daiqi007

羊男e迷宮 心得
高韶君
這個電影是de講，足久足久以前，有一個地下王國e公主位hit le王國內逃了出來。因為生活di地下過頭，這位公主di陽光e照射下dor按呢死去，靈魂dor留di人間流轉。後來，地下王國e國王派出了羊男到人間尋找失散e公主，di經過足濟考驗之後，最後a 是證明了公主善良e本性無ho人間險惡e環境改變，尾a得到著轉地下王國e機會。
Di看 zit 部電影之前，我一直以為伊是一個童話故事，m gor無想dorh裡面e角色打扮卻非常無像童話。
我原本以為，di zit 個複雜e社會想veh生存下去，dor是愛放棄屬 di 人類原本e天真e hit 一面，用盡所有e手段ziah e dang 贏dor最後e勝利，m gor di看了「羊男e迷宮」後，我覺得，ji有內心善良e人za e 當di人生e多場戰役之中成為最後e贏家。
雖然電影當中出現過一寡 ho人覺得可怕e怪物，但我認為上可怕e其實是有dorh人類面，心內suah 來比怪物gorh惡毒e Capitan Vidal。伊為著 di內戰中贏得勝利，甘願殺m dorh一百，ma m願放過一個敵人；為dorh傳宗接代，伊甘願放棄伊太太e生命，ma veh保dia伊 e 兒，對伊來講，某不過是用來生產伊優良血統e後一代e工具nia-nia。所以我感覺，講伊才是整個電影中唯一e怪獸一點ma無超過。
Di這e電影中，hor我上佩服e dior是主角Ofelia a ，雖然a gorh是一個qin-a ，m gorh伊di解決羊男ho伊e三個任務時，面對怪物gah可怕e環境卻無來退後，顛倒gorh 卡努力向前行。Di現實生活中，咱di面對困難e時總會有退縮e心念，甚至有無看見dor suah e駝鳥心態，到尾來ma只是無一項成功，真希望我ma有像Ofelia hit 種e dang堅強面對挑戰e勇氣！另外，伊di最後一項任務中所展現出來e愛心ma ho我真感動，當羊男愛伊交出 m 是gah家己有100%血緣關係e弟弟，好ho伊e dang返到地下王國時，伊馬上拒絕了這個要求，顛倒ho想找後生心急e Capitan Vidal發現 hong tai 死，不過ma是這份無私e愛ho Ofelia 再度得到返回地下王國e資格，畢竟為了弟弟犧牲家己廣大e利益，di這現實e社會絕對 m 是每個人攏做會到e。
但是，人m是完美e，Ofelia di羊男e其中一個任務當中，無聽指示偷食了瞳魔桌上e食物，ho瞳魔活過來來追殺伊，雖然最後這個任務a是達成了，卻ma害死了羊男e其中一個好同伴─小精靈，我想這dorh是人性e缺點吧，dorh像有寡人總是m聽別人e懇勸，總愛等到家己受傷了或失去什麼才e知 veh 改進。Di這方面我感覺我dorh像 Ofelia 按呢，雖然m是面對每一件代誌攏m聽款勸，m gorh總是有家己固執e一面，希望我可以改掉這個毛病，m通害了家己gorh害著別人。
這部電影雖然一看之下e ho人感覺得是一個奇幻故事，m gorh其實所發生e代誌攏真貼切阮e現實生活，看完之後e ho人有足濟e省思。我想，面對這個無單純e世界，以單純e心來生活，無一定會食虧e。

Ui Miss Potter ｅ一生來看現代女性ｅ權利
李昀翰
1. 前言


Miss Potter是一位近代ｅ英國女性作家，出世di 1866年，di 1943年過世。咱若是ui現代ｅ社會情形來看，一個女性有文學gah創作ｅ成就實在是無甚稀奇ｅ代誌，但是咱若是去了解當時伊ｅ環境，dor edang 知影這是相當無簡單ｅ代誌。伊m是di文學創作zia有成就nia，伊ma是一個黴菌學者gah為環保努力ｅ人 ，實在是相當ｅ了不起。zitmaｅ女性，權力gah知識lu來lu濟，di社會上ｅ情形ma有足大ｅ改變。最近，Miss Potterｅ故事ho人拍成電影，咱edang ui電影知影伊ｅ形象，gah當時女性ｅ處境。Di zia，咱m討論電影an nua拍，ma m討論故事是m是真ｅ，咱就ui電影中ｅMiss Potter gah現代女性ｅ比較，來看有甚進步、gah有甚edang改進ｅ所在。

2.教育

先來看教育ｅ問題。依據台灣教育部ｅ資料 ，台灣有高ｅ學歷ｅ女性ｅ人數是lu來lu濟，至舊年底ｅ資料，四十歲以下ｅ國民，大學畢業ｅ女性是一年比一年gorh卡guan，四十歲左右ｅ高學歷ｅ人男女差無ua濟，但是二十歲到二十四歲ｅ統計，國民人數男性gah女性差無濟，攏是八十萬人，大學畢業ｅ女性比男性gorh卡濟四萬外人，已經m是過去只有男性有教育機會ｅ情形a。
Ui zia gah Miss Potter比較，實在是足大ｅ改變，Miss Potter伊當時根本無法度有教育ｅ機會，伊ｅ老父gah老母甚至愛伊去做in厝內有ｅ、無ｅ代誌 ，所以伊ｅ才華攏是天生ｅ、攏是伊家己培養出來ｅ，edang出版ziah nih濟兒童ｅ冊是足無簡單ｅ，zitmaｅ女性有gorh卡濟ｅ資源，應該edang有gorh卡好ｅ成就。
但是咱來看研究所ｅ情形，男性gorh比女性濟a，這是一個愛思考ｅ所在，為啥麼現代社會看來是男女平等ｅ，女性ma有足濟大學教育ｅ機會，但是上研究所liau後，sua減hia呢濟人？所以這是足明顯ｅ，一定有一su a問題無看著，雖然表面上看來是完全無仝ｅ社會情形，但是真濟人ｅ內心iah是相當ｅ傳統，認為女性無應該需要hia呢guanｅ教育，所以有a呢ｅ結果。實事上，男女di教育方面無應該有差別，咱應該ui咱ｅ態度開始改變zia有路用，這dor是一個edang gorh改變gah進步ｅ所在。


3.社會地位

續落去討論社會地位ｅ問題。Di過去ｅ社會內，西方a是東方，主要ｅ文明攏是父系社會，女性ｅ權力當然非常少，社會ｅ活動攏是ui男性來領導，女性攏無講話gah做代誌ｅ機會。咱ui Miss Potterｅ處境dor edang有一su a了解，女性真正有能力，ma是會ho傳統社會排除。
Miss Potter是一個非常優秀ｅ黴菌學家，伊有足濟ｅ論文，伊ma是提出「地衣是藻類gah真菌組成ｅ共生植物」ｅ人之一，伊ma用伊畫圖ｅ能力，將伊ｅ觀察繪成270張圖ho其他人參考，因為當時技術無發達，繪圖是唯一ｅ記錄方法。mgor，雖然伊有zia ni guanｅ科學成就，當時ｅ社會ma是m接受伊，伊ｅ論文是請伊ｅ叔叔di林內學會(Linnean Society)發表ｅ，因為女性di當時無法度參加會議。Ui zit guiｅ代誌dor edang看出當時女性社會地位有外低。
Zitma有足濟ｅ改善，因為科學研究攏edang看著女性ｅ參與a，林內學會ma di 1997年發表一篇正式ｅ信ho Miss Potter會失禮，這是女性地位提升ｅ一個明顯階段。但是gah教育問題仝款，其實上高ｅ地位iah是ui男性佔據，比如中研院院士iah無卡濟ｅ女性出現。 離開教育gah科學問題，ma是有仝款e情形，例如政治上ｅ主要官員iah是ui男性di做，經濟上公司ｅ領導人ma攏是男性，雖然已經慢慢開始有女性出現a，但在實在是真少。這ma是一個要改進ｅ所在，咱vedang只看表面gah片段ｅ結果，咱愛di所有ｅ所在攏去改變。

4.感情生活

最後來討論女性ｅ感情生活。Di zia咱用Miss Potter di電影來ｅ情況來看，一開始伊無愛結婚，伊m接受伊老母紹介ho伊ｅ所有ｅ人，後來伊愛一個為伊出版冊ｅ商人，但是伊ｅ老母反對，因為zit個人m是上流社會ｅ人。伊ｅ老母為此veh考驗in，結果zit個商人因為破病死去a。後來伊gorh愛另外一個男性，但是伊ｅ老母ma反對。Di過去ｅ社會內，父母決定囝仔ｅ結婚對象是足平常ｅ代誌，ui相親gah媒婆di過去社會ｅ路用dor edang看出來，父母ma足在意階級ｅ問題。
Zit個問題di現代社會中，有真大ｅ改變gah進步，大部份di台灣ｅ女性攏edang有自由戀愛gah結婚ｅ機會，ui咱ｅ學校生活中dor edang看出來，雖然有時父母會反對，但已經vue像過去按呢堅持，真濟時陣ma會尊重女性家己ｅ決定。但是zia有一個另外一方面ｅ問題，dor是女性di edang自由cue婚姻對象liau後，iah想veh cue一個比家己地位gorh高ｅ男性，看ve起仝款地位a是卡低ｅ男性，若是cue無dor m結婚，因此單身ｅ高地位ｅ女性lu來lu濟。Gah頭前無仝ｅ是，頭前是傳統社會對女性ｅ無公平，zit爿是女性家己ｅ思想愛改變zia會使，既然現代是男女平等，dor無應該有過去hit種婚姻ｅ觀念，按呢zia edang有真正ｅ平等。

5.結語

Miss Potter是真正ｅ人，但是m管是歷史ｅ記錄a是電影ｅ描寫，攏一定會有一su a gah事實無仝ｅ所在，不二過做為一個時代中ｅ人物ｅ情形ｅ影，是一個足好ｅ代表。Ui以上三點ｅ討論中，咱edang看著女性di現代社會內，教育、地位gah其他方面已經有真大ｅ進步，但是edang繼續改進ｅ地方ma足濟，需要zit個社會ｅ觀念改變zia會使。Ze是咱愛去做ｅ，若是無人去推動，代誌永遠ma vue改變，女性ｅ權利ma vue變卡濟。只有咱去拚，社會zia會有改變。

6.參考資料

(1) Wikipedia，http://en.wikipedia.org/。
(2) 維基百科，http://zh.wikipedia.org/。
(3) 教育部，《教育統計》，http://www.edu.tw/statistics/index.aspx。

飛行小魔女 作者：奧．普羅伊斯拉
王仁佑
這dai gai是勒講一個小魔女e故事，內容講一個127歲e細漢qin-a有一隻會曉講話e烏鴉作伴，是小魔女心e肝寶貝。有一bai伊想veh去參加一個嘉年華會，he是一個魔女聚會慶祝e熱鬧日，魔女界e魔女全部會來zit跳舞跳到天。Mgor yin講伊e年紀siuun細，m ho伊參加，但是，伊ma是偷偷仔入去，結果ki hong發現，然後受著處罰。Dor ga伊e掃帚沒收，ho伊用行e轉去。行三暝三日，安呢伊dor飽gah醉a，gorh愛伊di一年中間做一個好魔女，明年zit個時陣，魔女頭王dor召所有e魔女委員會開會，參加考試。然後伊下決心來練習魔法，準備veh報仇，但是伊e烏鴉講魔女頭王愛伊做一個好魔女，若是安呢，dor ve sai作歹代誌，愛放棄zit個心念。有一工，伊gah伊e烏鴉來到市集。有一個瘦gorh薄板e查某qin-a，guann一ka de滿紙花e花籃，憂頭滿面結di市集e邊角仔kia。伊對小魔女講，厝內iau deh等伊e錢轉去買pang a，然後小魔女就用魔法ho花e芳味散di空氣中，然後大家攏來ga伊買花，一下仔時間，花dor買了了a。Gorh有一工下晡，有兩個zi zu e qin-a beh起去樹頂e鳥仔siu teh鳥仔卵，小魔女對yin施一種魔法，ho yin dpr ve振ve動，後來才ga解除，ho yin得著教訓。然後小魔女就繼續用伊e魔法四界幫助人。一冬dit veh續尾仔，小魔女dor準備去考試a，因為伊已經ga課本e練習做gah爛糊糊，所以攏通過所以e魔法測驗。最後蜘蛛魔女出來反對，dor講伊是一個歹魔女，ga伊過去一年，所做e代誌講ho魔女頭王聽，魔女頭王聽gah氣gah put-put跳，就講di魔女e世界，用魔法替人做好代誌，叫做歹魔女，dor歹cing-cing對小魔女講，明仔載半暝進前，你ga柴枝搬到山頂，疊gah款guan，阮veh ga你吊di附近e樹頂，看阮跳舞跳通宵。小魔女來到山頂用伊魔法所有魔女用掃帚集做一堆，然後gorh gam所有魔女界所有人e<�魔女課本>用來掃帚堆裏面。最後用上gai厲害e咒語消除所有魔女e魔法，yin手中e魔法冊已經飛來山頂，所以dor無法度作法a。小魔女念咒語，一道火蛇sor入掃帚、冊堆，無外久，火燒gah炎kong-kong，火蛇竄入雲霄。伊gah烏鴉圍著火堆開始跳舞跳歸暝。從此以後，小魔女dor成為世界上唯一e魔女。
這是一本有名兒童文學作家奧．普羅伊斯拉 ，志文所寫一本書，內容zin豐富，用小小e故事，表達diorh一個人做事處事e道理，gorh u伊ho阮有想像e空間，阮edang ga伊內面所寫e用圖象浮現di阮e腦海裡，然後著變成一個動畫，這是一本zin好看e故事。「好心有好報」是zit個故事e上重要e意涵。看了著一個故事，我想diorh人在這個世界，心存一定要有這個觀念，ve sai有害人e心態，我一直相信著世間輪迴，因果sun huan e道理，著心像zit個故事e主角，小魔女，伊有一粒幫助人e心，四ge ga人幫忙，最後變成一個真正e魔女。在咱這個社會上，常常有人leh講，好心gam zin正有好報？所以常常攏為著自己，m去幫助別人，所以這個社會常常vedang ho人感受著溫暖e感覺。但是，我diorh ve按呢想，因為我edang di幫助別人e過程中，感覺著快樂e感覺。這是一件edang使人心情快活e代誌，所以我na是看著若別人有困難，我攏會伸出我e手，ga問看mai，有需要幫忙無。那是大家攏有這種想法，若按呢，這個社會dor會充滿溫暖e感覺。
這是第一遍用台語寫出e文章，雖然zu細漢gau zin ma攏有勒講台語，應該算有夠厲害a，gah vat得過台語演講比賽第一名，m gor我發現ve ga念e台語用筆ga寫出來，zin正無簡單，gai困難。所以應該有真濟e錯誤。台語是一種真有趣味e語言，我ga i講台語，是為伊有一種zin親切e感覺，ho人感veh hiah-nih生分，gorh有一個原因是，台語有足濟「俚語」，攏有真濟涵義。我發現愈來愈濟e人攏ve曉講台語a，身邊e同學攏講國語，足少人gah我講台語。我感覺按呢zin m好，因為咱是一片土地大漢e qin-a，這是咱e母語，所以咱一定愛e曉講ma。Zit ma小學，有加上台語客，我感覺真好，因為edang ga台語文化延續落去，希望大家攏會曉講台語，按呢我edang逐工講台語a，哈哈！！

Potter 小姐e一生 黃翊恆

Miss Potter伊細漢e時陣，dior 就愛繪圖，zit工gah暗long le 繪圖，上出名e dior 是“彼得兔”，伊會對伊e圖內面e圖講話，gorh gah 伊 取名，伊e爸爸 足 鼓勵伊，因為伊ia 是qin-a，伊dui細漢開始，學習long 是 伊e父母，請老師來厝裡ga 教，伊dor long 無gah其他e qin-a鬥陣，歸工攏gah 小動物做伙，ga 伊所看到e一切畫落來，zia e 動物攏是伊e 靈感e來源，ho 伊以後e創作有zit個源頭。

伊想veh出版伊e 小書，伊e媽媽m是真看好，m-gor伊e第一本書，一下子dior賣了阿，因為第一次e成功，伊sua lor 來gorh 繼續出版其他e小書，ma 攏賣gah 真好，伊e 媽媽也漸漸無hiah反對伊行創作e zit 條路，伊dior繼續寫落去、畫落去。

