我ｅ心，你ｅ存在著親像空氣hiah nia自然，每zit工攏一定ai看diorh你，若是有zit工無看著你，我會ziok緊張，m知你是破病，ia是出了啥麼意外，hit工我會食ve落飯，上課ma無專心，歸工只想卡緊看著你。每gai di路上du著你，我攏ziok想veh ga你開講一下仔，mgorh你看起來攏ziok無閒ｅ，我ma歹勢去gah你講話。
雖然zitmaｅ我ga你iau無zio熟識，mgorh我真正zio想veh做你ｅ查甫朋友，想veh di你ｅ身軀邊照顧你、呵護你，ho你隨時攏zio歡喜ｅ，冬天時，我會使抱你ho你溫暖，你破病ｅ時，我會使di你ｅ身軀邊照顧你，你無歡喜ｅ時，我會使講笑話ho你笑。我一世人ma只ｅ愛你zit個人nia，我真正ziok愛你ｅ，希望zit世人會使娶你做我ｅ某。

萬物攏有情
天送伯

嗨！各位鄉親序大、囡仔兄，天送伯足久無講古囉！趁著這擺新校舍落成出校刊ē機會，講一寡gah生物有關ē代誌，遮攏是天送伯頭手放送喔！稍等一下，話先踏頭前， gah正港專家上山落海，歸年tàng天研究比起來，我這種算cit-tŏ (業餘)爾爾，逐家罔看罔看，若無精彩di遮先講失禮。
※接觸
在萬物界「人類」的名聲真bhài，屬於看著影就驚ē「惡類」，愛欣賞大自然ē少數人只好zà吊鏡，穿偽裝衫來「接近」。二十外年來遇到無將我放在眼內ē動物，實在無幾擺，用手指頭仔就算會出來。上刺激ē場面有兩擺。第一擺是du來天送埤十一月天ē一个拜六，hit 當時拜六愛讀半工，利用下晝，一個人位學校行去九芎湖看鳥仔兼運動。行到一爿全是種竹仔ē所在，難得東北季風làng縫，「秋」是一隻溫純白貓，「山」是一條青底繡花巾、、、-
風吹竹搖葉仔歇
戲班山娘來相招
日斜照
輕鬆一身挑
已經行兩點鐘ē我bhe悿顛倒有淡薄仔醉了。雄雄感覺有踢著物件，斡頭一看，阿母喂！一尾龜殼花橫di路面斜頭看我，m知帶念我是新老師？ia是天氣冷sian –siān笨duan 咬我，若無，荒郊野外zit聲我無死嘛半條命。
第二次是今年熱天，我ga猴演一齣二十分鐘ē對手戲。hit工di bheh中晝，我準備bheh落山，真du好一陣野生猴群向我行過來。路就ziah大條，我想講in會bè樹仔閃開，想bhe到歸个猴陣di我附近停落來，扒癢ē扒癢，食物件ē食物件當作無看著我；三、四隻猴仔囝走來我身軀邊踅來踅去，無閒cì-cih，對我這个像猴ē生物充滿興趣。有時叫出聲、做出引起我注意ē動作，有時ua近，手bheh 摸 m 摸，興gor驚ē模樣真是古錐。猴仔囝e眼神ga表情和咱小朋友仝款仝款，原來「好奇」ga「天真」是萬物囡仔時共同ē標記。ze二十分鐘我只是小角色，乖乖kia diàm遐，除了手振動翕相，攏無徙腳，過程親像看一部刺激緊張ē電影。
※溝通
會記得十幾年前報紙寫講，宜蘭一位厝主因為著路，m甘伊厝前hit叢大樹ho人剉掉，一直反對，四界求情，最後公所同意ga樹仔徙走，地主zia無gorh再堅持。本來每工尾暗攏有真濟鳥仔會飛來歇睏，鳥仔聲鬧熱滾滾；等協議決定，厝主將徙ē日子ga大樹講，講也奇怪，bheh徙ē前一工，鳥仔竟然攏無轉來，歸叢樹仔恬恬恬。
最近嘛有新聞報導，一隻四十幾歲ē猩猩過身，十幾隻同類『哀傷目送』。可見傳達意念，表達感情m是人類ē專利。
