寓言 故事
張春凰 江永進 編譯
兩ka袋仔
傳說中，人出世ｅ時，攏揹兩ka袋仔，一ka揹頭前，de別人ｅ過錯，隨時看有；一ka揹後壁，de家己ｅ過失，esai免看。
水雞求王
河內ｅ水雞操煩無王，dor派代表去向天神求王。
天神知影水雞頭腦簡單，dim zit塊柴ko ho水雞做王。
柴ko落di河頂ｅ水聲，開始將水雞驚一下，走去vih；但是yin看柴ko浮di水面無振動，dor泅倚來，一點仔也m驚，gorh爬去柴ko頂坐。
無外久，水雞感覺柴ko憨憨呆呆ve振動，dor gorh派代表向天神求王。Zit遍，天神派鱔魚來做王。
但是鱔魚溫和善良，水雞感覺無威嚴，zit遍天神派水蛇。
水蛇做王，ga水雞一隻一隻食了了。
翁仔某爭餅（佛典“百喻經”）
有一對翁仔某，有三塊餅，yin各先食一塊，cun一塊。
Yin二人約束：“看誰人先開嘴講話，dor ve-sai食cunｅzit塊餅。”
Dor按呢，yin二人嘴攏合合無講話。
過一下仔，有一個賊仔入來，ga厝內值錢ｅ物件攏偷了了，因為約束在先，所以兩人攏無反應，無講話。
賊偷看著按呢，dor更加大膽，而且di查甫人ｅ面前，戲弄人ｅ某。某堪ve-diau dor叫出聲：“賊la！掠賊la！”
某看翁固執死死di hia，dor責備伊：“你zit個笨桶，為著一塊餅，竟然見賊ｍ掠，死柴頭！”
查甫人拍pok-a講：“哈！哈！非常之好，我定著會得著zit塊餅，你免想ａla！”
人人聽著zit個事件，無人無愛笑！
做穡人分鵝
有一個ga人bak田ｅ做穡人，yin兜已經無糧lo，dor veh去ga田主借糧穀。伊想講空手去ka無禮貌，dor ga厝內一隻鵝掠來tai，gorh ga烘烘leh，做伴手teh去送田主。
田主ga禮物收落來，向做穡人講：
“多謝你ｅ禮物，mgor阮兜有阮翁仔某二個、二個後生gah二個查某囝，你想我veh按怎分dann會公平？”
做穡人講：“我來替你分！”伊dor qiah刀仔ga鵝頭dok落來，對田主講：“你是一家之主，你是頭家，得鵝頭！”伊gorh ga鵝尾椎ｅ部份dok落來， ho頭家娘，對伊講：“你顧家，顧內頭，款東顧西，是厝內上好ｅ守護者，所以尾椎ｅ部份ho你！”
伊ga鵝ｅ腳分ho二個查甫qin-a，講：“Lin二個愛遵守老父ｅ腳步，伊ｅ辛苦攏是為著lin全家。”
伊ga鵝ｅ翅股分ho二個查某qin-a，講：“Lin二人，dor會飛離家庭嫁出去，所以翅股ho lin！Cunｅho我家己！”
田主聽著bak田人ｅ好言好語足歡喜，dor呵咾伊ｅ體貼，ho伊穀物gah一寡錢財。
另外一個ka富裕ｅ做穡人，聽著zit項消息，ma送五隻鵝veh來禮敬田主。
田主接會做穡人，多謝伊ｅ禮物，伊講：“阮兜有六個人，veh按怎分五隻鵝ka算公平？”
好額ｅ做穡人，想過來想過去，想足久，攏無撇步。
田主請散赤ｅ做穡人過來幫忙分鵝，伊掠取一隻鵝對田主yin翁仔某講：“Lin二個加上zit隻鵝，總數是三。”伊gorh另外掠取第二隻鵝對yin二個後生講：“Lin二個加上zit隻鵝，總數是三。”然後，伊gorh掠取第三隻鵝對田主ｅ二個查某囝講：“Lin二個加上zit隻鵝，總數ma是三。”
“Cunｅ二隻鵝加上我一個，總數ma是三，按呢分，上公平。”
田主笑haihai，ho伊真濟糧穀gah錢銀，然後ga hit個好額ｅ做穡人趕走。
