目前分類:台語情批 (17)

瀏覽方式: 標題列表 簡短摘要
寒冬中e收成— ho 台語世界小說選e 課程 班上e 話語
張春凰

Dear all:
台語世界小說選e 課程 已經結束a, 咱 來做一個檢討。
Zit個課程 透過 台語世界小說選e 訓練, 提供同學 di式微e 母語環境中, 接觸著 基礎e 聽、 講、 讀、 寫e 機會。
期中考前e訓練 是 注重di基礎e 拼音教程gah練習, 藉著 台語雙拼教學法 授課gah設計ho同學 去教 一個初學者e習題, ho lin 體驗 教學相長e 浸透式學習法, zit部份 同學e回應 攏真積極。
前半段 選讀e文章 攏是 台灣本土e 台語文學, 主要 di閱讀e訓練, 全文注音資料 為著veh 引導 聽、 講、 讀e能力, 加上 期中考e 活動, 來評詁 學習e效果。
後半段, 課程進入 世界性e作家, 透過 世界經典名作, 咱來開啟 目光, 共同欣賞 人類共同e 文化資產, 以 台文形式 了解 台語文e 美質gah舞台, 所以 除了小說e賞析提問 題目 咱前後有:

為何veh讀經典?
為何veh 世界經典台譯?
並 簡述 你e台譯經驗。
簡述台語話劇 分組演出e經驗gah意義。

做為 期尾考e課題, zia-e題目 為加強lin一學期來 辛苦學習, 用心拍拚 展現e成果 有一個 檢討 gah 心聲表達e 交流。
同學再度 體悟著 聽講讀寫e 全程堅實學習e 意思。 尤其 di經過 台譯作業e 訓練 了後, 班上e同學 有 33/34位 可以流暢e 用母語 思考gah回答 問題, 可貴e是 yine拼音 攏有 一定e水準, di ziah短e時間內, 這可講是 台語文教學e 一個好現象。
真濟同學 攏表示 yin 對台譯zit份作業 起初是 辛苦e 處女作, 到尾仔愈寫愈順 愈有成就感, 酸甜苦甘 兼顧, 只要按照 老師 所提供e 資料gah步數, 配合 學生e 學習經驗、 成長背景 gah 動機, 其實di期中考e時陣 已經有 真濟學生 提前進入 期尾 所veh要求e 表現。
Zit回批改 期尾考e簡答題, 可看著 每一個學生 攏認真 deh 作答, 認真當中 閣有誠意, m是ganna veh求分數nia, 因為 我知影 di監考當中, 同學攏 沈di嚴肅e思考 當中, 尤其看著 考卷e答題, 更加 對一學期來e 用心態度, 老師可看著 同學對zit門課e 珍惜gah敬重, 師生雙方 攏有 真大e鼓勵, 期待zit份 好e 互動、 經驗、 成果 深入學生e心中 加強學習e 能量gah得取, ma可成為 人生e 一寡因素, 一世人 攏有zit款 訓練過e 氣質。
Di學習e各種 考試gah作業 當中, 期尾考 再次用essaye方式 測驗, 師生深切e把握 好酒沈甕底e 本事盡展, 這當然是 全新版e 鯉魚躍龍門, 因為前後 咱盡量用 浸透式e 學習機會。
有同學講 di學習 zit門課內底 時常ka電話 轉去gah爸母 ham 阿公、 阿媽講話 請教 台語問題, 其中 序大人 不免有 甜蜜e煩, 重要e是 老一輩e人 因為 受著珍惜 更加 受著鼓勵, 這攏是 親情、 家庭倫理e 語言文化 擴大, 各位同學 學期結束 了後 一段時間 將是歇寒, 寒假中 轉去厝內 ga台語 掛di嘴裡 把握 使用機會, ma 斟酌聽 咱e 序大人 講話, 聽yin 生活e智慧。
多謝 同學ga我講 yin zit組deh演戲前e 排演當中, 透早9點、 暗時10點e時段 逐個 攏真a-sa-li 無第二句話 diorh來赴約, zit份 同窗友誼, 是 演戲 合作gah體貼e 另外收穫。
感謝di ziah寒、 冷濕e 天氣當中, lin送我e zit份 寶貴e禮物, 老師 會 因為按呢, ma受著 真大e鼓勵。
各位 珍重!
(20110110)

daiqi007 發表在 痞客邦 PIXNET 留言(1) 人氣()