我捌聽過『腹斑蛙』ho『白腹游蛇』咬著臨死ē哭聲，也捌聽過平常時吵ga bheh死ē粟鳥仔談戀愛所唱ē綿綿情歌；接觸大自然屢久屢相信萬物攏有家己溝通ē方式。我聽上久一遍動物對話，主角是『食蟹獴』。
今年春天ē一日早起，我去福山植物園做志工，一隻『食蟹獴』發現橋頂ē我，伊無啥情願若行若叫，慢慢離開溪邊向樹林入去。橋腳這條溪只cūn『攔砂壩』hia有一窟水，一堆苦花困di遐無所在通去，看來是我攪擾伊掠魚。失望兼抱歉ē心情ia bhe落底，仝一个水邊竟然出現第二隻，無幾秒伊嘛看著我，m過並無走，ga樹林hit隻互相發出聲音，聲音有懸有低，有長有短，親像dit討論，伊若叫若dān頭看我，留ia m留？走ia m走？躊躇ē動作真明顯。代先離開hit隻gorh位樹林出來，行落來溪邊口氣無好和第二隻又叫一kun，甚至起了衝突；最後各自堅持，第一隻仝款選擇離開，第二隻留落來，奮鬥二十幾分鐘掠著一尾魚。
※放生
我來憲明十幾年，一直在保育議題教育學生。拄來hit兩三年，定定有鳥仔不幸撞著玻璃翹去，排頭一名是『鶇科』，有一年寒天，天送伯騎ōr-dor-bhài欲來學校上課就是ga一隻『虎鶇』高速對撞，造成一死一輕傷。咱ziap看著ē「粟鳥仔」、「白頭殼仔」顛倒真少發生這種代誌，就算飛入教室嘛會曉家己飛出去。後來我和學生di玻璃頂貼紙，要求學生放學ga窗仔門關hō好，類似不幸ē代誌ziah減少。
有一年秋天一隻『赤腹鶇』撞著玻璃昏去，嘴角有血，學生想講死去，三个人你一句我一句報我緊去處理，頭一擺接行政ē我當dit無閒，隨嘴應講「死去就dàn去糞埽桶」，講完感覺無妥當ia是撥出時間過去，一囥di手底伊就精神啊，好佳在無判伊死刑。我講：「伊看起來無要緊，咱同齊來放ho伊飛。」四个人行去後壁停車場，bheh放ē時陣聽伊「啾」叫一聲，我ziah發現m知何時邊仔ē樟仔已經恬恬飛來四隻仝款ē『赤腹鶇』，gan-na來提醒我「人dit做，天dit看。」
頂個月，四年仔發現一隻被烏秋啄落來土腳ē『小雨燕』，愛看鳥仔ē人士攏知影『小雨燕』是無法度家己位地面飛起來，這幾个有愛心ē學生救了伊一命，看來人ga動物ē故事並無隨新校舍起好，舊校舍拆除來消失。
m知新校舍zià-ni濟窗仔門，對生物是好？ia是bhài？
m知未來ē鳥仔是m是ga學生仝款屢來屢少？
Hit隻燕仔歇兩節課了後用眼神表示伊恢復、、、「燕仔飛低低，起厝買田地；燕仔飛懸懸，囝孫中狀元。」放手時ē期待ga祝福，十幾年來攏無變。
天送伯2009/11/13

溫柔有情的旅行詩路
──序張春凰台語詩集《旅行心詩》
胡長松

成做一个台語文學運動者、教學者、散文家、詩人，張春凰新的詩集《旅行心詩》近期欲出版，已經距離伊寫第一本散文集《青春ｅ路途》將近20年矣，予人驚奇的是，詩文內面青春的氣力，並無因為時間反黃去，伊的心，續是愈來愈有活力，愈來愈溫柔，嘛愈來愈清醒。我想，這是伊對生命的體會佮對台灣母地的感情直接的表現。
《旅行心詩》講是「旅行」，實際上，是對台灣山林的「行禮」、「巡禮」開始的。張春凰成做詩人的筆，位山野、氣候、樹林直到動植物，有全面性的鋪排，而且閣毋是乾焦囥佇平面地圖彼款的紀錄，詩中有留落伊成做詩人意識的有情觀照，嘛時常出現伊佇歷史的小路出入行踏的跤跡，確實是值得咱款款仔品讀的溫柔「心詩」。
講起心詩的有情觀照，我真佮意伊所寫的〈大雨〉中的詩句，描寫的是一群老同窗旅行途中的大雨：

