舊愚言 對比 新觀察

一. 群猴跳海 / 百喻經
以早, di 海邊 有 一片樹林, 樹林相連 數十里, 林中 有 猴山仔 五百外隻。
有一gai 海上 滾絞 大海湧, 一波一波e湧山, 白pau-pau, 親像一列雪山, due著潮水 sak近岸邊。
猴群看著, 互相討論講:“咱來去 hit座山頭cittor, 一定足歡喜!”
Zit個時陣, 隻猴diorh跳入去, 頭殼裁落水底。
眾猴看伊 久久無出頭, 掠準 伊di“快樂山”享受 無限e快樂 m愛回頭, diorh相爭 跳入 若雪花e 水波中, yin 攏做伙淹死 di海底。



二. 幸島e一百隻猴

“幸島e一百隻猴” 是 科學界 吵幾十冬e 老故事。

di 日本宮崎縣 一個小島: 幸島(Koshima)。 島上啥攏無, ganna有一條 dih veh乾去、 cun一寡氣息仔e 一條溪仔 gah 一群 日本猴山仔。
大概di六十冬前, 日本 京都大學 靈長類研究所 e研究人員 走去島上 觀察 zit群猴e行為, 因為 驚zit群 猴山仔 iau死, yin留了 一寡蕃薯 ho猴山仔食。
島上e猴群 發現蕃薯 esai食, mgorh 蕃薯外皮 糊e土泥 實在 有夠討厭, 所以 群猴 yin食蕃薯進前 會用手 來buann落 蕃薯土。
Mgorh 有一工, 有一隻 一歲半e 幼齒猴仔囝, liam當時 發現 用清氣e溪水ma edang洗去蕃薯土。
Diorh按呢, 幸島上 其他e猴 ma真緊 學會zit招, 島上85%e 猴 自按呢 改用溪水 來洗淨蕃薯, mgorh 有15%e 老猴 卻一直無願意 學zit招。
後來 島上 唯一e溪 乾枯土bit, 閣有 一隻聰明e 猴仔囝 發現 用海水 來洗蕃薯, 滋味 親像ma vevai! Di 足短e時間 內, 島上e猴 85% 又閣 全部學會zit招!
續落來, 真趣味!
當 幸島 上 出現 第100隻「用水洗蕃薯」e猴 e時陣, 竟然 di離 島外 200公里e 大分縣 猴山仔, m知為何ma學會zit招。
咱愛影 大分縣e猴 gah 幸島e猴 絕無機會 見過面、 yin無可能 通批 發電信, mgorh zit兩群 攏無相干e 猴 續di 仝一時間 學會「用水洗蕃薯」!
為什麼 一隻 猴仔囝 用水 洗蕃薯e 個別行為, 最後 會穿越時空, 放送到遙遠e所在、 成做一種「集體行為」呢?
日本 經營顧問 之神: 船井幸雄 向大家 開示講:
“只要是 對e信念, zit種 無形e力量 diorh可匯合做 一個足大e 正向能 量! 只要團隊中 有 任何一個人 願意cua頭 率先行動, 伊diorh可以 di人群中 產生 示範作用, di無形中 跨越 時間gah空間e限制, 去影響 絕大部分e人, diorh像 幸島上 hit群猴 仝款!”。
船井幸雄 並m是 宗教家, 伊 是 日本經營顧問之神 呢!
伊並無講 一寡 無數據印佐證e 形而上 言論, 為按呢 船井幸雄 ma特別提出一個足精準e“7-11數據: 任何 新觀念推廣, 起初 只要有7%~11%e人 願意 接受gah認同, 等到臨界點 來臨e時, diorh會出現 驚死人e 進展gah質變!”。
“幸島e 一百隻猴”zit個故事 指出 一個 重要觀念:
“整體文化e變遷 往往起自 個體行為e變化!”。
zit個觀念 diorh是希望 任何人 攏mtang看輕家己,
千萬mtang掠準家己 是 一隻蟲 放棄 家己 可以 改變世界e 所有潛能!
一個人e力量 足有限, mgorh請一定愛相信 心的e量 可是 逐位到!
一粒善念e種籽 diorh 可以創造出 一大片森林, 任何人 攏千萬 vedang 看家己無目地!
zit個故事 閣有另外 一個重點:
島上 仝款有15%e 老猴 一直固執、 m願學習 “用水洗蕃薯”zit招!
日本 京都大學 研究人員 足怨氣e 發現 這ganna佔15%、“堅持 抗拒改革”e死老猴 竟然 全部攏是公e, 尚且 年齡 全部 攏超過12歲。
若用人類年紀來看, zit群猴 diorh相當 人類e 45歲。
卡慘e是: zit群死老猴 竟攏是 猴群中 有權有勢e 頭人。

daiqi007 發表在 痞客邦 PIXNET 留言(0) 人氣()