因為伊e 出版，伊熟識dor出版公司e Norman，兩個人dior因為工作e 關係，倆個人越行越近，dior安呢意愛dior對方，zit 次波特小姐yin 厝e晚會e時陣，諾曼dui 伊表達愛意阿，波特小姐ma接受a，m-gor，波特yin厝內e人，尤其是yi e 媽媽攏m贊成yin e 交往，但是最後，yin厝裡面e人dior hor yin zit 個考驗，dior 是倆e 人分開一段時間，看yin e 愛是m是堅定，結果di 考驗e 這段時間，諾曼先生dior 破病過世。

這件事情ho 波特失去了靈感，無法度畫出可愛e 圖，伊dior用伊這幾冬所趁e錢，di 湖區e 梭利村附近買下zit le 農庄，di zia 伊 gorh 找到伊e靈感、伊e創作泉源，伊gorh ga錢teh來買伊附近e農庄，漸漸，gui片湖區long 是伊e，ma因為買賣e關係，伊進一步認識了法律e代理人 威廉‧希理斯，倆個人dior安呢逗陣做伙阿，yin ma m管yi 媽媽e反對，決定逗陣，yin 結婚以後，dior共同合作，為了yin e 理想去打拼，去保護湖區e 生態，免 ho 建築商yin 去破壞zia 水e風景，安呢伊ma 有zit個靈感e源頭ho伊繼續創作，創作zia ni豐富zia 古錐e小書，ho qin-a e-dang有zit 個 機會去讀著zia e 書，ho 後世e人e-dang欣賞dior zia 水e風景，m管dui環境e保護yia si 小書e創作，攏有gin 大e 貢獻。

伊e創作e zia 豐富，是因為伊e想像力 gah 伊攏接近大自然，zit 粒天真無邪e 心，ho 伊e 創作源源不斷，看完了影片 yia gorh 去找書來翻，dui伊e生平又更加e 了解，買下農庄，對伊來講是zit 個真重要e 時間點，因為有hia e 環境，伊 e-dang不斷e 創作，最後伊變成23本qin-a 書e作者gah插畫家。

我對伊e 遭遇感覺zi gua 可憐，金無簡單ziah 找到伊所愛e 人，卻安呢來離開伊，對伊e打擊應該是真大，yia m-gor 伊e-dnag gorh 站起來，有夠厲害，di影片裡面看著e 彼得兔，dior 是伊e代表作，裡面e圖實在是有夠古錐，老師上課ma有放給大家看，故事ma真精采，非常適合qin-a來讀，我想以後有機會來ga伊e 小書翻翻leh，應該ma 真趣味，na是有親戚e qin-a gorh 細漢，我應該會建議yin ho qin-a去看波特e 書，ho qin-a e 童年加一點輕鬆 gah 趣味e 物件。

Miss Potter讀後感 紀新鴻


Miss potter 出世ｅ時代gah zitma 出版社電腦化、自動化ｅ時代無仝，yin hit leh 時陣e出版，dak頁e文字gah dak張圖veh按怎kng，攏是靠dior畫家全心全意設計出來ｅ，設計出來了後gah認真用心ｅ作品，來gah逐家分享。

Di zit齣戲內底，Beatrix(碧雅翠絲)伊e朋友是伊所畫e小動物，伊會gah yin講話，ma會gah yin講伊e心事。ui這不但看會出來Beatrix 天真可愛ｅ一面，ma 是代表講伊ui細漢dior去ho伊ｅ父母管gah真an。因為伊e母親感覺家世背景才是交朋友上重要e標準，m是di上流社會生活e人，dior 無su要gah yin來往。自細漢dior過zit種生活e Beatrix，hong認為伊一定愛做一個賢妻良母，無應該出去外口拋頭露面。

Mgor Beatrix 無按呢認為，伊想veh證明伊家己，伊反抗伊ｅ母親，刁工無愛嫁人。其實，伊只是無愛伊e愛情是為著veh提升yin 厝di社會上ｅ地位liah-liah，伊veh ｅ是真愛。Di zit ｅ時陣，ho伊du dior出版商三兄弟仔ｅ小妹-Millie(米莉)，yin攏是ui細漢dior hong叫愛di厝內乖乖仔，m通黑白走ｅ人。Yin話投味，二個人dior做好朋友。有一gai，Beatrix發現伊甲意Norman(諾曼)先生，問了Millie ｅ意見，伊講：「你deh想啥?若是我edang找dior一leh甲我真心相愛ｅ人，我免考慮diorｅsui gah伊結婚。」ui zia看來，無veh結婚只是yin想veh抗議別人對yinｅ限制liah-liah。

Beatrix 小姐gah Norman先生二個人ｅ愛情故事ma是真使人感動，一個是第一gai gian ncut去厝qua，一個是第一gai 去上班，無想veh ho伊ｅ阿兄看人無目內，攏對yin第一gai ｅ kangkue真打拼，可能dior是zit種打拼ｅ態度ho二個人相意愛。可惜ｅ是，二個人ya 未赴作伙ｅ時陣，Norman先生dior來過身，Beatrix hit lor想veh哭gorh哭veh出來的心情，真濟是使人感動。

a Beatrix di Norman先生過身了後，伊做一件真使人欽佩ｅ代誌，伊ham一個律師合作，zit位律師也就是後來Beatrix ｅ翁。伊為著保護當地ｅ環境開錢買土地，ho當地美麗ｅ風景生態全部保留落來，真濟是非常難得ｅ代誌。

Di看 Miss Potter 了後ｅ想法 李承恩
di我觀賞這部電影ｅ當時，dor有gam gak著查某人di時代中無受著尊重ｅ所在。所以di zia veh討論ｅ有 “男女ｅ無公平”，“時代中查某人du著ｅ困擾”, “di新ｅ時代大家愛如何面對“，然後zia來讚嘆Potter小姐ｅ偉大。
若是講著兩性ｅ無公平，有足濟案例通講。古早時代查某人di煮飯洗衫
，阿查甫人去外面走闖看起來若像是ve變ｅ道理。mgor 事實m是按呢，大家攏edang看著真濟查某人成功ｅ例子。而且查甫人ma應該愛鬥相工做代誌，互相之間卡edang有美好ｅ生活。所以vedang以為查某攏是ve曉做粗重ｅ代誌，伊ma是有法度負重家計ｅ。另外，查甫人ma edang鬥相工卡細膩ｅ代誌。
古老ｅ觀念ho咱維持zit款封建ｅ態度，主使查某人無地位。
這ho伊生活gah無快樂，ma造成足大ｅ壓力。大家攏想講女性大漢就好嫁翁，以後一切以翁婿為重，無考量dior女性家己所愛ｅ，這足無應該ｅ。
社會ｅ風尚是無公平ｅ，di zit款環境下edang維持家己ｅ信念實在是無簡單。
因為咱是民主時代ｅ人，所以更加應該好好尊重女性，ho大家互相幫助ｅ機會。應該維護ho好家己愛做ｅ代誌。互相體讓，按呢卡會有鬥陣成長ｅ機會。
閣看另一面，Miss Potter，di這款時代閣edang堅持伊ｅ理想。實在是無簡單。Di別人攏用kau seh 語氣批判伊ｅ當時，伊閣edang做伊想veh做ｅ。而且伊為著veh ho卡濟細漢囝仔edang買，ma盡量賣卡俗ｅ價數。Zit款堅持家己e理想而且照顧人ｅ心ho咱足欽佩。

這 diorh是Miss Potter
陳詩翰
Miss Potter出世di一個所有ｅ少年査某小姐只追求有一個好歸宿ｅ時代，伊靠伊ｅ堅心到底ｅ意志恬恬地靠伊自己ｅ方式，抵抗這一股潮流，成做一個偉大ｅ査某人。

Miss Potter yin厝是工業革命後ｅ新興ｅ中產階級，di hit個時陣算起來是真好額。伊自細漢yin父母diorh請家庭老師ui厝內教伊讀書，而且鼓勵伊發展伊ｅ藝術天分，di伊完成伊ｅ教育了後，伊無像其他ｅ查某小姐di厝陪伴父母，而是di研究畫圖gah科學ｅ歷史。

di 1893年ｅ時陣，伊為著伊ｅ老師ｅ破病ｅ qin-a，伊寫gah畫伊ｅ寵物兔子彼得ｅ故事ho老師ｅ qin-a。後來Miss Potter將zitｅ故事畫成一本書，伊想veh gah zit本書出版，所以yi diorh gah手稿寄ho足濟出版社，mgor攏ho退回啊。mgor有一間公司答應再度考慮，veh gah Miss Potter來出版。

Miss Potterｅ書賣ｅ真好，gah伊作品出版hitｅ公司是由三ｅ查甫人經營，yin是兄弟，其中上小ｅ弟弟gah yinｅ妹妹gah Miss Potterｅ關係是上好ｅ。hitｅ妹妹ｅ名號作米莉，伊gah Miss Potter是金好ｅ朋友，mgor hitｅ弟弟，伊ｅ名號作諾曼，伊gah Miss Potter鬥陣處理伊ｅ出版ｅ代誌，只要Miss Potter有需要鬥sann工ｅ時陣，諾曼diorh會hor伊幫助，mgor Miss Potter m知其實諾曼偷偷ｅ愛diorh伊lor。di一個聖誕節ｅ時陣，Miss Potter邀請諾曼來伊厝參加宴會，諾曼diorh趁zitｅ時陣來gah Miss Potter求婚，後來Miss Potter ma答應伊lor。Miss Potter gah zit件代誌講ho 伊ｅ父母聽，mgor伊ｅ父母認為出版商是一個小小ｅ零售商，堅持反對伊ｅ婚事，di Miss Potter苦苦ｅ哀求了後，伊ｅ父母ho yin一個考驗，diorh是Miss Potter必須gah伊ｅ父母去yinｅ別莊一個夏天gah諾曼分開一陣，證明來yinｅ愛是真正ｅ。

di hit時陣，yin每工寫批互相聯絡，diorh di有一工，Miss Potter無收著諾曼寄ho伊ｅ批，mgor伊sua來收著諾曼ｅ妹妹米莉ho伊ｅ批，頂頭寫著伊ｅ阿兄諾曼因為破病sua來過身。Miss Potter 馬上趕回去了解，米莉diorh gah所有ｅ經過講ho Miss Potter聽，Miss Potter聽完了後，yi是真傷心gah心內真艱苦，伊m相信zitｅ伊上愛ｅ人diorh按呢過身lor。

Miss Potter為此非常傷心，伊歸工di伊ｅ新厝，而且利用鄉間ｅ風景來創作，追求心靈安慰，zitｅ厝是進前用伊ｅ版稅di伊上愛ｅ英格蘭湖區買起來ｅ。di伊四十七歲ｅ時陣，伊du著一個土地律師號作威廉希利斯，zit是伊生命中ｅ第二真愛。yin結婚了後，yin住di zitｅ新厝。

後來Miss Potter veh開始保護鄉野gah天然ｅ自然資源，伊ｅ翁威廉diorh來gah伊鬥sann工，diorh按呢，Miss Potter用伊家己寫冊ｅ版稅收購了大量ｅ土地gah農莊，為著zit所有自然資源m hor其他ｅ企業家黑白開發造成環境ｅ破壞，所以Miss Potter diorh按呢shi作，di最後ｅ時陣，Miss Potter將所有伊買ｅ土地全部捐ho國家，所以講Miss Potter留hor世人m na是di兒童圖冊頂guan，ma di保護自然環境頂guan作足濟ｅ奉獻。

我感覺Miss Potter靠伊hitｅ單純gah善良ｅ心志做出足濟偉大ｅ代誌，無論di伊ｅ創作gah保護環境方面ia是伊ｅ愛情，伊hit款堅持到底ｅ決心，ve受著其他人ｅ動搖zit是su我感動ｅ所在。di hit個時陣，女性主義ia ve bu innｅ年代，但是Miss Potter勇敢追求伊感覺是對ｅ代誌，zit應該是veh ga咱講m管是di什麼時代中，查某人攏總m應該受著打壓無機會ho出頭天，Miss Potter diorh是一個上好ｅ例子。

di保護環境方面，Miss Potter zit早diorh有zit款ｅ觀念，反倒咱現代人隨意開發環境造成很多ｅ破壞，山地崩落、土石流，gorh卡害ｅ是現在天氣非常ｅ奇怪，zit攏是咱人自作自受ｅ結果，如果咱若親像Miss Potter仝款有zit款保育ｅ觀念，mai 作出破壞ｅ行為，按呢咱ｅgia sunn diorh edang有真好ｅ環境通好生活。

波特小姐gah彼得兔 洪誠禧

當波特小姐(Miss Potter)滿心歡喜e di 出版社出來，坐上馬車了後按呢ga彼得兔講：“We did it! Did you heart my hart? It was a kettle drum. You see? We must present ourselves to the world. And we must look upon it as an adventure.”伊是zit個天真爛漫e查某qin-a，彼得兔是伊e朋友，但伊無希望彼得兔單單是ga gi e朋友，伊veh ho這世界攏熟識彼得兔。

可能伊di外人目睭裡是ㄧ個古怪e查某qin-a，尤其di伊e年代裡，三十外歲了，卻是老姑婆ㄧ個人，活di家己所彩繪出e世界，m過伊足明瞭自己有什麼、veh什麼，ui伊di印刷廠e表現就e sai知影一寡，伊有伊e理想，所以有原則有堅持，伊愛e是zit本足讚e童冊，而且連小孩攏edang買，足幸運e，伊遇著zit位相當體會著伊e想法e出版商-諾曼(Norman)，伊想法攏e sai gah波特小姐仝款。

彼得兔意料中e熱賣，伊gah彼得兔作伙證明了單身e三十歲查某ma edang過了足好，di家教足嚴的家庭中，扮演zit個反動e身分，當然m是ㄧ個討好e角色，he是現代社會中，咱早已看了足慣習e勇敢女性代表，伊「做家己」，mgor　m是現代人ㄧ直無閒deh掩飾自己任性e hit款，伊知影自重自律gah自愛。

無親像hit款帶著毀滅性e愛情，gah諾曼e愛情是慢慢發酵(qann)，di心內愛對對方e，伊m ga意zit個世界ho伊e定義，世俗e一切，這款相知相惜，親像知己、知心e依靠、依賴e愛情，外呢ho人醉心，誰edang抗拒e了，ho人傷心e消息瓦解了伊e世界，伊其實無想像中堅強，一段恐怖e畫面，zit條大魚仔dit veh吞食水雞先生，波特小姐趕緊ga 伊救，水雞先生食力deh gim
1.
著筆管，真驚ho大魚仔食掉。上尾，水雞先生buah落池內底，逃啊逃啊，逃到彼得兔hia，逃到hit隻鵝小姐hia……大家攏di逃，足驚e逃，親像有狼hiah恐怖e怪物veh食yin。上後，烏鴉飛落來，殘忍e將彼得兔e藍外衫啄碎。he是zit款死亡e節奏。波特小姐e靈感全逃無去了、全是死了。伊不斷e畫，一張gorh一張紙無停止deh試，mgor伊e知己死了，伊生命中e zit部分ma 無去了，這一段所表現出e意象真正是貼切，gorh恐怖e ho人印象深刻。因為靈感e無去，對創作者來講就是死亡。

療傷e所在是di風景足sui e湖區，環境e dang培養zit個人e性情， mgor比風景gorh卡可貴e是伊ㄧ心想veh為後代保留一片美好環境e堅持，m睬世人ho伊e眼光，伊做伊相信gorh值得e代誌，咱m是ma該有zit款”雖千萬人阻擋，我ma veh 向前行” e精神，找回來原初e夢想，踏實起造夢ni?