車窗糊一面水廉
薄紗內外
互相看ve清ｅ面貌
只有真實沈底ｅ同窗情誼
添加心內ｅ感動
愈遠愈深

按呢的詩句，描寫大雨中車窗的景緻，描寫同窗的情誼，嘛同時描寫詩人本身的心情，這款多層次的描寫佇詩句疊貼做伙，就是即款「心詩」的眉角，嘛是將眼中風景「詩化」（或者講是「文學化」）的基礎。透過即個詩化的過程，風景不再是水tsiann2的風景，轉化做有詩人意識存在當中的有鹽份的藝術，閣親像即首描寫東北海岸的水佮石的〈依戀〉:

海水潑來 石e腳底
輕聲細語
勻勻仔ga搭貼

海水爬附 石ｅ半身
吟調唱歌
柔柔仔ga攬腰

海水攀纏 石e耳際
款款仔ga獻心詩

海水流洗 石e頭面
深情深意m甘離

看會出來，張春凰的作品是屬佇春天浪漫的詩質。詩裡時常是溫暖、歡喜、輕鬆的色水，這展現的，是詩人佮風景之間的「親密」：因為「親密」，就袂共風景看做普通；因為「親密」，嘛袂共石頭當做無生命的焦燥的物件；因為「親密」，嘛給咱佮風景之間的疏離感縫補起來。確實，佇人佮環境分裂甲這呢嚴重的現代工業社會，咱需要這款有心的詩，來回復咱佮環境的關係。另外，這本詩集內面，有幾首詩是詩人的心佮歷史風景的互動，比如講下面即首：
綠島組曲之五 目屎池

一堵刻烙囚禁者名字ｅ石壁
親像越戰紀念碑ｅ勇士
白骨一堆
無可回頭
來述說稀微ｅ流年

短月長年
吞辱忍冤
暗茫無盡ｅ哀思
親像岸邊ｅ海湧
無停止ｅ吞蝕抽絲

一直到
愛ｅ目屎 淨化了怨恨ｅ苦海
一直到
愛ｅ目屎 珍惜了受難ｅ卑微

　 位詩的風景tshua咱進入歷史的觀照：因為有心，目睭前的風景成做有歷史意識的風景；因為有情，風景嘛成做有情味的詩。詩一首過一首讀落去，就親像咱一步行過一步的旅行。這一系列的旅行，位山林行入夜都市，佇〈銀樓珠寶街〉出現按呢的批判的風景：
世人只愛鑽石e高貴
超級e財寶物
ve記得gor著qin-a e血gah目屎
流血留滴e烏市gah虛華ham罪惡e非洲e內戰
　　
　　即首詩值得咱注意的，是風景中「陰影」的書寫，將鑽石的高貴佮伊背後的罪惡牽連對比，詩人真有把握的能力：

行過銀樓珠寶街
一陣一陣ui遙遠ｅ烏色世界殘酷ｅ相殺陰氣
通過歸身軀 起一陣一陣e加冷sun
鑽石商ga引進來台灣
為著用血洗過e超級錢寶物
銀樓珠寶街e店頭 加上一牌告示：
“本店裝備保全系統連線監視控中”
自按呢了後
冤親債主糾纏due 絆
無了時