精功ｅ查甫qin-a（Israel / 以色列）
有二間店相隔壁，一間是做油料ｅ，一間是做芳料ｅ。
有一個暗頭仔，油料ｅ頭家準備veh關門結帳ｅ時陣，做芳料ｅ老闆好玄dor ui木造ｅ壁孔，看著做油料ｅ頭家，du好deh點錢，“1、2、3……到165個金幣。”做芳料ｅ頭家心肝inn-a due著金幣ｅ數目起起浮浮。伊ma看著對方用一塊紅布ga金幣包ho好勢。
做芳料ｅ頭家，一時心中想貪，起一個惡念，dor走出去大街路頂，拚命大聲huah：
“街仔內有賊仔！有賊oh！賊仔偷teh我ｅ錢！”
警察聽著趕緊走過來看，gorh當下問伊：
“賊di dor位？”
“我ｍ知影ａ……，我用紅布ga金幣包起來了後，dor ganna做油料ｅ頭家有行腳到nia-nia，其他並無別人，我ｅ紅布包165個金幣﹗“做芳料ｅ頭家，講gah大心氣（kui3）喘。
警察di做油料ｅ店口觀察一下了後，dor入去店內，di店內ｅ一角，ciau出一包用紅布包leh ｅ金幣，內底有165個金幣。
油料ｅ頭家，對天詛咒，這是伊做生理趁ｅ錢，mgor無人veh相信，而且gorh ga伊掠起來關。
法官開始審理zit件案，mgor伊無法度判決。
市長對zit個案例有趣味，mgor伊ma無法度。伊無法度判斷什人deh講實在話，什人deh講白賊。歸城市ｅ人攏deh看zit場好戲，這已經捲入是非難斷ｅ羅生門現象。
有一工，市長di外口散步，du著一陣deh扮姑家伙ｅ qin-a。伊聽著其中一個qin-a做頭，指定別人講：
“咱來sng扮審判ｅ案件。阿明你做油料店ｅ頭家，阿雄你做芳料店ｅ老闆，我來做判官。”
市長緊去vih di大樹後，恬恬deh看yin ｅ表演。Qin-a去sak一粒大石頭過來，ho判官坐di石頭頂。二個事主過來伊ｅ面頭前。
阿明雄先講：“Zit 165個金幣是我做油料趁來ｅ錢銀﹗”
阿明接deh講：“M是，這是我ｅ錢。我親手算過ｅ錢，用我ｅ紅手巾包好好，kng di屜內，是你vih入來我ｅ房間，ga錢包偷出去ｅ。”
判官聽了，dor命令邊仔ｅ人：
“去捧一碗水來！”
“Veh創啥﹖”其他ｅ qin-a問。
“我veh ga金幣kng di水裡，若是水面浮出油汁，dor證明錢是油料商ｅ，因為伊ｅ手歸工攏deh vak油，伊ｅ錢ma會gor著油，若是無油彩，這dor說明錢m是伊ｅ。”
市長聽了dor ui樹後走出來，ga zit位扮演判官ｅqin-a攬一下，問伊ｅ名gah住所。
市長轉去了後，dor宣佈隔日veh宣判zit件拖sua無結果ｅ案件，而且講會有明白ｅ答案，這個消息真緊dor傳去四界，隔日真濟人來聽結果。
雙方事主講了個別ｅ事情，市長命令小使捧一碗水過來，伊ga紅布巾tau開，ga金幣一個一個ding-ding dong-dong倒入水中，水面馬上浮出一en油彩。
“Ho大家傳deh看zit碗水，看金幣是誰人ｅ？”市長交待。
“是油料商ｅ！是油料頭家ｅ！”眾人齊聲講。
錢還錢主，痟貪ｅ厝邊hong判坐監。
Dng歸城ｅ人攏呵咾市長ｅ精明gah腦力ｅ同時，市長ga扮判官ｅqin-a qiah guan guan講﹕ “M是我，m是我，是zit個精功ｅ查甫qin-a！是伊拆破做芳料ｅ騙子ｅ奸巧，是伊啟蒙我ho zit件懸疑案有清白ｅ審判，還油料店主一個公道，ma對眾人有所交待。”
