daiqi007

我看到e韓國 張金澤

di 2006年7月2號hit一工，un gui 家伙a做伙去做一le 標準e觀光客，可能ghun zit 團e人大部份攏抱著出去cit tor e 心情，也m gor ghua 卻是抱著出國遊學e心情去e，雖然講一zua e 學費有dam-bor-a 貴(差不多愛開十萬元)，也毋gor 會當gui 家伙a做伙giann，ma是袂bhai，而且gor有人處理食、住、行、娛樂e問題，開一寡仔錢也是應該e。

ghua認為應該紀錄落來e 毋是hia 有啥麼好sng，反倒是hia 有啥麼特殊e人文氣象，以下是ghua di 五工內看到e物件，希望gah 大家做伙分享。

an 導遊e說明中了解，韓國人di食e方面比較卡偏向鹹、酸gah hiam e 口味，原因是in guann 人e 時間卡長，致使種作e時間無夠，因此無法度親像熱帶地區e國家會當四季種作，所以足濟蔬菜必須用重鹹lue sinn，但是suah dui in國民e健康造成危害，根據 in 醫學研究結果，韓國人e 十大pua-benn e 排列第一名是胃病，zit點in e 政府實在需要思考一le a 改進e方法。

民族意識非常高。其實 zit 點di 非常濟e所在攏看會 dior，舉例來講可能會gorh ka 清楚。

di 入海關e所在( Immigration ) 標示牌上頭寫「Non Korea」，di ghua e 觀念中所知影，外國人e 英語應該是「Foreigner」，毋是「非韓國人」，zit 點實在ho ghua bhor 法度理解，偏偏in 中文e註解是「外國人」(簡體字)，所以基本上di in e 血肉當中，隱藏真大e 意識藩籬。

替阮服務e嚮導是華僑，本籍是大陸e 山東省，di in 三代前e祖先為著bheh討生活，zuann 搬山過海gau zia，但是di「金卜熙大統領」e要求下所有e華僑必須攏總改作韓國人e姓，無zia dor bhe 凍有投票權，dit zia看到單一民族性e凍霜。

一般e手機仔只要抽換內底e SM卡dior 會使使用，但是in zit le 國家e通信規定是必須di手機內底燒入身分證號碼gah 基本資料，如此才會使ka電話，驚死人m-zia-a 呢？雄雄ho ghua 想到一齣科幻e電影hor做「X戰警」，內底全部e人攏總ho 人做記號，走到due dor ho 人跟蹤，實在一點隱私權 dor bhor，但是zit le國家e老百姓反倒是歡喜gah，實在zin奇怪。

其他國家品牌e手機完全扑bhe 入來，因為全國e老百姓攏總愛用in國產e物件，親像Nokia、易利信、Motorola等等牌子完全看bhe dior，實在無簡單；iau擱 有，in國內e 汽車竟然也全部是國產e，真正m知阿呢甘好？

愛面子e慣勢

為著ho in ne囡仔以後有好e前途gah 事業，每一個囡仔平均逐個月e學費將近台票(NT)五萬元，問嚮導為啥麼愛hia ni ze，伊回答講無法度啊，別人an呢做，ghua 只好due le 做，bhe凍輸人。

清溪川整治工程：dit zia 必須說明一件代誌，zit 條溪di古早時陣兩爿攏有kia家，但是後來為著現代化e需要，只好在溪頂起道路，而且擱di路e頂面加砌一條公路，來舒緩交通e問題，m擱下腳e溪水sua 無法度看到天日，後來為著眾人e生活品質來設想，只好又擱將頂頭gah 下底e路全部ka掉，heng zu 時sua想到源頭e水zin tai-gor，所以又gorh用大粒moda 抽漢江e水送入清溪川，目前真正足濟人di hia deh sng，m-gor逐冬 e 費用實在驚死人，dor 愛億來億去才e-dang維持現kong。

di 路途當中，有zit le 少年家diann diann替大家搬物件、攝影，尾啊zia 知伊攝影e相片bheh 賣人，一張相片ha台票150元，驚倒人，dor 毋是kong 金sunn5 呢。大家攏議論紛那會hiah貴，實在毋願意做kong仔買hiah-nih-a貴e物件。尾啊zit le 少年家ga 阮算錢e時陣面 ciunn 真歹看，未輸是阮欠伊錢呢？



道謝張老師ho 我 e 指導gah 感動，ho 我有勇氣gah 能力用母親e 話寫作，魯lat。