　　毋過，按呢的物件佇這本詩集內面算是佔較少數的，講起來，可能嘛是春天的氣質對題材自然選擇的結果。

　　即本「心詩」「旅行」的後半段，位山林都市，行入詩人人生旅行的體會。我上佮意〈壁角ｅ舊腳桶〉，詩人按呢描寫伊佮老母的感情：
壁角hit個鉛做e舊腳桶
桶沿
若阿母你ga我做e
hit 領有滾邊 捏ging荷花裙

iau有hit塊ce衫ｅ cing仔
塑膠e鬃毛 減一半
若阿母你e
hit支lu假嘴齒ｅ齒抿仔

你拒絕新衫
講：
“ gorh食無外久
舊衫穿穿leh dor有夠a
mtang浪費”

iau有hit塊
表面nua gah金金、滑滑
邊仔suah ki角
你用來家己洗衫e
老cuah板仔

恬恬陪你勇健e
歲月流金

　　詩的表面平實白描，毋過詩裡的形象遐呢親切，閣遐呢真實突出，透過生活中細項物仔的對比，將母仔子互動的感情款款仔鋪排出來，規首詩感動人的所在是觀察的幼路、飽紮，窮實講，這嘛是咱理解張春凰詩藝的基礎：伊的詩，的確就是溫柔感情的直接表現。這款溫柔的感情正是伊過去所寫的散文的本質，是伊一直做運動的氣力來源，嘛是即本詩集的一切內涵，位外表的世界達到內心上燒lo的所在。
　　戰後的台語詩運動發展到tann，除了已經出名的詩人，嘛有濟濟佇台語文相關推展教育班、讀冊會等團體裡底開始寫台語詩的「詩眾」，每一年的詩作發表愈來愈濟，算是一個好現象；毋過，位另外一方面來看，平時會讀詩的民眾敢有增加？這是台語詩發展的另外一個挑戰。按怎兼顧大眾性佮藝術性，予愈濟人讀有好詩，甚至透過詩，佮讀者的生活、生命有牽挽？我想這嘛是張春凰佇這本詩集想欲行出來的路──用伊特別的抒情的書寫，行入空間佮時間的旅行。
張春凰的詩透過旅行行入風景，嘛透過風景行入咱的心，成做咱的旅行。所以，所有欲走揣春天的讀者，請趕緊來讀張春凰的詩，你就會行入這紲有百款面容的春天旅行。



2008/12/16 佇高雄內惟

心ｅ台灣，台灣ｅ心
—歡喜讀春凰ｅ《旅行心詩》
李敏勇

《因為在旅行》是我的一首詩，是我在韓國首爾參加一個世界詩人會議，心有所感，留下來ｅ記憶。

「因為在旅行 ∕ 我無自己的茨 ∕ 從旅館的窗仔 ∕
親像會看著佇海彼旁的茨 ∕ 彼是投影佇空氣中 ∕
漂浮佇雲層頂面的 / 幻想 / 感覺孤單 ∕ 因為自由的緣故∕
空虛的房間 ∕ 空虛的眠床 ∕若親像空白的紙 ∕
等待筆尖振動 ∕……」