Miss Porter gah 女性主義
材料 陳信宏

一、前言
　　Di Miss Porter zit部電影當中，ho觀眾印象上深刻ｅ除了主角Beatrix [碧雅翠絲]對繪本創作ｅ熱情以外，dor是伊所表現出來ｅ hit份女性自我獨立ｅ精神ａ。雖然di電影當中並無明白講Beatrix是一名女性主義者，但咱ui足濟所在卻edang感受著一位女性勇敢突破社會ｅ束縛來追求理想ｅ勇氣。

二、Miss Porter gah伊ｅ理想
(1) 事業ｅ理想：Di一開始Beatrix ganna ga畫圖當作興趣，但隨著伊想veh出版伊ｅ作品，ma dor是講伊想veh發展家己ｅ事業，伊ｅ父母開始由鼓勵變作反對。Yin認為查某qin-a dor是愛惦di厝內，ve-dang凊采di外口出風頭展風神。Mgorh伊iah是靠家己ｅ力量去找願意幫伊出版作品ｅ出版商。雖然中途經過幾gai ｅ失敗，但是最後猶原順利出版ａ，而且iah賣gah足好ｅ！Beatrix從此變作一個足有名ｅ女作家，ma edang靠家己趁ｅ錢來養活家己，ｍ免再ho父母來照顧，一個女性有zit款ｅ成就，di當時是足無簡單ｅ代誌。
(2) 愛情ｅ理想：Di Beatrix ham幫伊出版作品ｅ出版商Norman [諾曼] 相戀ｅ時陣，一直受著父母ｅ反對，伊ｅ父母認為Beatrix 應該愛ham上流社會ｅ人結婚才是門當戶對，gah一個生理人結婚是足無光彩ｅ代誌。但是伊並無因為安呢dor放棄，經過足長一段時間ｅ求情，總算得著父母ｅ同意，但Norman卻di訂婚無外久ｅ時陣過身ａ。雖然zit段愛情是悲劇結束，但di hit時陣父權至上ｅ社會中，Beatrix卻敢違背父母ｅ命令，勇敢去追求伊家己ｅ愛情，表現了新女性強烈ｅ自我意識。
(3) 保育ｅ理想：Beatrix為著伊所愛ｅ大自然，用伊寫作ｅ收入買下了足濟ｅ農莊gah土地，免去了ho zia-e自然資源來受著破壞，同時ma保留著大自然上真實ｅ一面。並di伊過身之後ga所有ｅ土地捐ho國家來管理，ho後人iau edang 來欣賞zit片美景。Zit份精神mai講di hit時陣ａ，就算di現代恐驚ma足少人edang做到。Di人類zit幾百冬來不斷開發自然資源ｅ過程中，gorh有幾個人會去想著保育ｅ重要性呢？更何況Beatrix只是一個畫兒童繪本ｅ女作家呢？

三、Miss Porterｅ生活背景
Ｄi Beatrix hit-e年代，是女性主義du發展ｅ時陣，所以可能加減影響到伊ｅ
觀念，加上ui中產階級家庭出身ｅBeatrix是受過教育ｅ，kah容易有家己ｅ想法，ma間接造成伊hit種自我獨立ｅ女性意識。但畢竟hit當陣iah是父權社會，若是伊有家己ｅ想法gah理想，ma因為愛顧慮著社會ｅ觀感來受到父母ｅ限制，這對伊來講是足無公平ｅ代誌。
　　Beatrix除了兒童繪本之外，對蕈類ｅ研究ma足厲害ｅ，伊描繪足濟真菌ｅ詳細紀錄圖甚至寫下了研究論文，edang講是hit當陣這塊領域ｅ研究先鋒，只是di當時科學界對女性無平等ｅ待遇之下，伊ｅ研究並無機會來公開發表，ma致使伊di這方面ｅ成果並無像伊ｅ繪本ziah-niah-a大流傳。

四、結語
　　十九世紀ｅ女性主義主要ｅ訴求是女性di社會地位gah公民投票ｅ權利愛gah男性仝款平等，但廣義來講攏是追求男女ｅ平等gah女性ｅ自主權，ze ham咱ui Beatrix身上看著ｅ是仝款ｅ。無論是出版繪本、追求愛情、iah是伊最後選擇離開父母家己到湖區ｅ農場生活，自頭至尾攏無向hit個無公平ｅ大環境來妥協，dor親像是現代女性hit款ｅ堅強。換另外一個角度來看，di無聽父母ｅ話zit一點，可能Beatrix dor親像伊筆下ｅPeter Rabbit [彼得兔] 仝款ｅzi-zu吧！但是Beatrix是活出家己ｅ路，而且mvat對伊創作gah愛情ｅ選擇來後悔，雖然di zit條路上有足濟ｅ阻礙，伊ma是勇敢ｅ走到伊人生ｅ終點，留ho咱ｅｍ是ganna具體ｅ創作繪本gah自然資源nia-nia，更重要ｅ是伊喚起了保育觀念gah女性意識ｅ覺醒，zit款偉大ｅ精神實在足值得ho咱來尊敬gah學習！

參考資料：
１. daiqi007 :: PIXNET 痞客邦 :: 　
http://daiqi007.pixnet.net/blog
２. 維基百科－碧雅翠絲•波特
http://zh.wikipedia.org/w/index.php?title=%E7%A2%A7%E9%9B%85%E7%BF%A0%E7%B5%B2%C2%B7%E6%B3%A2%E7%89%B9&variant=zh-tw
３. 維基百科－女權主義
http://zh.wikipedia.org/w/index.php?title=%E5%A5%B3%E6%80%A7%E4%B8%BB%E7%BE%A9&variant=zh-tw
４. 波特小姐 – 燕雀的四季 – Pchome新聞台Blog
http://mypaper.pchome.com.tw/news/chenghw29/3/1280100313/20070223035558/
５. 波特小姐 比得兔的誕生 [miss porter]
http://misspotter.cmcmovie.com/index2.htm

Miss Potter小姐 gah 彼特兔 e 故事
數學系 賴韻涵
　　Zit 次看到課堂上e 影片，是我第一次認識Miss Pottergah 伊e 彼特兔。伊ui qin-a e 時陣就甲意畫圖，對自然世界有一種狂熱e 喜愛，常常ga 小動物當成畫圖e 小模特兒，ga 伊看著e 一切畫落來，gorh 發揮伊e 想像力，ga 小動物變成一寡小角色，化為伊深受喜愛e 繪本小書e 主角。（親像小兔彼特，伊是Miss Potter di qin-a e 時陣e 朋友；gorh有鴨母潔瑪，ma創造【母鴨潔瑪e故事】）
　　Miss Potter本來出生di 富貴家庭，mgor 伊vor 甲意gah 別人交際應酬，逐工dor di 伊e 房間畫圖。後來，伊du dior 出版商「沃恩公司e Norman諾曼 先生」，伊ga Miss Potter的插畫變成一本本e 小繪本，第一本【小兔彼特e 故事】，後來gorh 有【松鼠胡來e 故事】、【格洛斯特e 裁縫】、【小兔班傑明e 故事】gah 【兩支歹老鼠e 故事】等等，大家攏ho 繪本中e 可愛角色吸引，爭相愛買Miss Pottere 書送ho 自己的qin-a 看。因為小書e 出版kangkue ，伊gah Norman先生產生愛意，mgor Miss Potter e 父母vor 贊同yin 兩人e 婚姻，過程中想veh 叫yin 兩人在考慮一陣仔。當Miss Potter收下諾曼ho 伊e 戒指時，伊一度以為家己e 故事中會有一個「美好e 結局」，mgor di yin veh 結婚之前，Norman先生dior 過世a ，這ho Miss Potter傷心好一陣日子，當時，Miss Potter伊看著e 世界是灰暗e ，伊無法度畫圖，也無法度作任何e代誌。
　　1905年，伊用小書e 版稅收入gah 親人e 遺產，買落來湖區梭利村e 一個農場，Miss Potter除了執著di 伊e 作品外，gorh 更執著di 生態維護e堅持頂面，Miss Potter用伊e 想像力創造許多趣味e 動物故事，為家己累積了一筆財富，伊e 後半生全力奉獻ho 大自然免汙染，死後，gorh ga 伊e 財富捐ho 基金會，去幫助需要幫助e 人。
　　Miss Potter除了擁有ho 伊名利雙收e 小書外，伊gorh 用伊e 雙目認真詳細deh 觀察昆蟲gah 兩棲動物e 習性，ga 觀察e 結果一項一項呈現di 圖文信上，伊ma 有對菇菌類做研究，用伊e 畫圖技巧，畫出真濟逼真e 伊di 戶外看見 e 菇類，有時，gorh 畫出zit 寡菇類e 顯微素描圖，伊ma 會做菇類e標本來收藏，di 當時，Miss Potter對菇類e 研究，可說是走di 時代e 前端。
　　Miss Potter是一個勇敢e 女子，伊勇敢追求家己e 夢想， m 管是愛情、事業、a 是理想，伊都家己親手一點一滴e 建立。伊m 管別人veh 安怎看伊，對伊來講，伊vor甲意做一個別人眼中e 上流淑女，畫圖才是伊e 世界，di 建設商veh 破害自然山水e 時陣，因為hit 片田園山光是伊e 靈感來源，伊無在意veh 用外濟錢dior 是veh ga hit 片土地買落來，dior 算別人認為伊足奇怪，伊ma 無在意。Miss Potter一生攏拍拚deh 做伊家己想veh 做e 代誌。




參考資料：Miss Potter和彼得兔的故事　
　　　　　作者／Linda Lear　譯者／張字樟等　2008年3月初版

勇敢gorh 好心e新女性 ─ Miss Potter
外語 侯汶姍

zit部電影主要是le講Peter Rabbit﹝彼得兔﹞e 作者，Miss Potter，伊創作靈感e源頭ham 充滿趣味e幻想世界，gorh 有出版伊e故事書時，gah出版商Mr. Norman之間產生e愛情。後來出zit 個重大e轉折，diorh是伊e 未婚夫Mr. Norman過身了。但是伊無ho zit 個壞消息拍倒，伊dan diorh選擇dizit陣搬出厝內，開始孤一個人生活，伊會hiah-nih出名e另外zit寡原因，是伊對湖區e環境保育有重要貢獻。影片末尾，伊di土地仲介商e陪伴下，拯救了足多青山綠水，「好心e人有好報」，最後伊gorh找著伊e第二春。
我自足早以前diorh 對Peter Rabbit ｅ作家足有興趣，因為伊ｅ作品真正趣味gorh 單純，m知可以寫出hiah-nih生動e童書作家伊e一生是如何，iau有伊e心內到底在想什麼。看完這部電影後，我對Miss Potter真正尊敬，因為我感覺Miss Potter 是一個勇敢e女性，伊足勇敢追求家己e理想，m驚別人恥笑，追求家己真正想veh e愛情。di hit個時代，雖然伊看起來只是一個年紀大又歹勢內向e老姑婆，但伊e心內deh做重要e抉擇時卻相當堅強，因為伊清楚e知影家己愛e是什麼。去找尋出版商洽談書本出版意願時，是伊家己勇敢跨出e第一步，答應Mr. Norman 求婚後，伊ma表現出積極追求愛情e態度，甚至di Mr. Norman破病死了後，伊堅強決意e搬出家內，孤一個人到湖區找尋靈感時，ma m dann gah父母賭氣，而是真正獨立追尋家己e人生。伊善良e 單純心志ham一直拍拚m認輸e精神，ho伊成做流芳百世e出名童書作家。
當伊從失去摯愛e悲慟中走出來，重新找回生活e目標，面對hit寡氣勢雄雄e開發者大聲說出：「這裡是我e靈感，我要保護這裡，ho後代子子孫孫攏可以看著zia美麗e面貌。」時，我心內對伊實在有夠佩服gah感內。若不是有伊環境保育盡心餘力e堅持，咱zia-e後代子孫dor無機會看著這片青山綠水了。有e人成功之後是家己享福，但是我看著Miss Potter自頭到尾不變e態度，做人謙虛又體貼，ma mm單單ga伊趁e錢開di家己過好日子，顛倒ga錢開di做zit款有意義e代誌。若是每一個有錢人攏有按呢e心志，除了趁錢之外ma知影回饋社會，按呢zit 個世界就會lu kah美好了。
這個暑假到英國旅行時，才du去”hill top”拜訪了Beatrix Potter e故居ham The World of Beatrix Potter，所以di看這部影片時，不知不覺就想veh看家己ham Beatrix行過e腳跡m是仝款。我上甲意其中一幕是Beatrix 站di 湖區e草原上，日光di伊身上ia落一片金色e光輝，看起來好像一個聖潔e天使按呢。原來，一個人di感覺真正e快樂、回到屬di伊e所在e時，suah會ziah-nih-a美麗，看了實在真羨慕。咱攏是大學生了，di一工gorh一工e無閒生活中，咱gam gorh會停下腳步，聽看mai家己心內e聲音，知影家己到底是愛什麼嗎？細漢時，咱可能vat抱著足濟夢想，但是di現實生活環境e考慮之下，hit寡夢想gor存在嗎？di zit部電影中，我看著Miss Potter知影家己愛什麼以後，就勇敢e去做出來了。尤其di當時歧視女性e社會風氣下，女性身上有足多世人e刻板印象，愛突破重重e關卡阻礙，ham別人異樣e眼光，是有夠不容易e代誌啊！但是Miss Potter做到了，並且以實力證明，雖然伊只是女性、雖然只是zit le童書作家，照常可以趁足濟錢，家己過著真好e生活。
人生常常會面臨足濟ho人為難e選擇，到底是veh向現實環境投降，還是順從家己心內e欲望？我想這絕對無正確e答案。若是Miss Potter di父母阻撓伊ham Mr. Norman e婚事時，堅持家己e慾望gah Mr. Norman結婚了，可能Mr. Norman dor m免到雨中送行，ma dorh ve破病死了。但是歷史ma 會改寫，Miss Potter 可能就創造ve出lu好e作品，ma veh gorh轉去湖區，lua無可能買湖區e土地了。按呢伊di歷史上e地位ma veh hiah-nih重要，只是zit個普通e童書作家了。所以我想，Miss Potter e勇敢，是勇敢做真正對e事情。Mgor因為伊e好心腸，體貼父母疼惜伊e心情，所以di婚事方面，向現實環境投降。後來事實證明按呢e選擇可能對伊e發展卡是好ｅ，若閣伊真正嫁ho Mr. Norman，身體足lum e Mr. Norman 可能真早就死a，守寡e Miss Potter ma veh hiah-nih幸福吧！