張春凰 江永進 編譯
兩ka袋仔
傳說中，人出世ｅ時，攏揹兩ka袋仔，一ka揹頭前，de別人ｅ過錯，隨時看有；一ka揹後壁，de家己ｅ過失，esai免看。
水雞求王
河內ｅ水雞操煩無王，dor派代表去向天神求王。
天神知影水雞頭腦簡單，dim zit塊柴ko ho水雞做王。
柴ko落di河頂ｅ水聲，開始將水雞驚一下，走去vih；但是yin看柴ko浮di水面無振動，dor泅倚來，一點仔也m驚，gorh爬去柴ko頂坐。
無外久，水雞感覺柴ko憨憨呆呆ve振動，dor gorh派代表向天神求王。Zit遍，天神派鱔魚來做王。
但是鱔魚溫和善良，水雞感覺無威嚴，zit遍天神派水蛇。
水蛇做王，ga水雞一隻一隻食了了。
翁仔某爭餅（佛典“百喻經”）
有一對翁仔某，有三塊餅，yin各先食一塊，cun一塊。
Yin二人約束：“看誰人先開嘴講話，dor ve-sai食cunｅzit塊餅。”
Dor按呢，yin二人嘴攏合合無講話。
過一下仔，有一個賊仔入來，ga厝內值錢ｅ物件攏偷了了，因為約束在先，所以兩人攏無反應，無講話。
賊偷看著按呢，dor更加大膽，而且di查甫人ｅ面前，戲弄人ｅ某。某堪ve-diau dor叫出聲：“賊la！掠賊la！”
某看翁固執死死di hia，dor責備伊：“你zit個笨桶，為著一塊餅，竟然見賊ｍ掠，死柴頭！”
查甫人拍pok-a講：“哈！哈！非常之好，我定著會得著zit塊餅，你免想ａla！”
人人聽著zit個事件，無人無愛笑！
做穡人分鵝
有一個ga人bak田ｅ做穡人，yin兜已經無糧lo，dor veh去ga田主借糧穀。伊想講空手去ka無禮貌，dor ga厝內一隻鵝掠來tai，gorh ga烘烘leh，做伴手teh去送田主。
田主ga禮物收落來，向做穡人講：
“多謝你ｅ禮物，mgor阮兜有阮翁仔某二個、二個後生gah二個查某囝，你想我veh按怎分dann會公平？”
做穡人講：“我來替你分！”伊dor qiah刀仔ga鵝頭dok落來，對田主講：“你是一家之主，你是頭家，得鵝頭！”伊gorh ga鵝尾椎ｅ部份dok落來， ho頭家娘，對伊講：“你顧家，顧內頭，款東顧西，是厝內上好ｅ守護者，所以尾椎ｅ部份ho你！”
伊ga鵝ｅ腳分ho二個查甫qin-a，講：“Lin二個愛遵守老父ｅ腳步，伊ｅ辛苦攏是為著lin全家。”
伊ga鵝ｅ翅股分ho二個查某qin-a，講：“Lin二人，dor會飛離家庭嫁出去，所以翅股ho lin！Cunｅho我家己！”
田主聽著bak田人ｅ好言好語足歡喜，dor呵咾伊ｅ體貼，ho伊穀物gah一寡錢財。
另外一個ka富裕ｅ做穡人，聽著zit項消息，ma送五隻鵝veh來禮敬田主。
田主接會做穡人，多謝伊ｅ禮物，伊講：“阮兜有六個人，veh按怎分五隻鵝ka算公平？”
好額ｅ做穡人，想過來想過去，想足久，攏無撇步。
田主請散赤ｅ做穡人過來幫忙分鵝，伊掠取一隻鵝對田主yin翁仔某講：“Lin二個加上zit隻鵝，總數是三。”伊gorh另外掠取第二隻鵝對yin二個後生講：“Lin二個加上zit隻鵝，總數是三。”然後，伊gorh掠取第三隻鵝對田主ｅ二個查某囝講：“Lin二個加上zit隻鵝，總數ma是三。”
“Cunｅ二隻鵝加上我一個，總數ma是三，按呢分，上公平。”
田主笑haihai，ho伊真濟糧穀gah錢銀，然後ga hit個好額ｅ做穡人趕走。