台語情批 邵冠華
Du我頭一gai gah 你講話,我感覺得你是一個真趣味e人。Gah你講話,我感覺真輕鬆, ve ho 人有壓力, hit時陣我diorh知影你diorh是我veh找e hit個人。Dng我ga我e目睭瞌瞌e時陣,我第一個想e人diorh 是你。 我想,我應該是去愛著你a。
Hit時陣 我總是會找一寡藉口, 去你做工作e所在 gah你講話。 你下班e時陣,我假講順路順便載你轉去厝裡,其實我家gahlin兜是無仝爿。Dng你歡喜e時陣,我ma gah你作伙歡喜,mgorh dng你心情無好e時,我會想辦法ho你歡喜,只要你快樂,我diorh快樂。
雖然zit ma我gah你只是普通朋友,mgorh我真正想e是veh做你e查甫朋友,想veh di你e身軀邊照顧你、呵護你,ho你一工到暗攏歡歡喜喜。
我愛你

daiqi007 發表在 痞客邦 PIXNET 留言(0) 人氣()

台語情批 洪偉智

這一世人有了你,diorh 算有再大e風雨,再大e失意,我攏veh gah你行過每一個春夏秋冬,我愛你。我自你出生以前就愛上你啊。愛你e感覺,永遠攏是hia nia美;你溫柔e笑面;是我致命e弱點;愛你愛你…m管今生ia是來世,我攏永遠愛你。我有十萬個我愛你,每一工分一個給你,na按呢edang分273年又355工,但是咱攏活veh hia nia 久,所以我後世人、後後世人攏 閣veh繼續講:我愛你!讀你了後ziah讀會美;知你了後ziah知愛。我知美,所以為你沉醉;我知愛,所以千緣難再!你問我,我有外愛你。我無法度回答,因為你愛先ga我講,你e一生有外長,自從你出現了後,我zia知原來有人愛是hia nia 也美好.以前迷惘e心中,是你牽引我行出寂寞, 我愛你e心是ㄧ直到世界末日也ve變. 對你,m管天青天暗月圓月ki,也ve變.知你ezit 幾工裡,是我zit世人上歡喜e時光,你可能無辦法想像,ga你鬥陣ho我每一工攏唱歌,行路像di挑舞,心思攏想著你、念著你。

daiqi007 發表在 痞客邦 PIXNET 留言(0) 人氣()

台語情書 謝政良
du我頭一gai看著你,你可愛e笑容ho我e心融化,hit時陣我diorh知影我已經愛著你啊。dng你歡喜e時陣,我ma感覺zio歡喜e,mgorh dng你心情無好e時,我比你閣卡艱苦。你e每zit個動作、每zit個表情攏牽動我e心,你e存在著親像空氣hiah nia自然,每zit工攏一定ai看diorh你,若是有zit工無看著你,我會ziok緊張,m知你是破病,ia是出了啥麼意外,hit工我會食ve落飯,上課ma無專心,歸工只想卡緊看著你。每gai di路上du著你,我攏ziok想veh ga你開講一下仔,mgorh你看起來攏ziok無閒e,我ma歹勢去gah你講話。
雖然zitmae我ga你iau無zio熟識,mgorh我真正zio想veh做你e查甫朋友,想veh di你e身軀邊照顧你、呵護你,ho你隨時攏zio歡喜e,冬天時,我會使抱你ho你溫暖,你破病e時,我會使di你e身軀邊照顧你,你無歡喜e時,我會使講笑話ho你笑。我一世人ma只e愛你zit個人nia,我真正ziok愛你e,希望zit世人會使娶你做我e某。

daiqi007 發表在 痞客邦 PIXNET 留言(0) 人氣()

Ho珮姿:

時間 真正過了 足緊, 咱攏畢業 二年外a,到zitma閣會感覺 對你 足歹勢,m知你閣會 討厭我否? 其實咱 無冤家, mgorh我感覺傷你真深, 閣講一gai, 我真e 足歹勢。
你可能 無想veh聽,mgorh 我ma是 愛講, 高中三年e 時陣, 先ga你講 我甲意你, 結果 過幾工閣講 其實我無甲意你, 講是誤會 hit種感覺, he一定傷你真深, 我會 按呢講, 其實是 因為 我驚咱會 因為 談戀愛,大學 咱攏考了無好, 你家己ma講 你若是gah我戀愛, 你一定會 成績退步; 其實 我家己 ma有誤會 hit種感覺, 我m知:是按怎,講甲意你了後, dor感覺驚驚,我叫是 因為 我無甲意你,卡會按呢, 我閣真呆, 大膽ga你講, 無怪你 無愛cap我。
我知影 你可能ve相信 我頂面 講e話, 我只是 想veh ga你講, 我其實是 甲意你e, 到zitma攏是, mgorh我當然ve ng望你 閣接受我, 但是 咱edang閣做 好朋友 否? dor gah以前仝款, 會使否? 希望zit封批 ve ga你驚著, 天氣變寒啊, 請你 dor愛穿 卡濟衫 咧!


足思念你e承育

daiqi007 發表在 痞客邦 PIXNET 留言(0) 人氣()

台語情批
蔡孟錡

小微同學:
當你看著這封批e時陣, 我想你一定會驚diohe。你一定m知影 寫這個批ho你, 我開足濟時間e, ziah敢起造勇氣,因為我知影di我心內e話我 也是想vue講ho你聽, 因為有一sut仔e話,zitma無講,一sit lang long ve講啊。第一眼看著你e時陣, 感覺 你是一個 長頭毛身材好 ezui查某qin-a, 但是久了後 發現你 更加是 一個心肝善良e 優秀查某qin-a,平時diam diam m講話,是我甲意e查某仔e型,因此m知影ui什麼時陣, 我發現 我慢慢甲意著你啊。送你ziae點心, 為你做e珠仔, 親手為你做e 卡片gah雞卵糕, 送你e花, 攏是希望你edang了解 我對你e心意有外深。 我m知影 你e甲意我無, 我是一個 歹勢m敢講出嘴e 查甫人, 因此 寫一封批ho你, 希望你 ho我一個機會 追求你。

daiqi007 發表在 痞客邦 PIXNET 留言(1) 人氣()

台語情批 高子倫
每一次相會di夢裡, 我攏會驚天光足緊diorh來, 因為天光了後 你會慢慢離開 我e夢, 再見diorh是 無法度 講出嘴, 留著你 該用什麼理由, 精神來 diorh ganna cun下寂寞, 所有e苦汁 都攏ho我家己承受, 期待後一個 只有我gah你e夢。
時間過gah足緊, 熟識你e 每一工 攏會使我懷念, 無仝e時間, 無仝e地點,無仝e眾人, 變化e空間, 變化e容顏, 變化e語言, 無變e是 我對你e思念!
一生只有一回, 咱行了 一段人生路, di這個時間點相du, 我感謝天公伯 ho我一個一生中 上美好e物件---你, 雖然 di眾人中 你m是 上suie mgorh di我e心中 你是上完美e, 可惜上美、 上價值珍惜e, 常常只edang留 di記憶中e hit個片段內, vedang永遠持續。
Gah你熟識 是 一種緣, gah你相戀 是 一種美, gah你相伴 是 一種福, 我願意gah你相伴到永遠, 將歲月 鋪成紅毯, 見證咱e極限。

daiqi007 發表在 痞客邦 PIXNET 留言(0) 人氣()