旅行是一種佮日常真無共款的代誌。我時常旅行，大多時間攏偕家內。夫妻二人做伙去旅行的感覺，當然比一個人的孤單較好。旅行佮日常生活比較，是詩佮散文的比較。旅行會形成成詩，是真自然的情形，看著張女士春凰的詩稿《旅行心詩》，會感覺出伊想要呈顯的意思。一個愛詩的女性，用伊的福台語 - -也就是通行台灣語文書寫，一首一首詩佇我的目睭前被我閱讀。
閱讀這疊詩稿之前，我gah家內去看電影，佇彼遇著春凰gah伊的先生永進。Yin夫婦是熟識的朋友，先生是數理統計的教授，佇清華大學教書。兩人都推動福台語書寫，嘛攏寫詩。真打拼的二個人。頂回永進有一手詩稿，我無幫伊寫序，真歹勢。這一擺，春凰希望我為伊這本詩集寫序。無法度自由運用福台語書寫的我，接著詩稿了後，讀啊讀，一擺過一擺，想要用我生疏的福台語佇伊這本詩集頭前踏話頭。
《旅行心詩》，看起來是藉旅行抒寫心思的意思。詩集的背景是旅行。因為在旅行，一種特別的心思會流露出來，一些語境佮日常生活時的柴米油鹽不共款。以生活為基礎，但又不是日常的點滴，詩常常意味的動人情愫在這樣的行句之間，散發著也延伸著。
《旅行心詩》收錄「阿里山ｅ交響詩」、「太魯閣、合歡山ｅ天音」、「綠島組曲」三輯，分別是思想起台大數學系1977級畢業三十冬同窗會，台灣之美國家公園詩路以及以綠島延伸兼及春凰與夫婿永進的生活記情。作品的豐富性顯示作者詩歌寫作的熱情與用心。
春凰用詩寫日記，在《旅行心詩》中可見一斑。從輯1的「阿里山ｅ交響詩」來看，藉著參加夫婿永進台大數學系畢業三十冬同窗會，離散分居在台灣與海外的同學做伙在台灣旅行，她不止逐日，而且一日數詩留下深情記事。消失的青春，成熟的人性，三十冬的牽連在島嶼台灣的旅路留下心影。
春凰將人性的回憶印記佇台灣的高山行路，沿途的里程佮人生的旅程相對照，描述的風景有水平的台灣，也有垂直的台灣。以一首一首詩的行句，就像相機的一張一張形影， 跟隨著春凰的心， 投射在紙頁的是對台灣這塊土地的戀春和愛。《旅行心詩》就是這樣的一本詩集，記錄並描繪春凰gah伊身邊的人的島嶼心情風景。台灣佇詩內面，詩內面有台灣。
讀春凰的詩，親像讀一個台灣 女性佇人生的一個階段在觀照性命印拓的土地，女性心佮台灣心相映，一種特別的風景，特別是伊用台灣本土語文來書寫表達，讀起來意味更加無共款。
伊愛台灣的心佇旅程中投射佇動物佮植物的形貌，「烏熊」、「水鹿」、「山貓」攏出現佇詩內面， 「紅檜」、「銀杏」、「月見草」、「百合」嘛受到注目。生態自然風景中的地貌，在東台灣的斷崖、港口、溪流，標示著勇壯的山海子民，流露伊心愛的氣慨。

烏森林自然ｅ一切難ve倒你
只有陷阱困鎖著你ｅ靈魂身心
—〈台灣烏熊〉

月娘來相見
草花串掛月金黃
—〈月見草〉

川流跳躍 一山過一崖
千尺絕谷心ve 驚
萬條瑞氣伴山水隨意流走
驚詠生命ｅ歌
—〈立霧溪〉

讀春凰的《旅行心詩》，親像讀春凰的台灣心。伊gah永進兄一對關心文化，佇台灣語文的書寫投入精神的伴侶，流露在《旅行心詩》的一首一首詩，是yin的心印佇台灣土地的痕跡。佇咱的土地旅行，有自己的茨，ve感覺孤單。
歡喜讀春凰的《旅行心詩》，有詩、有咱本土語文探索的努力。相信， 每一個讀這本詩集的朋友， 會發現新的風景， 感覺連帶佇咱土地的心。

Ho珮姿：

時間 真正過了 足緊， 咱攏畢業 二年外a，到zitma閣會感覺 對你 足歹勢，m知你閣會 討厭我否？ 其實咱 無冤家， mgorh我感覺傷你真深， 閣講一gai， 我真ｅ 足歹勢。
你可能 無想veh聽，mgorh 我ma是 愛講， 高中三年ｅ 時陣， 先ga你講 我甲意你， 結果 過幾工閣講 其實我無甲意你， 講是誤會 hit種感覺， he一定傷你真深， 我會 按呢講， 其實是 因為 我驚咱會 因為 談戀愛，大學 咱攏考了無好， 你家己ma講 你若是gah我戀愛， 你一定會 成績退步； 其實 我家己 ma有誤會 hit種感覺， 我m知：是按怎，講甲意你了後， dor感覺驚驚，我叫是 因為 我無甲意你，卡會按呢， 我閣真呆， 大膽ga你講， 無怪你 無愛cap我。
我知影 你可能ve相信 我頂面 講ｅ話， 我只是 想veh ga你講， 我其實是 甲意你ｅ， 到zitma攏是， mgorh我當然ve ng望你 閣接受我， 但是 咱edang閣做 好朋友 否？ dor gah以前仝款， 會使否？ 希望zit封批 ve ga你驚著， 天氣變寒啊， 請你 dor愛穿 卡濟衫 咧！