精功ｅ查甫qin-a（Israel / 以色列）
有二間店相隔壁，一間是做油料ｅ，一間是做芳料ｅ。
有一個暗頭仔，油料ｅ頭家準備veh關門結帳ｅ時陣，做芳料ｅ老闆好玄dor ui木造ｅ壁孔，看著做油料ｅ頭家，du好deh點錢，“1、2、3……到165個金幣。”做芳料ｅ頭家心肝inn-a due著金幣ｅ數目起起浮浮。伊ma看著對方用一塊紅布ga金幣包ho好勢。
做芳料ｅ頭家，一時心中想貪，起一個惡念，dor走出去大街路頂，拚命大聲huah：
“街仔內有賊仔！有賊oh！賊仔偷teh我ｅ錢！”
警察聽著趕緊走過來看，gorh當下問伊：
“賊di dor位？”
“我ｍ知影ａ……，我用紅布ga金幣包起來了後，dor ganna做油料ｅ頭家有行腳到nia-nia，其他並無別人，我ｅ紅布包165個金幣﹗“做芳料ｅ頭家，講gah大心氣（kui3）喘。
警察di做油料ｅ店口觀察一下了後，dor入去店內，di店內ｅ一角，ciau出一包用紅布包leh ｅ金幣，內底有165個金幣。
油料ｅ頭家，對天詛咒，這是伊做生理趁ｅ錢，mgor無人veh相信，而且gorh ga伊掠起來關。
法官開始審理zit件案，mgor伊無法度判決。
市長對zit個案例有趣味，mgor伊ma無法度。伊無法度判斷什人deh講實在話，什人deh講白賊。歸城市ｅ人攏deh看zit場好戲，這已經捲入是非難斷ｅ羅生門現象。
有一工，市長di外口散步，du著一陣deh扮姑家伙ｅ qin-a。伊聽著其中一個qin-a做頭，指定別人講：
“咱來sng扮審判ｅ案件。阿明你做油料店ｅ頭家，阿雄你做芳料店ｅ老闆，我來做判官。”
市長緊去vih di大樹後，恬恬deh看yin ｅ表演。Qin-a去sak一粒大石頭過來，ho判官坐di石頭頂。二個事主過來伊ｅ面頭前。
阿明雄先講：“Zit 165個金幣是我做油料趁來ｅ錢銀﹗”
阿明接deh講：“M是，這是我ｅ錢。我親手算過ｅ錢，用我ｅ紅手巾包好好，kng di屜內，是你vih入來我ｅ房間，ga錢包偷出去ｅ。”
判官聽了，dor命令邊仔ｅ人：
“去捧一碗水來！”
“Veh創啥﹖”其他ｅ qin-a問。
“我veh ga金幣kng di水裡，若是水面浮出油汁，dor證明錢是油料商ｅ，因為伊ｅ手歸工攏deh vak油，伊ｅ錢ma會gor著油，若是無油彩，這dor說明錢m是伊ｅ。”
市長聽了dor ui樹後走出來，ga zit位扮演判官ｅqin-a攬一下，問伊ｅ名gah住所。
市長轉去了後，dor宣佈隔日veh宣判zit件拖sua無結果ｅ案件，而且講會有明白ｅ答案，這個消息真緊dor傳去四界，隔日真濟人來聽結果。
雙方事主講了個別ｅ事情，市長命令小使捧一碗水過來，伊ga紅布巾tau開，ga金幣一個一個ding-ding dong-dong倒入水中，水面馬上浮出一en油彩。
“Ho大家傳deh看zit碗水，看金幣是誰人ｅ？”市長交待。
“是油料商ｅ！是油料頭家ｅ！”眾人齊聲講。
錢還錢主，痟貪ｅ厝邊hong判坐監。
Dng歸城ｅ人攏呵咾市長ｅ精明gah腦力ｅ同時，市長ga扮判官ｅqin-a qiah guan guan講﹕ “M是我，m是我，是zit個精功ｅ查甫qin-a！是伊拆破做芳料ｅ騙子ｅ奸巧，是伊啟蒙我ho zit件懸疑案有清白ｅ審判，還油料店主一個公道，ma對眾人有所交待。”
全站熱搜
留言列表