生態議題 生科 陳鐸文
di Miss Potter中，Miss Potter di 趁diorh錢了後，用這錢去買足濟土地保持伊ｅ自然環境，ho足濟所在攏無ho人去破壞，ho動物有好ｅ環境edang生活，vue ho人ga伊ｅ厝破壞了了，無所在tang活，實在是為英國ｅ生態做了非常好ｅ代誌，zit種為大自然做一寡代誌ｅ精神ga想法，是咱愛去學ｅ。
咱生活ｅ所在－臺灣是zit個足水ｅ寶島，也mgorh di過去三四十年ｅ時間內底，咱生活di這土地ｅ人做了真濟足過分ｅ代誌，zit ma咱應該好好ga看一下。Di科技ah未足進步ｅ時陣，生活di一塊土地ｅ人用非常自然ｅ方法過生活，人gah大自然是和平作伙ｅ，人vue對大自然做一寡有傷害ｅ代誌，所以di科技ah未發展ｅ時陣，雖然有人dizia，但是咱一塊土地上ｅ生態無受著足濟ｅ破壞，全部ｅ動物攏是一代傳一代。為啥麼按呢講le？因為di咱ｅ原住民身上diorh會使看著足濟人gah大自然和平相處ｅ證據，親像足濟m通做ｅ代誌、足濟對神明ｅ尊敬、足濟謝天ｅ活動，上重要ｅ是，原住民有一個非常好ｅ做法，diorh是di固定ｅ時陣m去扑獵、種物件，ho大自然ｅ生物有重新繁衍ｅ機會，diorh按呢，zit塊土地ｅ生命是vue因為人死了了。這是di卡早以前人gah自然做伙ｅ方式。Di zia阮會使看出來人ma是自然生態內底ｅ一部分，所以vue傷害對方，di zit時人無法度去控制天，人只是依賴經驗來生活。
Mgorh，人總是會進步，一切會改變diorh是ui人ｅ科學有大ｅ進步開始。Di zit時陣開始，阮了解足濟卡早以前m知ｅ代誌、看天食飯ｅ代誌，攏總有解釋a，所以人認為所有ｅ一切攏di阮ｅ手中，無啥物是科學無法度解決ｅ，可能diorh是按呢，人開始將家己當作萬物之首，地球上所有ｅ一切，人攏會使凊采teh、凊采用，m知所有ｅ一切攏m是永遠有ｅ，總有用了ｅzit工，gor加上人開始變成足難滿足，對咱ｅ自然不斷ｅteh物件，di Miss Porter中咱ma有看著足濟生意人愛將土地開發作sngｅ所在、住ｅ所在，diorh是為了tan錢，伊ｅ目中所看diorhｅ是zit塊土地會使為伊tan 外濟錢，根本無想diorh hit塊土地上ｅ生命，diorh按呢足濟動物失去inｅ厝、失去in生活ｅ所在，漸漸行上滅亡，這是第一gai大自然ｅ危機，已經ho真濟物種di咱ｅ地球看無啊。M過這ia只是開始niania，續lor來人因為動物本身攏是足有價值ｅ，開始去掠hit款會使賣好價ｅ動物，因此ho咱ｅ自然進入恐怖ｅ災難中。親像有足水ｅ皮ｅ動物，diorh ho真濟歹人掠gah變成保育類，din veh絕種a，現在ｅ囝仔只會使di冊中看著。除了為著水ｅ皮，人gorh有顧食，所有好食ｅ物件人攏teh來食，傷害上深ｅ是咱周圍ｅ海洋，因為咱台灣人對海ｅ無知ga m對ｅ觀念，認為海中ｅ動物是teh vue了ｅ，漁民為著趁錢，拼命掠魚，加上咱無知ｅ政府大力鼓勵gah幫助，人掠魚是愈掠愈濟啊，m過問題出現啊，di討海人掠愈濟魚ｅ時陣，魚ｅ價值ma直直落，無法度ｅ討海人只有掠gorh卡濟ｅ魚，因此本來真豐富ｅ海產，有zit寡魚像烏魚ｅ量ga以前比起來，是減足濟lo。最後，造成咱自然上大ｅ傷害ｅ，是人ｅ活動污染了環境，改變真濟生物ｅ生活環境，使原本適合生存ｅ所在，一暫仔diorh完全變了模樣，結果有真濟原來生活di臺灣zit塊土地ｅ生物diorh按呢消失去啊。
M過，雖然咱到現在已經造成真濟大自然ｅ破壞，無法度像Miss Potter 仝款用保持原樣ｅ方法來保護咱ｅ大自然，需要用卡濟氣力來使大自然變倒轉來，這需要每一個人攏出力zia會使，m按呢作，咱ｅ自然將無法度受著保護，有無去r復原ｅ機會啊。Ve按怎作le？第一步，大家愛開始去學gah自然中ｅ生物有關ｅ知識，ui了解咱ｅ大自然作起，只有有了解啊，咱zia知影ve按怎起保護，按怎作ziah ve傷害diorh自然中ｅ生命，上愛注意ｅ是di咱保護某一個物種ｅ時陣，倒轉來傷害diorh其他ｅ物種，這是m對ｅ，會發生zit款代誌dior是因為咱也未對生活di一塊土地ｅ生命完全了解diorh開始保護，zia會造成zit款結果，愛會記ｅ，作一半比無做gorh卡vai，所以愛保護自然前，一定愛先了解zia會ing zih。續落來，咱愛開始改變咱過去ｅzit款行為，尤其是dor位水diorh往dor位行，一堆人去原本無啥麼人ｅ所在，是會對當地ｅ生物造成足大ｅ攪擾，影響diorh伊ｅ生活，親像足濟山確實是因為siunn濟人去，所以受著傷害，咱ｅ九份dior是一個因為按呢受著傷害ｅ所在，di「悲情城市」zit部電影紅了後，九份diorh變成觀光勝地，足濟觀光客來到九份，造成九份ｅ環境有真大ｅ傷害。愛知影，diorh是因為觀光客濟，生意人ziah會去開發hia，dior為著ve趁卡濟ｅ錢，所以咱mai為著好sng，diorh去找hit 個所在，zit款作法只有造成gor卡大ｅ傷害nia nia。第三，咱ｅ政府di自然ｅ保護上是一個真重要ｅ角色，當咱開始保護自然ｅ同時，卡輸講有政府ｅ支持，dior會事半功倍，政府ｅ宣導、政府ｅ法令、政府ｅ公權力，攏是保護自然上重要ｅ代誌，一般人無法度ho生意人、山老鼠ve去破壞山林，m過政府會使，只靠社會ｅ團體真難影響dior所有ｅ人，m過政府會使，目前足可惜ｅ是咱ｅ政府dior di hia罵來罵去，攏無deh注意咱自然ｅ問題，這是上需要改變ｅ。最後，咱愛去尊重原住民ｅ文化gah生活ｅ方式，mai去改變伊，因為he是gah大自然和平相處ｅ生活方式，無需要因為科技ｅ進步dior改變。
我想，大自然是天公伯a予阮ｅ一個足大、足神奇ｅ寶藏，老實講真濟大自然ｅ代誌到現在攏無法度用科學來解釋，按呢咱干ｅsai凊采gah伊破壞了了嗎？當然是vue inｅ，身為清華大學ｅ學生，加上是學生物ｅ，保護自然是咱真重要ｅ代誌，雖然無法度像Miss Potter仝款買土地保護自然，m過咱ｅsai用行動來做，絕對m通ho這美麗ｅ環境di咱ｅ手中破壞了了。

“九降風”e看後心得 吳育銘
當“九降風”上演e時候dor想去看，mgor di hit a 時陣無時間去，後來學校剛好電影小組veh放映”九降風”，dor按呢直接去買票，就去看了zit部“九降風”。
di一開始e畫面，時間di 1996年，七位稚嫩ham帶著外表熱情e竹東高中查甫qin-a，di新竹棒球場觀看職棒球賽e場景，球場上活力意志十足e球員正是當時風行e“時報鷹”。後來爆發e球員簽賭案gah黑鷹事件，使得七位男孩yin之間原本堅定ve變，親像兄弟手足按呢e情誼，dor親像碎裂e瓦片仝款，漸漸e分解……
我ㄧ開始看著zia-e場景，非常e符合當年e情景，m管是BB Call gah職棒，zia-e攏是di當年我足有印象e回憶，di這部片當中，兄弟文化ho演gah siap pah 兼dau dah，其中，我印象上深刻e是，yin半暝走入去游泳池游泳，大家ma因為兄弟e義氣gah冒著會去ho記大過e風險，做伙創治屬於yin e高中回憶，di這段，ho我想著我di高中時期e m vat 代誌，曾經做伙瘋狂e打鬧，也曾經因為朋友e義氣講了白賊話，mgorh zit攏是屬於我e回憶阿！
看完了zit部片，我真e感覺足濟感觸e，可能是因為di高中ma創造過不少輝煌e紀錄，兩支小過，原因是因為翻牆翹課，gah因為mvat 代誌gah師長做對頭，不過後來也因為遇著我高三e老師，不斷e指導我，並且分析我e未來，ho我了解著，我zit ma是屬於大人眼中所謂e歹“qin-a”了，我才開始反省，並開始努力e讀書，之後考上了淡江，透過轉學考考到了清華大學，我足歡喜我edang di zia, mgorh 若m是老師當初hia-e話，我可能就ve di zia !
高中，是屬於我e學習回憶，dor 親像電影裡e劇情仝款，朋友間e冤家gah意見veh合，gah yin對代誌e處理態度，gah對家己e ve曉想負責，是必須要經過學習gah經歷才學習會著e，所以我愛zit部片中導演安排e劇情，雖然有一點誇張，mgorh卻ma講出了高中生e叛逆，並且di做m 對e代誌當中學習真濟e寶貴e經驗！

mgorh“九降風”上ho我驚異e是，伊真e有cue廖敏雄本尊來客串演出，我真e看了gah 外呢a震撼阿!當初e時報鷹球員簽賭案，即使無deh看職棒e我ma攏知e代誌，廖敏雄至此以後dor gorh 無出現di球場，ho裁判判終身禁賽了。mgorh我想為何di電影尾仔伊出現di屏東故鄉e棒球場，是因為伊有坦然面對過去所犯下e錯誤了。但是伊跟張捷之間e對話，看di我e眼裡真e是心酸酸e，廖敏雄he面落寞又心裡帶著痛vedang出賽e表情，he根本就免演，根本dor是diu講伊過去e代誌啊！無疑dor 親像是一支利刃劃di往事e傷口上。mgorh我感覺伊後來e動作，腳手動作間流露著緣投，gor自在e神情，真e ho我覺得心裡起了足大e震撼。m管伊過去犯下什麼無法彌補e錯誤，伊猶原是當初ho人印象深刻，風光十足迷倒萬眾少女e棒球王子。
雖然廖敏雄現di外表看來有著歲月e痕跡，mgorh 無減e 是伊當初hit副緣投e模樣啊！到今仔日 di我腦海中e畫面ma是停留di電影最後那幅片段。如果以前是支持時報鷹e六、七年級生e球迷們看“九降風”e話，我想看到最後心情攏會忍不住激動起來，甚至流目屎吧！
最後，我看完這部片心中有感動是真e，因為zit部片，ho我回憶起我e高中生活，ho我回憶起我做過所有m對e代誌，gah後來e反省，做m對，反省是足重要e，這句話是我高中老師ga我講e，並且要付出行動，如何去補救，如何e保證下次veh gorh犯，這是上重要e！
我只edang講，“九降風”這部片雖然m親像“海角七號”hiahe熱門，mgorh我相信，“九降風”並ve輸ho“海角七號”，因為每個人攏有做學生e時，攏有屬於家己e過去，可能親像看完“海角七號”你會ho台灣e鄉土幽默吸引住，ho伊e愛情感動到，mgorh你看完“九降風”，你會開始思考，過去e你di做什麼，過去e國中高中生活你學到了什麼，是m是親像片中e七位男生ui中反省，ui中了解到做人處事e道理，絕對mai意氣用事！

Miss Potter
張力
阮di課堂上看 zit 部” Miss Potter”，是di le 講zit 位女作家， Potterｅ故事、伊gah Normanｅ愛情、也有伊ｅ作品。
Zit 部片有足濟所在edang ho 阮去討論，di 家庭方面來講，Potter 出世di 一個富裕ｅ家庭，所以伊自細漢dor 學著ve少ｅ藝術經驗，ma 有養足濟ｅ小動物，每一個夏天yin 全家會去湖畔sng，我想是ziaｅ原因 ho Potter dui 小動物真有興趣，所以伊想veh出繪本，ho 逐家去體會動物ｅsui。
Di hit 當時傳統ｅ觀念，Potter無應該有家己ｅ工作，伊應該去嫁ho zit個好翁，ho老爺飼，做一個好某，但是伊堅持veh行家己ｅ路，所以伊時常gah yin 阿母冤家。這實在是zit 件無簡單ｅ代誌，yin ｅ觀念diorh 是查某找一個好翁婿，做一個好牽手diorh好，m免siunn濟ｅ自由。我想ma是zit個原因，伊gah Normanｅ妹妹是真好ｅ朋友，yin vor 願意做ho 社會教條綁起來ｅ查某人，yin veh 追求yin 真正ｅ幸福。Mgor zitma 咱知影，男女是平等。
Potter gah Norman ｅ愛情，ma 是zit部電影ho我印象深刻ｅ所在，zit 開始，Potter veh 出zit 本冊，mgor Normanｅ哥哥yin m 相信書edang大賣，所以yin 叫mvat u 出冊經驗ｅNorman去gah Potter參詳，Potter 雖然無奈，但是ma 無法度，diorh gah Norman 合作。Di yin 出書ｅ過程中，yin 發覺對方ｅ好，所以di Potter 第一本冊大賣後，Potter 講 yin 假若 結束a，mgor 其實yin 兩個人攏無願意按呢dor結束，所以Norman diorh ga Potter 鼓勵，鼓勵伊繼續gorh 畫落去。
Potter 伊ｅ個性ma是ho伊成功ｅ一個條件，伊真龜毛，電影內底，有一幕是伊gah Norman 去印刷廠，印刷廠ｅ工人為成本，印m 好看，伊diorh 堅持veh印ho好。成功ｅ人m是無原因，成功ｅ人攏u yin 成功ｅ理由。 Potter堅持伊ｅ作品vedang因為veh減成本diorh變m好看。ma是因為按呢，所以伊ｅ作品”Potter Rabbit”才edang hiah nih 紅。
Mgor 代誌m 是永遠攏hiah好康，伊ｅ爸母自頭到尾反對伊gah Norman，雖然Potter一直堅持。所以yin diorh想一個辦法，diorh是暫時分開，順續試驗伊gah Norman間是m是真正真心相愛，但不幸ｅ代誌總是發生di上光ｅ人身上，死神ｅ魔爪ma di zit 時 伸向Norman，伊雄狂走去找Norman時，Potter才知影Norman已經死。Dui 任何人來講，攏是就歹熬ｅ艱苦。失去搭心ｅ人，Potter 真無助，伊ｅ小動物攏總走去，伊失去伊ｅ靈感，伊失去性命ｅ依靠。
但是Potter 並無放棄，雖然u 足濟ｅ艱辛，伊鎖di裡房間，後來gah Normanｅ妹妹講話，心情卡好a。伊將重心kng di裡大自然，伊將伊出冊ｅ財產，攏拿去買土地內，別人當作伊是痟ｅ，mgor伊知影伊按呢做是對ｅ，伊edang di 大自然內底重新找回伊ｅ靈感，ma edang 安慰伊失去貼心意愛ｅ痛苦，閣edang ho sui ｅ 大自然土地ma ho 建商去開發，真正是一兼兩顧，摸蛤仔兼洗褲。
我ｅ感覺是，Potter是一個就有責任感ｅ人，會對伊ｅ家庭負責，所以伊願意聽伊爸母ｅ話，雖然伊是hiah nih 愛Norman；伊對伊ｅ讀者負責，所以伊要求伊ｅ作品愛是上好ｅ才edang出冊；伊ma對Norman負責，所以di Norman死後，伊並無自暴自棄，伊重新再出發；伊閣卡是一個對社會負責ｅ人，di 咱看起來，用hiah 濟錢去買土地，真ｅ是痟ｅ，雖然我m 知影伊是m是因為u 環保觀念才去買地，但是因為伊ｅ行為，保育土地，後代才看會著hiah nih a suiｅ景緻，伊ma ui 中找回伊ｅ靈感。因為伊是按呢負責ｅ人，所以伊才edang成功，伊ｅ作品ma edang 永久流傳。

追求家己的人生 : Miss Potter 賴皇甫
Beatrix Potter[碧雅翠絲波特]di1866年出世di英國ｅ郊區。當時ｅ英國，女性猶原hong限制di厝內，男主外，女主內的觀念影響每一人足深，足濟婦女生活di社會的邊緣，並且深深受diorh男尊女卑ｅ觀念影響，已婚婦女di法律上屬di“無存在”的狀態，這m若是傳統社會風氣gah近代kang kue中男女的分工所致，ma是男性主流社會產生ｅ結果。Miss Potter[波特小姐]出生時，du好是英國女性主義du開始發展ｅ時陣，這犯勢gah伊ｅ個性有一定程度ｅ關係，因為大部份ｅ女性攏leh想嫁ho一個好翁婿，處理好厝內一切大細項代誌，但是伊ve以「獨立女性」ｅ姿態，對好友發表無愛結婚ｅ宣言，ui zia edang 看出Miss Potter 無想veh 行傳統ｅ模式:大漢、相親、結婚、生囝仔、老去仝款，伊想veh追求家已ｅ人生。
這種性別觀念，大大ｅ限制婦女ｅ發展；何況，Miss Potter出生di英國ｅ傳統貴族家庭中，zit種hong限制ｅ狀況是一定有ｅ。自細漢，Miss Potter diorh ho 父母教育做一個有禮貌ｅ囝仔，diorh 算是下腳手人，伊仝款足有禮貌，可能因為貴族家庭ｅ關係；而且伊ma是一le足bi su，但是對已經下決心ｅ代誌是非常堅定ｅ。面對出版商Norman[諾曼]ｅ求婚，一開始m知如何是好，到後來答應，徹底ｅ展現Miss Potter ｅ堅定。
伊自細漢過著維多利亞時代ｅ田gap仔生活，有奶母小心ｅ照顧，gah家庭教師di厝內教伊。細漢時，Miss Potter diorh 展現伊ｅ藝術天分，幸運ｅ是，伊ｅ父母鼓勵伊閣gah濟ｅ發展家已ｅ天賦，並且ma接受伊對自然ｅ狂熱。in cua 伊去參觀畫廊gah展覽，ma幫伊安排上素描課。伊gah伊ｅ小弟di厝內頂樓ｅ房間內飼各種動物，因為本身dior有足好ｅ觀察力並且是看實體來畫ｅ，所以in筆下ｅ生物攏擁有一定ｅ精確度。每年熱天，伊ｅ老父為了享受釣魚gah hip相ｅ趣味，攏會di英格蘭湖區租一間大厝住三個月，因為a呢，伊有閣gah濟ｅ自由會使自由ｅ探索自然ｅ美麗，閣會使趁機會觀察野生ｅ動物gah植物。
伊ｅ內心是甲意自然又閣古意ｅ，di一gai到湖區休睏時，弟弟看著一寡庄腳ｅ囝仔，雖然身軀穿ｅ是真sui而且清氣ｅ衫，但是伊有足想veh走去gah hia ｅ囝仔鬥cit tor，雖然衫可能會變垃圾。zit種單純ｅ個性，是ho伊會使一直有靈感ｅ關鍵之一，因為單純，會使看著一般人用功利ｅ目睭看ve到ｅ事物，而且寫出來ｅ故事才會使帶ho人感動。
大漢以後，Miss Potter hong期待像大部分ｅ年輕女性仝款，di厝陪伴父母，但是伊全心di伊ｅ創作中，過程中，伊發現著身為女性veh di在當時有一番成就是無簡單，畢竟m是一個女性有siunn濟權力ｅ社會，但伊並無屈服di社會之下，顛倒靠家已對畫圖ｅ熱情gahve放棄ｅ毅力，一個人去找願意出版伊ｅ創作ｅ出版商。伊ga手稿寄ho足濟個出版商，但攏hong拒絕。因為受著足濟出版商ｅ拒絕，所以找著一間書商願意出版Miss Potter ｅ創作時，伊非常ｅ歡喜，ui印製到出版，伊攏親身參與，ma di過程中，熟識Norman，兩人做伙做kang kue，伊非常重視Norman ｅ意見gah肯定。因為Norman ｅ存在，所以Miss Potter充滿靈感ｅ想故事、講故事、寫故事、畫故事。m管看著什麼物件，攏會噢一聲，然後說：「我想著一個新故事，你聽我講……」；因為長時間做伙，二個人有了好感，有一工，Norman向伊求婚，伊躊躇一時仔，想到無外久前zia發表無愛結婚ｅ宣言，但是gah好友同時ma是Norman ｅ妹妹Millie[米莉]討論了後，伊答應了。雖然伊ｅ父母反對查某囝仔落嫁，伊猶原決定接受伊ｅ求婚，Miss Potter面對老父ｅ問題時，講：「我無愛相親，m是代表我著失去hong愛ｅ權利。」使人遺憾ｅ是，這樁婚姻無真正發生。Norman di in訂婚ｅ幾禮拜了後，因為得著白血病過身。Miss Potter因為zit件代誌足傷心。卡早進前，伊vat利用版稅，di伊自細漢上愛ｅ湖區，買一座Hilltop[丘頂]農莊。Norman死了後，伊長居di湖區，而且藉創作，走找心靈ｅ安慰。
Miss Potter he m屈服社會、家庭，追求家已ｅ一切ｅ精神，diorh 算講閣加濟ｅ逆境gah困難，伊總是不斷去突破，無因為這ｅ困難dorh放棄伊ｅ夢想，顛倒是ho伊ｅ決心更加強烈；但是zitma，人足簡單diorh因為社會ｅ風氣、親人ｅ看法、抑是家已無夠堅強ｅ個性就放棄原本ｅ目標，但是成功ｅ人，抑是說di家已ｅ人生是成功ｅ，zia e人一定攏是經過足濟別人m知ｅ辛苦，猶原行過來a，zia 會使做到成功ｅ人生。