Ho親愛e你 陳弘凱

Ho親愛e你:
愛情 因為你e出現 變gah吸引人; 牽掛 因為你 變加實在; 承諾變gah長久; 思念zit個人時 ve閣再孤單; 信任變gah堅定; 攬抱ho人燒熱; 關懷感gak甜蜜; 人生感gak更圓滿; zit個世界, 好像變gah更實在、 更堅定、 更浪漫、 更甜蜜…… 你e出現, 改變了我e世界。
無什麼, 只是一時足想你。 只是我zit時想起你。 Di這個感情輕浮四界e年度裡, 我只edang講, 我甲意你。 我想你a,zit時。 現在 阻止我zim你e唯一障礙 diorh是 你手機頂面e zit塊玻璃。 生活ho我 出一個難題, 送ho我 ziah古錐e你, 我該 安怎慶祝? 生活 ma ho你出 zit個難題, 送ho你ziah忠誠e我, 你該如何解決?
多謝你陪伴著我, 因為選擇相信, 所以, 感gak踏實, ma足愛你, 你gam知影? 我m知流星edang飛外久, 有值得去追求無? 我m知櫻花edang開外久, 有值去等候無? 但我知 你我edang像煙花hit款美麗, 像恆星hit款永恆, 值得 我用一世人 去保留。

daiqi007 發表在 痞客邦 PIXNET 留言(0) 人氣()

我e第一張台語情批 洪國欽

我閣會記得hit一工,he是咱頭一遍見面e hit工,是在教室裡面,hit 時陣是妳dut 轉學來咱學校e頭一工。自從我看著妳第一面,我diorh ho 妳hit 雙飽水e大目睭吸引了,而且妳溫柔e氣質ma感染著我,尤其是妳hit頭烏金e長頭鬃 更ho我傾心, 看著你 我e心攏酥去a。雖然妳坐di我隔壁,但是一開始,我並m敢開嘴ga妳講話,直到妳忘記帶課本hit一工,妳ga我問講:「同學,我可以gah你逗陣看你e課本嗎?」hit時陣我表情雖然無表現出來,但是我心內歡喜到親像deh飛,hit是咱頭一遍講話。自從hit工以後,咱開始變成朋友,妳若有ve曉e科目,我diorh教妳,我若有ve曉e題目,妳diorh教我,di放學後,咱閣會逗陣去補習,去逛街。按呢一工過一工,咱現在已經是講心內話e朋友啊!但是di我e心內,一直攏藏著我e真感情,其實我不只希望妳可以做我e朋友,閣更加希望妳可以做我e女朋友,因為我想veh更加關心妳,了解妳,保護妳,想veh永遠gah妳逗陣,永遠永遠ve分開。最後,我想veh ga妳講,我愛妳。希望妳可以接受我真誠e感情。

daiqi007 發表在 痞客邦 PIXNET 留言(0) 人氣()


台語----情書 張育豪

上帝創造了萬物。其中上珍貴e物件之一dor是愛情。無愛情會使人會靈魂空虛,dor假若 親像一杯空e酒杯,若無ga愛情倒入去,伊就永遠無法度獻ho伊附近e人芳味。小姐,自我第一眼看著你,我就感覺我家己是一杯空e酒杯,m管做什麼代誌永遠攏欠zit種感覺,若無ga這專屬di杯空仔 ga杯仔注入專伊e甜美,伊就e慢慢仔腐化,就親像一蕊玫瑰花慢慢仔凋謝len去。啊~我有外呢a無想veh ho這份熱情消退,無想veh ho一蕊玫瑰花枯da。Di看ve著你e日子,我歸頭殼攏是你,ho我無法度思考,ma無法度做代誌。我甚至聽ve著平常時外口狗仔相鬥e聲音。啊~這位小姐,若是你願意,敢edang請你做我這世上第一e牽動我e心e情人,敢edang請你將我空虛e心靈重新注入靈魂,ho我變做zit個真正完整e人,ho我重拾我做事e能力並閣卡加強我e能力,ho我變做zit個比看著你之前閣卡完整e人。

daiqi007 發表在 痞客邦 PIXNET 留言(0) 人氣()



