全球暖化e影響gah改善 (台文gah科普想像)
材料系 孫彰佑
最近看著一篇報導,伊講著根據美國地質所e報告指出,因為全球暖化造成北極e冰層一直溶去,使得北極熊e數量lu減lu少,大約gorh三四十年後,北極熊會cun無到四成。美國政府已經提議ga北極熊列入面臨絕種e動物,上緊di明年dor edang定案。我感覺咱人zitma科技有影足進步,咱e生活ma真正過了ve-vai,iah mgorh對環境e破壞ma是足濟e,造成zitma開始出現無平衡e現象,地球氣象lu來lu奇怪。
Dor親像最近得著諾貝爾獎e美國eGore所講e,咱di現代zit幾年地球e變化一年比一年gorh kah嚴重,已經漸漸veh無適合人住a。有e冰山變土壤,有e沙漠lorh大雨,gui-e天氣現象攏亂去,明顯e地球已經le對人類e破壞進行反彈。Zitma各國攏le研究veh安怎來解決zit個嚴重威脅著咱生活e問題,雖然有一寡改善,mgorh iah是無法度大幅度來解決gui-e問題。近年有人已經研究出用煮食後e回收油做成汽車e燃料油,回收再利用,m免gorh浪費另外e油,上重要e是,按呢gorh edang減少二氧化碳e排量。無久前英國eMcDonalds已經開始le實行a。Zit個方法若是普遍了後,edang省非常濟能源,iah edang大大緩和全球e溫室效應。
全球暖化e議題足重要,而且m是ganna科學家e責任,這是咱大家人e代誌,大家攏應該愛兼起保護環境e責任。雖然咱e力量並無大,iah mgorh相信只要集結大家e力量,親像減吹冷氣、ge坐大眾運輸工具等等,一定edang改善zit個困境。希望大家攏愛愛護咱e地球,因為咱ganna有一個地球!


參考資料:http://sci.nctu.edu.tw/


介紹家己:
我是材料系11級e孫彰佑,今年du升大學。我是高雄人,高中是讀高雄中學。我平常時愛用電腦ga朋友開講iah gor有用bbs看一寡討論e代誌,若有閒ma會看一寡冊(mgor定定攏無啥時間,可能是我veh-gai會曉規劃)。我上愛ma kah會曉e運動著是”Badminton(羽毛球)” ,若有閒攏會定去打。我di厝lin大部份攏講台語,iah mgor並無算足標準,三不五時會用一寡國語,所以我選一門課著是想ve加強台語程度。

創作者介紹

daiqi007

daiqi007 發表在 痞客邦 PIXNET 留言(0) 人氣()