參考資料：碧雅翠絲波特 人物生平 @ 古銅小莎 . :: 痞客邦PIXNET ::
http://sassa.pixnet.net/blog/post/2200493

細觀Miss Potter
許倩毓
一、 前言
電影Miss Potter[波特小姐] 中，藉著描寫Miss Potter伊充滿挑戰ｅ出冊過程，來呈現伊gah動物互動ｅ情形ham伊前衛ｅ思想gah樂觀ｅ個性。Zit篇報告將藉電影ｅ內容討論Miss Potter gah動物互動ｅ情形如何影響伊對環境ｅ看法，ma分析Miss Potter身為女性di hit個時代所受ｅ限制，了後討論Miss Potterｅ個性對伊ｅ成就ｅ影響。
二、 動物gah環境
Ui電影中edang發現Miss Potter看待動物ｅ方式gah一般人無仝。伊將每一隻動物攏當作人仝款，gah yin講話、分享家己ｅ心情。伊甚至edang看著畫中ｅ動物deh din動、看著yin deh cittor、ia 是deh無歡喜。對Miss Potter 來講，動物gah人是無差別ｅ，不管是人ia是動物，攏是有生命ｅ、有感情ｅ，攏edang體會環境ｅ變化。伊zit款保惜生命、尊重生命ｅ觀念真值得咱ｅ學習。
Miss Potter zit款愛護生命ｅ想法ma影響伊對環境保護ｅ重視。Di Miss Potter 細漢ｅ時陣，伊ｅ老爸每冬攏會cua伊去湖區渡假，所以自細漢Miss Potter dior 定定gah大自然有接觸，對伊來講，湖區不止是渡假ｅ所在，ma是充滿細漢時期記憶ｅ所在，對zit個所在伊是有感情ｅ。另外，因為Miss Potter 是zia ni a 珍愛動物，ia大自然是動物生存ｅ所在，所以edang講Miss Potter 對環境保護ｅ重視是源自伊對動物ｅ愛護。
Dior是因為自細漢diorh ham湖區培養感情，gah加上對動物ｅ喜愛，對 Miss Potter 來講，湖區ｅ保護edang講是伊ｅ生命。伊出錢出力，甚至到死後，gorh將遺產ｅ一部份捐出來做湖區保育ｅ基金，diorh是為著保護湖區自然ｅ景色ve受污染gah破壞。
Di hit陣，正是工業革命後ｅ時代，不管是工業ia是經濟攏快速發展，對土地ｅ開發也愈來愈緊、愈來愈濟，大部份ｅ人攏dann注意著繁榮ｅ經濟ham愈來愈好ｅ生活條件，真少人會注意著環境保護ｅ議題，閣卡m免講是提家己ｅ錢出來提倡環境保護，但是ziaｅ代誌Miss Potter 攏做到a。Zit款前衛ｅ想法，ma說明了Miss Potter 是一位有想法而且心胸寬闊、眼光長遠ｅ人。
三、 女性ｅ壓力
Di 19世紀後期到20世紀前期hit個保守ｅ時代，身為一位女性，Miss Potter 所受ｅ社會壓力是真大ｅ。Hit當陣社會對女性ｅ看法閣真保守ma真古板。女性di當陣hong認定應該趁少年diorh愛結婚，ma無需要讀qua濟冊，更m免出外趁錢。但是Miss Potter 真幸運，伊ｅ老爸di伊細漢ｅ時陣diorh請一位家庭教師來教伊，ho伊自細漢就裁培看冊ｅ興趣，也因此拍在了伊後來寫冊ｅ基礎。
女性ｅ婚姻di hit陣ma 受著多方面ｅ壓力，大部份ｅ人認為女性應該趁少年緊嫁翁、生囝，了後好好diam di厝內相夫教子。Zit款觀念di當時深深deh壓迫女性di各方面ｅ發展，di電影中ma edang發現Miss Potter e阿母就是一心希望伊edang緊找一個身份、地位、財產攏配會起yin厝ｅ人嫁過去。但是Miss Potter 知影，伊愛ｅ是一個edang陪di伊身邊，gah伊開講、分享生活樂趣、講心內話ｅ人。
Miss Potter 真知影家己deh創啥，ma真知影家己心內真正ｅ感受，所以並無聽信yin媽媽對伊婚姻ｅ安排。但是這並無代表Miss Potter 無希望得著愛情，當伊du著伊心內理想ｅ對象時，伊ma是全心全意去愛hit個人。雖然伊ｅ第一段感情並無美好ｅ結局，ma ho伊陷入深深ｅ痛苦當中，但是伊後來ia是ui痛苦ｅ深淵中行出來lo。尾手ma找著 edang陪伴伊一世人ｅ人，做伙行完伊精彩ｅ一生。
四、 個性gah成就
Ui第二gah第三節中edang看出Miss Potter是一位兼具理性gah感性ｅ人。對待動物時，伊將動物當作人仝款對待，ham yin講話、談心；對待感情時，伊付出全心去愛hit個人；當伊ｅ愛人離開時，伊也vat因為悲傷無法度冷靜、振作，這攏代表Miss Potter 感性ｅ性格。
當伊面對家己ｅ理想時，展現ｅ是理性ｅ伊。為著出冊伊找過真濟出版社，雖然hong拒絕真濟gai，伊猶原m願放棄、堅持理想，做伊認為對ｅ代誌。對環境ｅ保護伊ma有伊ｅ堅持，伊付出心力維護湖區ｅ自然景色、反對過分ｅ開發，閣出資來為湖區ｅ保護做實際ｅ奉獻。當伊面對愛人ｅ死，雖然vat因此消沈，但尾手ia是堅強ｅ行出悲傷，繼續完成伊ｅ理想。這攏是理性ｅMiss Potter。
感性ho Miss Potter edang體會別人無法度體會ｅ代誌；ho伊edang觀察著身邊每一項變化；ho伊edang享受愛情ｅ甜美；ma ho伊edang寫出動人ｅ故事。理性ho Miss Potter edang堅持自己ｅ理想，ve清彩放棄；ho伊面對壓力時edang堅強；ma ho伊di失去愛人了後，edang閣重新kia起來。
當面對挑戰ｅ時陣，人總是會驚惶，siunn感性ｅ人定定無法度冷靜思考做出正確ｅ判斷，siunn理性ｅ人有時suah做了siunn超過，ho人感覺無通情理。但是就是因為Miss Potter 兼具理性ham感性，ho伊edang冷靜思考每一項問題，將問題一項一項解決，但是伊ma會顧著人情ve做siunn超過。Zit款ｅ處事態度決定了Miss Potter 後來ｅ成功。
五、 結語
綜合以上ｅ討論，edang發現Miss Potter （1866-1943）雖然活di跨頂世紀前，但是伊ｅ想法已經超越當時保守ｅ觀念。身為一位有知識ｅ女性，伊並無因為社會壓力浪費伊ｅ才能，堅持理想也ho伊成為有名ｅ作家。不只是對家己ｅ人生有規劃，對身軀邊ｅ每一項代誌攏真關心，ma對環境ｅ保護真重視。Miss Potter 破除當時社會對女性ｅ限制，成功創作出一個新ｅ女性模範，也為伊家己di後世留下ve hong放vue記ｅ名聲。

Helen Beatrix Potter [碧雅翠絲．波特]對zit個世界ｅ貢獻
清大材料 高義程

Beatrix Potter出世di 1866年ｅLondon [倫敦]，伊自細漢開始dor攏di厝裡ho家庭老師來教伊讀冊，所以伊真少有機會ham平大漢ｅqin仔接觸。Ma因為按呢，伊di厝內飼真濟動物來ham伊做伴，有水雞、夜婆、兔仔等等。平常時伊會用真濟時間來觀察ziaｅ小動物，gorh會ga yin畫成圖，edang看出伊自細漢dor有畫圖方面ｅ天賦。
大漢了後，MissPotter di一gai旅行ｅ時陣，知影伊ｅ家庭老師ｅ大漢後生Noël Moore [諾亞]破病。為著 veh ga qin仔鼓勵，伊親身寫一張批，然後寄去ho Noël。Zit張批內底除了有一寡字以外，gorh有足濟Potter家己畫ｅ圖，是一張故事批。Noël足甲意zit個故事，所以伊真愛惜zit張批。後來zit個故事ma變成全世界大人qin仔攏甲意看ｅ故事冊－《The Tale of Peter Rabbit [小兔彼得的故事]》。

《The Tale of Peter Rabbit》系列故事冊
《The Tale of Peter Rabbit》上市了後，真緊dor賣出數千本，而且ma變成有史以來賣了上好ｅ兒童圖畫冊。然後伊gorh繼續出版真濟故事冊，包括《The Tale of Squirrel Nutkin [松鼠納特金的故事]》、《The Tale of Benjamin Bunny [小兔班傑明的故事]》、《The Tale of Two Bad Mice [兩隻壞老鼠的故事]》、《The Tale of Little Pig Robinson [小豬魯賓遜的故事]》等等，攏總23 本。Ziaｅ冊除了ho全世界ｅ大人qin仔看了真歡喜以外，以大自然ham一寡動物為主ｅ故事內容更加有足大ｅ教育力量，教人愛做好生態保育。Miss Potter特別甲意畫一寡身軀邊ｅ物件，親像花草動物ham自然景色，所以冊中真濟場景ham角色攏ui zia來。伊對畫圖方面非常要求，所以畫出來ｅ每一張圖攏足親像是真正ｅ物件，ma足有想像力。
因為Miss Potter全心投入畫圖，所以伊ｅ圖畫故事冊ho人讀起來特別有情感，ma按呢受著大人ham qin仔讀者ｅ甲意；因為伊ｅ題材攏ui身軀邊ｅ物件來，ho讀者讀起來感覺特別親切。Di故事冊veh出版ｅ時陣，伊 ma vat向出版社堅持講冊必須愛用小開本，ho qin仔ｅ細双手提冊卡方便，ma愛ho所有ｅ人攏買會起。Miss Potter就是有zit種四界為讀者設想ｅ心態，伊ｅ冊才有法度di上市ｅ時陣dor造成轟動。更加重要ｅ是伊親像中國ｅ孔子仝款，ho san食人兜ｅqin仔ma會使享受zit款看冊讀書ｅ趣味。

蕈類研究
除了對小動物有興趣以外，Potter對蕈類ｅ研究ma是足有興趣。伊有一gai di幾分鐘內dior發現20種無仝品種ｅ蕈類，了後gorh用幾a點鐘畫伊所cue著ｅ新品種，而且gorh畫gah非常正確。伊ｅ阿叔本來veh ga伊介紹ho科學界，但是因為當時ｅ社會觀念認為一個查某囡仔無可能edang做出什麼好ｅ研究，所以當時ｅ科學界攏無想veh接受伊。後來，Miss Potter 變成提出地衣[lichen]是藻類ham真菌所組成ｅ共生植物ｅ先覺之一。因為伊畫真濟地衣ham真菌ｅ圖gah深入ｅ觀察蕈類，所以伊成為當時di英國真受人尊敬ｅ真菌學家，伊同時ma有di研究孢子發芽gah真菌ｅ生命循環。伊畫了真詳細ｅ真菌圖，到1901年為止總共大約有270張，現在攏收di Lake District [湖區]ｅAmbleside [安波賽]ｅArmitt Library [阿米特圖書館]。

Hill Top Farm [丘頂農莊]
Miss Potter賣真濟冊然後變有錢了後，伊dor di England [英格蘭]ｅLake District買一個農莊，zit個農莊叫做Hill Top Farm。Di MIss Potterｅ未婚夫Norman Warne [諾曼]因為破病過身了後，伊dor搬去農莊hia住，開始伊ｅ另外一段人生，di hia伊ma重逢、熟識William Heelis [威廉希理士]。DiWilliamｅ幫助之下，Miss Potter開始飼Lake District品種上gai好ｅ綿羊。除了飼綿羊以外，農場內ma有飼其他ｅ動物，親像馬仔、兔仔、豬仔等等，伊ｅ生活ｅ重心ma ui寫冊gah畫圖轉變成畜牧，並且開始推廣自然資源保護，為生態保育拍拚。Hit個時陣因為汽車lu來lu普遍，所以lu來lu濟ｅ遊客edang足簡單dor來到Lake District zit個所在。為著veh保護Lake District ｅ土地以免ho人破壞，伊gorh繼續ga附近ｅ土地買起來，決定veh ga zia美麗ｅ土地永遠保存落來。一直到伊77歲過身ｅ時陣，伊總共di Lake District買了大約40公畝ｅ土地。Ziaｅ土地伊全部攏捐ho英國國家信託zit個英國上gai重要ｅ自然ham人文保存組織，希望edang保護ziaｅ土地，mai ho人破壞，ma ho後代ｅ囝孫edang保有zit個重要ｅ資產。Zit種永續經營ｅ精神，實在使人敬佩，ma edang作為後人ｅ模範。

Potter過身了後，留ho後人ｅ m是只有《The Tale of Peter Rabbit》系列故事冊、270張ｅ真菌圖、40公畝ｅ土地及ham自然資源nia nia，ia gorh有hit款四界為讀者設想ｅ精神、深入觀察ｅ研究精神、永續發展ｅ觀念ham生態保育ｅ觀念等等，攏是edang ho咱學習ｅ所在，而且這更加是對社會有足大ｅ貢獻。


參考資料:
1. 維基百科－碧雅翠絲•波特
http://zh.wikipedia.org/w/index.php?title=%E7%A2%A7%E9%9B%85%E7%BF%A0%E7%B5%B2%C2%B7%E6%B3%A2%E7%89%B9&variant=zh-hant
2. 青林學習樂園
http://www.012book.com.tw/lit/lit01h.html
3. 碧雅翠絲.波特 人物生平 @ 古銅小莎 . :: PIXNET 痞客邦 ::
http://sassa.pixnet.net/blog/post/2200493
4. 小兔彼得｜愛孩子、愛動物、愛自然的碧雅翠絲‧波特 - 青林國際出版--童書、繪本、藝術 - udn部落格
http://blog.udn.com/012book/2094823
5. Beatrix Potter
http://www.kirjasto.sci.fi/bpotter.htm
6. 200條台語常用詞聽寫練習題庫 時行台語文會輯 @ daiqi007 :: PIXNET 痞客邦 ::
http://daiqi007.pixnet.net/blog/post/14469896





材料系二年級 9631242 高義程

Doris Lessing得Nobel文學獎了後…
張春凰
英國88歲ｅ女作家Doris Lessing，di 2007年得著Nobel文學獎，半冬外了後，接受BBC廣播電台ｅ訪問，伊講得獎是該死ｅ災難，伊用流血流滴ｅ災厄(bloody disaster)來形容zit種世界 上喜樂難得ｅ大榮譽。
這無失去老薑ｅ尖利言語，當下qiah棍仔摃家己ｅ頭，因為得獎了後，伊ｅ名聲tang四海，成名之累，害伊一直接受訪談gah hip相ｅ活動，將近90歲ｅ人，除了難得ｅ頭殼清楚，edang有按呢ｅ體力，可喜。
可恨ｅ是，伊ｅ精力攏分散去了，無法度tang專精神書寫，所以講得獎是大災難。
得獎可能是一zua人生ｅ分水嶺，進前專心修煉，了後ga腦汁智慧貢獻ho世間，所以好、vai攏是做伙來ｅ，zit點想會通dor真爽快。
因為是按呢，所以Doris Lessing dor講出一世人ｅ經驗結晶心聲，伊ga少年講：“『mai想像 你會 永遠 攬抱著伊，』 當你有ｅ時 dor 好好運用， 因為伊會離開， 伊dor像水流 ui 出水口恬恬溜走按呢。」” (don’t imagine you’ll have it forever.’ Use it while you’ve got it because it’ll go, it’s sliding away like water down a plughole.)