甲意著你需要外大e福氣 葉瓊雯

  自熟識你了後,你對我來講一直是特別e。di人群中e你,有真強e能力gah真好e態度,gah別人作伙ma有真好e人緣,總是吸引我e注意,m知由什麼時陣開始,我竟然慢慢甲意著你。gah你作伙e時間真歡喜,ma過gah真緊,每一gai攏感覺時間無夠用,希望edang gorh ho我淡薄仔時間gah你講話、di你e身邊。
我是ㄧ個幸運e查某qin-a,edang du著你、甲意著你需要外呢仔大e福氣。
時間過了真緊,目睭ni一下dor經過半年a。zit段時間內面,我過gah真快樂,咱兩個ma作伙經歷過真濟真濟。雖然m知影為什麼天公伯仔 veh製造zit個意外,ho咱兩個ziah大e考驗,體會痛苦ham辛苦e滋味,gorh需要ziah長e 一段時間由傷痛中復原。mgor我ma真感謝zit個機會,看清楚我對你真正gorh深刻e感情,ma ho我每一工攏edang看著你,ga你作伙食飯、讀冊,甚至是上課,這攏是以前無法度想像e幸福。你陪伴我行過zit段艱苦e日子,辛苦gorh細膩e照顧我每一個腳步,看著你為我流汗,gah溫柔e笑容,我看在心內是歡喜gorh m甘,我漸漸發現,我對你e感情已經深深生根di我e心內面。
對我來講,你已經是我生命中e一部分,dor親像魚仔無法度離開水生活仝款,我已經離ve開你。我想veh ga我e手交ho你,gah你手牽手行真久真久攏無 veh放開。
我是ㄧ個外呢仔幸運e查某qin-a a!你gam知影 edang du著你、甲意著你需要外大e福氣。

老師: 珍惜善緣!用心進步!用心書寫!

daiqi007 發表在 痞客邦 PIXNET 留言(0) 人氣()

藏di生活中e喜悅
孔維暄
qua知影按呢對你來講或者有寡突然,但是qua一直到今仔日zai有足夠e勇氣gah你講gah誠實e面對家己e感覺,其實qua是甲意你e!
閣會記得qua頭zit次見著你e時陣,你e笑容是hiah-nih-a e燦爛,你e身影是hiah-nih-a有氣質,你溫柔e目睭,dior是你深深吸引qua e魅力!
qua總感覺,世界上有足濟美好e事物,是足刁工、足白目e藏di生活中間,等待著有心人去發現伊e存在。qua想要e絕對m是什麼連續劇e愛情對白或者什麼驚天動地e愛,qua想veh愛e只是zit個機會,ho qua e-sai依賴著你,作伙分享hit寡藏di生活中間e喜悅!!

daiqi007 發表在 痞客邦 PIXNET 留言(0) 人氣()

台語情批 李宗翰

我gah妳講,我識sai 一 個女孩,伊無足guan,身軀有一點仔瘦,mgorh瘦gah足du好,伊有咖啡色e長頭毛,足大e目睭,細嫩e手,古錐e面,伊足愛聽音樂ma足愛出去外口cittor,我甲意di海邊仔撥頭髮e伊。伊足愛去關心別人,伊善良e心就親像春天e風hiah-ni ho人甲意。伊攏會gah我分享伊e快樂gah悲傷,一直giu我e手講veh去看電影,或是倒di我身邊講出伊e難苦。有伊e時陣,我感覺足滿足,無伊我感gak足無聊,我希望我gah伊可以永遠做伙。可以做伙遊山玩水,做伙聽音樂,做伙分享生活中每一e細節。
你知影無? Hit個e人dor是妳,妳早dor知影a吧,咱攏一直deh等待,等待咱幸福e時光。
進行式 未來式 ……

daiqi007 發表在 痞客邦 PIXNET 留言(2) 人氣()

台語情書 朱育萱
你gam知?你是zit e個世界上幸運e人,因為你是我選中e人。記得頭一次du 著你,看你外表普通普通,vor什麼特殊e所在。後來ka知影你是一個gin趣味e人,一個gin在意gah看重你朋友e人。講起來gin奇怪,我愈了解你zit 個人e時陣,我dior感覺你愈看愈甲意。
我甲意你對待朋友e真心,甲意看dior你gah你e朋友逗陣時歡喜e表情。我甲意你e軟心肝,m veh看著身邊e朋友gah家人dior傷,ve做出ho im傷心e代誌。我甲意你做代誌e態度,hit種想veh ga代誌做好e精神、hit種執著。我甲意你e全部。別人講你vor好看,我感覺你gin緣投;別人講你e壞話,我一定站di你zit爿。
我e心已經ho你,你gam vor注意dior? 你親像櫥窗內veh賣e物件,看e dior但是摸ve dior。每一次,我遠遠e看你、遠遠e守護你,希望你過gah歡喜。你na歡喜,我dior vor怨言a!

