台語使用觀點 羅宜芳

我還記得老師發e書內底 攏有 老師ga江永進老師 di書頭e介紹, 以前我ma修過江老師e統計課, 會記得伊是zit個足愛講台語e人,看e出來,老師lin為台文翻譯gah台語傳承e貢獻gah奔走,花費了足濟心血deh顧台灣人 e文化。
細漢di高雄,足濟人攏會講台語,屏東來高雄讀冊e朋友更ven 講,清采一兩句dor嚇死一堆都市人,來到新竹讀冊後 顛倒發現講台語e人愈來愈少, 真濟台北來讀冊e qin-a是完全聽無,ho人會思考,是台語zit個母語 bheh斷了嗎? iah是大家gah家己eqin-a攏無願意學習?
Zit個現象是個警訊,bheh ho大家知影母語文化e重要,a閱讀台文翻譯文學gah傳記, 提升了我對台文轉換e能力, 以前看著一寡困難e生字 總是講ve出來, 藉由冊中e幫助,ho我知影有寡新e表達方式gah講法,真正有趣。
以後,我將進入金融界工作,ma會dng去高雄e厝,我會認真ga台語看成一回事,對待當地e人民用親切e態度ga yin講解介紹,若按呢, 台語對我來講 是 一件值得驕傲e代誌, m是一直deh逃避a。
創作者介紹

daiqi007

daiqi007 發表在 痞客邦 PIXNET 留言(0) 人氣()