Holmes回憶錄：祖厝ｅ禮典(The Musgrave Ritual)
by Conan Doyle；台譯：李威寬、張春凰、游政榮
我定定感覺我ｅ朋友Sherlock Holmesｅ思考方法精確有條理，伊身軀頂ｅ衫仔褲樸素gorh整齊，但是伊ｅ生活習慣卻是真散仙，ho gah伊住做伙ｅ人感覺心煩。我家己di zit方面gah伊無仝。我以前di Afghanistan［阿富汗］做兵，染著hit爿人民ve愛計較ｅ性情，ho我變gah足cin-cai，m是一個醫生應當有ｅ嚴格。但是對我來講總是有限度。親像伊ga薰kng di薰吹內，薰吹kng di Persian［波斯］cen拖仔裡，a一寡伊ｅ朋友寄來iau未答覆ｅ信件卻ho伊用一支大大ｅau折刀，插di木製壁爐台正中央ｅ時陣，我diorh開始感覺家己ia gorh比伊kah規矩。另外，我認為逐gai手槍練習是一種戶外消遣，a Holmes興趣若iann起來，diorh坐di伊ｅ扶手椅頭仔內，對壁烏白開槍，試伊ｅ槍法，所以he壁頂有真濟槍籽空，伊感覺按呢真趣味。
　　阮ｅ房間kng真濟化學藥品，比如講牛奶杯裡定定裝著伊ｅ化學藥品。另外，桌頂gah厝角攏堆滿伊kah早ｅ批ham伊探案時ｅ證物。Zit堆物件攏對伊真珍貴，suah完全無分類kng ho好。伊每一冬只有一兩gai集中精力去歸納處理yin。因為逐gai伊辦案了後，攏已經過度疲勞，必須歇睏。Di zit個期間，伊定定用伊甲意ｅ音樂ham冊本來消除伊ｅ疲勞，除了ui膨椅到桌邊以外攏ve sua動。按呢一個月gorh一個月，伊ｅ文件愈積愈厚，厝裡每一個角落攏堆著一捆一捆ｅ手稿，diorh差不多veh gah人平guan，mgorh伊m-na m肯燒掉，而且除了伊本人以外，誰ma不准ga yin sua動一腳步。
　　有一個冬天ｅ暗時，阮做伙坐di壁灶邊，互相開講，ma真趣味。我diorh趁zit時陣向伊提出，請伊ga堆積親像山ｅ批ham冊整理ho好，按呢厝裡會kah闊淡薄仔。伊聽著我ｅ話，感覺真對，突然間ma無法度拒絕，伊淡薄仔受氣行入伊ｅ房間，轉來ｅ時陣身後拖著一ka鐵皮大箱仔。伊ga箱仔kng di地板中央，diorh gu落去，拍開zit個箱仔蓋。我看箱仔內滿滿攏貼著文件，攏用紅帶仔捆做一捆一捆。
　　伊用失意ｅ目睭ga我相，講：「Watson，zit個箱仔內有真濟案件。我想若是你知影我內底全部ｅ案件，按呢你diorh會愛我ga裝入去ｅ檔案攏總teh出來leh。」
　　我問講：「按呢講，這攏是你早期辦案ｅ記載lo？我早早diorh想veh請你ga kah早ｅ偵探寫入我ｅ紀錄裡leh。」
　　「是a，我ｅ朋友，這攏是di我iah未出名以前辦ｅ案件。」伊講，慎重teh出一捆一捆ｅ文件。然後伊gorh講：「Watson，zia-e攏m是成功ｅ紀錄，因為我hit當時經驗gorh淺，mgorh其中ma有真濟真趣味ｅ案件。親像Tarleton〔托爾登〕兇殺案報告，Vamberry〔范貝里〕酒商案，Russian〔俄羅斯〕o-vah-sangｅ冒險案，gorh有鋁造手枴奇案ham bai腳ｅRicoletti〔裏寇里特〕gah伊可惡牽手ｅ案件。Iah有一件，這是一件非常奇怪ｅ案件。」
　　伊ga手伸入箱仔內，ui箱仔底teh出一個小木盒仔，diorh親像qin-a cit-tor物仔ｅ盒仔。伊ｅ盒仔蓋edang活動，內底藏著一張riau-riauｅ紙，一個舊式銅鎖匙，一支纏著線球ｅ木釘，gorh有三個生sen、圓箍型ｅ舊金幣。
　　Holmes笑笑ga我相，講：「朋友，你看zit個物件會想著啥？」「Zia足濟奇奇怪怪ｅ物件，一定是一件奇怪ｅ代誌。」「無錯，假使你知影zin件代誌ｅ真相，一定會驚一dior。」 「按呢，這內底gorh掩kam一段歷史嗎？」「確實掩kam一段歷史，而且原因gorh足複雜。」「He到底是什麼案件leh？」
　　Holmes無講話，ganna ga盒仔中逐項物品攏teh出來，kng di桌頂。伊gorh轉身坐落來，足驕傲deh相著zia-e物件。
　　過一段時間，伊ziah講：「我看著zit個物件gorh想起Musgrave典禮中ｅ怪事lo。」
　　我聽過zit個奇怪案件ｅ名，已經m-na一gai，但是伊講gah足無清楚，所以我gorh m知zit個案件ｅ真相。
我講：「若是你願意ga zit項奇案講ho我聽，我一定足歡喜來注意聽。」
　　Holmes歡喜gah大叫。「Watson，我真歡喜ga zit個案件ｅ案情講ho你聽。Mgorh按呢diorh無工夫整理文件lo。你ｍ是嫌厝裡亂糟糟嗎？Zit件案ｅ情節，ham普通ｅ案件完全無仝，所以我有自信di全國ia是其他ｅ國家ｅ任何罪案，攏ve比zit件案gorh kah奇怪a。若是收集我ｅ各種案件，suah ga zit案漏gau去，按呢記載diorh ve-sai算做完全lo。」
　　「你應該gorh會記『扣船案』ｅ代誌，我gah hit個不幸ｅ人交談了後，我ziah決定以偵探做為我一世人ｅ職業。你看我zitma已經名聲tang四海a，警方ham公眾人物攏ga我當做疑難案件上gai guanｅ上訴法院。Di你gah我第一gai見面，咱做伙偵探『血字ｅ研究』hit案ｅ時陣，我已經di社會上有淡薄仔ｅ虛名lo。我ｅ工作du開始ｅ時陣，ma經過足濟困難，ma食過真濟你真歹想像ｅ苦，後來ziah di偵探界慢慢有家己ｅ名聲。」
　　「當初我du-du來到倫敦，住di大英博物館附近ｅMontague〔蒙塔格〕街，我閒閒無代誌，diorh專心研究各種科學，增長家己ｅ智識，經營以後出頭天ｅ基礎。Hit當時已經定定有人委託我調查疑難ｅ案件，不斷有人求我破案，主要攏是我一寡老同窗紹介來ｅ。因為我di大學畢業ｅ時陣，我思想ｅ細膩ham手段ｅ敏掠di同窗裡已經真有名a。Musgraveｅ奇案是我做偵探了後ｅ第三個案件。我因為破解zit個案件，ho我做偵探ｅ興趣愈來愈guan，而且zit件案ｅ結果關係gorh kah大。了後我diorh盡力di偵探學頂面拍拚研究，一直到我zitmaｅ地位。」
　　「Reginald Musgrave是我大學時ｅ同窗，我ham伊平日ma定定有來往。伊ｅ態度真高傲，diorh親像一個貴族ｅgiann孫。所以伊gah同學yin攏無法度足熟悉。伊ｅ漢草無算好，鼻仔真guan，目睭ma真大，mgorh伊ｅ行為舉動suah真溫馴文雅，無失伊ｅ身分。Musgrave家族本來diorh是英國北方一家上gai古老貴族ｅ後代，yinｅ名聲透全國。Di十六世紀ｅ時陣，yin家族中ｅgiann孫，有搬厝去西爿ｅSussex〔蘇薩克斯〕，Reginaldｅ祖先，diorh di zit時陣搬去伊zitma住ｅHurlstone〔賀爾斯頓〕莊園內。所以zitma yin兜ｅ田ham厝攏是祖公仔留落來ｅ家產。伊是一個貴族，雖然現此時家境無外好，但是伊ｅ教養gorh定定表示di伊ｅ講話gah穿衫頂面。我逐gai gah伊開講ｅ時陣，伊定定真呵咾我ｅ思想gah才能。」
　　「自從畢業了後，我有四冬無看過伊。但是一工ｅ透早，伊hiong-hiong到
我Montague街ｅ公寓來找我。Zit時伊ｅ態度ma是無什麼變化，mgorh伊ｅ衫足sui，已經是一個due時行ｅ紳士lo。」
　　「阮握手了後，我問伊講：『Musgrave，你近來好無？』」。
　　「伊講：『我已經變成孤獨ｅ人lo。我ｅ老爸死兩冬a。Ui hit時開始Hurlstone厝裡逐項代誌攏是我愛管理。我ｅ生活真操煩。Holmes，我知影你有特殊ｅ本領。Zitma ziah聽講你ga你ｅ才能應用到實際ｅ事務頂guan。』」
　　「我講：『見笑！見笑！我不過diorh是靠一寡奸巧當做頭路zuan食nia！』」
　　「『你做偵探zit途，自然edang發揮你ｅ才能，我替你歡喜。我zitma來zia，diorh是veh請求你ｅ幫忙，因為阮Hurlstone莊園內發生ve少怪事。Hit個警察已經無法度a，所以不得已請你來hia調查，希望esai查明hit寡怪事ｅ真相。』」
「Watson，你想我hit時聽著伊講ｅ話，心內當然足想veh試看mai。因為我di hit段時間已經淡薄仔顯露出我做偵探ｅ才能，iah未遭遇過失敗。所以我自信edang 解決別人無法度破解ｅ案件。」
　　「我大聲講：『請你ga案件裡ｅ詳情講ho我聽，ho我esai ga zit件代誌細膩推理。』」
　　「Reginald Musgrave di我對面坐落來，ga我ho伊ｅ薰點ho dorh慢慢仔suh。」
　　「伊講：『你zitma必須愛知影我ｅ處境，才edang明白hit寡種種ｅ怪事。我雖然是一個羅漢腳，但是di Hurlstone莊園內聽我指揮ｅ使用人卻ve少。因為莊園di真偏僻ｅ所在，人濟ziah edang家己守護家己。而且我逐個月gorh定定出外拍獵，ma一定愛cua使用人做伙去，所以阮兜欠使用人是ve-saiｅ。我厝裡總共有八個查某gan仔[女僕]，一個刀煮師，一個管家，兩個長工ham一個管食ｅ使用人。另外，花園gah馬間內ma有專職ｅ使用人，無包含di我du ziah算ｅ內底。』」
　　「『Di足濟使用人裡，管家ｅ名叫Brunton〔布倫敦〕。伊是阮老爸時陣ｅ使用人，已經di阮兜服侍足久a。伊iah未來阮兜以前，vat做過小學校ｅ老師，只是因為後來飄泊無依無ua，ziah降格做使用人ｅ頭路。伊生做真清秀，ma是一個辦事敏掠精明ｅ人，所以阮兜ｅ人攏gah伊成為好朋友。伊di阮兜食頭路已經二十冬，mgorh伊zitmaｅ年歲若像gorh iau未滿四十。伊對音樂特別精通，任何樂器攏會曉彈奏，而且gorh有才調講真濟國家ｅ語言。伊有按呢ｅ才能，suah m甘願做zit款奴隸ｅ頭路，應該是因為阮用真情對待伊，所以ziah無願意ho伊離開。伊di阮Hurlstoneｅ使用人中，是一個足特殊ｅ人物。』」
　　「『Mgorh伊有一個缺點。伊生性愛pa-pa走，是庄仔內有名ｅ薄情少年。伊以前vat結過婚，行為舉止ma真斟酌。後來因為伊ｅ牽手過身a，ziah變款，變gah真愛遊蕩。但是di幾個月以前，伊gah阮兜ｅ查某gan仔——Rachel Howells[瑞契爾．霍惠絲]訂婚a。Mgorh過無外久，伊gorh ham狩獵場ｅ查某qin-a發生感情。Rachel本來是一個真好ｅ查某gin-a，但是有Welsh[威爾斯]人hit款急躁gah容易發性地ｅ天性。因為伊ｅ未婚夫ga伊放sat，ho伊鬱卒gah得著嚴重ｅ腦膜炎。這幾工來，伊真煩躁ve安寧。這diorh是阮Hurlstone莊園內第一幕ｅ悲劇。後來Brunton suah愈來愈奇怪，第二幕ｅ怪事gorh按呢發生a。』」
　　「『代誌ｅ開始是按呢ｅ：我已經講過Brunton zit個人真巧[聰明]，mgorh 愈巧，愈會做出犯罪ｅ代誌。因為伊家己認為才能無人edang gah伊比，講話舉動diorh真失分寸。我kah早iah未發覺伊ｅ奸惡，zitma親目睭看著怪事，我ziah感覺代誌真嚴重。』」
　　「『這是我閒閒di厝ｅ時陣發生ｅ。是頂禮拜ｅ一個暗暝──我會記差不多是禮拜四ｅ暗時。我因為di暗頓進前，lim了一杯厚厚ｅ咖啡，ho我睏ve落眠，一直到半暝兩點，ia是睏ve去。所以我diorh爬起來，ga檯頂ｅ蠟條點ho dorh，想veh teh一本小說來讀。我日時讀ｅ冊，攏kng di dong3球〔撞球〕房裡。所以我diorh披著我ｅ外套，teh蠟條出去veh teh冊。』」
　　「『Veh ui房間到dong球房，我必須愛落一段樓梯，然後經過一段長廊巷。沿hit條走廊一直行到上尾仔diorh是冊房gah槍庫，zit時我hiong-hiong看著一道閃sihｅ燈火ui冊房開ｅ門透出來。我看著感覺足奇怪，因為我di睏以前ui冊房出來，diorh已經ga火bun hua，而且ga門鎖起來a。Zitma看著zit種情況，一定是有人入去vih di內面。阮Hurlstoneｅ長廊ｅ壁頂攏掛滿著足濟古早時陣ｅ兵器。Hit當時我diorh teh了一支戰斧，an-an gim di手裡，gorh ga手中ｅ火bun hua，kng di土腳，然後恬恬m敢發出聲，行到hit片開開ｅ門hia，向內底看去。』」
　　「『我看著he vih di冊房內ｅ人員diorh是管家Brunton。Hit時伊身軀頂ｅ衫仔褲真整齊，家己坐di一liau安樂椅內。伊腳頭hu頂guan 展著一張紙，看去na親像是一張地圖。伊面前ｅ檯仔頂kng一pa燈火，ui he黯淡ｅ燈光中，看伊兩手抱頭殼，na親像deh苦思。我看著按呢，感覺足奇怪，diorh vih di暗中看詳情。突然間，我gorh看伊ui安樂椅裡kia起來，行到一個冊櫥邊仔。伊teh出鎖匙，拍開櫥門，ui冊櫥內teh出一張紙，gorh轉去椅仔頂坐落來。伊ga hit張紙ia di檯仔頂，di燈下斟酌看。Hit時我看著伊半暝偷偷入去我ｅ冊房，gorh敢偷teh我櫥仔內所藏ｅ冊，zit種行為ho我感覺真受氣，行入去veh責備伊。Zit時Brunton聽著我ｅ腳步聲，回頭看著我teh戰斧kia di門口，diorh急gah跳起來。伊ｅ面充滿了驚hiann，趕緊ga伊du仔看ｅhit張親像地圖ｅ紙藏di袋仔內。』」
　　「『我受氣deh問伊講：「你竟然做zit種歹代誌！阮平日安怎對待你，zitma你suah按呢報答阮對你ｅ信任。你明仔zai dorh ga包袱仔款款ｅ，離開zia，我vedang gorh請你a。」』」
　　「『伊聽著我ｅ指責，dorh頭ann-ann，著急逃走a。Hit時檯仔頂ｅ燈火，ma是gorh dorh著，我ui he黯淡ｅ燈光裡，看著Brunton ui橱仔內偷theｅhit張紙，iau留di桌頂。我teh起來看，感覺真驚訝。原來hit張紙寫ｅ不過是我Musgrave祖厝ｅ禮典中無什麼要緊ｅ問答話語。Musgrave祖厝ｅ禮典，是阮兜歷代祖先用手抄落來傳ho giann孫ｅ文件，其中記載ｅ大部分攏是vedang考證ｅ古早ｅ禮制ham ho人無法度了解問答ｅ話句nia-nia。Zit種舊抄件，可能edang ho考古學者做參考，mgorh真正m知伊是安怎注意著zit種無什麼路用ｅ文件。』」