評:有緣,什麼攏投意!
有遠遠看,ma愛有近近e表意!祝福

daiqi007 發表在 痞客邦 PIXNET 留言(0) 人氣()

我e情書 林育瑄

每工di學校內底看著你,m知是為啥麼,我e心情diorh開始歡喜起來。我ma m知zit種感覺是ui當時開始e,等gah你離開以後,我才知影我已經憨憨e看你看十分鐘以上,我想這應該dior是‘LOVE’e感覺吧。足濟e禮拜過去,我e心情攏vedang安靜落來,想來想去攏是你e形體,你e笑容。我是在是已經無法度gorh忍耐落去,所以我寫zit篇情書,表示我對你e愛。

頭一遍du著你e時,你e目睭diorh按呢光sihsihe看著我,你e笑容是hiah-nih-a甜美,ho我對你開始有淡薄仔好感。連後有一工,阮di學校邊e餐廳du著,hit當時我gah我e朋友去hit爿食麵,你du仔好是招呼阮e服務生。因為頂一次e代誌,你gah我攏有淡薄仔印象,hit當時是hiah-nih-a快樂啊!veh食完e時,我e朋友dior開始叫我去gah你討電話號碼,我足歹勢ega你討號碼,但是你ia是笑笑e寫ho我,阮gorh互相留號碼gah e-mail 。hit當時,我diorh開始甲意你啊!

幾個禮拜過去,m知影你是m是已經知影我e心意?我e心意,希望你edang接受。

daiqi007 發表在 痞客邦 PIXNET 留言(0) 人氣()

情書 阮俊維

自從我du著妳以後,我e人生變gah無仝,有妳e表情,有妳e微笑,看妳歡喜,我e心情ma會歡喜,看妳傷悲,我ma感覺心疼,我感覺妳是zit個上好e查某qin-a,是zit個我會使珍惜e心上人。雖然我e個性無hiah好,雖然我e外表無按呢緣投,雖然我e條件無百分百e好,但是對我來講,重要e是心,是兩個人會使互相體諒gah珍惜對方e心,我相信這個我是無輸ho別人。gah妳開講,是dior歡喜e代誌,妳ga我分享妳e心情,我ga妳講我e看法,對我來講,妳是我zit個上重要e人。我e故事因為有妳e相遇,變gah卡精彩,妳e故事因為有我變gah卡完滿。 清華e校園真sui,成功湖畔,楓林小徑,蝴蝶園,人社院,di這足美麗e環境,有一個兩個人相遇e故事,願這個故事會使繼續寫落去,寫咱兩個人繼續e故事,寫咱兩個人未來e故事。

評語:愛有信心!

daiqi007 發表在 痞客邦 PIXNET 留言(0) 人氣()

你可知影你diorh是hit個伊 許文蘭

最近,真ai di 厝頂上找cue流星e身影,儘管伊只edang停留di ghua e目光內一點點仔e時間,ma 是 e sai散發迷人e星光,使ghua e心產生zit絲莫名e悸動,di ghua眼中,伊是無可取代。

最近,真ai di 圖書館 e角落看冊,偷看著伊vor存心間透露出e氣質,斯文gorh溫和,莫名e使ghua想veh親近伊,想veh gah 伊作伙pinn 著冊頁翻動湧出冊芳,找cue著每zit 句zit li 之間e浪漫。

最近,真ai di悠閒e 午後時光,迎著微風散步,親像伊優雅e談吐,輕拂過ghua e面;燒溫e日頭,如同伊謙虛有禮e態度,di 短短e 交談中,我e 心diorh像ho午後微風吹亂的湖水,vedong平靜。

最近,甲意了zit e男孩。甲意伊di亂紛紛e下課時間,馬上吸引我e目光;甲意伊di冊架間cue書時e認真模樣,甲意找ve dior 冊e苦惱模樣;更甲意伊di
午後校園gha ghua問路時流露出e歹勢,ho ghua e思考親像ho強風侵襲一般,完全空白。

男孩,你可知影你diorh是hit個伊。

daiqi007 發表在 痞客邦 PIXNET 留言(0) 人氣()