足思念你ｅ承育

台語情批
蔡孟錡

小微同學：
當你看著這封批ｅ時陣， 我想你一定會驚diohｅ。你一定m知影 寫這個批ho你， 我開足濟時間ｅ， ziah敢起造勇氣，因為我知影di我心內ｅ話我 也是想vue講ho你聽， 因為有一sut仔ｅ話，zitma無講，一sit lang long ve講啊。第一眼看著你ｅ時陣， 感覺 你是一個 長頭毛身材好 ｅzui查某qin-a， 但是久了後 發現你 更加是 一個心肝善良ｅ 優秀查某qin-a，平時diam diam m講話，是我甲意ｅ查某仔ｅ型，因此m知影ui什麼時陣， 我發現 我慢慢甲意著你啊。送你ziaｅ點心， 為你做ｅ珠仔， 親手為你做ｅ 卡片gah雞卵糕， 送你ｅ花， 攏是希望你ｅdang了解 我對你ｅ心意有外深。 我m知影 你ｅ甲意我無， 我是一個 歹勢m敢講出嘴ｅ 查甫人， 因此 寫一封批ho你， 希望你 ho我一個機會 追求你。

台語情批 高子倫
每一次相會di夢裡， 我攏會驚天光足緊diorh來， 因為天光了後 你會慢慢離開 我ｅ夢， 再見diorh是 無法度 講出嘴， 留著你 該用什麼理由， 精神來 diorh ganna cun下寂寞， 所有ｅ苦汁 都攏ho我家己承受， 期待後一個 只有我gah你ｅ夢。
時間過gah足緊， 熟識你ｅ 每一工 攏會使我懷念， 無仝ｅ時間， 無仝ｅ地點，無仝ｅ眾人， 變化ｅ空間， 變化ｅ容顏， 變化ｅ語言， 無變ｅ是 我對你ｅ思念！
一生只有一回， 咱行了 一段人生路， di這個時間點相du， 我感謝天公伯 ho我一個一生中 上美好ｅ物件---你， 雖然 di眾人中 你m是 上suiｅ mgorh di我ｅ心中 你是上完美ｅ， 可惜上美、 上價值珍惜ｅ， 常常只edang留 di記憶中ｅ hit個片段內， vedang永遠持續。
Gah你熟識 是 一種緣， gah你相戀 是 一種美， gah你相伴 是 一種福， 我願意gah你相伴到永遠， 將歲月 鋪成紅毯， 見證咱ｅ極限。

Ho親愛e你 陳弘凱

Ho親愛e你:
愛情 因為你ｅ出現 變gah吸引人； 牽掛 因為你 變加實在； 承諾變gah長久； 思念zit個人時 ve閣再孤單； 信任變gah堅定； 攬抱ho人燒熱； 關懷感gak甜蜜； 人生感gak更圓滿； zit個世界， 好像變gah更實在、 更堅定、 更浪漫、 更甜蜜…… 你ｅ出現， 改變了我ｅ世界。
無什麼， 只是一時足想你。 只是我zit時想起你。 Di這個感情輕浮四界ｅ年度裡， 我只edang講， 我甲意你。 我想你a，zit時。 現在 阻止我zim你ｅ唯一障礙 diorh是 你手機頂面ｅ zit塊玻璃。 生活ho我 出一個難題， 送ho我 ziah古錐ｅ你， 我該 安怎慶祝？ 生活 ma ho你出 zit個難題， 送ho你ziah忠誠ｅ我， 你該如何解決？
多謝你陪伴著我， 因為選擇相信， 所以， 感gak踏實， ma足愛你， 你gam知影？ 我m知流星edang飛外久， 有值得去追求無？ 我m知櫻花edang開外久， 有值去等候無？ 但我知 你我edang像煙花hit款美麗， 像恆星hit款永恆， 值得 我用一世人 去保留。