　　「我講：『你先mai一直講zit個儀式，繼續講落去。』」
　　「Musgrave有淡薄仔遲疑deh回答：『若是你m愛聽zit個儀式ｅ代誌，我diorh繼續講落去好a。Hit當時我ga Brunton所偷tehｅ紙藏轉去櫥仔内。Gorh ga四周圍看看ｅ了後，我準備veh出去a。Zit時Brunton hiong-hiong gorh走入來，kia di我ｅ面前，ga我ｅ路zah著。』」
　　「『伊激動，sau聲喝講：「Musgrave先生，我vedang sia zit個面子。我一世人看家己真夠格，無想veh因為zit gaiｅ失策，來破壞我ｅ名聲。先生，你若是zit gai ve-sai寬恕我，我會自殺，ga血噴di你ｅ身軀頂。若是你看di上帝ｅ面子寬恕我，我di一個月內，一定會家己辭頭路，ve ho你為難。Musgrave先生，請你千萬m-tang di眾人面前ga我趕走，按呢我會終身受著屈辱ｅ！」』」
　　「『我講：「Brunton，你家己做zit種歹代誌，gorh有什麼話tang講？Mgorh既然你di阮兜做kangkue做ziah久，我dor mai ga你ｅ行為講ho大家知影。Zitma我gorh ho你一禮拜ｅ時間，你edang家己包袱仔款款leh離開。一個月ｅ請求有kah長，我vedang答應你。」』」
　　「『伊ga我哀求：「先生，你ganna ho我一個禮拜ｅ期限嗎？這期限siunn短──這期限真正小可kah短淡薄仔。」』」
　　「『我足受氣罵伊：「我ho你一個禮拜ｅ期限，ma已經寬赦你a。一禮拜了後，你一定愛離開，m免gorh講什麼a。」』」
　　「『伊聽著我ｅ話，頭ann-ann走a。伊面色白死殺，親像足鬱卒。我ga火bun ho hua，轉去家己房間。』」
　　「『事後兩工，Brunton ma是真骨力做伊ｅkangkue，阮ma攏相安無事。Mgorh我想伊離開ｅ時陣，m知veh用什麼藉口，tang掩kam伊做ｅ壞代誌。但是di第三工ｅ透早，伊hiong-hiong無去。一直到我早頓食了，ma無看著伊來我面前服務。早頓食了，我ui餐廳出來，du a好du著hit個查某gan仔Rachel Howells，我du-a 已經ga你講，伊已經破病足久，zit時ziah開始繼續服務。但是我看伊面色無好，na像iah未完全好。』」
　　「『我講：「你趕緊轉去房間歇睏，ziaｅkangkue，等你身體好了後，ziah來做。」』」
　　「『伊聽著我ｅ話，用伊hit雙奇怪ｅ目睭ga我相足久。』」
　　「『伊講：「Musgrave先生，多謝你，我已經真健康a。」』」
　　「『我講：「咱愛先聽醫生安怎講。Zitma你先停止做kangkue，轉去房間歇睏，你去到樓腳ｅ時陣，替我ga Brunton叫來。」伊講：「伊已經走a。」「走a！伊到dor位去？」「伊確實走a，無人知影伊去dor位。伊已經無di伊ｅ房內。Ai，伊確實走a──伊真正走a！」伊講ｅ時陣hiong-hiong ua di牆邊，親像起痟仝款尖聲一直笑。我看著按呢，趕緊叫人來dau相工ga伊扶轉去房間。伊轉去伊ｅ房間，ma是一直哀一直叫。我趕緊去看Bruntonｅ房間，果然已經無人di a。伊ｅ眠床真整齊，昨暝應該無睏過。但是無人看著伊出去，真正m知影伊是安怎行出厝裡ｅ，連伊ｅ房間ｅ窗仔門透早ma攏關diau-diau。而且伊ｅ衫仔褲、手錶、gah伊ｅ錢ma攏di房間內，mgorh伊定定穿ｅ一領烏衫ham一雙cen拖仔suah攏無去a。我想，Brunton到底是到什麼所在去lo？』」
　　「『阮想伊可能vih di厝裡，所以diorh di厝裡一直ciau，suah一直無發現伊ｅ蹤影。而且前暝gorh落過大雨，阮莊園厝外攏是爛土，阮diorh去外面找看mai，suah仝款無看著任何腳印。我看伊拋棄一切，hiong-hiong逃走，suah m知伊到底ui dor位出去。所以我感覺足怪異，只好走去報警。警員到阮兜來調查suah無成績，但是奇怪ｅ代誌ia是一直發生。』」
　　「『Rachel Howells di尾後兩工病gah真嚴重，有時神經錯亂，有時放聲大哭，我diorh請一個看護逐夜看顧伊。Di Brunton離開了後ｅ第三個暗暝，伊ｅ病情na像有kah好，睏gah真熟。看護看著按呢，心頭放kah輕鬆，而且gorh操勞過度，diorh坐di扶手椅頂duh-gu睏去a。等到伊透早睏醒，suah看著眠床已經無人，窗仔門ma拍開，病人已經無去a。我聽著zit個消息，趕緊cua兩個使用人去找。但是看著伊ｅ腳印，踏出厝裡，經過草地，沿一條細條路，一直去到八呎深ｅ小湖hia，但是腳印suah 突然無去a，阮看著按呢，認為hit個可憐ｅ查某，可能是因為傷心過度，跳湖自殺。』」
　　「『我因為zit個緣故，diorh請人去湖內ho。但是一直攏無找著伊ｅ死體。Mgorh suah di湖裡ho著一個布袋仔。袋仔內藏著一塊古老ｅ金屬物件，色緻足黯淡而且已經生sen，看ve出是什麼物件。另外一方面，袋仔內gorh有幾塊寶石，ma攏無光彩。阮看著zit個物件，更加感覺頭茫茫，一直到昨hng，阮gorh四界探聽，但是ma 攏無Rachel gah Bruntonｅ消息。庄內ｅ警察，早diorh已經用盡智力。所以我只好特別來zia委託你偵探zit件代誌。請你用你ｅ才能，幫我解決zit個案件，你是阮上尾仔ｅ希望a。』」
Holmes講到zia，對我講：「Watson，我zit時聽著伊ｅ話，擋ve diau想veh緊破解zit個案件ｅ真相。Mgorh zit案ｅ情節足奇怪，原因ma真複雜，我一定愛先整理出一寡線索，ziah edang 放手去做。」
　　「我diorh ga管家ham查某gan仔ｅhiong-hiong失蹤，查某gan仔gah管家ｅ戀愛、伊失戀了後ｅ怨恨，以及伊ｅ起痟，gah伊以後ｅ突然失蹤，一直到伊ga hit個藏著金屬物件ｅ布袋dan di湖內等等ｅ疑點慢慢推測，一時之間suah找ve著什麼線索。我想了真久，真正無法度了解其中到底有什麼神祕ｅ代誌。最後我ziah hiong-hiong了解，找出一條線索。」
　　「我diorh ga伊講：『Musgrave，我必須先看著hit份文件才edang繼續調查。我想lin hit個管家甘願ho人當做賊仔ham失去伊ｅ頭路去研究zit張紙，推想zit張紙裡一定有什麼祕密。』」
　　「伊講：『阮禮典內ｅ文字，攏真li-li-lak-lak，足好笑，只是因為阮歷代相傳，ziah ga伊保存完好nia。如果你zitma veh看hit張紙，我zia有he問答話句ｅ抄本。你teh去看好a。』」
　　伊按呢講，diorh teh ho我一張紙。講：「Watson，這盒仔中藏ｅ一張舊紙，diorh是hit當時伊ho我ｅ。我zitma diorh ga紙頂ｅ內容讀ho你聽。He詞按呢寫ｅ：
『這是siangｅ物件？』『是hit個離開ｅ人ｅ。』『Siang應該得著伊？』『Hit個dit veh到位ｅ人會接受。』『Di幾月？』『Ui一月到六月。』『Di dor位？』『Di橡樹頂guan。』『影di dor位？』『Di榆樹下腳。』『Ui dor位行去？』『往北十步gorh十步，往東五步gorh五步，往南兩步gorh兩步，往西一步gorh一步，diorh di hia下腳。』『咱愛teh什麼去換伊？』『Ga咱所有ｅ一切完全攏送ho伊。』『為什麼愛teh去送伊leh？』『因為信託。』」
　　「Musgrave看著我研究zit張紙，na像無安怎贊同。伊ga我講：『這原件並無記載年代，但是ui he文法頂guan來看，一定是十七世紀中葉ｅ拼寫法。Mgorh我認為研究zit張怪異ｅ紙，ganna會浪費你ｅ精力，對你無什麼幫助。』」
　　「我講：『我感覺m是按呢，我認為這確實是一件奇聞。伊ｅ怪異可能比你du ziah ga我講ｅgorh kah怪異，而且各種奇案ｅ情節攏是互相關聯ｅ。Musgrave，請你原諒我，我想你ｅ管家一定是一個足巧ｅ人。伊edang研究zit個奇文，可能伊ｅ才能贏過伊ｅ主人neh。』」
　　「Musgrave講：『你ｅ意見我m敢認同。我感覺zit張紙對我無什麼路用。』」
　　「『Mgorh我感覺zit份文件有足重要ｅ意義，我想Brunton gah我ｅ看法仝款。伊開始研究zit張紙ｅ時間，應該是di你看著伊hit夜以前。』」
　　「『你講ｅ無m對，因為伊veh偷看zit張紙，本來diorh是真簡單ｅ代誌。』」
　　「『根據我ｅ推測，伊已經得著zit張紙所寫ｅ祕訣。我知影伊gorh有一張gah這問答話句互相參考ｅ圖。你hit工m是有看著伊ga一張親像地圖ｅ紙藏di袋仔内嗎？』」
　　「『確實是按呢，mgorh伊ganna是阮兜ｅ一個使用人。伊研究阮ｅ舊抄本到底是veh cong什麼leh？』」
　　「『Zit個問題我zitma vedang答覆你。咱去坐頭一班ｅ火車到Susakesi ，來去lin兜實地考察，ziah edang破解zit個疑問。』」
　　「Zit工下晡，我gah伊到Hurlstone莊園內。我想你早diorh di圖畫ia是遊記中看過zit個偉大ｅ古堡建築。我zitma ga你講，hiaｅ厝一間接一間，排成一個Ｌ型。長ｅzit排厝，比短ｅzit排gorh kah新。He舊厝門斗真低，頂guan石頭刻著1607年。但是ui zit條看來，na像gorh kah古早。He厝ｅ壁真厚，窗仔門足細，所以yin兜ｅ人，di頂一個世紀diorh搬去新厝a，厝ganna是用來kng物件ｅ所在。厝ｅ四箍笠仔攏是大樹，ui厝開始行兩百碼edang到一個小湖，hia diorh是伊ho著hit個奇怪布袋ｅ所在。厝起di有山有水，風景優美ｅ一個所在。」
　　「Watson，我zit時已經有淡薄仔把握，感覺zit代誌並m是足神祕。Zit案ｅ關鍵dor是Musgrave yin兜典禮內問答ｅ話。若是我edang解這其中ｅ祕密，Brunton gah Howellsｅ失蹤，diorh esai完全明白。Brunton到底是為什麼理由veh研究伊主人ｅ冊？伊甘願冒著危險，放sat伊ｅ一切hiong-hiong失蹤，可見一定是有什麼重大ｅ原因。」
　　「我diorh ga he儀式ｅ話句gorh反覆讀足濟gai。我感覺雖然伊ｅ描寫足奇怪，mgorh suah na親像he偷偷ｅ講一種測量。這雖然是我ｅ假設，mgorh我知影he問答話句中清清楚楚講出橡樹gah榆樹兩種物件，攏一定是測量時用ｅ標準。因為di厝外ｅ倒手爿栽足濟橡樹，我看著一欉橡樹足guan足guan，diorh gorh kah相信我ｅ料想已經真接近事實a。」
　　「阮講到hiaｅ時，行過hit欉橡樹，我ga伊講：『這樹ｅ年代，應該ham lin ｅ儀式ｅ年代差不多久吧？』伊應講：『這樹gorh是諾曼第時代ｅ戰利品。伊ｅ年代，可能比阮ｅ禮典gorh kah古早。Zit欉樹有三十三呎左右。』『Lin另外gorh有榆樹嗎？』『He ma是一欉真古早ｅ樹仔。但是di十冬前ho雷火燒死，阮早diorh已經ga伊ｅ根部掘去a 。』『你gorh edang講出he樹仔kah早ｅ遺址嗎？』『我以前定定看著，zitma自然gorh edang講出來。』『Zia gorh有別欉榆樹嗎？』『Ganna有zit欉老榆樹，其他ｅ攏是一寡矮矮ｅ小樹nia-nia。』『我想veh先去看hit叢老榆樹ｅ遺址。』」
　　「阮diorh坐雙輪馬車，直直行到hit間厝外ｅ草地頂guan。Hia有一個無草ｅ所在，hit qiah diorh是榆樹ｅ遺址。我發覺zia du du好diorh di厝gah橡樹ｅ中間。」
　　「我問講：『我想咱無可能知影zit欉榆樹ｅguan度吧？』」
　　「『我edang ga你講，hit欉樹仔攏總guan六十四呎。』」
　　「我驚一dior，問：『你哪會知影？』」
　　「『我以早gah我ｅ家庭教師練習三角數學ｅ時陣，定定測驗逐項物件ｅguan度。因此我對各種樹仔gah建築，攏會測定yinｅguan度，絕對無可能m對。』」
　　「我聽著zia-e話，感覺真歡喜；但是我zit時hiong-hiong gorh得著另外一種感想。」
　　「我問伊講：『請你ga我講，linｅ管家vat問你榆樹ｅ代誌嗎？』」
　　「Reginald Musgrave真著驚ga我相，稍歇一下，伊ziah 講：『Zitma我聽了你講ｅ話，我ziah想起來幾個月前，我ham幾個使用人開講ｅ時陣，Brunton確實問過我zit個問題。』」
　　「Watson，我zit時gorh kah確定我ｅ推理是對ｅ。我qiah頭看日頭，日頭已經dauh-dauh-a往西爿去。我想di一點鐘以內，diorh會sua到hit欉老kok-kokｅ橡樹枝頂guan，diorh會gah he儀式內ｅ問答話句互相呼應。所以我gorh想著gah hit榆樹ｅ影有關ｅhit幾句話，我iorh一定是di日頭照di橡樹頂guanｅ時陣，看著he榆樹ｅ影。Di he樹影上尾仔ｅ所在，一定diorh是儀式話句中he主要ｅ標記a。我ganna愛di he日頭照di橡樹頂ｅ時陣，找著he榆樹影上尾仔ｅ所在，定著edang找著案件ｅ線索lo。」
　　我聽到zia，擋ve diau插話講：「Holmes，這確實是案中主要ｅ線索。Mgorh he榆樹已經ho人挖去，應該找無伊ｅ影a。」
　　Holmes講：「無錯，mgorh既然Brunton edang找著，我一定ma edang找著。Zitma既然無樹身，我diorh ham Musgrave轉去厝裡，我先做一個木釘仔，gorh di頂guan縛一條長長ｅ索仔，di紙頂每隔一碼，我拍一個結。另外，我又gorh teh兩枝釣篙仔〔釣竿〕接做伙，du好六呎長。阮做伙出來，hit時日頭已經照di橡樹頂guan，我ga釣篙仔cai di榆樹ｅ遺址hia。日頭照著釣篙仔產生ｅ影，用索仔一量，du du好九呎。」
　　「我看著zit個影，dor edang推測榆樹影ｅ長度lo。因為釣篙仔長六呎，影有九呎，若按呢，榆樹guan六十四呎，以比例來算，diorh edang知影榆樹ｅ影攏總長六十四呎lo。所以我diorh用索仔di土腳量，he榆樹影上尾仔已經到厝ｅ邊仔，我用木釘仔釘di hit爿ｅ土內。Watson，zit時我非常歡喜，因為ui我釘釘仔算起兩呎ｅ所在，ma有一個用木釘仔釘過ｅ細空，gorh留di土腳。我一看diorh做zit個記號，ma知影he是Brunton留落來ｅ記號a。」
　　「續落去，我ui袋仔內teh出羅盤，找出方向，然後ui厝ｅ壁爿，往北行二十步，做一個記號了gorh往東行十步，往南行十步，hit時我行到一間舊厝ｅ門腳口。然後我按照儀式裡講ｅ話，gorh往西行兩步，diorh行到hit扇門倒爿ｅ石頭仔路去a。」
「Watson，我di he日頭照ｅ光內，細膩觀察hit爿ｅ石頭，看起來真平整，na親像已經足濟年無ho人sua動過。我diorh用我ｅ手枴仔kok hiaｅ石板，mgorh攏無聽著任何空空ia是奇怪ｅ聲。Zit時我感覺真失志，想講Brunton可能iah未做到zit種地步。Hit時Musgrave對我做zia-e調查，伊知影我ｅ用意。伊看著我躊躇ｅ款，na像有什麼新ｅ想法，伊ga我講：
　　『你敢講ve記儀式中ｅ「diorh di zia下腳」hit句話a？你對zit句diorh di下腳ｅ話，為什麼無研究leh？』」
　　「我聽著zit句話ｅ意思，hiong-hiong覺悟過來，我叫講：『敢講zia gorh有別個地下室？』」
　　「伊講：『是a，diorh di zit片門後壁，he地下室ｅ年歲，ma ham zit間厝仝款古老a。』」
「阮diorh做伙拍開hit片舊門，ui石樓梯入去，內底非常烏暗。阮點著一枝番仔火，ga he壁頂ｅ一pa燈點dorh，ziah di燈火中看見厝裡ｅ模樣，na親像已經有人先來過。我想一定diorh是Brunton lo。」
　　「Zia疊ｅ柴ko，早diorh已經sua開變做一條窄窄ｅ小路，一直到一塊足大粒ｅ石頭hit爿。Hit塊石板ｅ中央，裝著一個已經生senｅ鐵箍仔，頂頭gorh縛一條長長ｅ巾仔。Hit塊巾仔足堅固，edang提起重ｅ物件。」
「我ｅ朋友大叫：『天a，這是Bruntonｅ物件a。我定定看著伊teh zit條巾仔，edang確定he diorh是伊ｅ物件。但是伊為什麼veh di zia做zit種代誌neh？』」
　　「我看著按呢，無閒gah伊講話，diorh趕緊去sa著圓箍仔ｅ長巾仔，出力去掀hit塊石板。但是hit塊石板siunn過重，我一個人無法度，我diorh去叫庄仔內ｅ警察來dau相工。阮足濟人用盡氣力，ziah ga hit塊石板sua到邊仔。石板sua到邊仔了後，diorh出現一個四角形烏暗ｅ地下室。Musgrave teh燈仔火照dui下面去。」
「He地下室真細間，大約ganna有七呎深，四箍笠仔攏是四呎，內底好像是一間gorh kah細間ｅ小房間。Di壁邊有一個柴做ｅ箱仔，ui he燈光內看去，箱蓋suah開開。箱仔ｅ邊仔有一個舊舊ｅ銅鎖匙，凸出di鎖匙空外。箱仔內卡足濟青苔，看起來青sun-sun，早diorh已經生蟲，足破舊a。我看內底只有一寡圓ｅ金屬物件，其他什麼攏無。」
　　「阮準備研究zit ka柴箱仔，hiong-hiong gorh看著箱仔邊有一堆烏烏ｅ物件，he是一個穿烏衫ｅ人跪di土腳，伊ｅ身軀往前趴，頭ua di箱仔頂，雙手直直ｅkng di兩爿。阮看著，攏驚一dior，diorh做伙行入地下室。摸zit個死體，早diorh已經ding-kok-kok，看起來已經死真濟工a。伊ｅ頭殼因為趴di土腳ｅ時間有一下仔久，血結凍di面頂，變做茄仔色，看起來足奇怪，已經無人edang認出伊是siang。但是伊ｅ嘴鬚、伊ｅ衫仔褲gah伊ｅ頭毛等等，我ｅ朋友已經認出這diorh是伊ｅ管家。但是我看伊身軀頂完全無傷痕，m知伊是安怎死ｅ。過一段時間，阮diorh ga zit個死體扛出地下室，但是阮對其中ｅ情形猶原是霧sa-sa。」
　　「Watson，我原先ｅ計畫，認為照he禮典中ｅ怪話慢慢仔去找線索，入去hit個祕密ｅ地下室，diorh edang破解zit個案件。但是我zitma雖然找著Bruntonｅ死體，suah iau是霧sa-sa，m知veh安怎。我想Brunton會死，應該gah hit個查某人hiong-hiong失蹤，ham hit個柴箱仔裡所藏ｅ物件等等足濟足濟ｅ事件，攏是真歹了解ｅ怪代誌。所以我diorh坐di厝腳hit個柴桶仔頂guan，分析真濟疑點，想veh知影代誌ｅ真相。」
「Watson，你敢知影有一寡案件，靠我ｅ假設diorh edang解決案件中ｅ祕密。Zit個案件ma是其中一個。Hit當時我既然知影zit個案件ｅ情況，第一步diorh憑著Bruntonｅ行為，推測伊進行ｅ步數：伊一開始知影儀式ｅ祕密，入來zit個地下室，伊ｅ目的，一定是veh得著zit個地下室內所藏ｅ寶物。但是伊一個人ｅ力量，是無法度sua動地下室頂guanｅhit粒大石頭。按呢伊第二步veh安怎做？所以伊一定愛別人dau相工。Hit當時有法度ga dau相工ｅ人，一定diorh是厝内ｅ人。因為伊做賊，一定愛di半暝動手，但是hit陣門窗gorh關diau-diau，若是伊veh叫人dau相工，diorh一定愛是厝裡ｅ人lo。但是伊veh叫什麼人來dau相工neh？Di伊ｅ心內，一定認為上gai有法度信任ｅ人ganna有hit個查某gan仔。因為查甫人攏m知影家己ｅ薄情，又gorh看ve起查某人，掠準用一寡技巧，diorh edang恢復查某人kah早對伊ｅ感情，甘願ho人利用。伊diorh是有zit款想法，diorh誘拐hit個查某gan仔，希望恢復以早ｅ感情，而且要求伊dau相工為伊做歹代誌，Howells本來diorh是一個無主張ｅ查某人，容易ho伊誘拐，答應伊ｅ要求。Hit一暝，yin兩個diorh做伙sua開hit塊大粒石頭。」
「但是yin ganna有兩個人，一個gorh是查某人，做zit款搬石頭ｅ粗重kangkue，一定無法度。因為我gah所有Susakesiｅ警察用盡氣力ziah ga hit石頭移開。按呢，yin安怎克服zit個難題？一定是愛靠別項物件來dau相工。我一想到zia，diorh kia起來，斟酌看著土腳hia疊ｅ柴ko。Hiong-hiong看著一枝柴ko仔，大約有三呎長，一爿有一條bit-sun，gah別枝柴ko完全無仝，我diorh知影Brunton edang入去zit個地下室，一定是靠著zit枝柴ko仔。我想yin一定先qiu hit條石頭頂ｅ長巾仔，ho石頭出現一條bit-sun，然後diorh ga hit枝柴koｅ一爿插入去bit-sun內，用力攪動，hit塊石板diorh ho柴ko dauh-dauh-a giau開lo。一直到hit塊石板sua開到ho一個人出入，ziah用hit枝柴ko du ho diau，因為若無按呢，hit塊石板diorh會gorh合起來。但是因為石頭siunn重，hit枝柴ko di土腳ｅ一爿，diorh出現hit個bit-sun。」
「然後，我繼續推理Brunton到底是安怎死ｅ，我想hit個地下室既然ganna有法度ho一個人出入，按呢入去地下室ｅ人，一定diorh是Brunton lo。Hit個查某gan仔一定diorh守di地下室外口等待。Brunton將箱仔內ｅ物件teh ho查某gan仔，家己suah猶原留di地下室，ga四箍笠仔ka透透，想veh滿足伊ｅ慾望。但是後來發生什麼代誌？Iau gorh發生什麼變化leh？」
　　「我認為di伊diam地下室ka透透ｅ時陣，hit pa怨毒ｅ火，diorh di Welsh查某人ｅ胸kam內gorh再dorh起來。伊想起以早ｅ代誌，真怨毒，而且hit時陣，iau gorh縛di伊ｅ手內，伊diorh想講不如tai死zit個薄情人，出一口怨氣。但是伊veh安怎下手leh？無的確diorh是伊ga柴ko teh走，ho石頭合起來，ga Brunton害死，無的確伊認為這diorh是伊應該有ｅ命運，ziah按呢做ｅ。但是無論安怎，Brunton已經活活hong埋di地下室內。」
　　「Howells ga hit粒石頭合起來，趕緊teh著ui地下室內得著ｅ珍寶，走走出去。但是伊beh樓梯ｅ時陣，真清楚聽著伊ｅ舊情人di地下室用手long石壁ｅ聲。Zit種求救ｅ聲伊一定聽gah真清楚。」
「伊本來有腦膜炎，聽著zit種怪聲diorh驚一dior，所以di第二工ｅ透早，痟笑到上尾仔，伊舊症頭iann起來。但是hit ka箱仔內到底是藏什麼珍寶？伊以後又gorh是安怎做leh？我想diorh是我ｅ朋友ui湖中勾著ｅ布袋，gah袋仔內所藏ｅ古早金屬物件。He一定是伊病kah好ｅ時陣，恐驚代誌爆發，diorh ga hit 個物件全部dan入湖中，然後走去別ｅ所在，希望家己脫罪。但是物件suah ho我ｅ朋友勾著。」
「我想了二十分鐘，diorh無疑問破案a。Hit當時Musgrave猶原面色白cang-cang，kia起來想一寡代誌，無外久，gorh越頭行入地下室。」
　　「伊ui柴箱仔裡teh出一寡金銀角仔，轉來ga我講：『這是英王Charles一世時陣ｅ遺物。我講阮兜ｅ禮典，當然diorh是hit時ｅ舊抄本。』」
　　「我聽著伊ｅ話，diorh了解禮典內問答話句ｅ意思。所以我diorh講：『咱愛gorh找著一寡Charles時代ｅ其他物件。請你ga你勾著ｅ金屬物仔ho我看，我ziah edang明白zit個案件ｅ真相。』」
　　「阮diorh做伙轉去伊ｅ冊房。伊將勾著ｅ逐項物件ho我看。我ziah明白伊為什麼會認為hit個物件攏無價值，因為yin攏真黯淡，金石ma ho土沙粉仔kam gah無什麼光彩。我hit當時teh著zit粒寶石，di我ｅ衫頂guan拭拭leh，hit粒金石diorh閃閃sih-sih，親像一粒星。Hit個金屬因為長時間埋di土腳，已經變形凹去a，但是猶原edang看出是一種重複ｅ圓箍仔。」
「我講：『我認為zit個物件，一定是英王Charles死了後，hia-e貴族m敢zah出國ｅ珍寶，所以diorh將hia珍寶埋di土腳。Yin偷偷ga埋ｅ所在記落來，di日後平安轉來國家了後edang teh出來，zia-e物件一定diorh是hit當時所埋ｅ寶物lo。』」　
「我ｅ朋友講：『可能是按呢無m對。因為我ｅ祖先 Sir Ralph Musgrave本來diorh是Charles一世時陣ｅ保王黨。Charles二世走出去di外口ｅ時陣，diorh將伊當做心腹。』」
　　「我應講：『好a，zitma咱已經得著最後ｅ解答lo。你雖然經過足濟代誌，但是你祖先仔所藏ｅ祕密寶貝，已經ho你找著lo，而且gorh了結歷史上一件重大ｅ公案。』」
　　「伊足奇怪deh問我講：『按呢，這到底是什麼珍寶leh？』『這m是別項物件，這是英國古早時代ｅ一頂王冠。』『王冠嗎？』『確實是。你敢ve記，禮典ｅ問答話句是安怎講ｅ嗎？Hit句「zit項物件是siangｅ」、「是hit個走了ｅ人ｅ」ｅ話，diorh是清楚講出這是Charles一世ｅ遺物lo，按呢，he「siang應該得著伊」、「hit個diorh veh到位ｅ人」一句，斟酌推理伊ｅ用意，diorh是講Charles二世lo。我推測yin做zit種奇怪ｅ問答，diorh是veh ho後代ｅ人edang照按呢來走找，重新找著zit頂王冠nia。』『若按呢，是安怎會iau gorh di 湖裡neh？』『Zit個問題，m是一時陣diorh edang回答ｅ。』我diorh ga du-a所得著ｅ理解，對伊詳細解釋。我ｅ話講了，月娘已經升到頭殼頂a。」
「Musgrave聽了後，na將hia-e物件kng入去袋仔內，na問講：『Zitma經過你ｅ解釋，代誌已經明朗lo。Mgorh Charles二世回國了後，若無追問zit個王冠leh？』」
　　「『其中ｅ祕密，我ma無法度去知影。無的確yinｅ祖先死di外國。而且lin zia-e giann孫suah 無注意禮典ｅ用意，一直到zitma，zia-e寶物ziah發現。』」
　　「Watson，這diorh是Musgrave禮典ｅ故事。Hit頂王冠diorh留di Hurlstone莊園裡──無的確yin diorh愛經過法律ｅ手續gah金錢ziah edang保留王冠。但是你到hia，只要報我ｅ名，diorh esai看著zit個古早ｅ王冠lo。Mgorh ui hit陣開始，hit個查某gan仔diorh失蹤lo。無的確伊已經離開英國，走去海外lo。」

台灣味 時行台灣語文
魚刺肉粳、蚵仔麵線是台灣味ｅ美食。
拜六時， 行過台北城ｅ冊店區， 補習班ｅ人潮已經退去? 或者是iau未下課？ 或者是升學率已經超過百分百？ 或者是經濟衰退？
冷清ｅ街路，有一擔阿財魚刺肉粳，燒lor燒lorｅ感覺，無sann人ｅ街路邊，排幾liau椅仔，兩人叫一碗來分享。少少a，氣味真好，食少好滋味，食濟無趣味。Hmh～味覺vevai。
慢慢仔seh來西門町，坐一下a，天色ma暗luai a。
暗頓ma愛解決a，m知veh食啥？liam當時，uat角仔ｅ所在，有一間阿財魚刺肉粳，a無dor gorh ga食一碗。
Zia 距離阿宗蚵仔麵線有二、三個區格(block)，a少年人攏dizia，yin穿流行ｅ服裝，deh看時行ｅ商品，街頭巷尾攏是細細間ｅ點，不時ma有一二台 烏頭仔車 駛入來徒步區ｅ邊緣，zia du好是 叫做 便所桶餐飲店ｅ交點。